Wednesday, April 22, 2009

ဝင်္ဂီသမထေရ်ကို နည်းယူခြင်း-မဟာစည်ဆရာတော်ဘုရားကြီး


သာသနာအစဉ်အဆက်မှာ တချို့ရဟန်းတော်များ ကိလေသာတွေ ဖြစ်လာတော့ အဲဒီ ကိလေသာတွေ ငြိမ်းအောင်လို့ အားထုတ်တာကိုး။
ဝင်္ဂီသမထေရ်ဆိုရင် ဆွမ်းခံသွားနေရင်း ကိလေသာဖြစ်လာတော့ အရှင်အာနန္ဒာကို လျှောက်ထားတယ်။
“အရှင်အာနန္ဒာ ..တဲ့၊ ကာမရာဂတော့ ဖြစ်လာပြီတဲ့၊ ကာမရာဂမီးတွေ လောင်နေပါတယ် တဲ့၊ ကာမရာဂငြိမ်းကြောင်းဖြစ်တဲ့ တရားကို ဟောပါဦး တဲ့၊ သွန်သင်ဆုံးမပါဦး” ဆိုပြီးတော့ လျှောက်ထားတယ်။

လျှောက်ထားတော့ အရှင်အာနန္ဒာက “အသုဘ နှလုံးသွင်းရမယ်လို့၊ သင် သုဘသညာ သွားနှလုံးသွင်းမိလို့ ကာမရာဂဖြစ်တယ်၊ ဝိသဘာဂအာရုံတွေ ဖြစ်တယ်”။
ယောက်ျားဖြစ်တဲ့ ပုဂ္ဂိုလ်တွေက မိန်းမများကို တမျိုးတဖုံ ထင်တယ်တဲ့၊ ကောင်းတဲ့အနေအားဖြင့် သွားပြီး နှလုံးသွင်းရင် ဒါက ဖြစ်တတ်တယ်။
မိန်းမဖြစ်တဲ့ ပုဂ္ဂိုလ်တွေကလည်း ယောက်ျားဖြစ်တဲ့ ပုဂ္ဂိုလ်တွေပေါ်မှာ လှပတယ်၊ တင့်တယ်တယ်၊ ကောင်းတဲ့အနေအားဖြင့် သွားပြီးတော့ ကြည့်ရှု နှလုံးသွင်းလို့ရှိရင် ဒီကာမရာဂတွေဆိုတာ ဖြစ်တတ်တယ်။
အသုဘအာရုံ နှလုံးသွင်းမှတဲ့။
အသုဘအာရုံ နှလုံးသွင်းလိုက်တော့ နှစ်သက် သာယာစရာ မရှိဘူး။ ရာဂတွေ ငြိမ်းသွားတယ်။
သေသေချာချာ နှလုံးသွင်းရင် သေသေချာချာ ငြိမ်းနေတယ်။

တနေ့က မော်လမြိုင်ရောက်တဲ့နေ့ကပါပဲ။
ကျိုက်မရောဘုရား သွားဖူးတယ်။
ကျိုက်မရောဘုရားဆိုတာ မော်လမြိုင်မှာ နာမည်ကြီး တန်ခိုးကြီးပါပဲ။
ဘုရားဖူးတွေ ရောက်ရောက်သွားကြတယ်။
အဲဒါနဲ့ သူတို့ လိုက်ပို့လို့ ဘုန်းကြီးက ရှေးကလည်း ရောက်ဖူးပါတယ်။ ဒါပေမယ်လို့ ဘယ်မှလဲ သွားစရာ မရှိတာနဲ့၊ ကိုယ်နဲ့ပါတဲ့ ပုဂ္ဂိုလ်တွေလဲ ရောက်ရအောင်၊ နောက် လမ်းမှာလည်းပဲ ပုဗ္ဗာရုံကျောင်းဆိုတာ ဝင်ချင်တာနဲ့ ဘုန်းကြီးလိုက်သွားတယ်။

ဘုရားဖူးပြီးတော့ အရုပ်ကားတွေ ရေးထားတယ်။ (ရေးထားတာ တွေ့တယ်။)
ပထမဆုံး ကြည့်လိုက်တော့ ပွဲကြည့်တဲ့ပုံ။
အရုပ်ကားတွေ တယ် သဘောကျစရာ ကောင်းတယ်။ တယ် နေရာကျတယ်။
ပွဲကနေတဲ့ ပုဂ္ဂိုလ်နဲ့၊ ပွဲကြည့်နေတဲ့ ပုဂ္ဂိုလ်နဲ့ အရုပ်ကားကြီး ရေးထားတယ်။
တဖက်က အရုပ်ကားကတော့ ပကတိအတိုင်းပေါ့လေ။ ပွဲကနေတာလည်းပဲ မင်းသမီး မင်းသားတွေ၊ လှလှပပ တင့်တင့်တယ်တယ် ပြင်ဆင်လို့ ကနေကြတဲ့ ပုံတွေ။
ပွဲကြည့်တဲ့ ပုဂ္ဂိုလ်တွေလည်း အောက်က လှလှပပ ပြင်ဆင်လို့ အမျိုးသမီးတွေ အမျိုးသားတွေ ပကတိအတိုင်းပေါ့။ လှလှပပ တင့်တင့်တယ်တယ်။ ဆိုင်းတီးတဲ့ ပုဂ္ဂိုလ်တွေကပါ ပကတိပုံတွေ ချယ်သ ရေးထိုးထားပါတယ်။

