Wednesday, April 20, 2011

အေဘီဘီအေ မြန်မာနှစ်သစ်ကူး ဆုတောင်းမေတ္တာပို့သပွဲ

နယူးယောက်မြို့၊ အမေရိကန် မြန်မာ ဗုဒ္ဓဘာသာအသင်း၏ ၁၃၇၃ ခုနှစ် မြန်မာနှစ်သစ်ကူး ဆုတောင်းမေတ္တပို့သပွဲတော်ကို လောကချမ်းသာဘုရားကျောင်းတွင် ၂၀၁၁ ခုနှစ် ဧပြီလ ၁၀-ရက် တနင်္ဂနွေနေ့၌ ကျင်းပ၏။

နံနက် ၁၀ နာရီခွဲတွင် မြတ်စွာဘုရားရှင်အား ပန်း၊ ရေချမ်း၊ ဆီမီး၊ နေ့ဆွမ်းတို့ဖြင့် ဆက်ကပ် လှူဒါန်း ပူဇော်ကြ၏။

နံနက် ၁၁ နာရီတွင် သံဃာတော်များအား နေ့ဆွမ်းဆက်ကပ် လှူဒါန်းကြပြီး၊ ကြွရောက်လာကြသော ဧည့်ပရိသတ်များအား အလှူရှင် ဒေါက်တာဟွန်ဆမ်ဒေါ်ခင်စီလီးနှင့် ထရီစာမတင်စိန်လီးတို့က နန်းကြီးသုတ်၊ မြန်မာမုန့်များဖြင့် ဧည့်ခံ ကျွေးမွေးကြ၏။

မွန်းလွဲ ၁ နာရီတွင် သံဃာတော်များက ပရိတ်တရားတော်များ ရွတ်ဖတ်ခြင်း၊ သံဃာတော်များ ဦးဆောင်ပြီး ပရိသတ်အားလုံး မေတ္တာပို့သခြင်း ပြုလုပ်ကြ၏။

ထိုနောက် လောကချမ်းသာဆရာတော်က အနုမောဒနာတရား ဟောကြား ချီးမြှင့်ပြီး၊ ဘော်စတွန်ဆရာတော် ဦးအဘယာလင်္ကာရက ရေစက်ချအခမ်းအနားကို ပြုလုပ် ဆောင်ရွက်ပေး၏။

















အေးစေကြောင်းတဲ့ အတာရေ
 

No comments: