Saturday, February 14, 2009

ဦးဟန်ကြူ (၁၉၃၃-၂၀၀၇)၂ နှစ်ပြည့် အမှတ်တရ


++++++++++++++++++++++++++++++++++++++++++++++++++
အမေရိကန် မြန်မာ ဗုဒ္ဓဘာသာအသင်း ဥက္ကဌ (၁၉၈၁-၂၀၀၇)
သိရီသုဓမ္မမဏိဇောတဓရ-မြန်မာနိုင်ငံ (၂၀၀၂)
ဂုဏ်ထူးဆောင်၊ အာရှနှင့် ပစ္စဖိတ်ဒေသနွယ်ဖွား နယူးယောက် မြို့တော်သားများ (၂၀၀၃)
++++++++++++++++++++++++++++++++++++++++++++++++++

သင်သေသွားသော်

လူ့ပြည်လောက
လူ့ဘဝကား
အိုရနာရ
သေရဦးမည်
မှန်ပေသည်တည့်။

သို့တပြီးကား
သင်သေသွားသော်
သင်ဖွားသောမြေ
သင်တို့မြေသည်
အခြေတိုးမြင့်
ကျန်ကောင်းသင့်၏။

သင်၏မျိုးသား
စာစကားလည်း
ကြီးပွားတက်မြင့်
ကျန်ကောင်းသင့်၏။

သင်ဦးချ၍
အမျှဝေရာ
စေတီသာနှင့်
သစ္စာအရောင်
ဉာဏ်တန်ဆောင်လည်း
ပြောင်လျက် ဝင်းလျက် ကျန်စေသတည်း။

ဇော်ဂျီ

+++++

မြန်မာပြည်ဖွား ဦးဟန်ကြူ

အထက်ပါ ကဗျာကလေးကို နေအိမ်စာဖတ်ခန်းရှိ တရားစာအုပ်တစ်အုပ်၏ အဖွင့်၌ တွေ့မြင်လိုက်၏။
တက္ကသိုလ်ကျောင်းသားဘဝ ၁၉၆၅-၆၆ ခုနှစ်လောက်ကတည်းက တက္ကသိုလ်များဗဟိုစာကြည့်တိုက်တွင် ရေပန်းစားခဲ့ဖူးသည်ကိုလည်း ပြန်လည်၍ အမှတ်ရလိုက်၏။
လူမျိုး၊ ဘာသာ၊ သာသနာ၊ အမျိုးသားရေး၊ လူမှုရေး ရသပေါင်းစုံကို ခံစားလိုက်ရသည့် ကဗျာကလေး ဖြစ်ပါသည်။

အေဘီဘီအေအသင်း၏ အတွင်းရေးမှူး ဦးစောဝင်း ရေးသားထားသော ဥက္ကကြီး ဦးဟန်ကြူအတွက် နှစ်ပတ်လည် စာတမ်းကို ပူပူနွေးနွေး ဖတ်ထားပြီးစလည်း ဖြစ်ခြင်းကြောင့် ဆရာကြီး ဦးသိန်းဟန် (ဇော်ဂျီ)နှင့် ဦးဟန်ကြူ နှစ်ဦးတို့၏ ဘဝများက အားပြိုင်ကာ အတွေးများ ဝင်လာတော့၏။
ထိုသူနှစ်ဦး၌ တူညီကြသော စိတ်ဆန္ဒများ ကိန်းဝပ်နေကြသည်ဟု သဘောပေါက်လိုက်၏။

ဆရာကြီး ဇော်ဂျီ၏ ကဗျာကလေးနှင့် ဦးဟန်ကြူ၏ ၂၀၀၆ ခုနှစ် အေဘီဘီအေအသင်း ငွေရတုသဘင် အခမ်းအနား၌ ပြောကြားခဲ့သော မိန့်ခွန်းပါ - “ဗုဒ္ဓသာသနာ နေလိုလလို ထွန်းလင်းပြန့်ပွား အရှည်တည်တံ့ဖို့ ဆရာတော် သံဃာတော်များရဲ့ ဦးဆောင် လမ်းညွှန်မှုအောက်မှာ ဓမ္မမိတ်ဆွေများနဲ့ ကျွန်တော်တို့တတွေ ခုလို ဘုရားပုထိုး၊ သိမ်ကျောင်း၊ တန်ဆောင်းစတဲ့ သာသနာ့အဆောက်အအုံများကို အုတ်မြစ်ချ တည်ဆောက်နေကြခြင်းဟာ ကျွန်တော်တို့ရဲ့ သားစဉ်မြေးဆက်တွေအတွက် သာသနာရေးနဲ့ ယဉ်ကျေးမှုဆိုင်ရာ အမွေအနှစ်တွေကို လက်ဆင့်ကမ်းပေးသွားရမယ့် တာဝန်ကို ထမ်းဆောင်နေကြခြင်းပဲ ဖြစ်ပါတယ်” ဟူသော အချက်တို့က တူညီသော စိတ်ဆန္ဒ စေတနာမွန်များကို ဖော်ညွှန်း၍ နေပါသည်။

ဆရာကြီး ဦးသိန်းဟန်သည် ၁၉၁၀ ခုနှစ်၌ ဖျာပုံမြို့နယ်တွင် မွေးဖွားခဲ့၏။ မဟာဝိဇ္ဇာဘွဲ့၊ စာကြည့်တိုက်ပညာသင်များ ရရှိခဲ့ပြီး၊ ၁၉၄၁ ခုနှစ်မှ စ၍ ၁၉၆၇ ခုနှစ်အထိ တက္ကသိုလ်များစာကြည့်တိုက်မှူး၊ ဂုဏ်ထူးဆောင် မြန်မာစာပါမောက္ခ၊ နိုင်ငံသမိုင်းသုတေသနဦးစီးဌာနအကြံပေး၊ ပညာရေးမှူး အရာရှိ၊ ကျောင်းသုံးစာအုပ်ထုတ်ဝေရေးကော်မတီ၊ သုတေသနအသင်းဥက္ကဌ၊ ဌာနစုံ ဘက်စုံတို့မှ နေ၍ တိုင်းပြည်အတွက် လူမျိုး ဘာသာ သာသနာ စာပေ ယဉ်ကျေးမှုတို့ကို ထိန်းသိမ်း ပျံ့နှံ့စေခဲ့ပါသည်။ ထိုအမျိုးသားဂုဏ်ကြောင့် ဝဏ္ဏကျော်ထင်ဘွဲ့၊ သီရိပျံချီဘွဲ့များကိုလည်း ဆွတ်ခူးခဲ့၏။ ဆရာကြီးသည် ၁၉၉၀ ခုနှစ် အသက် ၈၀ တွင် ကွယ်လွန်သွားခဲ့သော်လည်း ကဗျာကလေးကမူ ဘယ်တော့မှ မသေ၊ ရသပေါင်းစုံဖြင့် ထာဝရ အသက်ရှင်သန်လျက် နေချေပြီ။

အေဘီဘီအေဥက္ကကြီး ဦးဟန်ကြူသည် ၁၉၃၃ ခုနှစ် ဇူလိုင်လ ၆ ရက်နေ့တွင် မြိတ်မြို့၌ ဖွားမြင်ခဲ့၏။ ရိုးသား၏။ ကြိုးစား၏။ ပွင့်လင်း၏။ အားထုတ် ဆောင်ရွက်လေ့ရှိ၏။ ထို့ကြောင့် သူ့ဘဝတလျှောက်၌ ‘ငုတ်မိသဲတိုင်၊ တက်နိုင်ဖျားရောက်’ အတက်နှင့်သာ အောင်မြင်သွားရတော့၏။

မြန်မာပြည်တွင် နေထိုင်ခဲ့စဉ်က ရန်ကုန်မြို့ တောင်ဥက္ကလာပရှိ ဒန်အိုးစက်ရုံ ပိုင်ရှင်အဖြစ် စီးပွားရေး အောင်မြင်ခဲ့သလို၊ နယူးယောက်မြို့တွင်လည်း မန္တလေးတို့ဟူး အလုပ်ပိုင်ရှင်အဖြစ် အောင်မြင်မှု တောက်လျှောက် ရရှိခဲ့ပြန်၏။

လောကချမ်းသာဘုရားကျောင်း ပဓာနနာယက ဆရာတော် အရှင်ဣန္ဒက,က “ဦးဟန်ကြူ၏ ဖီလိုဆိုဖီမှာ ကြီးပွားချင်ရင် ငွေနောက်ကို မလိုက်နဲ့၊ အလုပ်နောက်ကိုသာ လိုက်ပါ။ အလုပ် ကြိုးစားလုပ်၊ ဇွဲရှိရှိနဲ့ စွဲစွဲမြဲမြဲလုပ်။ ငွေကို လက်ဖျောက်တီး ခေါ်လို့ ရတယ်။ အလုပ်ကို ကောင်းကောင်း မလုပ်ဘဲ ငွေနောက် လိုက်နေရင်တော့ မောရုံပဲ ရှိမယ်လို့ အကြံပေးလေ့ရှိတယ်” ဟူ၍ မှတ်တမ်းတင် ရေးသားထားတော်မူခဲ့၏။

‘ဒါန’သည် စီးပွားဥစ္စာ ချမ်းသာရေး၊
‘သီလ’သည် အသက် ကျန်းမာရေး ဟူသည့် အကျိုးတရားများကိုလည်း ဦးဟန်ကြူသည် အပြည့်အဝ ခံစားနိုင်စွမ်း ရှိခဲ့၏။
သားသမီးများကို ဖခင်ဝတ္တရား ကျေပွန်စွာ ပညာရေး၊ စီးပွားရေး၊ ဘာသာ သာသနာရေး၊ ယဉ်ကျေးမှု ဘက်စုံ ဖြည့်ဆည်းပေးခဲ့ရုံမျှမက လောကုတ္တရာ အကျိုးစီးပွားအတွက်ကိုလည်း အေဘီဘီအေ အမှုဆောင်များနှင့် ဗုဒ္ဓဘာသာဝင် သူတော်စင်အပေါင်းတို့အတွက်ကိုပါ သားစဉ်မြေးဆက် ထိန်းသိမ်းသွားကြရမည့် ဘာသာ သာသနာမျိုးစေ့များကို လူအား ငွေအား စိုက်ထုတ်လျက် မျိုးဆက် ရှက်သန်စေခဲ့ပြန်ပါသည်။

၎င်းအချက်တို့မှာ -

+ အေဘီဘီအေအသင်းကို ၁၉၇၉ ခုနှစ်၌ ဒါရိုက်တာလူကြီး ၅ ဦးတို့ဖြင့် စတင် တည်ထောင်ကာ နယူးယောက်နယ်မြေရှိ မြန်မာနိုင်ငံဖွားများအတွက် လူမျိုး ဘာသာ သာသနာ မျိုးဆက်တို့ကို စတင် ချမှတ်ခဲ့ပါတယ်။

+ ၁၉၈၁ ခုနှစ် သြဂုတ်လ ၂၁ ရက်မှ ၂၀၀၇ ခုနှစ် ဖေဖော်ဝါရီလ ၁၄ ရက် ကွယ်လွန်သည့်တိုင် အေဘီဘီအေအသင်း ဥက္ကဌအဖြစ် ဆောင်ရွက်သွားခဲ့၏။

+ ၁၉၉၁ ခုနှစ် စက်တင်ဘာလ ၁ ရက်နေ့၌ ယခု လောကချမ်းသာကျောင်း အဆောက်အဦကို ဦးဟန်ကြူမိသားစုမှ ‘ဗုဒ္ဓသာသနံ စိရံ တိဋ္ဌတု’ အောင်ပွဲခံကာ မတည်ပြီး ဘုရားကျောင်းတကာ တကာမများအဖြစ် လှူဒါန်းလျက် သာသနာ့သမိုင်း မှတ်ကျောက်တင်ထားခဲ့ပါတယ်။

+ ၁၉၉၅ ခုနှစ် ဇန်နဝါရီလတွင် နယူးဂျာစီပြည်နယ်၊ မနာလပန်၌ အကျယ် ၅ ဧကခန့်ရှိ မြေကွကို အသင်းဥက္ကဌအနေဖြင့် ဦးဆောင်ကာ သာသနာ့မျိုးစေ့ စိုက်ပျိုးနိုင်ရေးအတွက် ဝယ်ယူခဲ့၏။

+ မြေကွက်ဝယ်ယူပြီးသည်နှင့် သတိပဋ္ဌာန်ရိပ်သာ တည်ဆောက်ရေး၊ လောကချမ်းသာစေတီတော် တည်ထား ကိုးကွယ်ရေးတို့ကို စတင် အကောင်အထည်ဖော်နိုင်ရန် မနေမနား ဦးဆောင် ကြိုးပမ်းခဲ့ပြန်၏။

+ ၂၀၀၆ ခုနှစ် ဧပြီလ ၃၀ ရက်နေ့တွင် လောကချမ်းသာစေတီတော် ပထမအဆင့် ဌာပနာထည့်သွင်းပူဇော်ပွဲကို လောကချမ်းသာ ဆရာတော်များနှင့် ၎င်း၏ ဦးဆောင်မှုဖြင့် ကျင်းပခဲ့၏။

+ ၂၀၀၆ ခုနှစ် စက်တင်ဘာလ ၁၇ ရက်နေ့တွင် လောကချမ်းသာစေတီတော် ဒုတိယအဆင့် ဌာပနာထည့်သွင်းပူဇော်ပွဲကို လောကချမ်းသာ ဆရာတော်များနှင့် ၎င်း၏ ဦးဆောင်မှုဖြင့် ကျင်းပခဲ့၏။

+ ၂၀၀၇ ခုနှစ် မေလ ၂၇ ရက်နေ့တွင် လောကချမ်းသာစေတီတော်ကြီး ထီးတော်တင်ပွဲ ကျင်းပသောအခါတွင်မူ ဆရာဇော်ဂျီ၏ “သင်သေသွားသော်” ကဗျာကလေးတွင် ဖော်ညွှန်းထားသော ...