တဖက်ကနေပြီးတော့ အသုဘသညာ ကမ္မဋ္ဌာန်းနဲ့ နှလုံးသွင်းကြည့်တော့ ဒီက ပြနေတဲ့ ပုဂ္ဂိုလ်တွေရော၊ ပွဲကြည့်တဲ့ ပုဂ္ဂိုလ်တွေရော၊ တီးမှုတ်နေတဲ့ ပုဂ္ဂိုလ်တွေရော၊ အမှန်စင်စစ်တော့ အရိုးစုတွေပဲ ဆိုပြီးတော့ အရိုးစုတွေ ရေးပြထားတယ်။
အမယ် သူက တော်တော် ဟန်ကျတယ်။ တော်တော် သဘာဝကျတယ်။
အရိုးစုတွေပဲလို့ သူ့ဟာ သေသေချာချာ စဉ်းစားလိုက်ရင် လက်ကလေးကွေးနေတာ အဲဒါ အရိုးစုတွေပဲ။
ခေါင်းကလေးကို ငုံ့နေတယ်၊ မော့နေတယ်၊ ယိမ်းယိုင်နေတယ်ဆိုရင် သူက အရိုးစုပဲ။
တီးမှုတ်နေတဲ့ ပုဂ္ဂိုလ်တွေကလည်း အရိုးတွေပဲ။
ပွဲကြည့်နေတဲ့ အမျိုးသမီး၊ အမျိုးသားတွေ အကုန်လုံး တစုတဝေးကြီး နည်းတာ မဟုတ်ဘူး။ ဒါတွေ အရိုးစုတွေ။ အကုန်လုံး စုပြီးတော့ မော့ပြီးတော့ အရိုးတွေပဲ။
ဒီပန်းချီကား .. တယ်ဟန်ကျတာပဲလို့။
သေသေချာချာ စဉ်းစားကြည့်ရင် သတ္တဝါတွေဟာ ဒီအတိုင်းချည်းပဲ။ အရိုးစုတွေ ဖြစ်နေတယ်။ အသုဘသညာဆိုတာ အဲဒါလိုပဲ။

တကယ်ထင်အောင် ရှုလို့ရှိရင် သုဘသညာ လုံးလုံး ပျောက်သွားတယ်။
ကြောက်စရာတောင် ကောင်းသေးတယ်။
ရွံစရာ ကောင်းသေးတယ်။
ကာမရာဂတွေ အကုန်လုံး ငြိမ်းသွားနိုင်တယ်။
အဲဒါကြောင့် အရှင်အာနန္ဒာက ဝင်္ဂီသမထေရ်ကို “အသုဘာယ စိတ္တံ ဘာဝေဟိ”လို့ အသုဘသညာဖြစ်အောင်၊ အသုဘအာရုံဖြစ်အောင်၊ အသုဘ မတင့်တယ်ဘူးပေါ့။
စက်ဆုပ်ဖွယ် ရွံရှာဖွယ်ဖြစ်အောင် သင် နှလုံးသွင်းပါတဲ့။

သုဘ တင့်တယ်တယ် နှလုံးသွင်းနေလို့ ကိလေသာတွေ ဖြစ်နေတာတဲ့။
တင့်တယ်တာတွေ နှလုံးသွင်းနေရင် လူ့ပုံသဏ္ဌာန်ဆို မျက်ခုံးနဲ့ မျက်လုံးနဲ့ မျက်နှာနဲ့ နှာခေါင်းအနေနဲ့ အဲဒါတွေ လျှောက်ပြီး အချိုးအစားကျတာတွေ ဒီလို နှလုံးသွင်းနေရင် နှစ်သက်စရာ သာယာစရာ ဖြစ်တယ်။
အဲဒါတွေကို အကုန်လုံး ပယ်ပြီးတော့ အရေက အရေတခြား၊ အသားက အသားတခြား၊ အရိုးက အရိုးတခြား၊ အကြောက အကြောတခြား၊ တစ်ခုစီ တစ်ခုစီ ခွဲပြီးတော့ ကြည့်လိုက်မယ်ဆိုရင် ဒီထဲမှာ နှစ်သက်စရာ သာယာစရာ ဘာမှ မရှိဘူး။
အဲဒီတော့ “အသုဘ နှလုံးသွင်းပါ”လို့ အရှင်အာနန္ဒာက ညွှန်ကြားတဲ့အတိုင်း နှလုံးသွင်းလိုက်တော့ သူ့မှာ ဖြစ်ပေါ်နေတဲ့ ကာမရာဂတွေ ငြိမ်းသွားတယ်။
အဲဒါဟာ ဖြစ်ပြီးသော ကိလေသာတွေကို ပယ်နိုင်အောင်လို့ သူက အားထုတ်တာကိုး။

တခါက စာချနေရင်း စာတက်နေတဲ့ ရဟန်းတော်တစ်ပါးက သူ့မှာ ကိလေသာဖြစ်ဖူးတာ အကြောင်းပြုပြီး သူတရားအားထုတ်သွားဖို့ရာ လျှောက်သွားတော့ တစ်နေရာ ရောက်သွားတယ်။
မထေရ်ကြီးတစ်ပါးထံ ရောက်သွားတယ်။
မထေရ်ကြီးတစ်ပါးထံ ရောက်သွားတော့ “အရှင်ဘုရားတဲ့ ... တပည့်တော်ကို ချီးမြှောက်တော်မူပါတဲ့၊ ကယ်တော်မူပါတဲ့၊ တပည့်တော် ရောဂါစွဲလာလို့”တဲ့။
ဒီတော့ ဟိုက ရိပ်မိတယ်။
ကောင်းပြီတဲ့။
ရောဂါဆေးကုနိုင်တဲ့ ဆရာသမားထံ ရောက်လာတာပဲ ဆိုပြီးတော့ ကာမရာဂငြိမ်းစေနိုင်တဲ့ ကမ္မဋ္ဌာန်း ပေးတယ်။
ကမ္မဋ္ဌာန်းပေးတော့ ကမ္မဋ္ဌာန်းတရား အားထုတ်လိုက်တဲ့အခါ ကာမရာဂတွေလည်း ငြိမ်းပြီးတော့ သွားတယ်တဲ့။ အရိယမဂ်ဖိုလ်တွေလည်း ရပြီးတော့ သွားတယ်တဲ့။

အဲဒါလည်းပဲ ဖြစ်ပြီးသော အကုသိုလ်တရားတွေ ပယ်နိုင်အောင် အားထုတ်တာပဲ။
ကိလေသာဖြစ်ဖူးလို့ နောင် ဒီလို ကိလေသာတွေ ဘယ်တော့မှ မဖြစ်နိုင်အောင်လို့ အားထုတ်ရတာကိုး။


(မဟာစည်သာသနာ့ရိပ်သာ၊ ဗုဒ္ဓသာသနာနုဂ္ဂဟအဖွဲ့ချုပ်မှ ၂၀၀၈ ခုနှစ်တွင် ပထမအကြိမ် ထုတ်ဝေသော
မဟာစည်ဆရာတော်ဘုရားကြီး ဟောကြားတော်မူသည့် “သစ္စာလေးပါးတရားတော်” - စာ ၃၆၉-၃၇၁ မှ)

Monday, April 20, 2009

ဘုရားအမ၊ ရဟန်းအမ၊ ကျောင်းအမကြီး ဒေါ်ငွေကြည် (၁)


အရင်တစ်လက အေဘီဘီအေအသင်းဥက္ကဌကြီး ဦးဟန်ကြူအကြောင်း ဂုဏ်ပြုမှတ်တမ်း ရေးသားခဲ့ပြီး၊ ဒီတခါ အသင်းရဲ့ ဘဏ္ဍာရေးမှူး ဒေါ်ငွေကြည်အတွက် ဂုဏ်ပြုမှတ်တမ်းရေးသားမည့်အကြောင်း လောကချမ်းသာဆရာတော် ဦးဣန္ဒကကို လျှောက်ထားခဲ့ပါတယ်။

ဆရာတော်က “ဒကာမကြီးအကြောင်းကို ရေးမယ်ဆိုရင် ‘ဘုရားအမ၊ ရဟန်းအမ၊ ကျောင်းအမကြီး’လို့ ခေါင်းစဉ်တပ် ရေးပါ”ဟု အမိန့်ရှိလိုက်ပါသည်။
ကျွန်တော်မှ ခေါင်းစဉ်တပ်ရေးရမည့် အထောက်အထားများကိုလည်း မိန့်ကြားရန် လျှောက်ထားလိုက်ရာ ဆရာတော်က အောက်ပါအတိုင်း သမိုင်းကြောင်းကို ရှင်းပြတော်မူခဲ့ပါသည်။

“၁၉၈၃ ခုနှစ် ဇူလိုင်လ ၁၀ ရက် နယူးယောက်ကို စရောက်ပြီး Bronx မှာရှိတဲ့ ယိုးဒယားဘုန်းကြီးကျောင်းမှာ တည်းခိုရပါတယ်။ ဒီကျောင်းကို အေဘီဘီအေက ဝယ်ရန် စရံငွေ ပေးထားပြီး ဖြစ်တယ်။ ဇူလိုင်လ ၁၆ ရက်နေ့မှာ ပထမဆုံးအကြိမ် နယူးယောက် ဝါဆိုပွဲတော် ကျင်းပခဲ့တယ်။ ဒီပွဲမှာ ဒကာမကြီးက ဝေယျာဝစ္စအားလုံးကို လိုလေသေးမရှိ သဒ္ဓါတရား ထက်သန်စွာ ဆောင်ရွက်ခဲ့တာ စပြီး တွေ့ခဲ့ရတယ်။ ဒကာ ဒကာမတွေအားလုံးကလည်း ယိုးဒယားကျောင်းကို မဝယ်ဖြစ်ခဲ့ပေမယ့် ၆-လအတွင်း ကျောင်းရအောင် ရှာမယ်လို့ ကတိပေးကြတယ်။ ဝါကျွတ်တော့ တရုပ်တန်း၊ ဘရူးမ်လမ်းရှိ ဦးဟန်ကြူရဲ့ ပဲပြားစက်ရုံခန်း အထက်ထပ်ကို ပြောင်းပြီး သီတင်းသုံးနေရတယ်။ ဦးဟန်ကြူမိသားစု၊ ဒေါ်ငွေကြည်၊ ဒေါ်တင်တင်တို့က ဆွမ်းကိစ္စ၊ ဝေယျာဝစ္စကိစ္စများကို ပင်တိုင် ဆောင်ရွက်ပေးကြပါတယ်။

ဒကာ ဒကာမတွေ အားလုံးက နယူးယောက်မှာ ဘုရား ကျောင်း သင်္ခန်း ဖြစ်လာရန်နှင့် သံဃာတော်များ အစဉ်အမြဲ သီတင်းသုံး နေထိုင်ရန် ဆန္ဒတွေ ပြင်းပြနေကြတော့ မိမိရဲ့ သာသနာပြုရန် ရည်ရွယ်ချက်အတွက် အားတက်သွားမိတယ်။
ဒကာမကြီးကဆိုရင် နယူးယောက်က ပြန်ကြွသွားမှာကို စိုးရိမ်စိတ်နှင့် ကျောင်းရတော့မယ်ဖြစ်ကြောင်း ပြန်မကြွရန် အတန်တန် လျှောက်ထားပါတယ်။
ဒီ ဒကာ ဒကာမတွေရဲ့ အဓိပတိ ဦးဆောင်နေတဲ့ စေတနာကံတွေကြောင့်ပဲ ဆိုရမယ်။ (၆)လအတွင်းမှာ ယခု လောကချမ်းသာဘုရားကျောင်းဖြစ်လာမယ့် အဆောက်အဦကို ဦးဟန်ကြူမှ စီစဉ်လိုက်ပါတယ်။

ထိုစဉ်က ကုန်လှောင်ရုံဖြစ်နေခြင်းကြောင့် အပူအအေး၊ လျှပ်စစ်မီး အစစ အရာရာ မပြည့်စုံခဲ့လို့ ရာသီဥတုဒက်က စပြီး ဒုက္ခပေါင်းစုံ ရောက်ခဲ့ပါတယ်။
ဒကာမကြီးကတော့ လူပင်ပန်း စိတ်ပင်ပန်းနဲ့ အဆင်းရဲ ခံပြီး ဘုရားကိစ္စ၊ သံဃာတော်များ ဆွမ်းကိစ္စ၊ ကျောင်းကိစ္စ အဝဝတွေကို ဒေါ်တင်တင်နှင့်အတူ ဇွဲရှိရှိနဲ့ ကြိုးစားပြီး ဖြည့်ဆည်းပေးရှာပါတယ်။ တဖက်ကလည်း ဝေယျာဝစ္စအဖွဲ့ကို ဦးဆောင်ပြီးတော့ အသင်းတိုးတက်ရေးအတွက် လုပ်အား ငွေအား သဒ္ဓါတရားများ ထက်သန်စွာ သေတပန် သက်တဆုံး လုပ်သွားပြန်တယ်။