သင်ဦးချ၍
အမျှဝေရာ
စေတီသာနှင့်
သစ္စာအရောင်
ဉာဏ်တန်ဆောင်လည်း
ပြောင်လျက် ဝင်းလျက် ကျန်စေသတည်း .. ဟူသည့် အဓိဋ္ဌာန်သည် အေဘီဘီအေအသင်း ဥက္ကကြီး ဦးဟန်ကြူ၏ ဆန္ဒမွန်ကို အောင်မြင် ပြည့်ဝသွားစေခဲ့ပါသည်။

ဦးဟန်ကြူသည် ဘာသာ သာသနာကြီးကို အထက်ပါအတိုင်း ဦးဆောင်ကာ ထမ်းဆောင်သွားရုံမက မိမိ၏ လောကီ လောကုတ္တရာ နှစ်ဖြာသော ဘဝများအတွက် သက်လုံကောင်းအောင်လည်း ဆောင်ရွက်သွားခဲ့သေး၏။

မြန်မာပြည်တွင် ဆေးရုံ ဆေးခန်းများ၊ ပရဟိတကျောင်းများ၊ မူလတန်းကျောင်းများအတွက် လှူဒါန်းခဲ့သည်မှာလည်း မရေမတွက်နိုင်။
ရေအခက်အခဲရှိသည့် မူလတန်းကျောင်းများ၊ အရပ်ဒေသများအတွက်လည်း အဝီစိတွင်း ၂၀ ကျော်အတွက် တူးဖော်စေပြီး လှူဒါန်းခဲ့သော ရေအကျိုး ၁၀ ပါး ကုသိုလ်များလည်း ရယူသွားခဲ့၏။

၁၉၈၀ ပြည့်နှစ် နောက်ပိုင်း၌ မြန်မာလူမျိုးများ နယူးယောက်မြို့သို့ တစတစ ရောက်လာကြစဉ် ၁၉၉၁-၉၂ ခုနှစ်များတိုင်အောင် အလုပ်အကိုင်များ ရှားပါးသည့် ကာလ ဖြစ်၏။
ထိုအခက်အခဲများကို ဦးဟန်ကြူသည် အကူအညီလာတောင်းသူများကို စားဝတ်နေရေး အဆင်ပြေအောင် အမြဲ ကူညီလေ့ရှိ၏။
‘နိုး’ဟု မငြင်းလွှတ်ရက်။ ‘ရက်စ်’ဟုသာ ပြောလေ့ရှိသောကြောင့် ဆရာတော်ဦးဣန္ဒက,က ‘Mr. Yes-Man’ဟုပင် နောက်လေ့ ရှိတော်မူ၏။
ထို့ကြောင့်ပင် ၂၀၀၂ ခုနှစ်၌ “သိရီသုဓမ္မမဏိဇောတဓရ”ဘွဲ့ကို ရရှိခဲ့ပါသည်။

အဆိုပါ အချက်များသည် မြန်မာပြည်ဖွား မြန်မာပြည်သားကြီး ဦးဟန်ကြူ၏ လူမျိုး ဘာသာ သာသနာနှင့် ယဉ်ကျေးမှုများအတွက် လုပ်ဆောင်ချက်များ၊ လောကီ လောကုတ္တရာ နှစ်ဖြာသော ဘဝသံသရာအတွက် အာမခံရယူသွားခဲ့ခြင်းများ ဖြစ်ပါသည်။
တနည်းအားဖြင့် မသေခင် ယခုဘဝ၌ အမြဲတစေ ကုသိုလ်များ ပြုလုပ်သွားခဲ့သော အာစိဏ္ဏကံ-အမြဲလေ့ကျင့်ပြုလုပ်အပ်သော ကံများပင် မဟုတ်ပါလော။

အမေရိကန်သားကြီး ဦးဟန်ကြူ

ဦးဟန်ကြူသည် အမေရိကန်တွင် တတိယအရွယ် သက်တမ်းကာလကို အပြည့် နေထိုင်သွားခဲ့သည်ဟု ဆိုရပေမည်။

အမေရိကန်သားတို့၏ တတိယအရွယ်ကို ကျွန်တော်သည် Nursing Home နှင့် ၁၉၉၃ ခုနှစ်မှ ၂၀၀၃ ခုနှစ်တိုင် အဖိုးအဖွားများနှင့် မိသားစုလို နေထိုင်ပြုစုလျက် ၎င်းတို့၏ ဘဝကို အတွင်းကျကျ လေ့လာခဲ့ပါသည်။
သူတို့က ဒီဘဝ ကောင်းအောင်နေ၊ အပြစ်တွေ လုပ်ခဲ့မိရင် ဘုရားသခင်ထံ ဝန်ခံ၍ ဆေးကြော၊ ဘုရားသခင်ကို ယုံကြည်အားထား တိုင်တည်ပါက နိဗ္ဗာန်သို့ ရောက်ကြမယ်။ မကောင်းမှု အပြစ်များ ပြုလုပ် ကျူးလွန်ကြသူတို့မှာ ငရဲသို့ ရောက်ကြမည် ဟူ၍ ယေဘုယျ ယုံကြည်ထားကြ၏။

တခါတလေ သေဆုံးသွားသူ၏ မိသားစုများကို အဖိုးအဖွား ဆုံးသွားသည့်အတွက် စိတ်မကောင်း ဖြစ်မိကြောင်း ပြောစဉ် ၎င်းတို့က “ဘာမှ စိတ်မကောင်းဖြစ်စရာ မလိုပါဘူး၊ သူဟာ ဘုရားသခင်နဲ့ အတူတကွ ကောင်းကင်ဘုံဗိမာန် ‘နိဗ္ဗာန်ဘုံ’တွင် ငြိမ်းအေး၍ နေပါပြီ”ဟု ဖြေကြားကြ၏။
ဆိုလိုသည်မှာ ထိုအမေရိကန်လူမျိုးများ၏ ဘဝသည် မသေခင်ရော သေပြီးနောက်ပိုင်းပါ ငြိမ်းချမ်း၏။ အာမခံချက် ရှိ၏။ သေဆုံးသွားသောသူများအတွက် အသုဘအခမ်းအနားများကို တက်ရောက်ရာ၌လည်း မင်္ဂလာဆောင် အခမ်းအနားများကဲ့သို့ပင် သားသားနားနား ဝတ်ဆင်ရင်း သွားလေသူအတွက် ဂုဏ်ယူသလို ဖြစ်နေ၏။ သံဝေဂဟူသည် မရှိ။ ငါ့အလှည့်ကို ကျေကျေနပ်နပ် စောင့်နေသည့်အသွင် ပေါက်နေပါသည်။

ဒုက္ခကို သုခ၊ အနိစ္စကို နိစ္စ၊ အနတ္တကို အတ္တ ဟူ၍ ခံယူထားကြခြင်း ဖြစ်ပါသည်။

ထို့ကြောင့် သူတို့က စားဝတ်နေရေး၊ ဘဝရပ်တည်ရေး အားလုံးတို့၌ အတ္တကိုသာ ရှေ့တန်းတင်ထားကြ၏။ ဘဝကို အစုန်ခရီးဖြင့်သာ လျှောက်လှမ်းကြ၏။ အဆန်ခရီး မဟုတ်ခြင်းကြောင့် ရုပ်ကိုသာ ဦးစားပေး ရှေ့တန်းတင်ထား၏။

နမူနာအဖြစ် Mrs. Marjory Green ဟူသော အဖွား သို့မဟုတ် တချိန်က ဘရော့ဒ်ဝေးပြဇာတ်ရုံ မန်နေဂျာ၊ အဆိုအက မင်းသမီးကြီးတစ်ယောက် အကြောင်းကို ပြောပြလိုပါသည်။

ခင်ပွန်းသည်က နာမည်ကျော် ရှေ့နေကြီး၊ သားကလည်း ရှေ့နေဆိုသော်လည်း ရှေ့နေအလုပ်ကို မလုပ်ကြ။ အောင်မြင်ကျော်ကြားနေသော စီးပွားရေးသမားကြီး ဖြစ်၏။ ပြည်နယ် သုံးလေးခုနှင့် ဂျပန်၊ အင်္ဂလန်၊ ပြင်သစ်၊ မက္ကဆီကိုနိုင်ငံတို့တွင် လုပ်ငန်းခွဲများ ရှိ၏။ မိခင်ကြီး အိုပြီဖြစ်သဖြင့် နေအိမ်တွင် စိတ်မချခြင်းကြောင့် သိကျွမ်းနေသာ Nursing Home ပိုင်ရှင်က ခေါ်လာထားခြင်း ဖြစ်ပါသည်။

မအေတစ်ခု သားတစ်ခု ဖြစ်၍ ရောက်ရာ တိုင်းပြည်ကနေပြီး ဖုန်းဆက် စကားပြော၏။
မိခင်ကို တစ်လ နှစ်လလောက်မှ တစ်ခါ လာတွေ့၏။ အပြင် စားသောက်ဆိုင်များတွင် သားအမိနှစ်ယောက် ထွက်စားသောက်ကာ နှုတ်ဆက်ပြီး ပြန်သွား၏။ မိခင်ကို ကိုယ်ထိလက်ရောက် ပြုစုဖို့ အခွင့် မပေးနိုင်။

အဖွား၏ ဘဝတွင် မရှိဆိုသည်ကို သိပ်မကြားရလှ။ ရုပ်ဝတ္ထုအားလုံး ပြည့်စုံ၏။ နေ့စဉ် လက်ဝတ်လက်စားနှင့် အဝတ်အထည်တို့ကို မရိုးအောင် ဝတ်စား ဆင်ယင်၏။
အဝတ်အစားများ အားလုံးကလည်း အဖိုးတန်များသာ ဖြစ်၏။

မိမိအထပ်တွင် နံနက်စာ စားပြီးသည်နှင့် ပထမအထပ်ကို ဆင်းတော့၏။ လူမှုရေးဆိုင်ရာ ပွဲများ၊ သီချင်းဂီတဖျော်ဖြေရေးများနှင့်သာ ပျော်မွေ့နေလေ့ ရှိ၏။ နံနက်စာ နေ့လယ်စာ သွားမစားမီ ဝိုင်နှစ်ခွက် သုံးခွက် သောက်ပြီးမှ စားလေ့ ရှိ၏။

အဖွားက ကျွန်တော့်ကို “အဲဒီလို မိမိကိုယ်မိမိ ပြုပြင်ခြယ်သနေမှ မအိုတော့တာ”ဟု ပြောလေ့ ရှိ၏။
ထိုအတွေးအခေါ်က သူ့အတွက် မှန်ကန်သည်ဟု ဆိုရပေမည်။
သူ ဘယ်တော့မှ နေမကောင်းတာ မရှိ။ ကျန်းမာနေ၏။ ယေဘုယျအားဖြင့် ကိုယ်နု စိတ်ပြိုနေ၏။
ရုပ်က ရှေ့တန်းရောက်နေခြင်းကြောင့် စိတ်ပျို ကိုယ်နုတော့ မဖြစ်နိုင်။
ထို့ကြောင့် စိတ်က ရင့်ကျက်သင့်သလောက် မရင့်ကျက်၊ နုနယ်၏။
ဒုက္ခတည်းဟူသော လောကဓံကို မခံနိုင်။
တစ်နှစ်ကျော်သာ ကြာလိုက်၏။
ကြမ္မာဆိုး ဝင်လာချေပြီ။

တစ်နေ့တွင် အဖွား လဲကျကာ တင်ပဆုံရိုး ကျိုးသွား၏။ Wheel Chair ပေါ်တွင်သာ ထိုင်နေရတော့၏။ မိမိ၏ ခန္ဓာဝန်ကို မိမိသာ ဆောင်ရွက်ပြီး သွားလာ စားသောက်နေရသည့် ပတ်ဝန်းကျင်က လုံးဝ ပြောင်းလဲ ရိုးသွားပေပြီ။ မိမိ၏ အထပ်၌ပင် အနိစ္စ ဒုက္ခတရားများကို မချိမဆန့် ခံစားနေရသော Total Care, Hospic Care များနှင့်သာ အတူနေရ၏။

ထိုအချိန်မှ စ၍ ဒုက္ခကို မိမိကိုယ်တိုင် တွေ့မြင် ခံစားရတော့၏။
သို့သော် ဒုက္ခကို မရင်ဆိုင်တတ်။
ထို့ကြောင့် ဘဝကို အဆိုးဟုသာ မြင်တော့၏။
ရုပ်ခန္ဓာနှင့် စိတ်ဝေဒနာတို့ကို သေဆုံးခြင်းနှင့်သာ လဲလှယ်လိုတော့၏။
အစုန်ခရီးသွားသူတို့အတွက် ဘဝကို လက်မြှောက် အဆုံးပေးလိုက်ခြင်း ဖြစ်၏။
သုံးလေးလအကြာ၌ အစာဆုတ်ယုတ်၍ သေဆုံးသွားခဲ့၏။

ထိုသို့သော သူများကို ဗုဒ္ဓဘာသာတရားတော် ‘ဝိပလ္လာသတရား’အားဖြင့် အယူမှားယွင်းခြင်းများကြောင့် မိမိကိုယ်မိမိ အထင်ကြီးခြင်း ဖြစ်နေပါသည်။

အထင်ကြီးခြင်း ‘မညနာ’ သုံးပါး ရှိပါသည်။

(၁) တဏှာမညနာ - ငါ၏ ပိုင်ဆိုင်ရာ ငါဟူ၍ အထင်ကြီးလျက် မိမိခန္ဓာကိုယ် အစိတ်အပိုင်းများနှင့် အာရုံခံစားမှုများ (အဇ္ဈတ္တဝတ္ထု)၌လည်းကောင်း၊ ငါဟူ၍ ငါ၏ပိုင်ဆိုင်ရာဟူ၍ အထင်ကြီးနေခြင်း။