ဒကာမကြီးရဲ့ စွမ်းဆောင်ချက်တွေကြောင့် အလှူပွဲတွေမှာဆိုရင်လည်း သံဃာတော်များ၊ ဓမ္မမိတ်ဆွေများ၊ အလှူရှင်များအားလုံးက စိတ်ကျေနပ်မှု၊ ချမ်းမြေ့မှု ပီတိတွေကို အခြေခံပြီးတော့ ကုသိုလ်တရားတွေ ပွားသထက် ပွားသွားကြတယ်လို့ ယုံကြည်မိတယ်။

ဒါ့အပြင် သာသနာ့ အမွေအနှစ်တွေကိုလည်း ဓမ္မမိတ်ဆွေများ ရစေချင်တဲ့ ဆန္ဒနဲ့ နှစ်စဉ် ဘုန်းကြီးရဲ့ မွေးနေ့မှာ စုပေါင်း ရဟန်းခံ ရှင်ပြုပွဲတွေကို ဒကာမကြီးတို့ မိသားစုက ဦးဆောင် မတည်ပြီးတော့ နှစ်အတော်ကြာ ကျင်းပခဲ့ကြတယ်။
၂၀၀၄ ခုနှစ်က စပြီး မဟာစည်ဆရာတော်ဘုရားကြီးရဲ့ ဂုဏ်ရည်ပူဇော်ပွဲဖြစ်သွားမှ ရပ်သွားကြတယ်။

သာသနာတော်ကြီးအတွက် နောက်ဆုံးဘဝတိုင်အောင် အသက်ပေးသွားခဲ့တဲ့ သာသနာ့အာဇာနည် ဒကာမကြီးရဲ့ စေတနာတွေက မိသားစုအားလုံးကို ရောင်ပြန်ဟပ်စေခဲ့တယ်လို့ပဲ ဆိုရမယ်။
မိခင်ရဲ့ အမွေခံထိုက်စေတဲ့ သားသမီးတွေက မိခင်ကြီးရဲ့ တာဝန်တွေကို ပခုန်းပြောင်း ထမ်းဆောင်ထားကြလို့ လွန်စွာမှ အားရ ကျေနပ်လှပါတယ်။ သားကြီး ဒေါက်တာဦးခင်မောင်ဆိုရင် မိခင်ကြီးရဲ့ တာဝန်ကို တသွေမတိမ်း ဆက်လက် ဆောင်ရွက်နေတယ်။ လောကချမ်းသာဘုရားကြီးရဲ့ ဝေယျာဝစ္စကိစ္စတွေ၊ ဓမ္မာရုံတည်ဆောက်ရေးကိစ္စတွေ၊ ကျောင်း သင်္ခန်း ကိစ္စတွေ အားလုံးမှာ မရှိမဖြစ်ဆိုတာတွေ မပေါ်ပေါက်အောင် လူအား ငွေအားနှင့် အမြဲ မတည် ဆောင်ရွက်လျက်ရှိတယ်။ ဒကာမကြီးတို့ မိသားစုကို အကြိမ်ကြိမ် သာဓုခေါ်လို့မဆုံး ဖြစ်ရပါတယ်။
ဒီအချက်တွေကြောင့် ဒကာမကြီးကို ‘ဘုရားအမ၊ ရဟန်းအမ၊ ကျောင်းအမကြီး’လို့ ခေါင်းစဉ်တပ်စေချင်တာပါ။”

+++++

ဒေါ်ငွေကြည်ရဲ့ မိတ်ဆွေရင်းလည်းဖြစ်၊ ပထမဦးဆုံးသော ကထိန်ပွဲမှ စ၍ ဝေယျာဝစ္စများကို ဒေါ်ငွေကြည်နှင့်အတူ လက်တွဲလျက် လုပ်ကိုင်လာခဲ့ရာ ယနေ့တိုင် ဝတ်မပျက် လုပ်ကိုင်နေလျက်ရှိသော ဒေါ်တင်တင်ကို တွေ့ဆုံ မေးမြန်းခဲ့ရာ ဒေါ်တင်တင်က -
“ကျွန်မတို့ မြန်မာပြည်မှာကတည်းက ဘုရား ကျောင်းကန်တွေမှာ သံဃာတော်များကို ဆွမ်းကပ် လှူဒါန်းနေကြသူတွေ မဟုတ်လား။ ၁၉၈၃ ခုနှစ် ကထိန်ပွဲကို ကြွလာတဲ့ ဆရာတော် ဦးဣန္ဒကနဲ့ ဦးပညာဇောတတို့ နှစ်ပါးကို ဖူးလိုက်ရကတည်းက နယူးယောက်မှာ ရတနာမြတ်သုံးပါး အမြဲကြည်ညိုခွင့်ရအောင် ဘုန်းကြီးကျောင်းဖြစ်မြောက်ဖို့ ကျွန်မတို့အားလုံး ဆန္ဒတွေ ပြင်းပြနေခဲ့ကြတယ်။

ယိုးဒယားကျောင်း ဝယ်ဖို့ အစီအစဉ် ပျက်သွားတော့ ဆရာတော်ဦးဣန္ဒက ပြန်ကြွသွားမှာကို အားလုံးက စိုးရိမ်ကြတယ်။ တရုပ်တန်း ဦးဟန်ကြူရဲ့ ပဲပြားစက်ရုံအပေါ်ထပ်မှာ ယာယီပင့်ထားတုန်း ဒေါ်ငွေကြည်ခမျာ ဆရာတော်ကို ကျောင်းရတော့မှာပါ၊ နယူးယောက်မှာပဲ သီတင်းသုံးသွားရန် အမြဲလျှောက်ထားလေ့ ရှိပါတယ်။ နောက်ဆုံး ယခု ကျောင်းနေရာ အဆောက်အဦကို ရသွားမှ အားလုံး စိတ်အေးသွားခဲ့ကြတယ်။ ဒီအဆောက်အဦကလည်း ကုန်လှောင်ရုံဖြစ်နေခြင်းကြောင့် ရေပူ ရေအေး၊ လျှပ်စစ်မီး၊ ဆောင်းတွင်းဆို အပူ စသည်ဖြင့် မပြည့်စုံ။ ကြမ်းခင်းတွေကလည်း ပေါက်ပြဲနေပြီး ခေါင်မိုးကလည်း မိုးမလုံနဲ့ အတော် ဆင်းဆင်းရဲရဲ ဒုက္ခရောက်ခဲ့ကြတယ်။

ဒါကြောင့် ဦးဟန်ကြူ၊ ဦးသန်းအောင်၊ ဦးတင်မောင်၊ ဒေါ်ငွေကြည်နဲ့ ကျွန်မတို့ ငါးဦးက တစ်ယောက်ကို ဒေါ်လာ ၅၀၀ စီ စုပြီး၊ စုစုပေါင်း ဒေါ်လာ ၂၅၀၀ နဲ့ စတင် ပြုပြင် မွမ်းမံခဲ့ကြတယ်။
ကျောင်းဖြစ်ပြီး နောက်ပိုင်းမှာလည်း ဒေါ်ငွေကြည်ရဲ့ သဒ္ဓါတရားတွေက လျှော့သွားတယ်လို့ မရှိပါဘူး။ တိုး၍ တိုး၍သာ ဖြစ်ပေါ်နေပါတယ်။

ကျောင်းရယ်လို့ သတ်သတ်မှတ်မှတ် မရှိခင်က အခက်အခဲမျိုးစုံနဲ့ ဖြစ်သလို ပြောင်းရွှေ့ သီတင်းသုံးလာခဲ့ရတဲ့ ဆရာတော် ဦးဣန္ဒကကို သူက ကျေးဇူးတင်မဆုံး ဖြစ်ခဲ့လို့ ဆရာတော်ရဲ့ မွေးနေ့တိုင်းမှာ စုပေါင်း ရဟန်းခံ ရှင်ပြုပွဲနဲ့ တွဲပြီး ကျင်းပရင်းက ကုသိုလ်တွေ ဆက်သွားစေခဲ့ပါတယ်။

ကျွန်မတို့တတွေလည်း သူ့ရဲ့ ဦးဆောင်မှုနဲ့ ဝေယျာဝစ္စကုသိုလ်တွေ လုပ်ကိုင် ဆောင်ရွက်ရတော့ သိတ်ပြီး ဝမ်းသာ ကျေနပ်ကြပါတယ်။
အလှူရှင်များကဆိုရင် ကျေးဇူးတင်မဆုံး ဖြစ်သွားကြပြီး ဝေယျာဝစ္စအဖွဲ့ကို ဆုငွေတွေ ချသွားခဲ့ကြတယ်။ ဒီဆုငွေတွေကို စုထားတာ ခုဆို ရန်ပုံငွေ အတော် ရနေပါပြီ။

ယခု အေဘီဘီအေ အသင်းကြီးရဲ့ တိုးတက် အောင်မြင်မှုတွေ၊ နယူးဂျာစီမှာ သာသနာ့မြေကွက်တွေ ဝယ်ကြ၊ လောကချမ်းသာစေတီတော်ကြီး တည်ထား ကိုးကွယ်ကြတာတွေကို ဒေါ်ငွေကြည် တွေ့စေ မြင်စေချင်လှပါတယ်။ ကျွန်မကလည်း သူငယ်ချင်းရဲ့ စိတ်ဆန္ဒအတိုင်းပါပဲ။ သူပါဝင်ပြီး စတင် တည်ထောင်လာခဲ့တဲ့ အသင်းကြီးရဲ့ ဝေယျာဝစ္စတွေကို သူ့လိုပဲ အသက်ထက်ဆုံး လုပ်သွားမှာပါ။ တည်ဆောက်တော့မယ့် တရားရိပ်သာကြီးကိုလည်း ကျွန်မ မသေခင် တွေ့မြင်သွားချင်ပါတယ်။ မသေမချင်းလည်း ဒီတာဝန်တွေကို ဆက်လက် ဆောင်ရွက်နေမှာပါ” ဟူ၍ ရှင်းပြခဲ့ပါတယ်။