(၂) မာနမညနာ - ငါဟူ၍ အထင်ကြီးနေမှုများကို အဇ္ဈတ္တဝတ္ထုနှင့် ဗဟိဒ္ဓဝတ္ထုတို့က အားပေးအားမြှောက် အထောက်အကူ ပြုနေကြသောကြောင့် လွန်စွာ မောက်မာမောက်ကြွား ထောင်လွှားတက်ကြွလာခြင်း။

(၃) ဒိဋ္ဌိမညနာ - ထိုအခါ ငါသည်သာလျှင် (အဇ္ဈတ္တဝတ္ထု) ငါ၏ အမာခံ အထည်ခံ၊ အနှစ်သား အတ္တသာရပေတည်း ဟူ၍ စိတ်ထဲတွင် အထင်ကြီးနေခြင်းတို့ ဖြစ်နေပါသည်။

ထိုသူတို့သည် ငါ၏ ကိုယ်ခန္ဓာ အစိတ်အပိုင်းသည် ဘဝအဆက်ဆက် မရွေ့မယိုင် ခိုင်မြဲစွာ သိမ်းပိုက် စွဲလန်းထားကြသည် ဟူသော ‘အဘိနိဝေသ’နှင့် ငါ၏ ခန္ဓာကိုယ်နှင့် ခန္ဓာကိုယ် အစိတ်အပိုင်းသည်သာလျှင် အစဉ် ခိုင်မြဲနေသော အတ္တအကြီးအမှူးနှင့် ဇီဝဟူသော အထိန်းအချုပ်တို့ ရှိသည်ဟု မှတ်ယူ စွဲလန်းနေသော ‘ဒိဋ္ဌာဘိနိဝေသ’နှင့် မယိမ်းမယိုင် ခိုင်မြဲစွာ စိုက်ထူထားသည့် ‘အဘိနိဝေသ’မဏ္ဍိုင်ကြီး နှစ်ခုကိုသာ ဖက်တွယ် အခြေခံလျက် ရပ်တည်နေကြ၏။

တဖက်ကလည်း အဇ္ဈတ္တဝတ္ထုနှင့် ဗဟိဒ္ဓဝတ္ထုတို့ကို စွဲလန်း၍ နေခြင်းကြောင့် မစွန့်ပယ်နိုင်။ သုခဝေဒနာကို ဒုက္ခဝေဒနာနှင့် ယှဉ်ထိုး၍လည်း မဆင်ခြင် မခံစားလိုကြ။
ထို့ကြောင့် သေခြင်းတရားကို ပြင်ဆင်ထားဖို့ မပြောနှင့်၊ ကြားတောင် မကြားချင်ကြတော့ပေ။

ထိုသူတို့၏ သေဆုံးခြင်းကို လယ်တီဆရာတော်ဘုရားကြီးသည် ထန်းပင် အုန်းပင်တို့မှ ထန်းသီး အုန်းသီးများ ပရမ်းပတာ ပေါက်လွတ် ကြွေကျပုံနှင့် ဥပမာပြုတော်မူခဲ့၏။

‘ဂတိကထာ’၌ အောက်ပါအတိုင်း ရှင်းလင်းတော်မူခဲ့၏။

ဘဝတပါးမှ တပါးသို့ ပြောင်းလဲသော ‘ဂတိ’ နှစ်ပါး ရှိ၏။

ပုထုဇဉ်လူသားတို့ ဘဝတပါးသို့ ပြောင်းလဲခြင်းကို ‘ပုထုဇ္ဇနဂတိ’ဟု ခေါ်၏။ ပရမ်းပတာ ကျရောက်သွားခြင်း ဝိနိပါတအလား ဖြစ်၏။ အမှတ် မရှိ၊ တစ်ခုခုသော ကံ၏ ပစ်ချခြင်းကြောင့် ရောက်တတ်ရာရာသို့ ပရမ်းပတာ ကျရောက်သွားခြင်း ဖြစ်၏။ ထိုသို့ သေဆုံးရပုံကို သေခြင်းဘေးကြီးဟု ခေါ်၏။ သေခြင်းဘေးကြီးနှင့် ပရမ်းပတာကျခြင်း ဘေးကြီးတို့သည် အစဉ်အမြဲ ဖက်တွဲလျက်ရှိသော်လည်း သေခြင်းဘေးကြီးထက် ပရမ်းပတာကျခြင်း ဘေးကြီးက ပို၍ ကြီးကျယ်၏ ဟု လယ်တီဆရာတော်ဘုရားကြီး ရှင်းလင်းတော်မူခဲ့ပါသည်။

ထို့ကြောင့် ‘ဝိပလ္လာသတရား’၏ အဓိပ္ပာယ်ကို သိထားရန် လိုအပ်နေပါသည်။
ဟုတ်သည် မှန်သည်၌ မဟုတ်မမှန်ဟု မှားယွင်းခြင်းကို ဆိုလို၏။
ဝိပလ္လာသ ၃ မျိုး ရှိ၏။

‘သညာဝိပလ္လာသ’မှာ အမှတ်မှားခြင်းကို ခေါ်ပါသည်။ ဥပမာ - လူ၏ ပုံပန်းသဏ္ဍာန် အသွင်ကို မူလက သိရှိမှတ်သားထားပြီးသော တောသမင်သည် စပါးခင်းအလယ်၌ မြက်ခြောက်ဖြင့် ပြုလုပ်ထားသည့် ဝတ်စားထားသော လူရုပ်ကို တွေ့မြင်လိုက်ရာ ပကတိ လူအစစ်ဟု မှားယွင်း မှတ်သားခြင်း ဖြစ်၏။ ကြောင်တောင်မြင်လျက်နှင့် မှားပြီး အလွန်ခိုင်မြဲ၍ ပြောင်းလဲ မရနိုင် ဖြစ်တတ်၏။

‘စိတ္တဝိပလ္လာသ’မှာ အကြံအသိမှားခြင်းကို ခေါ်ပါသည်။
အနိစ္စ၌ နိစ္စ၊ အသုဘ၌ သုဘ၊ ဒုက္ခ၌ သုခ၊ အနတ္တ၌ အတ္တဟူ၍ အကြံအသိမှားခြင်း လေးမျိုး ဖြစ်၏။

စိတ်သည် မဟုတ်သည်ကို အဟုတ်လုပ်ကြံ၍ လှည့်စားတတ်ခြင်းပင် ဖြစ်၏။
ဥပမာ - တောခြုံကို တောဆင်ဟူ၍လည်းကောင်း၊ တောဆင်ကို တောခြုံဟူ၍လည်းကောင်း လှည့်စားခြင်း ဖြစ်၏။
မျက်လှည့်ကြီးပညာမျိုးနှင့်လည်း ဥပမာပြု၏။
ဒိဋ္ဌမျက်မြင်မျိုးထဲတွင် အထင်မှားသမျှသည် စိတ်၏ လှည့်စားမှုချည်း ဖြစ်၏။
သညာဝိပလ္လာသထက် နက်နဲသော်လည်း အကြောင်းယုတ္တိဖြင့် ဖြေဖျောက်လျှင် ပြေပျောက်လွယ်၏။ မခိုင်မြဲတတ်ပေ။

‘ဒိဋ္ဌိဝိပလ္လာသ’မှာ အမြင်အယူမှားခြင်း ဖြစ်၏။
အနိစ္စ၌ နိစ္စ၊ အသုဘ၌ သုဘ၊ ဒုက္ခ၌ သုခ၊ အနတ္တ၌ အတ္တဟူ၍ အမြင်အယူမှားခြင်းကို ခေါ်ပါသည်။
အဆိုးဝါးဆုံးသော လမ်းဆိုးလမ်းမကြီးပင် ဖြစ်၏။
ဥပမာ - လမ်းခရီး မကျွမ်းကျင်သော ခရီးသည်တို့သည် တောကြီးအတွင်းသို့ ရောက်စဉ် မြို့ရွာတည်နေကြသော ဘီလူးနတ်ဆိုးတို့က နတ်မြို့နတ်ရွာများအဖြစ်လည်းကောင်း၊ မိမိတို့ကိုယ်ကို နတ်သမီးနတ်သားများအဖြစ်လည်းကောင်း ဖန်ဆင်းကြလျက် လမ်းခရီးကိုလည်း နတ်လမ်းကဲ့သို့ ဖန်ဆင်းထားကြ၏။
ခရီးသည်တို့ မြင်တွေ့သည်နှင့် သာယာလှသော မြို့ကြီးရွာကြီးသို့ သွားလမ်းဟု ယုံကြည်ကြကုန်၏။
ထို့ကြောင့် လမ်းရိုးလမ်းမှန်ကို စွန့်လွှတ်ကာ ထိုလမ်းမှားကြီးသို့ လိုက်သွားကြတော့၏။
မြို့ရွာသို့ ရောက်စဉ် ဘီလူးနတ်ဆိုးတို့ကို လူကောင်းသူကောင်းများ ထင်မှတ်ကာ စိတ်ချလက်ချ အိပ်ကြကုန်၏။
ထိုစဉ် ဘီလူးနတ်ဆိုးတို့က ၎င်းတို့၏ ခန္ဓာကိုယ်များအတွင်း ပူးဝင်လျက် အသွေးအသားများကို ကိုက်ဖြတ် ထုတ်ယူ စားသောက်ကြ၍ ခရီးသည်အားလုံး သေဆုံးသွားကုန်၏။

ထိုဥပမာ၌ ကာမဘုံ၊ ရူပဘုံ၊ အရူပဘုံ သုံးပါးတို့သည် တောကြီးနှင့် တူ၏။ သတ္တဝါတို့သည် ခရီးသည်များနှင့် တူကြ၏။ လမ်းဆိုးလမ်းမှားကြီးမှာ မိစ္ဆာဒိဋ္ဌိနှင့် တူ၏။ လမ်းရိုးလမ်းမှန်မှာ သမ္မာဒိဋ္ဌိနှင့် တူ၏ ဟူ၍ လယ်တီဆရာတော်ဘုရားကြီးက ဥပမာပြု ရှင်းလင်းတော်မူခဲ့၏။

သမ္မာဒိဋ္ဌိသည် အယူအမြင် မှန်ကန်ခြင်း ဖြစ်ပြီး လမ်းရိုးလမ်းမှန်ပင် ဖြစ်၏။
သမ္မာဒိဋ္ဌိနှစ်မျိုး ရှိပြီး မိမိပြုလုပ်သော ကုသိုလ်ကံ အကုသိုလ်ကံသာလျှင် ဘဝသံသရာ၌ အစဉ်ပါသော ကိုယ်ပိုင်ဥစ္စာ ဖြစ်၏ ဟူသော အယူ ‘ကမ္မဿကတာသမ္မာဒိဋ္ဌိ’ကို လောကီသမ္မာဒိဋ္ဌိဟု ခေါ်၏။
ဒုတိယတစ်မျိုးမှာ ပဋိစ္စသမုပ္ပါဒ်နှင့်တကွ ခန္ဓာ အာယတန အနတ္တတို့ကို သိမြင်သော ဉာဏ်ဖြစ်၏။ ‘ဗောဓိပက္ခိယသမ္မာဒိဋ္ဌိ’ဟု ခေါ်ပါသည်။

ထို့ကြောင့် ကျွန်ုပ်တို့သည် ကုသိုလ်ကံ အကုသိုလ်ကံကိုလည်းကောင်း၊ ကုသိုလ်ကံ အကုသိုလ်ကံ၏ အကျိုးကိုလည်းကောင်း ပစ်ပယ်သော နတ္ထိကဒိဋ္ဌိ၊ အဟေတုကဒိဋ္ဌိ၊ အကိရိယဒိဋ္ဌိ ဟူသော လမ်းဆိုးလမ်းမှားကြီးအတိုင်း ပြင်ဆင်လျှောက်လှမ်းသွားပါက နတ်ဆိုးနတ်ရွာများဖြစ်သော ငရဲ၊ တိရစ္ဆာန်၊ အသူရကာယ်ပြည်များကိုသာ ရောက်သွားကြပါမည်။

မိမိပြုလုပ်သော ကုသိုလ်ကံ အကုသိုလ်ကံသာလျှင် ဘဝသံသရာ၌ အစဉ်ပါသော ကိုယ်ပိုင်ဥစ္စာ အမှန် ဖြစ်၏ ဟူသော လောကီသမ္မာဒိဋ္ဌိ လမ်းရိုးလမ်းမှန်အတိုင်း ပြင်ဆင် လျှောက်လှမ်းသွားပါက လူ့ပြည် နတ်ပြည် ဗြဟ္မာ့ပြည် ဟူသော သုဂတိဘုံများသို့ ရောက်ကြရမည် ဖြစ်၏။

ရုပ်နာမ်နှစ်ပါးကို ချုပ်ငြိမ်းစေကာ ဘဝသစ် တဖန် ပြန်လည်၍ မဖြစ်တော့သည့်နည်းမှာ ‘ဗောဓိပက္ခိယသမ္မာဒိဋ္ဌိ’နည်း ဖြစ်၏။
အဋ္ဌကထာ၌ ရဟန္တာပုဂ္ဂိုလ်တို့၏ စုတိစိတ်မှတပါး အားလုံးသော သတ္တဝါတို့၏ စုတိစိတ်သည် ရုပ်ကို ဖြစ်စေနိုင်သည်ဟုလည်း ဖွင့်ဆိုထားပါသည်။