+++++

ကျွန်တော် လေ့လာ မှတ်သားမိသလောက် ဒေါ်ငွေကြည်သည် ၁၉၇၉ ခုနှစ် အေဘီဘီအေအသင်းကို စတင် တည်ထောင်လာကတည်းက အသင်း၏ ဝေယျာဝစ္စမှန်သမျှကို အားကြိုးမာန်တက် ပါဝင် ဆောင်ရွက်ခဲ့၏။
၁၉၈၃ ခုနှစ်တွင် အသင်းအမှုဆောင် အဖွဲ့ဝင် ဖြစ်လာခဲ့ပြီး၊ ၁၉၉၉ ခုနှစ်မှ စ၍ ဘဏ္ဍာရေးမှူးတာဝန်ကို ထမ်းဆောင်ခဲ့၏။ တဖက်ကလည်း အသင်း၏ ဝေယျာဝစ္စများ မလစ်ဟင်းအောင် ထိန်းသိမ်း ဆောင်ရွက်၏။
အိမ်တစ်အိမ်တွင် မီးဖိုချောင် လုံမှ စီးပွားတင်သလို အသင်းတစ်ခုတွင်လည်း ဧည့်ခံကျွေးမွေးရေးကိစ္စ၊ ဝေယျာဝစ္စကိစ္စများ မလစ်ဟင်း၊ အလေအလွင့် အဖိတ်အစင် နည်းအောင် ထိန်းသိမ်း ဆောင်ရွက်နိုင်ပါမှ အသင်း၏ အကျိုးစီးပွားကို ကာကွယ် ထိန်းသိမ်း ဆောင်ရွက်ရာ ရောက်ပါသည်။
ထိုကြီးလေးသော တာဝန်ကြီးကို ဒေါ်ငွေကြည်သည် သေတပန် သက်တဆုံး ဆောင်ရွက်သွားခဲ့၏။ အခြားတဖက်ကလည်း သံဃာတော်များ၊ အလှူရှင် တကာ တကာမများနှင့် ဧည့်ပရိတ်သတ်များ အားလုံးတို့၏ ဆန္ဒများကိုလည်း လိုလေသေးမရှိ ဖြည့်ဆည်း ဆောင်ရွက်သွားနိုင်စွမ်း ရှိခဲ့၏။
ဒေါ်ငွေကြည်ကဲ့သို့ပင် ရတနာမြတ်သုံးပါးတို့အပေါ် ယုံကြည်မှု သဒ္ဓါတရားကို အခြေခံသည့် စေတနာ ကံများနှင့် ပြည့်စုံကြသော အေဘီဘီအေအမှုဆောင်များအားလုံး၏ စွမ်းဆောင်မှုများကြောင့် အေဘီဘီအေအသင်း၏ အခြေခံသည် ခိုင်မာ တောင့်တင်းလှ၏။ ထို့ကြောင့်လည်း အသင်း၏ အောင်မြင် တိုးတက်မှုများသည် အရှိန်အဟုန် မြင့်မားလျက် ရှိနေပါသည်။
ထိုပုဂ္ဂိုလ်များနှင့် အသင်း မပေါ်ပေါက်လာပါက နယူးယောက်ဒေသတွင် သာသနာတော်ကြီး စောလျင်စွာ ပေါ်ပေါက်လာမည် မဟုတ်ချေ။
နယူးဂျာစီရှိ လောကချမ်းသာ စေတီတော်ကြီးနှင့် သာသနာ အမွေအနှစ်များသည်လည်း ဖြစ်ပေါ်လာမည် မဟုတ်ပေ။
ထို့ကြောင့် ထိုထိုပုဂ္ဂိုလ်တို့ကို ကျောက်ထက် အက္ခရာတင်၍ ကဗျည်းရေးထိုး မှတ်တမ်းတင်ထားလိုက်ချင်ပါတော့သည်။

အထက်ပါ အကြောင်းအရာများသည် ဗုဒ္ဓသာသနာတော်အပေါ်၌ ယုံကြည် သက်ဝင်မှု သဒ္ဓါတရားကို အခြေပြုထားသည့် စေတနာတည်းဟူသော ကံ၊ ကိုယ်ကျိုးမဖက်ဘဲ သာသနာ့အကျိုးအတွက် ဆောင်ရွက်သွားသည့် အလုပ်များပင် ဖြစ်ပါသည်။
တနည်းအားဖြင့် ဗုဒ္ဓ ဘုရားရှင် ပွင့်တော်မူပြီးနောက် နှစ် ၂၅၀၀ ကျော် ကာလ၊ ဘုရားရှင်အပေါ် ယုံကြည် သက်ဝင်သူတို့၏ စွမ်းဆောင်ချက်များဖြစ်ရာ ဘုရားရှင်လက်ထက်တော်ကာလ ဤကဲ့သို့ စွမ်းဆောင်သွားကြသူ ပုဂ္ဂိုလ်များနှင့် စံထား၍ လေ့လာလိုပါသည်။

+++++

ဝိသာခါ ကျောင်းအမကြီး

ဗုဒ္ဓဘုရားရှင်လက်ထက်က အင်္ဂတိုင်း၊ ဘဒ္ဒိယမြို့ရှိ ဓနဉ္စယသူဌေးကြီး၏ သမီး ‘ဝိသာခါ’သည် ၇ နှစ် သမီးအရွယ်တွင် မြတ်စွာဘုရားအား ခရီးဦး ကြိုဆိုမှု ပြုစဉ် ဘုရားရှင်က သူမ၏ စရိုက်နှင့် လိုက်လျောညီသော တရားတော်ကို ဟောကြားတော်မူသော အဆုံး၌ သောတာပတ္တိမဂ်ဖိုလ် တည်သွားခဲ့၏။
ထိုမှ စ၍ ဘုရားအမှူးရှိသော သံဃာတော်မြတ်တို့ကို ဆည်းကပ် ပူဇော်လာခဲ့သူ ဖြစ်၏။
အရွယ်ရောက်၍ ‘မိဂါရ’ သူဌေးသားနှင့် မင်္ဂလာပြုပြီးနောက် ယောက္ခမနေအိမ်သို့ လိုက်နေရ၏။
ကျွေးကျွန် မောင်းမ မိတ်သံများနှင့် ပြည့်စုံလှသော်လည်း မပျော်ပိုက်။ ယောက္ခမအား ‘သမီး ဝိသာခါသည် ရဟန်းသံဃာများနှင့် ကင်းကွာ၍ နေထိုင်ရန် မဖြစ်နိုင်ပါ။ ရဟန်းသံဃာတို့ကို ပြုစု လုပ်ကျွေးလိုပါ၏’ ဟု အရေးဆို၏။
ယောက္ခမ၏ ခွင့်ပြုချက် ရသည်နှင့် အခွင့်သာသောအခါတိုင်း၌ ဘုရားအမှူးရှိသော သံဃာတော်တို့အား ဆွမ်းဖြင့် လုပ်ကျွေး လှူဒါန်းတော့၏။
ယောက္ခမတို့ကလည်း ဘုရားရှင်၏ တရားတော်ကို နာကြားခွင့် ရခြင်းကြောင့် သောတာပန် အရိယာများ ဖြစ်သွားခဲ့ကြ၏။
ထို့ကြောင့် ဝိသာခါကို သမီးအရာ၌ တည်စေ၏။
သာဝတ္ထိမြို့တံခါးအနီးရှိ ပုဗ္ဖာရုံကျောင်းမြေနေရာကို ကိုးကုဋေဖြင့် ဝယ်ပြီး၊ ကိုးကုဋေဖြင့် ပုဗ္ဖာရုံကျောင်းတိုက်ကြီး ဆောက်၏။
ရှင်မောဂ္ဂလန်မထေရ်မြတ်၏ ကြီးကြပ်မှုဖြင့် ၉ လ အကြာ၌ ပြီးစီး၏။
ရေစက်ချပွဲကို ၄ လ ကြာ ကျင်းပခဲ့၏။
နေ့စဉ်လည်း ကျောင်းတိုက်၌ ဘုရားအမှူးရှိသော သံဃာတော်တို့အား အလှူဒါနကြီး ပေးလှူ၏။
ထိုကဲ့သို့သော ဝိသာခါသည် နေ့စဉ် နံနက်အခါ၌ ရဟန်းသံဃာတော်တို့အား ဆွမ်းများ လှူဒါန်းခြင်း၊ နေမွန်းလွဲသောအခါ ဆီဦးထောပတ်၊ ပျားရည်၊ တင်လဲတို့ကိုလည်းကောင်း၊ အဖျော်အမျိုးမျိုးတို့ကိုလည်းကောင်း ဝတ်မပျက် ဆက်ကပ်၏။
ထိုအချက်တို့သည် ဝိသာခါ၏ ‘နိဗဒ္ဓတ်ဝတ်’ ဖြစ်ပါသည်။