အမေရိကန်သားကြီး အေဘီဘီအေဥက္ကဌကြီး ဦးဟန်ကြူမှာမူ လောကီသမ္မာဒိဋ္ဌိဟု ခေါ်သော ‘ကမ္မဿကတာသမ္မာဒိဋ္ဌိ’နည်းဖြင့် ဘဝကို လျှောက်လှမ်း၍ သွားခဲ့ပါသည်။
Mrs. Marjory Green ကဲ့သို့သော အမေရိကန်သားများနှင့် လုံးဝ ဆန့်ကျင်၏။
ဘဝခရီးကို ဘယ်တော့မှ အစုန် မလိုက်။ အဆန်ခရီးဖြင့်သာ လျှောက်လှမ်း၏။
ရုပ်နာမ်ဘဝ သင်္ခါရတရားကြီးကို သုခဟု မမြင်၊ ဒုက္ခဟု မြင်၏။ နိစ္စဟု မမြင်၊ အနိစ္စဟု မြင်၏။ အတ္တဟု မမြင်၊ အနတ္တဟု မြင်၏။

ထို့ကြောင့်လည်း နောက်ဆုံးဘဝခရီးလမ်းအထိ မိမိ၏ ခန္ဓာဝန်ကို မိမိကိုယ်တိုင် ရွက်ဆောင်ကာ လျှောက်လှမ်းသွားခဲ့၏။

ထိုနေ့ နံနက်စောစောက နေအိမ်အပြင်တွင် နှင်းများ ရှင်းလင်း၏။
မြေးများကိုလည်း ကျောင်းသို့ လိုက်ပို့ခဲ့သေး၏။
မိမိ ဝတ္တရားများကို ကျေပွန်စွာ ထမ်းဆောင်ပြီးမှ ဆေးရုံ (သို့မဟုတ်) နောက်ဆုံး လမ်းခရီးသို့ ထွက်ခွာသွားခဲ့ခြင်း ဖြစ်ပါသည်။

ဆိုလိုသည်မှာ နောက်ဆုံး လမ်းခရီး၌ မည်သူ့ကိုမှ ဒုက္ခမပေး၊ အပြုစု မခံခဲ့။
ရေးမြို့ တောရကျောင်းဆရာတော်ကြီး အမိန့်ရှိခဲ့ဖူးသော “ပြုစုမယ့်သူ ရှိရင် ဝေဒနာက ပိုပြီး တာရှည်တယ်” ဟူသော ဆောင်ပုဒ်သည် ဥက္ကဌကြီး ဦးဟန်ကြူအတွက် ဖြစ်၍ နေချေပြီ။

မိမိ(ဦးဟန်ကြူ)ကတော့ ရတနာမြတ်သုံးပါးဝတ်၊ လောကဝတ်၊ ခင်ပွန်းဝတ်၊ ဖခင်ဝတ်၊ အေဘီဘီအေ၏ဝတ်၊ အားလုံးသော ဝတ်များကို ကျေပွန်အောင် ပေးဆပ်ထားပြီး ဖြစ်နေပါသည်။
ထို အာမခံချက်များကြောင့်လည်း ဥက္ကဌကြီး ဦးဟန်ကြူသည် ‘ကမ္မဿကတာသမ္မာဒိဋ္ဌိ’နည်းဖြင့် နောက်ဆုံး ဘဝလမ်းကို အောင်မြင်စွာ လျှောက်လှမ်းသွားနိုင်ခဲ့စွမ်း ရှိခဲ့၏။

အေဘီဘီအေ အဖွဲ့သူ အဖွဲ့သားများ၊ ဓမ္မမိတ်ဆွေများသည်လည်း ထိုလမ်းကြောင်းအတိုင်း ဘဝခရီးကို လျှောက်လှမ်းနိုင်ကြပါစေ။


ခင်မောင်ဝင်း
နယူးယောက်မြို့

Sunday, February 8, 2009

စံကင်းဆရာတော်


မောင်တရုတ်ကြီး


တခါက ‘တရုတ်ကြီး’ခေါ်သော ကျောင်းသားတစ်ယောက် ပုဇွန်လုံးတစ်ကောင်ကို ဖမ်းပြီး ဆော့သည်။ ခြေထောက်အချို့ကို ချိုးပြီး သွားခိုင်းသည်။ ပုဇွန်အသွားခက်နေသည်ကို ကြည့်ပြီး ရယ်ရွှင်၏။ ထိုအခြင်းအရာကို ဆရာတော် မြင်တွေ့သဖြင့် ခေါ်ယူစစ်ဆေးရာ မှန်သည့်အတိုင်း ဝန်ခံလိုက်ရ၏။
ထို့ကြောင့် မောင်တရုတ်ကြီး၏ လက်ချောင်းကလေးများကို စု၍ ငှက်ပျောလျှော်ဖြင့် ချည်တုပ်ပြီး ဒဏ်ပေးထား၏။
အစတော့ ဘယ်လိုမှ မနေ။
အနည်းငယ်ကြာလာသောအခါ ဆော့ချင်သော လက်ချောင်းကလေးများ မဆော့ရ မလှုပ်ရသဖြင့် အနေရခက်လာသည်။

“ငါ ဒီလိုခံရတာ ပုဇွန်ခြေချိုးမိလို့ပဲ၊ ခြေချိုးခံရတဲ့ ပုဇွန်ဟာ ငါ့ထက် အများကြီး ပိုဆင်းရဲမှာပဲ”ဟု ကိုယ်ချင်းစာမိလာသည်။
“မင်း ဘယ့်နှယ် နေသလဲ”
“တင်းကြပ်ကြပ် အနေရခက်ပါတယ် ဘုရား”
“မင်းမှာ တင်းကြပ်ရုံပဲ၊ ဟိုခမျာ ခြေကျိုးသွားရှာပြီ၊ နောက် မလုပ်နဲ့”
ဤသို့ ကိုယ်ချင်းစာတတ်သော စိတ်ဖြင့် နောင် ရှောင်ကြဉ်ရန် ပြုပြင်ပေးသည်။


ချစ်မောင် နဲ့ စံမြိုင်


သတင်းစာတို့၌ မများလှသော ငွေကြေးအတွက်ဖြင့်လည်းကောင်း၊ အခြားသော မပြောပလောက်သော အကြောင်းတို့ဖြင့်လည်းကောင်း အသက်ဆုံးရှုံးခံကြသည်ကို မကြာ မကြာ တွေ့ရတတ်၏။
လူ့ဘဝတန်ဖိုးကို နားမလည်ကြသောကြောင့် ဖြစ်ကြရသည်။
လူ့ဘဝဆိုသည်မှာ ‘ဘဝပဒေသာ’ဖြစ်သည်။
လူ,နတ်,ဗြဟ္မာချမ်းသာကိုသာမက အတုမဲ့ နိဗ္ဗာန်ချမ်းသာကိုပင် ဆွတ်လှမ်းနိုင်ခွင့်ရှိသော ဘဝဖြစ်သည်။
စကြာမင်းဆု၊ ပစ္စေကဗောဓိဆု၊ သမ္မာသမ္ဗောဓိဆု လိုရာ ရနိုင်သည်။
ဆရာကောင်း အမှီရှာ၍ လူ့ဘဝကို ကောင်းကောင်း အသုံးချတတ်ဖို့သာ လိုသည်။

တခါက ကျောင်းအနီး ငှက်ပျောပင်ကြီး မှည့်ယောင် သန်းနေသည်။ ဆရာတော်သည် ချစ်မောင်နှင့် စံမြိုင် ကျောင်းသားနှစ်ယောက်ကို ခေါ်လိုက်၏။
‘စံမြိုင်က ဓားနဲ့ အသာ ကပ္ပိ၊ ဖြည်းဖြည်း ညွတ်လာတော့ ချစ်မောင်က ဆီးဖမ်းလိုက်’ဟု ညွှန်ကြားပြီး စင်္ကြံကြွနေ၏။
‘ဝုန်း’ဟု အသံကြား၍ လှည့်ကြည့်လိုက်ရာ ငှက်ပျောပင်ပိနေသော ချစ်မောင်ကို တွေ့ရ၏။
စံမြိုင်က ဓားကိုင်ပြီး ငေးနေ၏။
ချစ်မောင် လဲရာမှ ထလာသောအခါ ခေါ်၍ -

“ငါ ခိုင်းသလို မလုပ်ကြဘူး၊ မင်းနဲ့ ငှက်ပျောခိုင် ဘယ်က အဖိုးတန်သလဲ”
“တပည့်တော်က အဖိုးတန်ပါတယ် ဘုရား”
“အင်း .. ငှက်ပျောခိုင်ကသာ အဖိုးတန်တယ်ဆိုရင် အသေခံမယ့်ကောင်ပဲ”

ချစ်မောင်သည် ‘ဘာမဟုတ်သော ပစ္စည်းအတွက် လူအထိအခိုက် မခံသင့်ကြောင်း၊ လူသာ တန်ဖိုးရှိကြောင်း’ အသိပေါ်လာသည်။
‘တပည့်တော်က အဖိုးတန်ပါတယ်’ဟု လျှောက်ထားသော်လည်း စောစောက သိနေသည့် အသိမဟုတ်။
မေးမှ အသိပေါ်လာပြီး လျှောက်ထားခြင်း ဖြစ်၏။
ဤသို့ အသိဉာဏ်ပေါ်အောင် ဆုံးမလေ့ရှိသည်။
‘ထိပ်ပုတ် ခေါင်းထိုး’ ဆုံးမခြင်းထက် အရာရောက်လှသည်။ ခရီးတွင်လှသည်။


စာအံပျင်းသော ထွန်းမောင်


စာအံပျင်းသော ကျောင်းသားငယ်များတွင် ထွန်းမောင်လည်း တစ်ယောက် အပါအဝင် ဖြစ်၏။
ထွန်းမောင်သည် စာအံပြီဆိုလျှင် အိပ်ရမှ ကျေနပ်၏။ အိပ်လည်း အိပ်ချင်သည်။
အိပ်လို့လဲ ဆရာတော် မရိုက်။
ထို့ကြောင့် ထွန်းမောင် အိပ်သည်။
ထွန်းမောင် အိပ်သည်ကို ဆရာတော် မြင်သောအခါ စာအံဖော်တို့က နှိုးမည် ပြု၏။
ဆရာတော်က မနှိုးရ၊ ချမ်းသာစွာ အိပ်စေသည်။
ကလေးဆိုသည်မှာ အိပ်ချင်ပေလိမ့်မည်။ ခြင် ယင် မကိုက်စေရန် တစ်ခုခုဖြင့် ခြုံပေးစေသည်။
သို့သော် စာအံဖြုတ်လိုက်သောအခါ ထွန်းမောင် အိပ်မနေရစ်။ မနှိုးရဘဲ နိုးသည်။
သုံးရက်လောက် စောင့်ကြည့်သည်။

သုံးရက်လောက် စောင့်ကြည့်လိုက်သောအခါ ထွန်းမောင်က ဒီအခွင့်အရေးကို လက်လွှတ်မည် မဟုတ်သောအကြောင်း သိသည်။ ထို့ကြောင့် လေးရက်မြောက်သောနေ့၌ စာအံဖြုတ်ချိန်နှင့် တိုက်တိုက်ဆိုင်ဆိုင် နိုးလာသော ထွန်းမောင်ကို ကျောင်းဆင်းခွင့် မပေး။ ပြန်ပြီး အိပ်နေစေ၏။
ထိုသို့ အဖော်များ ကစားချိန်တွင် သုံးရက်လောက် အိပ်စေသောအခါ အိပ်ချင်လှသော ထွန်းမောင်သည် ကစားခွင့်လာဘ်ကြီး အလွတ်မခံနိုင်သဖြင့် စာအံရင်း မအိပ်ရဲတော့ပေ။
ဤသို့ နူးညံ့သိမ်မွေ့သော နည်းစနစ်ကို အသုံးပြုကာ လိမ္မာအောင် ပြုပြင်သည်။ အသိဉာဏ်ပေါ်အောင် လုပ်သည်။
အသိဉာဏ်ဖြင့် ပြုပြင်မှ တကယ့်လူကောင်း ဖြစ်နိုင်သည်။
တုတ်ကြောက်၍ ရှောင်ရခြင်းသည် ကွယ်ရာတွင် ဆိုးတတ်သည့် ကြောင်သူတော်မျိုးသာ ဖြစ်နိုင်သည်။

ကလေးဆိုသည်မှာ အအိပ်မက်သည်။ အစားမက်သည်။ အကစား မက်သည်။
ထိုအရာတို့ကို အတင်းအကြပ် ချုပ်ချယ်၍ မရ။ ထွက်ပေါက်ပေး၍ ဖေးမပြီး အကောင်းဖက် ဦးလည်အောင် လမ်းညွှန်ရသည်။ ရေလာအောင် မြောင်းပေးရသည်။
စားစရာထားသော ကြောင်အိမ်ကို သော့ခတ်ထားခြင်းသည် ပိုပြီး စားချင်အောင် ပြုလုပ်သည်နှင့် တူ၏။ ခိုးရန် အကြံထုတ်အောင် ဖန်တီးပေးသည်နှင့် တူ၏။
ဆရာတော်သည် စားစရာထားသော ကြောင်အိမ်ကို သော့မခတ်ဘဲ ထားစေ၏။

“ခိုးစားတဲ့အလုပ်ဟာ အခုလဲ ကြောက်ကြောက်ရွံ့ရွံ့နဲ့ မကောင်းဘူး။ နောင်သံသရာမှာလဲ ဘဝအများကြီး နစ်နာတယ်။ ငှက်ပျောသီးလေးတစ်လုံး ဘာမှ တန်ဖိုးရှိတာ မဟုတ်ဘူး။ စားလိုက်ရလဲ ခဏပဲ။ နောင်သံသရာမှာ ဆပ်ရမယ့်ကြွေးတွေက ကြောက်စရာ။ ဒါကြောင့် ငှက်ပျောသီးတစ်လုံးနဲ့ ငရဲဘဝ မလဲကြနဲ့။ စားချင်ရင် ခိုးမစားနဲ့။ ပြောပီး ယူစား”

ဤသို့ တော်မှန်သော စိတ်ဓာတ်ပေါ်လာအောင် လမ်းဖွင့်ပေးသည်။
“ဒို့ စားချင်ရင် စားရတယ်။ ခိုးစရာ မလိုဘူး” ဟု အမြင် ရှိလာကြသည်။
ကိုယ့်ကိုယ်ကို စောင့်စည်းလာကြသည်။
ဤသို့ ‘အသိဉာဏ်သော့’ခတ်၍ ထိန်းသိမ်းထားလိုက်သဖြင့် စားစရာကြောင်အိမ်သည် လုံခြုံလေတော့သည်။
‘စားချင်တဲ့အခါ ယူပီး ဝေငှစားရင် ဆရာတော် အလွန် သဘောကျပါတယ်’ဟု စံကင်း ဓမ္မာရုံကျောင်းသားဟောင်းကြီးများက သတိတရ ပြောနေကြဆဲ ဖြစ်သည်။


ကြိမ်လုံးလှူသော ဦးရွှေခိုင်


ဆရာဆိုသည်မှာ ကြောက်စရာ မဖြစ်သင့်။ ချစ်ခင်လေးစားစရာ အားကိုစရာသာ ဖြစ်သင့်ပေသည်။
ဆုံးမသည်ကို လိုက်နာခြင်းသည် ကြောက်သောကြောင့် မဟုတ်၊ ချစ်ခင်လေးစားခြင်း၊ အားကိုးယုံကြည်ခြင်းကြောင့် ဖြစ်သည်။
အကျင့်သိက္ခာနှင့် ပြည့်စုံမှု၊ အဂတိကင်းအောင် ဆောင်ရွက်နိုင်မှုတို့သည် တပည့်များ၏ ချစ်ခင်လေးစားမှု၊ အားကိုးယုံကြည်မှု၏ အကြောင်းများ ဖြစ်သည်။
ဆရာတော်သည် ထိုအကြောင်းများနှင့် ပြည့်စုံအောင် အားထုတ်သည်။ ထို့ကြောင့် တပည့်တို့က ချစ်ခင်လေးစားကြသည်။ ယုံကြည်အားကိုးကြသည်။

“ဒို့ကို ကလေးတွေက မကြောက်ကြဘူး။ ကြောက်အောင်လဲ မလုပ်ဘူး။ ပြောရဲတယ်၊ အပြစ်ဝန်ခံရဲတယ်။ ဒို့နားမှာ ကလေးတွေက ပျော်တယ်”

ဆရာတော့်အနီးအပါးတွင် ကလေးများ နေရဲသည်။ ဆော့ရဲသည်။
နေ့ ၁၂-နာရီအချိန်တွင် ဆရာတော် ကျိန်းနေသော်လည်း အနီးတွင် ကလေးများ ရှိကြသည်။ ဆော့နေသည်ကို မတားမြစ်။ ဆဲဆို ရန်ဖြစ် လူညစ်လုပ်သည်ကိုသာ တားမြစ်သည်။
ကျိန်းစက်၍ မဖြစ်သောအခါ ခေါ်၍ သူတို့ ကြိုက်တတ်သော ဇာတ်ကြီးဆယ်ဖွဲ့၊ ငါးရာ့ငါးဆယ်ဝတ္ထုများကို ပြောပေးသည်။ နားထောင်ရင်း အိပ်ကြသည်။ သူတို့အိပ်မှ ဆရာတော် ကျိန်းရသည်။
(နောင်တွင် လက်ရေး ရေးချိန်အဖြစ် သတ်မှတ်ပေး၏။)

ဆရာတော့်အနီး ကျောင်းသားကလေးများ ထိုသို့ နေထိုင်သည်ကို အချို့ဒကာကြီးများက မကြိုက်။
ရှေးဘုန်းကြီးများလို ဖိန့်ဖိန့်တုန် ကြောက်ကြမှ ကောင်းသည် ထင်ကြ၏။ ထိုအထဲတွင် ဒကာကြီး ဦးရွှေခိုင် အပါအဝင် ဖြစ်၏။ ထို့ကြောင့် ကြိမ်တစ်လုံး ယူလာသည်။
“ကျောင်းသားတွေ ဆော့တယ်။ ဘုန်းကြီးကလဲ မရိုက်ဘူး။ ကလေးဆိုတာ ရိုက်မှ”ဟု ဆိုကာ ကြိမ်လုံးကို လှူသည်။

“ဒကာကြီး ကြိမ်က တယ်ကောင်းပါလား။ ရိုက်ရင် သိပ်နာမှာပေ့ါ”
“ဒါမှ မဆော့မှာပေါ့ ဘုရား”
“ဒကာကြီး ငယ်ငယ်က မဆော့ဘူးလား။ ကလေးဆော့တာ ဘာအပြစ်ရှိသလဲ။ လောက ဓမ္မအပြစ် မဖြစ်ဖို့သာ အရေးကြီးပါတယ်”

ဒကာကြီး ဦးရွှေခိုင် ဘာမှာ ပြန်၍ မလျှောက်သာတော့ပေ။
အနီးအပါးမှ ချောင်း၍ နားထောင်နေကြသော ကျောင်းသားများက ဆရာတော့်စကားကို ကြားရသောအခါ ခုန်ပေါက် ပျော်မြူးကြ၏။
ဆရာတော်သည် ကလေးများကို များစွာ အရေးပေးသည်။ သူတို့ကို အရေးတယူ ပြု၍ တိုင်ပင်သည့်အခါ တိုင်ပင်သည်။ ကလေးများကလည်း မိမိတို့ ဉာဏ်မှီသမျှ အကြံပေးလျှောက်ထားကြသည်။
ဤသို့ ဆရာတပည့် ရိုသေရင်းနှီးစွာ ဆက်ဆံမှုကို တွေ့မြင်ရသောအခါ ဆရာတော် ဦးစာရိတ္တ (ဝိသုဒ္ဓါရုံပုဒ်စစ်ဂဏ္ဍိကျမ်းပြု)သည် ‘ဆရာနဲ့တပည့် ဒီလို ရင်းရင်းနှီးနှီး ဆက်ဆံတာကို မတွေ့ဖူးဘူး။ သားနဲ့အဖလို ဆွေမျိုးသားချင်းလိုပဲ။ ရိုသေလေးစားမှု မပျက်၊ တိုင်ပင်နှီးနှောပီး နေကြတာကိုး’ ဟု ဝမ်းမြောက်ဝမ်းသာ ချီးကျူး ပြောဆိုဖူးလေသည်။


ကိုရင် မေဓာဝီ


ဆရာတော်သည် တပည့်များ နေထိုင်မကောင်းဖြစ်သည့်အခါ မိဘနှင့်မခြား ပြုစုသည်။
တခါက မေဓာဝီမည်သော ကိုရင်ကလေး နှင်းခူနှင့်ဝဲများ ပေါက်နေသဖြင့် အခြား ကိုရင် ကျောင်းသားများက သူ့အနား မကပ်ချင်ကြ။
အထူးသဖြင့် ကိုရင်များက ဆွမ်းအတူစားရမည်ကို မနှစ်သက်ကြ။
ညှီစော်နံသည်။ ထို့ကြောင့် အခြား ကိုရင်များနှင့် ရန်ဖြစ်ရသည်။
ဆရာတော်သိသောအခါ ကိုရင်မေဓာဝီကို ခေါ်ပြီး “ကိုယ့်မှာ ရောဂါရှိတာလဲ အမှန်ပဲ။ အဲဒီတော့ သူတို့ပြောတာ စိတ်မဆိုးနဲ့။ သူတို့ကို မေတ္တာထားပါ။ အဲဒီလို မေတ္တာထားရင် ငါ့တပည့်ကို သူတို့ ချစ်ခင်လာကြလိမ့်မယ်” ဟု အားပေး ဆုံးမ၍ ဆရာတော်ကိုယ်တိုင် ထိုကိုရင်ကို တစ်ပါးတည်း ခွဲ၍ ဆွမ်းခွံ့ကျွေးမွေး ပြုစုတော်မူသည်။

ထို့ပြင် “သူတပါးအပေါ် ကိုယ်က လွန်ကျူးလို့ သူတပါးက ပြောဆို ရိုက်နှက်တယ်ဆိုရင် ကိုယ်က လွန်မိတာပဲလို့ သည်းခံရတယ်။ ကိုယ်က မလွန်ကျူးဘဲ သူတပါးက ပြောဆို စွပ်စွဲမယ်ဆိုရင်လဲ ကိုယ်မှ မဟုတ်ဘဲလို့ သည်းခံရတယ်” ဟု ဆက်လက် ဆုံးမတော်မူသည်။
ထို့ကြောင့် တပည့်များက ကြည်ညိုကြသည်။ ချစ်ခင်ကြသည်။

“ငါ ဘုန်းကြီးကို ချစ်လဲ ချစ်တယ်။ ကြောက်လဲ ကြောက်တယ်”ဟု မိဖမဲ့ ကျောင်းသားလေး တင်ထွန်းက မကြာမကြာ ပြောဆိုတတ်သည်။ သူသည် ကြံကြံဖန်ဖန် ဆော့တတ်သော ကျောင်းသားကလေးများ စာရင်းတွင် ဗိုလ်စွဲသူ ဖြစ်သည်။ ဆရာတော်သည် အပြုပြင်ခက်သော ကျောင်းသား၊ သူများထက် ပိုဆိုးသော ကျောင်းသားအချို့ကို စိတ်မပျက် အားမလျော့ဘဲ မိမိအနီး နေစေ၍ သွားလေရာ အမြဲ ခေါ်သွားလေ့ရှိ၏။ မိမိ မျက်စိအောက် ထား၍ ဆုံးမ၏။
ဤသို့လျှင် မည်မျှ ဆိုးပေသော ကျောင်းသားဖြစ်စေ၊ သူတော်ကောင်း အရိပ်အာဝါသကို ခိုရ၊ သူတော်ကောင်း အမူအကျင့်ကို တွေ့မြင်ရဖန် များလာသောအခါ ဝါသနာဓာတ်ကူပြီး လိမ္မာယဉ်ကျေးလာရတော့၏။

+ သူတော်ကောင်းနှင့် ပေါင်းဆုံမှ
ပစ္စုပ္ပန် သံသရာ မြတ်သည်။
+ စဥ့်ကျောက်သည် ရွှေနှင့် ရောချက်လျှင်
ရွှေရောင်တောက်သည်။
+ မီးသွေးခဲ မဲမဲသည် မီးကျီးခဲရဲရဲနှင့် ရောလျှင်
မီးကျီးခဲ ရဲရဲ ဖြစ်သည်။
+ ပတ္တမြားတွင်းထွက် မှန်သော်လည်း
ကျောက်သွေးသမားက အကာကုန်အောင် သွေးမှ
အရောင်တောက်သည်။
(ရွှေကျင်ဆရာတော် စကားပုံ)

(ဦးမာနိတသိရီ နှင့် ဦးနန္ဒမာလာဘိဝံသတို့၏ ‘နဝမ ရွှေကျင်သာသနာပိုင် စံကင်းဆရာတော်ဘုရားကြီး၏ ဂုရုပတ္တိကထာ’ - မှ)
(၁၉၉၆-ခုနှစ် ဇူလိုင်-သြဂုတ်လထုတ် ‘ကေလာသဂျာနယ်’ အတွဲ-၁ အမှတ်-၂ တွင်လည်း ဖော်ပြခဲ့သည်။)

Friday, February 6, 2009

ဦးဟန်ကြူ (သို့မဟုတ်) မေ့မရနိုင်သူတစ်ဦး



ဦးဟန်ကြူဟာ အမေရိကန်မှာ ကိုယ့်အားကိုယ်ကိုးပြီး စီးပွားရေးအရ အောင်မြင် ကြီးပွား တိုးတက်လာခဲ့တဲ့ ပုဂ္ဂိုလ်တစ်ဦးအနေနဲ့ရော၊ ‘ဗုဒ္ဓသာသနာ ကမ္ဘာပြန့်ရမည်’ဆိုတဲ့ ဆောင်ပုဒ်နဲ့အညီ သာသနာတော် တည်တံ့ပြန့်ပွားရေးမှာ နှစ်ပေါင်းများစွာ အားသွန်ခွန်စိုက် ကြိုးပမ်းအားထုတ်ခဲ့သူ ထောက်ပံ့လာခဲ့သူတစ်ဦးအနေနဲ့ရော အတုယူ အားကျဖွယ်၊ ချီးကျူး ဂုဏ်ယူဖွယ်၊ လေးစားဖွယ်ကောင်းတဲ့ ပုဂ္ဂိုလ်တစ်ဦးပါ။

ဦးဟန်ကြူနဲ့ စဆုံဆည်းတာကလဲ လောကချမ်းသာဘုရားကျောင်းမှာပါ။
ဦးဟန်ကြူက ဘိတ်(မြိတ်)သားဆိုတော့ အေဘီဘီအေ ဆောင်ပုဒ်ဖြစ်တဲ့ ‘ဗုဒ္ဓသာသနာ ကမ္ဘာပြန့်ရမည်’ကို သူ ဘိတ်သံနဲ့ဆိုတာ ကြားရရင် အင်မတန် နှစ်သက်ဖို့ ကောင်းပါတယ်။
စကားပြောရင် ရီရီမောမောနဲ့ စကားကို အဆုံးသတ်တတ်တယ်။

သူနဲ့ နောက်ဆုံးဆုံလိုက်ရတာကတော့ ၂၀၀၇-ခုနှစ် ဖေဖော်ဝါရီလ ၄-ရက် အေဘီဘီအေအသင်း လစဉ် အစည်းအဝေးမှာပါ။
အဲဒီတုန်းက ၂၀၀၇-ခုနှစ် မေလထဲမှာ ကျင်းပမယ့် လောကချမ်းသာစေတီတော် ထီးတော်တင်ပွဲအတွက် အလုပ်များနေကြတဲ့ အချိန်လဲ ဖြစ်တယ်။
မှတ်မှတ်ရရ .. ‘ဦးလေး .. ထည့်နေကျ လစဉ် အလှူငွေ ထည့်အုန်းနော်’ လို့ သတိပေးတော့၊ ပိုက်ဆံအိတ် ချက်ချင်းထုတ်ကာ အလှူငွေ ထည့်ပါတယ်။
‘ဒီမှာ .. ဒီမှာ .. လစဉ် အလှူငွေကောက်မယ့်လူက လက်ညှိုးတထိုးထိုးနဲ့ မမေ့ဘူးနော်၊ မထည့်ရသေးတဲ့သူတွေ ထည့်ကြအုန်း’ ဆိုပြီး ရီရီမောမောနဲ့ တခြားသူတွေကို တိုက်တွန်း နှိုးဆော်လိုက်ပါသေးတယ်။