ဗုဒ္ဓဘုရားရှင်က စွန့်ကြဲ၊ ပေးကမ်း၊ လှူဒါန်းခြင်း၌ နှစ်ခြိုက် မွေ့လျော်ကြသည့် ငါဘုရား၏ တပည့်မ သာဝိကာဥပါသိကာမ တို့တွင် ဝိသာခါ သူဌေးမသည် အသာဆုံး အမြတ်ဆုံးဟု ဧတဒဂ်ဘွဲ့ထူးဖြင့် ချီးမြှင့်တော်မူခဲ့ပါသည်။

ဝိသာခါ၏ ထူးခြားချက်တို့မှာ အမြဲတစေ ၁၆ နှစ် အရွယ်တမျှ ပျိုမြစ်နုနယ်လျက် ရှိ၏။ သားသမီး မြေးမြစ်များနှင့်အတူ သွားသည်ကို မြင်လျှင် ဘယ်သူသည် ဝိသာခါလဲဟု မေးရလောက်အောင် ဖြစ်၏။ လျောင်း ထိုင် ရပ် သွား ဣရိယာပုတ်တိုင်း၌ မတင့်တယ်ဘူးဟု ပြောဖွယ်ရာ မရှိအောင် တင့်တယ်၏။ ဆင်ပြောင် ၅ စီး အားနှင့်လည်း ပြည့်စုံ၏။ သက်တမ်း ၁၂၀ ထိ နေသွားသူ ဖြစ်ပါသည်။
ဝိသာခါကျောင်းအမကြီး သေဆုံးသွားစဉ် မည်သို့မည်ပုံ သေဆုံးသွားခဲ့သည်ဟူ၍ မှတ်တမ်းများ မတွေ့မိပါ။

+++++

ဒေါ်ငွေကြည်၏ နောက်ဆုံးဘဝ

ဒေါ်ငွေကြည်မှာမူ သက်တမ်း ၆၉ နှစ်တွင် မထင်မှတ်သော သေဆုံးခြင်းနှင့် ရင်ဆိုင်သွားခဲ့ရ၏။
ယုံကြည်မှု သဒ္ဓါတရားများ ထုံနေပြီဖြစ်သော ဒေါ်ငွေကြည်သည် ၂၀၀၀ ခုနှစ် မတ်လ ၂၅ ရက် စနေနေ့၌ ဘော်စတွန်မြို့ရှိ မဟာသတိပဋ္ဌာန်ရိပ်သာကျောင်းတွင် ပြုလုပ်မည့် ထမနဲပွဲတော်အတွက် ဝေယျာဝစ္စများ ကူညီဆောင်ရွက်ရန် နယူးယောက်မှ ထွက်ခွာခဲ့ကြ၏။
ကား ၂ စီးဖြင့် သွားကြရာ ၎င်းတို့ကားတွင် ကားမောင်းသူ မောင်လေးဝင်း၊ ဒေါ်ငွေကြည်၊ ကိုစောမြင့်နှင့် ဆရာတော် ဦးဣန္ဒာစာရတို့ ပါ၏။ နံနက် ၅ နာရီ ဆရာတော် ဦးဣန္ဒာစာရအား လောကချမ်းသာဘုရားကျောင်း၌ သွားပင့်စဉ် ဒေါ်ငွေကြည်တယောက် ဘုရားခန်း၌ ဘုရားဝတ်ပြုပြီး၊ ဆရာတော်ဦးဣန္ဒာစာရအား အရုဏ်ဆွမ်းအဖြစ် ကော်ဖီနှင့် ကားတွင် ပါလာသော ပြောင်းဖူးပြုတ်များ ကပ်လှူခဲ့၏။
ထိုအလှူသည် ဒေါ်ငွေကြည်၏ နောက်ဆုံးအလှူဟူ၍ မည်သူ သိနိုင်ပါမည်နည်း။