အစည်းအဝေးပြီးတော့ ဘုရားခန်း အဝင်အဝနားလေးမှာ ဦးစောဝင်းနဲ့ မိမိကို လောကချမ်းသာဆရာတော်ရဲ့ ကျန်းမာရေးအကြောင်း ပြောပြနေပါသေးတယ်။
၂၀၀၆-ခုနှစ် ဒီဇင်ဘာလထဲမှာ လောကချမ်းသာဆရာတော်နဲ့ ဦးဟန်ကြူတို့ လောကချမ်းသာစေတီတော်ရဲ့ ထီးတော်ကို ဗမာပြည် သွားရောက် ပင့်ဆောင်တော့
ဗမာပြည်မှာ ရှိနေကြစဉ်အတွင်း တစ်ရက်မှာ အစာအဆိပ်ဖြစ်လို့ ဆရာတော် မကျန်းမမာဖြစ်တဲ့အကြောင်း၊ ဆရာတော်ရဲ့ ကျန်းမာရေးကို စိုးရိမ် ပူပန်မိတဲ့အကြောင်း။

အဲဒီလို စိုးရိမ်ပူပန်တတ်သူကပဲ အရင်ဆုံး ခွဲခွာသွားတတ်တာ သဘာဝပဲလား မသိဘူး။
၂၀၀၇-ခုနှစ် ဖေဖော်ဝါရီလ ၁၄-ရက်နေ့မှာ ဦးဟန်ကြူဆုံးတဲ့အကြောင်း ဆရာတော်က ဖုန်းဆက် အကြောင်းကြားပါတယ်။
သေခြင်းတရားနဲ့ပတ်သက်ရင် သာမန် လူပုဂ္ဂိုလ်တွေထက် ပိုပြီး ဆင်ခြင်တုံတရားရှိတဲ့ ဆရာတော်ရဲ့ အသံဟာ အတော်လေး အားလျော့နေပါတယ်။
နှစ်ပေါင်းများစွာ အနီးကပ်နေ ထောက်ပံ့ လက်တွဲလာခဲ့တဲ့ ဒကာရင်းတစ်ယောက် မဟုတ်လား။
ဆရာတော်က ဦးဟန်ကြူကို ဘယ်သူမဆို အကူအညီတောင်းလာရင် ‘နိုး’မပြော၊ ‘ရက်စ်’သာ ပြောတတ်လို့ ‘Mr. Yes-Man’လို့ အမည်ပေးထားပါတယ်။
ဦးဟန်ကြူရဲ့ တစ်လပြည့် ဆွမ်းကပ်လှူပွဲမှာ ‘အေဘီဘီအေဥက္ကဌကြီး ဦးဟန်ကြူ’ဆိုပြီး ဆရာတော်က လက်ကမ်းစာစောင်လေး ဖြန့်ဝေခဲ့ပါသေးတယ်။

၂၀၀၉-ခုနှစ် ဖေဖော်ဝါရီလ ၁၄-ရက် ဆို ဦးဟန်ကြူ ကွယ်လွန်တာ ၂-နှစ် ပြည့်ပါပြီ။
သူ့ ရီမောသံလေးတွေကို ကြားယောင်နေဆဲပါ။
‘ဗုဒ္ဓသာသနာ ကမ္ဘာပြန့်ရမည်’ တာဝန်ကို နောက်လူတွေ လက်ဆင့်ကမ်း ထမ်းဆောင်နေကြလျက်ပါ။

(ဦးဟန်ကြူရဲ့ sketch ကို မိတ်ဆွေ မင်းကျော်ခိုင်က မေတ္တာနဲ့ ဆွဲပေးပါတယ်။)

Monday, February 2, 2009

“သန္ဒိဋ္ဌိက-ကျနကိုယ်တိုင် သိမြင်နိုင်” - အရှင်ပညာသီဟ


မဟာစည်ဆရာတော်ဘုရားကြီး၏ နည်းနာနိဿျအတိုင်း ဝိပဿနာတရားကို ရှုမှတ်ပွားများ သင်ကြားပြသပေးရန် ရည်သန်၍ အမေရိကန်-မြန်မာ ဗုဒ္ဓဘာသာအသင်းကြီးက နယူးဂျာစီပြည်နယ်၊ မနာလပန်မြို့နယ်၌ ငါးဧကခန့် ကျယ်ဝန်းသော နေရာတွင် မဟာစည်သတိပဋ္ဌာန်ရိပ်သာကို ၁၉၉၅-ခုနှစ် ဇန်နဝါရီလ ၁၆-ရက်နေ့က စတင် တည်ထောင် ဖွင့်လှစ်ခဲ့သည်။

ထိုရည်ရွယ်ချက်ကို အကောင်အထည်ဖော်ရန် စာရေးသူသည် အခါအားလျော်စွာ တရားစခန်း ကျင်းပ၍ တရားဟော တရားပြခြင်း၊ မိမိတို့ အစီအစဉ်ဖြင့် ရက်ပိုင်း အချိန်ပိုင်း လာရောက်၍ ဝိပဿနာတရား ရှုမှတ်သူများ၊ ခေတ္တခဏ ရှင် ရဟန်းဝတ်၍လည်းကောင်း၊ သီလရှင်ဝတ်၍လည်းကောင်း တရားရှုမှတ်သူများကို တရားဟော တရားပြသခြင်းတို့ကို ပြုလုပ်လျက် ရှိသည်။
ထိုသို့ ပြုလုပ်နေရာ တနေ့သောအခါ တရားရှုမှတ်မှု အခြေအနေကို ယောဂီတစ်ယောက်အား မေးစစ်ရာတွင် -

“အရှင်ဘုရား၊ ဖောင်းတယ် ပိန်တယ်လို့ ရှုမှတ်နေတာနဲ့ ဘယ်လို တရားသဘောကို တွေ့မှာလဲ ဘုရာ့၊ တပည့်တော်ဖြင့် မနေ့က စပြီး ထိုင်တာ ဒီနေ့အထိ ဘာမှလဲ မတွေ့သေးဘူး” လို့ အားမလို အားမရဖြင့် တရားရှုမှတ်ခါစ ယောဂီက မေးလာပါတယ်။

“ယောဂီနားလည်အောင် အလွယ်ဆုံး ဥပမာပေး ရှင်းပြရရင် - အာဟာရဓာတ်ပြည့်ဝတဲ့ အစားအစာကို စားလိုက်တဲ့အခါ စားလိုက်တဲ့ အစားအစာက ဘယ်လို အာဟာရဓာတ်ဖြစ်သွားတယ်ဆိုတာ သာမန် လူတွေအနေနဲ့ နားမလည်ပေမယ့် ခန္ဓာကိုယ်မှာ အာဟာရဓာတ် ပြည့်ဝသွားသလိုပါပဲ။ ဆက်ပြီးတော့သာ တရားရှုမှတ်ပါ။ တရားသဘောကို အလိုလို တွေ့လာပါလိမ့်မယ်” လို့ အားပေးစကား ပြောရပါတယ်။


တရားအမြင် လျင်မြန်ကြပုံ


အကျဉ်းပြရုံမျှဖြင့် သစ္စာလေးပါးတရားကို သိမြင်တဲ့ “ဥဂ္ဃဋိတညူ”ပုဂ္ဂိုလ်၊
အကျယ်ချဲ့၍ပြမှ သစ္စာလေးပါးတရားကို သိမြင်တဲ့ “ဝိပဉ္စိတညူ”ပုဂ္ဂိုလ်၊
ပါဠိအနက်ကို ဆောင်ရွက်မှတ်သား ပွားများလေ့လာမှ သစ္စာလေးပါးတရားကို သိမြင်တဲ့ “နေယျ”ပုဂ္ဂိုလ်၊
ဘယ်လိုပဲ နာယူလေ့ကျက် ဆောင်ရွက်ပွားများခြင်း ပြုစေကာမူ ဒီဘဝမှာ သစ္စာလေးပါးတရားကို သိမြင်ဖို့မထိုက်၊ ပုဒ်ပါဌ်အက္ခရာ သဒ္ဒါကို မှတ်မိရုံမျှပဲ အတိုင်းအရှည်ရှိတဲ့ “ပဒပရမ”ပုဂ္ဂိုလ် လို့ တရားကို သိမြင်ခြင်းနဲ့ ပတ်သက်ပြီး လေးမျိုးရှိရာ တရားရှုမှတ်သူ ယောဂီမှာ “ဥဂ္ဃဋိတညူ”ပုဂ္ဂိုလ်မျိုးလို တစ်ထိုင်ထဲ တစ်ရက်ထဲနဲ့ တရားသဘောကို တွေ့လိမ့်မယ်လို့ မျှော်လင့်ထားပုံ ရပါတယ်။

“တပည့်တော် စာတွေလဲ အများကြီး ဖတ်ဖူးပါတယ်။ တရားရှုမှတ်တဲ့အခါ ဘယ်လို တရားတွေ့တယ် ဘာတွေတွေ့တယ်လို့ သူများတွေ ပြောတာကိုလဲ ကြားဖူးပါတယ်။ ဒါပေမယ့် တပည့်တော်မှာ သူတို့ဖြစ်သလို ငါ့မှာ မဖြစ်ပါလား၊ ငါပဲ အကုသိုလ်များနေလို့လား၊ ဉာဏ်ထိုင်းလို့လားဆိုတာ တွေးပြီး စိတ်ဓာတ်ကျမိတယ်ဘုရား၊ ဘယ်လိုလုပ်ရမလဲ” လို့ ထပ်မံ လျှောက်ပြန်တယ်။

“သူများတွေ ဖြစ်သလို ဖြစ်ချင်မှ ဖြစ်မယ်။ သူများတွေ တွေ့သလို တွေ့ချင်မှလဲ တွေ့မယ်။ တရားအားထုတ်တဲ့အခါ အဲဒီလို ဖြစ်တတ်လို့ တရားရှုမှတ်သူတွေအတွက် အန္တရာယ်များလို့ မဟာစည်ရိပ်သာကြီးထဲကို လာရောက်ပြီး တရားရှုမှတ်တဲ့သူတွေကို ‘မလိုအပ်ဘဲနဲ့ အချင်းချင်း စကားမပြောရ၊ တရားစကား မဆွေးနွေးရ၊ တရားနဲ့ပတ်သက်ပြီး တစ်ယောက်က တစ်ယောက်ကို အကြံမပေးရ။ မေးစရာရှိက ပြောစရာရှိက တရားပြဆရာတော်ကို မေးရ ပြောရမယ်။ ဘာသာရေးစာအုပ်အပါအဝင် ဘာစာပေမှ မဖတ်ရ’လို့ စည်းကမ်း သတ်မှတ်ပေးထားပါတယ်။ အဲဒီ စည်းကမ်းအတိုင်း လိုက်နာပြီး ဆရာပြောတဲ့အတိုင်း ရိုရိုသေသေ တရားရှုမှတ်ရင် ဖောင်းတယ် ပိန်တယ် စသည် ရှုမှတ်ရင်းနဲ့ပဲ တရားသဘောကို တွေ့လာပါမယ်။”


“ဖောင်း-ပိန်”ရှုတာ ဝိပဿနာ


“ဖောင်းတာ ပိန်တာ တစ်ခုထဲကို မူတည်ပြီး ရှုမှတ်နေရတော့ ဝိပဿနာမဖြစ်ဘဲ၊ သမထအားထုတ်တာ ဖြစ်နေမှာပေါ့ဘုရာ့”

“မဟာစည်ဆရာတော်ဘုရားကြီးကတော့ ‘ဖောင်းမှု ပိန်မှုကို ဝါယောဓာတ် ခြောက်မျိုးတွင် အဿာသ ပဿာသ ဝါယောဓာတ်၌ အကျုံးဝင်သင့်ကြောင်း၊ ဖောင်းမှု ပိန်မှု ဝါယောသည် -
(၁) အင်္ဂမင်္ဂါနုသာရိဝါယော၊ (၂) အဿာသ ပဿာသ ဝါယော၊ (၃) ကုစ္ဆိသယ ဝါယော၊ (၄) ယံ ဝါ ပန ဝါယော ဆိုတဲ့ ဝါယောလေးမျိုးနဲ့ စပ်ဆိုင်တယ်။ ဒါပေမယ့် ဖောင်းမှု ပိန်မှုဟာ ဝင်သက် ထွက်သက်နဲ့ အနီးစပ်ဆုံးဖြစ်လို့ ဝင်သက် ထွက်သက်ရဲ့ အကျိုးဆက်အနေနဲ့ အလွန်ထင်ရှားလို့ ဖောင်းမှု ပိန်မှုကို အဿာသ ပဿာသ ဝါယောဓာတ်မှာ သွင်းပြထားတယ်။ အဲဒီလို အဿာသ ပဿာသ ဝါယောမှာ အကျုံးဝင်လို့ အာနာပါနသမထကမ္မဋ္ဌာန်း လို့ မဆိုနိုင်ဘူး။ ဘာကြောင့်လဲဆိုရင် အာနာပါနကမ္မဋ္ဌာန်းအကြောင်းကို ဖော်ပြတဲ့ ပဋိသမ္ဘိဒါမဂ်၊ ဝိသုဒ္ဓိမဂ် စသည်တို့မှာ နှာသီးဖျား, အထက်နှုတ်ခမ်းတို့မှာ ထိခိုက်တဲ့ ဝင်လေ ထွက်လေကိုသာ ရှုမှတ်ဖို့ ပြထားတယ်။ ဝမ်းထဲ၌ ဝင်ထွက် လှုပ်ရှားနေတဲ့ ဝင်သက်ထွက်သက်တို့ကို ရှုပေမယ့် အာနာပါနကမ္မဋ္ဌာန်း မဟုတ်ဘူး။ ဓာတုဝဝတ္ထာန်နဲ့ ဝိပဿနာကမ္မဋ္ဌာန်း ဖြစ်တယ်။ ဘာကြောင့်လဲဆိုတော့ ဓာတုဝဝတ္ထာန်ဆိုတာ ဘယ်ဓာတ်လေးပါးကိုမဆို ရှုမှတ်ရတဲ့အပြင် ဝိပဿနာဆိုတာကလဲ ကိုယ်တွင်း ကိုယ်ပ ဥပါဒါနက္ခန္ဓာဟူသမျှကို ရှုမှတ်ရလို့ ဖြစ်တယ်” လို့ အဲဒီလို မိန့်ထားတော့ ဖောင်းတာ ပိန်တာရှုမှတ်တာဟာ သမထ မဖြစ်ပါဘူး။ ဝိပဿနာ ရှုမှတ်နေတာပါပဲ။”

“အင်္ဂလန်မှာ နေခဲ့စဉ်ကကော ခု .. ဒီ အမေရိကားမှာပါ မဟာစည်နည်းနဲ့ နိုင်ငံခြားသားတွေကို တရားပြခဲ့ တရားပြနေဆဲ ဖြစ်ပါတယ်။ နိုင်ငံခြားသားတွေဟာ သူတို့ ယုံကြည်ပြီဆိုရင် တရားရှုမှတ်တာကို လေးလေးစားစားနဲ့ စွဲစွဲမြဲမြဲ ပြုလုပ်လေ့ရှိပါတယ်။ အဲဒီသူတွေဟာ ဖောင်းတာ ပိန်တာကို ရှုမှတ်ပွားများရင်းနဲ့ပဲ ဥဒယဗ္ဗယဉာဏ် စတဲ့ ဝိပဿနာဉာဏ်တွေကို ရကြောင်းတွေ့ရတော့ ဖောင်းတာ ပိန်တာကို ရှုမှတ်တာဟာ သမထသက်သက်မဟုတ်ဘဲ ဝိပဿနာဖြစ်တယ်ဆိုတာကို သက်သေပြနေတာပါပဲ။”


တရားရတယ်ဆိုတာ


“တရားရတယ်၊ တရားတွေ့တယ်ဆိုတာ ဘယ်လိုနေပါသလဲ၊ အလင်းရောင်တွေ၊ ဘာတွေ တွေ့တာကို တရားတွေ့တယ်လို့ ပြောတာလား”

“တရားဂုဏ်တော်ခြောက်ပါးထဲမှာ ‘သန္ဒိဋ္ဌိကော-မျက်မှောက်ထင်ထင် ကိုယ်တိုင်သိမြင်နိုင်တဲ့တရား’လို့ ဂုဏ်တော်တစ်ခု ပါတယ်မဟုတ်လား။ တရားရ,မရ တွေ့,မတွေ့ဆိုတာ ကိုယ်တိုင် သိနိုင်ပါတယ်။ မဂ်,ဖိုလ်ဆိုတာတွေ အသာထားဦး၊ ကိုယ့်ကိုယ်ကို အကဲခတ်ပြီး တရားရ,မရ သိနိုင်ပါတယ်။ တရားမရှုမှတ်ခင်က ကိုယ့်စိတ်အခြေအနေနဲ့ တရားရှုမှတ်မှုပြုလုပ်ပြီးတဲ့အခါ ဖြစ်ပေါ်ပြောင်းလဲလာတဲ့ ကိုယ့်စိတ်အခြေအနေ ဘယ်လိုကွာခြားတယ်ဆိုတာ အကဲခတ်ပြီး စစ်ဆေးကြည့်ရပါမယ်။ မိမိရဲ့စိတ်ဟာ ယခင်ကထက်စာရင် ပိုပြီး တည်ငြိမ်အေးဆေးမှု ဖြစ်လာသလား၊ ယခင်ကအတိုင်းပဲလား၊ ပတ်ဝန်းကျင်နဲ့ ဆက်ဆံတဲ့အခါ ပိုမို သည်းခံစိတ် ရှိလာပြီး အဆင်ပြေလာသလား၊ ယခင်ကအတိုင်းပဲလားလို့ အကဲခတ် စစ်ဆေးကြည့်ရပါမယ်။ မိမိရဲ့စိတ်ဟာ ယခင်ကထက်စာရင် ပိုပြီး တည်ငြိမ်အေးဆေးမှု ရှိလာတယ်၊ ပတ်ဝန်းကျင်နဲ့ ဆက်ဆံတဲ့အခါ ပိုမို အဆင်ပြေလာတယ်၊ သည်းခံစိတ်ရှိလာတယ်ဆိုရင် အဆင်မပြေမှု သည်းမခံမှုကို ဖြစ်စေတဲ့ ယခင်ကရှိခဲ့တဲ့ လောဘ၊ ဒေါသ၊ မောဟ၊ အတ္တ၊ မာန်မာနတွေ နည်းလာတယ် လျော့ပါးလာတယ်လို့ မှတ်ရမယ်။ အဲဒါ တရားရှုမှတ်ခြင်းကြောင့် ရလာတဲ့ အကျိုးတွေပေါ့။”

“အဲဒါ တရားရတာပဲလား ဘုရာ့”

“အေး .. အဲဒါ တရားရခြင်းရဲ့ အစလို့ ဆိုရမှာပေ့ါ။ ဒီထက် ပိုပြီး အားထုတ်နိုင်မယ်ဆိုရင် ဒီထက် ပိုပြီး ထူးခြားတဲ့ တရားသဘောတွေကို တွေ့မှာပါ။ လောဘ၊ ဒေါသ၊ မောဟ၊ အတ္တ၊ မာန်မာနတွေ တဖြည်းဖြည်း လျော့ပါးလာရာကနေ လုံးဝ ကင်းစင်သွားပြီဆိုရင် တရားထူး တရားမြတ်ကို ရတော့တာပါပဲ။ ငါ့ဆီကို ပုံမှန်လာပြီး တရားလာရှုမှတ်တဲ့သူတွေ ရှိတယ်။ တရားရှုမှတ်ခါစရက်တွေမှာ တထိုင်ထဲထိုင်၊ ဖောင်းတာပိန်တာကိုပဲ တမှတ်ထဲ မှတ်နေရတော့ ဘာကြောင့် သူတို့ ဒီလိုလုပ်နေရတာလဲဆိုတာကိုတောင် သူတို့ နားမလည်ဘဲ ဖြစ်နေတယ်။ မှတ်ခိုင်းလို့သာ မှတ်နေရတယ်။ ဘာမှ ထူးမယ်လို့ မထင်ကြဘူးတဲ့။ ဒါပေမယ့် ‘တရားရှုမှတ်ခြင်းရဲ့အကျိုးကို မင်းတို့အနေနဲ့ တထိုင်ထဲမှတ်ရုံနဲ့တော့ ရမှာ မဟုတ်ဘူး။ တရားကို စွဲစွဲမြဲမြဲ မင်းရှုမှတ်နိုင်မှ တရားရှုမှတ်မှုရဲ့ အကျိုးကို ရမယ်’လို့ ငါရဲ့ တိုက်တွန်း အားပေးမှုကြောင့် ပုံမှန် လာပြီး တရားရှုမှတ်ကြတယ်။ ဒီလို ရှုမှတ်တော့ သူတို့ကိုယ် သူတို့ တဖြည်းဖြည်း ပြောင်းလဲလာတာကို တွေ့ရတယ်တဲ့။ သူတို့ရဲ့ လုပ်ဖော်ကိုင်ဖက်တွေကလဲ သူတို့ပြောင်းလဲလာတာကို တွေ့လို့ အံ့သြပြီး ဘာကြောင့် ဒီလို ပြောင်းလဲသွားတာလဲဆိုတာ မေးကြသတဲ့။ သူတို့ဘဝမှာ ပိုပြီး အေးငြိမ်းမှု ရလာတယ်။ အိမ်သူအိမ်သားတွေနဲ့ ဆက်ဆံရာမှာလဲ ပိုပြီး အဆင်ပြေလာလို့ သူတို့ဇနီးတွေက သူတို့ကို တရားရှုမှတ်ဖို့ အားပေး တိုက်တွန်းကြောင်း ပြောပြတယ်။”

“ဒီလို တရားရှုမှတ်ကြတော့ သူတို့ ဗုဒ္ဓဘာသာ ဖြစ်သွားပြီလား ဘုရာ့”

“သူတို့အနေနဲ့ ဗုဒ္ဓဘာသာဆိုတဲ့ အမည်ကိုတော့ အပြီးအပိုင် မယူကြသေးပါဘူး။ ဒါပေမယ့် သူတို့ ဘုရားနဲ့ သံဃာကိုတော့ အရိုအသေပေးတာ ရှိခိုးဦးချတာတွေ လုပ်ကြပါတယ်။ လာပြီး တရားအားထုတ်တဲ့ ဂျူးတစ်ယောက်နဲ့ ကက်သလစ်ဘာသာဝင်တစ်ယောက်တို့ကတော့ သူတို့အိမ်မှာ ဘုရားထားပြီး ကိုးကွယ်ချင်တယ်ဆိုပြီး ဘုရားဆင်းတုတော် ပူဇော်ဖို့ တောင်းယူသွားတယ်။ အိမ်မှာ အလှအပအနေနဲ့ ထားဖို့မဟုတ်ဘဲ တကယ်ပူဇော်ချင်လို့ အလေးအနက် ထားပြီး တောင်းတာမို့ ပေးလိုက်ပါတယ်။ တခါတုံးက ဂျူးဒကာ တစ်ယောက်ရဲ့အိမ်ကို ဂျဟိုးဝါအသင်းက တရားဟောဆရာတွေ လာပြီး တရားဟောတယ်။ ပြီးတော့ သူ့ကို ‘ဘာ ဘာသာဝင်လဲ’လို့ မေးတော့ သူက ‘ဂျူးဗု’လို့ ပြန်ပြောသတဲ့။
ဟိုလူတွေက သူ့အဖြေကို နားမလည်တော့ ‘ဂျူးဗုဆိုတာ ဘာလဲ’လို့ မေးသတဲ့။
အဲဒီအခါမှာ သူက ‘ငါက ဂျူး၊ ဒါပေမယ့် ငါ ဗုဒ္ဓဘာသာကို လိုက်စား လေ့ကျင့်နေတယ်’လို့ ပြောတော့ ဂျဟိုးဝါအသင်းက တရားဟောဆရာတွေ ခေါင်းခါပြီး ထွက်သွားကြသတဲ့။
ကက်သလစ်ဒကာကတော့ အရင် သူကိုးကွယ်ခဲ့တဲ့ ဘာသာမှာ သူ့အတွက် စိတ်လုံခြုံမှု မရခဲ့ဘူး။ ခုလို လာရောက် တရားရှုမှတ်ရတော့ ဗုဒ္ဓဘာသာကို လေ့လာလိုက်စားရတာဟာ သူ့အတွက် စိတ်လုံခြုံမှု၊ အေးချမ်းမှု ရတယ်လို့ ဝန်ခံပြောကြားတယ်။ ငါ့အနေနဲ့ကတော့ သူတို့ကို ဘာသာပြောင်းဖို့ မတိုက်တွန်းပါဘူး။
သူတို့ကိုယ်တိုင် တရားရှုမှတ်ပြီး သူတို့အယူအဆ ပြောင်းလဲလာတာကိုတော့ ဝမ်းသာစွာနဲ့ လက်ခံပါတယ်။
သူတို့ ဗုဒ္ဓဘာသာ ဖြစ်တာ မဖြစ်တာထက် တရားရှုမှတ်ဖို့က အရေးကြီးတာပါပဲ။ တရားမြင်မှ ငါဘုရားကို မြင်တယ်လို့ ဘုရားရှင် မိန့်တော်မူခဲ့တယ် မဟုတ်လား။ အဲဒီအတိုင်းပဲ သူတို့အနေနဲ့ တရားရှုမှတ်မှုရဲ့ အကျိုးတွေကို တွေ့လာတော့ ဘုရားကို ကြည်ညိုလာတာပါပဲ။”

“သူတို့အနေနဲ့ နိဗ္ဗာန်ကို လိုချင်လို့ တရားအားထုတ်တာလား ဘုရာ့”