ဘော်စတွန်သို့ ခရီးထွက်လာခဲ့ကြရာ နယူးရေချယ် တိုးပလာဇာအလွန်၌ အတူ ထွက်ခွာလာကြသည့် အခြား ကားတစ်စီး ပြတ်ကျန်ခဲ့၍ လမ်းဘေးတွင် ကားရပ်ပြီး စောင့်နေကြ၏။
ထိုစဉ် အရှိန်ပြင်းစွာ မောင်းလာသော ကားတစ်စီးက နောက်မှ ဆောင့်ပြီး ဝင်တိုက်လိုက်၏။
ကားအတွင်း ရှိနေကြသူများအနက် ဒေါ်ငွေကြည်မှာ ဆေးရုံသို့ အမြန်ဆုံး ပို့ပေးခဲ့သော်လည်း အသက်ဆုံးရှုံးခဲ့၏။
ကားမောင်းသူ မောင်လေးဝင်းမှာ ထိုထိခိုက်ဒဏ်ရာများကြောင့် ယနေ့တိုင် မူလအခြေအနေသို့ ပြန်မဖြစ်တော့ပေ။
ဆရာတော်ဦးဣန္ဒာစာရမှာ ရှေ့သွားနှစ်ချောင်းနှင့် ဘယ်ဘက်ပခုန်းရိုး ကျိုးသွားခဲ့၏။
ကိုစောမြင့်မှာ သာမန်မျှသာ ဒဏ်ရာ ရရှိခဲ့၏။

သေစေလောက်သော ဘေးအန္တရာယ်သည် သေခြင်းတရားကို ဖြစ်ပေါ်ရန် အကြောင်းတရားများနှင့် ကားတစီးလုံးပေါ်သို့ ကျရောက်ခဲ့သော်လည်း ကားအတွင်းရှိ တဦးဆီအပေါ် အကျိုးသက်ရောက်ပုံများမှာမူ မတူညီခဲ့ပေ။ ပြုခဲ့ကြသော ကံများ မတူညီကြခြင်းကြောင့်ပင် ဖြစ်ပေမည်။ ဤကဲ့သို့ သေဘေးအန္တရာယ်ကြီး ကျရောက်စဉ် အခိုက်အတန့် ကားအတွင်းတွင် ရှိနေကြသူများအဖို့ မမျှော်လင့်ဘဲ လျင်မြန်စွာ ကျရောက်လာသော ဘေးကြီးဖြစ်၍ မည်သို့မည်ပုံ ခံစားကြရမည်ကို မသိ။ ကျွန်တော် ကြုံခဲ့ဖူးသည့် သေဘေးအန္တရာယ်ကြီးတစ်ခုကိုမူ ပြန်တွေးမိတိုင်း ယခုတိုင် တုန်လှုပ် ချောက်ချားနေမိပါသေးသည်။

+++++

ခင်မောင်ဝင်း
နယူးယောက်မြို့

Monday, April 13, 2009

အေဘီဘီအေ မြန်မာနှစ်သစ်ကူးပွဲတော် ဓာတ်ပုံသတင်း


၂၀၀၉ ခု ဧပြီလ ၁၁ ရက် စနေနေ့ လုပ်အားပေး


သူ့လက်ရာ


အတာသင်္ကြန်တီရှပ်နဲ့ ဒီဇိုင်းဆရာ


၂၀၀၉ ခု ဧပြီလ ၁၂ ရက် ပွဲတော်နေ့ လောကချမ်းသာဆရာတော်၏ အနုမောဒနာတရား


တရားနာပရိတ်သတ်များ


တရားနာပရိတ်သတ်များ


ဘုန်းကြီးဦးအဘယာလင်္ကာရမှ ရေစက်ချ ဆုတောင်း အမျှဝေ ချီးမြှင့်


နှစ်သစ်ကူးပွဲတော်အလှူရှင်များမှ ရေစက်ချ


ဂုဏ်ပြုလက်မှတ်ချီးမြှင့်


အန္တရာယ်ကင်း ဘေးကင်း ပရိတ်ရေပက်ဖျန်း

Wednesday, April 8, 2009

တရားတော်မြတ်


တတိယသင်္ဂါယနာကို တင်တော်မူကြတဲ့အခါ အသောကမင်းတရားကြီးက ပစ္စည်းလေးပါး ပြည့်စုံအောင် ထောက်ပံ့ခဲ့တယ်။

သံဃာတော် အရှင်သူမြတ်များကို မေးလျှောက်တာတစ်ခုက - “အရှင်သူမြတ်တို့ဘုရား၊ ဗုဒ္ဓမြတ်စွာ ဟောပြတော်မူခဲ့တဲ့ တရားတွေဟာ ဘယ်လောက်ရှိပါသလဲ ဘုရား” တဲ့။

အဲဒီတော့ အရှင်မဟာမောဂ္ဂလိပုတ္တတိဿမထေရ်သူမြတ်က အဖြေ ပေးတော်မူတယ်။

“ပိဋကတ်အားဖြင့် သုံးပုံတဲ့ - သုတ္တန်၊ ဝိနည်း၊ အဘိဓမ္မာ ပါပဲ။
နိကာယ်အားဖြင့် ငါးရပ် - ဒီဃနိကာယ်၊ မဇ္ဈိမနိကာယ်၊ ခုဒ္ဒကနိကာယ်၊ သံယုတ္တနိကာယ်၊ အင်္ဂုတ္တုရနိကာယ် တို့ပါပဲ။
အင်္ဂါအားဖြင့် ကိုးတန် - သုတ္တ၊ ဂေယျ၊ ဝေယျာကရဏ၊ ဂါထာ၊ ဥဒါန၊ ဣတိဝုတ္တက၊ ဇာတက၊ အဗ္ဘုတဓမ္မ၊ ဝေဒလ္လ လို့ (၉)ပါး ဖြစ်ပါတယ်။
ဓမ္မက္ခန္ဓာအားဖြင့် ရှစ်သောင်းလေးထောင် ရှိတယ်” လို့ ဖြေကြားခဲ့ပါတယ်။


ဂန္ထဝင်စာပေမှ ၂၀၀၈ ခုနှစ် မေလတွင် ပထမအကြိမ် ထုတ်ဝေသော ရေစကြိုဆရာတော် တိပိဋကဓရ ဓမ္မဘဏ္ဍာရိက၊ အဂ္ဂမဟာပဏ္ဍိတ ဘဒ္ဒန္တဝါယာမိန္ဒာဘိဝံသ၏ “ဗုဒ္ဓမြတ်စွာ၏ နည်းသမုဒ္ဒရာ” ဒုတိယတွဲ၊ စာ-၂၄၉-၂၅၀