“သူတို့အနေနဲ့ နိဗ္ဗာန်ဟာ ဘာလဲဆိုတာ မသိကြပါဘူး။ စိတ်လဲ မဝင်စားကြပါဘူး။ ဒါကြောင့် နိဗ္ဗာန်ကို ရဖို့ဆိုပြီး တရားအားထုတ်ကြတာတော့ မဟုတ်ဘူး။ အများစုကတော့ သူတို့မှာ ဖိစီးနေတဲ့ စိတ်ပင်ပန်းမှုတွေ သက်သာအောင် တရားအားထုတ်ကြတာပဲ။ အဲဒီလို အားထုတ်ရင်းနဲ့ပဲ စိတ်ကို မငြိမ်းအေးစေတဲ့ လောဘ၊ ဒေါသ၊ မောဟ၊ သောက၊ မာန်မာန၊ အတ္တတွေ နည်းပါးလာတာကို တွေ့ရတယ်။ စိတ်ငြိမ်းအေးမှုရလာတာကို သူတို့ကိုယ်တွေ့ ခံစားကြရတယ်။ ဒါကြောင့် စွဲစွဲမြဲမြဲ တရားအားထုတ်ကြတာပေါ့။ တို့ ဗုဒ္ဓဘာသာဝင်တွေ အများစု နားလည်ကြတဲ့ (ရုပ်နာမ်ခန္ဓာ အကြွင်းမဲ့ ချုပ်ငြိမ်းတဲ့၊ ဘဝအသစ် မဖြစ်တော့တဲ့၊ အိုမှု နာမှု သေမှု မရှိတော့တဲ့) နိဗ္ဗာန်မျိုးကိုတော့ သူတို့ ရည်မှန်းပြီး တရားရှုမှတ်ကြတာ မဟုတ်ပါဘူး။ လောဘ၊ ဒေါသ၊ မောဟ၊ သောက၊ မာန်မာန၊ အတ္တတွေ ကင်းလို့ ဖြစ်ပေါ်လာတဲ့ ငြိမ်းအေးမှုမျိုးကို ရဖို့အတွက် သူတို့ ဝိပဿနာတရားကို အားထုတ်ကြတယ်။ အဲဒီတော့ ဘုရားဟောထားတဲ့ ဒီဒေသနာအရဆိုရင်တော့ သူတို့လဲ လောဘ၊ ဒေါသ၊ မောဟကင်းရာ နိဗ္ဗာန်ကို လိုချင်လို့ တရားအားထုတ်တယ်လို့ ပြောရမှာပါပဲ။ ဒီနေရာမှာ နိဗ္ဗာန်ဆိုတာ ဘာလဲလို့ သိရအောင် ဘုရားဟောထားတဲ့ တရားဒေသနာတစ်ပုဒ်ကို ပြောပြမယ်။”


နိဗ္ဗာန်ဆိုတာ


တခါတုံးက ‘ဇာဏုသောဏိ’ ဆိုတဲ့ ပုဏ္ဏားက ဘုရားထံ သွားပြီး သင့်တော်တဲ့ နေရာမှာ ထိုင်ကာ -
“အရှင်ဘုရား၊ ကိုယ်တိုင် သိမြင်ထိုက်သော နိဗ္ဗာန်၊ ကိုယ်တိုင် သိမြင်ထိုက်သော နိဗ္ဗာန်လို့ ဆိုတယ်။ အရှင်ဂေါတမ အဘယ်မျှဖြင့် နိဗ္ဗာန်သည် ကိုယ်တိုင် သိမြင်ထိုက်သနည်း၊ အခါမလင့် အကျိုးကို ပေးပါသနည်း၊ လာလှည့် ရှုလှည့်ဟု ဆိုထိုက်ပါသနည်း၊ မိမိကိုယ်ထဲ စိတ်ထဲ၌ ဆောင်ယူထားထိုက်ပါသနည်း၊ ပညာရှိသူတို့သာ ကိုယ်စီကိုယ်ငှ သိနိုင် ခံစားနိုင်ပါသနည်း” လို့ မေးတယ်။

အဲဒီအခါ ဘုရားရှင်က “ပုဏ္ဏား၊ တပ်မက်သော စိတ်ရှိသူသည် ရာဂဖြင့် လွှမ်းမိုးနှိပ်စက်ခံရသည် ဖြစ်၍ မိမိကိုယ်တိုင် ဆင်းရဲရန်လည်း ကြံစည်၏။ သူတပါးဆင်းရဲရန်လည်း ကြံစည်၏။ မိမိ သူတပါး နှစ်ဦးသားတို့ ဆင်းရဲရန်လည်း ကြံစည်၏။ စိတ်ကို စွဲမှီ၍ ဖြစ်သော ဆင်းရဲခြင်း နှလုံးမသာခြင်းကိုလည်း ခံစားရ၏။ တပ်မက်မှု ရာဂကို ပယ်စွန့်လိုက်သော် ထိုသူသည် မိမိကိုယ်တိုင် ဆင်းရဲရန်လည်း မကြံစည်၊ သူတပါး ဆင်းရဲရန်လည်း မကြံစည်၊ မိမိ သူတပါး နှစ်ဦးသားတို့ ဆင်းရဲရန်လည်း မကြံစည်၊ စိတ်ကို စွဲမှီ၍ဖြစ်သော ဆင်းရဲခြင်း နှလုံးမသာယာခြင်းကိုလည်း မခံစားရပေ။ ပုဏ္ဏား .. ဤသို့လျှင် နိဗ္ဗာန်သည် ကိုယ်တိုင် သိမြင်ထိုက်၏။

ပုဏ္ဏား၊ ဒေါသထွက်သောသူသည် ဒေါသဖြင့် လွှမ်းမိုးနှိပ်စက်ခံရသည် ဖြစ်၍ မိမိကိုယ်တိုင် ဆင်းရဲရန်လည်း ကြံစည်၏။ သူတပါး ဆင်းရဲရန်လည်း ကြံစည်၏။ မိမိ သူတပါး နှစ်ဦးသားတို့ ဆင်းရဲရန်လည်း ကြံစည်၏။ စိတ်ကို စွဲမှီ၍ ဖြစ်သော ဆင်းရဲခြင်း နှလုံးမသာယာခြင်းကိုလည်း ခံစားရ၏။ အမျက်ထွက်မှု ဒေါသကို ပယ်စွန့်လိုက်သော် ထိုသူသည် မိမိကိုယ်တိုင် ဆင်းရဲရန်လည်း မကြံစည်၊ သူတပါး ဆင်းရဲရန်လည်း မကြံစည်၊ မိမိ သူတပါး နှစ်ဦးသားတို့ ဆင်းရဲရန်လည်း မကြံစည်၊ စိတ်ကို စွဲမှီ၍ ဖြစ်သော ဆင်းရဲခြင်း နှလုံးမသာယာခြင်းကိုလည်း မခံစားရပေ။ ပုဏ္ဏား .. ဤသို့လျှင် နိဗ္ဗာန်သည် ကိုယ်တိုင် သိမြင်ထိုက်၏။

ပုဏ္ဏား၊ မောဟဖြင့် တွေဝေသူသည် မောဟဖြင့် လွှမ်းမိုးနှိပ်စက်ခံရသည်ဖြစ်၍ မိမိကိုယ်တိုင် ဆင်းရဲရန်လည်း ကြံစည်၏။ သူတပါး ဆင်းရဲရန်လည်း ကြံစည်၏။ မိမိ သူတပါး နှစ်ဦးသားတို့ ဆင်းရဲရန်လည်း ကြံစည်၏။ စိတ်ကို စွဲမှီ၍ ဖြစ်သော ဆင်းရဲခြင်း နှလုံးမသာယာခြင်းကိုလည်း ခံစားရ၏။ အမှန်မသိ တွေဝေမှု မောဟကို ပယ်စွန့်လိုက်သော် ထိုသူသည် မိမိကိုယ်တိုင် ဆင်းရဲရန်လည်း မကြံစည်၊ သူတပါး ဆင်းရဲရန်လည်း မကြံစည်၊ မိမိ သူတပါး နှစ်ဦးသားတို့ ဆင်းရဲရန်လည်း မကြံစည်၊ စိတ်ကို စွဲမှီ၍ ဖြစ်သော ဆင်းရဲခြင်း နှလုံးမသာယာခြင်းကိုလည်း မခံစားရပေ။ ပုဏ္ဏား .. ဤသို့လျှင် နိဗ္ဗာန်သည် ကိုယ်တိုင် သိမြင်ထိုက်၏။

ရာဂ၊ ဒေါသ၊ မောဟကို အကြွင်းမဲ့ ပယ်စွန့်လိုက်သော် ထိုသူသည် အကြွင်းမဲ့ ရာဂကုန်ရာ နိဗ္ဗာန်ကို ခံစားရ၏။
အကြွင်းမဲ့ ဒေါသကုန်ရာ နိဗ္ဗာန်ကို ခံစားရ၏။
အကြွင်းမဲ့ မောဟကုန်ရာ နိဗ္ဗာန်ကို ခံစားရ၏။
ပုဏ္ဏား .. ဤသို့လျှင် နိဗ္ဗာန်သည် ကိုယ်တိုင် သိမြင်ထိုက်၏။
အခါမလင့် အကျိုးကို ပေး၏။
လာလှည့် ရှုလှည့်ဟု ဆိုထိုက်၏။
မိမိကိုယ်ထဲ စိတ်ထဲ၌ ဆောင်ယူထားထိုက်၏။
ပညာရှိတို့သာ ကိုယ်စီကိုယ်ငှ သိနိုင် ခံစားနိုင်၏” လို့ မိန့်တော်မူတယ်။

(နိဗ္ဗုတသုတ်၊ ဗြာဟ္မဏဝဂ်၊ တိကနိပါတ်၊ အင်္ဂုတ္တရနိကာယ။)


“ဗုဒ္ဓဘာသာမဟုတ်ဘဲနဲ့ ဝိပဿနာတရားရှုမှတ်တော့ သူတို့ နိဗ္ဗာန်ကို ရပါ့မလား ဘုရာ့”

“ဗုဒ္ဓဘာသာဖြစ်မှ နိဗ္ဗာန်ကို ရမယ်လို့ မဆိုလိုပါဘူး။ ဘုရားရှင်လက်ထက်တော်အခါတုံးက အစဦးဆုံး တရားဦးနာရတဲ့ ပုဂ္ဂိုလ်ငါးဦးဟာ ဘုရားရှင်ရဲ့ တရားကို မနာရခင်တုံးက ဗုဒ္ဓဘာသာမှ မဟုတ်သေးတာ။ တရားနာပြီးတဲ့အခါမှ ဘုရားရှင် ဟောကြားတဲ့ တရားဒေသနာကို သဘောပေါက် လက်ခံပြီး ဗုဒ္ဓဘာသာ ရဟန်းတော်တွေ ဖြစ်လာတာပဲ။ အဲဒါကို ကြည့်ရင် တရားကို သဘောပေါက် နားလည် လက်ခံပြီးမှ ဗုဒ္ဓဘာသာဖြစ်လာကြတာပဲ မဟုတ်လား။ ခုလဲ သူတို့အနေနဲ့ ဝိပဿနာတရားရှုမှတ်လို့ တရားကို သဘောပေါက် လက်ခံလာတယ်။ နောက်တော့ သူတို့ အယူအဆကို မပြောင်းဘဲ မနေပါဘူး။ တရားကို မြင်လေ ဘုရားကို မြင်လေပါပဲ။
ဒါကြောင့် သူတို့လဲ အစမှာ ဗုဒ္ဓဘာသာအဖြစ် မခံယူဘဲ ဝိပဿနာတရားရှုမှတ်ပေမယ့် တရားမြင်လာတဲ့အခါ ဗုဒ္ဓဘာသာဖြစ်လာတော့တာပါပဲ။ အနောက်နိုင်ငံသားတွေ ဗုဒ္ဓဘာသာဖြစ်တယ်ဆိုတာ ဒီနည်းနဲ့ ဖြစ်လာကြတာ များပါတယ်။ ဒါကြောင့်လဲ သူတို့ရဲ့ ဗုဒ္ဓဘာသာအပေါ် ယုံကြည်ချက်ဟာ ခိုင်မြဲကြပါတယ်။
ယုံယုံကြည်ကြည် စွဲစွဲမြဲမြဲ ဝိပဿနာတရား ရှုမှတ်ပွားများရင် ဗုဒ္ဓဘာသာ ဟုတ်သူရော မဟုတ်သူပါ နိဗ္ဗာန်ကို ရောက်နိုင်ပါတယ်။
ဒါကြောင့် ၁၃၄၂-ခု တော်သလင်းလကွယ်နေ့၊ သံဃာ့ဥပုသ်ပြုရာမှာ မိန့်တော်မူခဲ့တဲ့ မဟာစည်ဆရာတော်ဘုရားကြီးရဲ့ သြဝါဒကို ပြောပြရင်းနဲ့ပဲ တရားကို ယုံယုံကြည်ကြည် လေးလေးစားစား ရှုမှတ်ပွားများပါလို့ တိုက်တွန်းပါရစေ။”


မဟာစည်ဆရာတော်ဘုရားကြီးရဲ့ သြဝါဒ


“နိဗ္ဗာန်ရပါလို၏”လို့ ဆုတောင်းရုံ တောင်းထားလို့ကတော့ အားမထုတ်ရင် နိဗ္ဗာန်ကို မရနိုင်ပါဘူး။ ယခုဘဝလို နေမှာပါပဲ။ ယခုဘဝလဲ ရှေးဘဝက ဆုတောင်းခဲ့လို့ ဆုတောင်းခဲ့တဲ့ ကုသိုလ်ရှိလို့ မဂ်ဖိုလ် နိဗ္ဗာန်ရနိုင်တဲ့ လူ့ဘဝကို ရောက်နေတာ၊ ဘုရားသာသနာနဲ့ တွေ့နေတာ။
ဒါပေမယ်လို့ အားမထုတ်တဲ့ သူတွေကတော့ မဂ်ဖိုလ် နိဗ္ဗာန်ကို မရပါဘူး။
ကုသိုလ်ကံကတော့ မဂ်ဖိုလ် နိဗ္ဗာန်ရအောင် အားထုတ်ဖို့ရာ ပို့နေတာပါပဲ။ အဲဒါ အရေးကြီးတယ်။ တရားတွေရအောင်ဆိုပြီး အားထုတ်ကြတာပဲ။ အကြောင်းမညီညွတ်လို့ မရလဲ နောင်အခါကာလမှာ ရဖို့ရာ အကြောင်း အထောက်အပံ့တော့ ဖြစ်ပါတယ်။
ယခုဘဝမှာ မရလဲ နောက်ဘဝမှာ ချမ်းချမ်းသာသာနဲ့ လွယ်လွယ်ကူကူ ရခြင်းရဲ့အကြောင်း ဖြစ်နိုင်ပါတယ်။
ကြိုးကြိုးစားစား ဝိပဿနာ ရှုမှတ်ပွားများဖို့သာ လိုပါတယ်။

သာဓု ... သာဓု ... သာဓုပါ ဘုရား။