Friday, November 28, 2008

ဣနြေ္ဒပွားလျှင် စိတ်ကြည်လင် - အရှင်ဣန္ဒက


ဗုဒ္ဓဘာသာတရားတော်များသည် စိတ်ကို ကိလေသာအညစ်အကြေးတို့မှ ကင်းဝေးစင်ကြယ်စေရန် ဟောကြားတော်မူသော တရားတော်များ ဖြစ်လေသည်။

စိတ်သည် လိုချင်တပ်မက်ခြင်းဟူသော လောဘတရား၊ အလိုမကျမှု အမျက်ထွက်ခြင်းဟူသော ဒေါသတရား၊ အမှားအမှန်ကို ခွဲခြားမသိမှု တွေဝေမိုက်မဲခြင်းဟူသော မောဟတရား ဤအခြေခံကိလေသာတရားတို့၏ လွှမ်းမိုးမှုကို ခံရသောအခါ ညစ်နွမ်း၏။ မကြည်လင် မသန့်ရှင်းတော့ဘဲ စိတ်ငြိမ်းအေးမှုကို မရနိုင်တော့ပေ။

ထို့ကြောင့် စိတ်ကို ယင်းကိလေသာတို့မှ ကင်းဝေးစင်ကြယ်စေရန် ဝိပဿနာတရားကို ကျင့်ကြံပွားများ အားထုတ်မှသာလျှင် စိတ်ချမ်းချမ်းသာသာ နေနိုင်မည် အမှန်ဖြစ်ပေသည်။

ဤနေရာ၌ ကျင့်ကြံအားထုတ်ရန် တရားနှင့် ပတ်သက်၍ ဗုဒ္ဓတရားတော်နှင့် အခြားအယူဝါဒတရားများ၏ ကွဲပြားခြားနားပုံကို ဗုဒ္ဓရှင်တော်မြတ်ဘုရားကိုယ်တော်တိုင် ဟောကြားထားတော်မူသည့် “ဣန္ဒြိယဘာဝနာသုတ်”တရားတော်သည် အလွန်ပင် မှတ်သားနာယူစရာကောင်းလှပေသည်။

ဤသုတ်၌ မျက်စိစသော ဣနြေ္ဒခြောက်ပါးနှင့် စပ်၍ အာရုံကောင်း၊ အာရုံဆိုး၊ အလတ်စားအာရုံများကို တွေ့မြင်သောအခါ လောဘစိတ်၊ ဒေါသစိတ်၊ မောဟစိတ်များကို ဖြစ်ခွင့်မပေးဘဲ ကြားမှာ ဝိပဿနာဉာဏ်သွင်း၍ ချမ်းသာစွာ နေရပုံကို ဟောပြထားခြင်း ဖြစ်ပါသည်။

အခါတပါး၌ ဗုဒ္ဓရှင်တော်မြတ်ဘုရားသည် အိန္ဒိယနိုင်ငံ၊ ဇင်္ဂလနိဂုံးရွာကြီးအနီးရှိ သုဝေဠုအမည်ရှိသော တောအုပ်ကြီးအတွင်းမှာ ခေတ္တ ချမ်းသာစွာ သီတင်းသုံးနေတော်မူစဉ် ပါရာသိဝိယပုဏ္ဏားဆရာကြီး၏ တပည့်ရင်းတဦးဖြစ်သူ ဥတ္တရလုလင်ကလေးသည် ဘုရားရှင်ထံမှောက်သို့ ရောက်ရှိလာခဲ့လေသည်။

မြတ်စွာဘုရားသည် ထိုလုလင်အား “ဥတ္တရ .. သင်တို့ရဲ့ ဆရာကြီးပါရာသိဝိယဟာ စက္ခုစသော ဣနြေ္ဒများကို ပွားဖို့ ဟောကြားဆုံးမသလား” ဟု မေးတော်မူရာ -

ဥတ္တရလုလင်သည် “ဟောကြားဆုံးမပါသည် အရှင်ဘုရား”ဟု လျှောက်ထားသဖြင့် သူဟောကြားပုံကို ပြောပြရန် အမိန့်ရှိတော်မူပါသည်။

ထိုအခါ ဥတ္တရလုလင်က “အဆင်းကို မြင်လျှင် ကြိုက်မှု မကြိုက်မှု စသည် မဖြစ်ရန် ဆရာကြီးက မျက်စိနဲ့ အဆင်းတွေကို မကြည့်နဲ့၊ နားနဲ့ အသံတွေကို နားမထောင်နဲ့ စသည်ဖြင့် ဟောကြား ဆုံးမပါသည်” ဟု ပြောပြရာ ဘုရားရှင်သည် “ဒီလိုဆိုရင် အမိဝမ်းတွင်းထဲက မျက်စိကန်းလာတဲ့သူ၊ နားပင်းလာတဲ့သူတွေဟာ ဣနြေ္ဒတွေကို စောင့်စည်းပြီး ဖြစ်တော့မှာပေါ့”ဟု မိန့်တော်မူသောအခါ ဥတ္တရလုလင်သည် ဘာမှ ပြန်ပြီး ရှင်းမပြနိုင်တော့ဘဲ ခေါင်းငိုက်စိုက်ကြီးကျသွားလေသည်။

ပါရာသိဝိယပုဏ္ဏားဆရာကြီးဟောကြားသည့် တရားသည် လက်တွေ့ကျသော တရား မဟုတ်သည်ကို စဉ်းစားကြည့်လျှင် သိနိုင်ပေသည်။
သူပြောသလို မျက်စိနှင့်နားကို ပိတ်ထားလို့ ရချင်ရနိုင်မည်ဖြစ်သော်လည်း နှာခေါင်း၊ လျှာ၊ ကိုယ်ဣနြေ္ဒတို့ကို ပိတ်ထားလို့ မဖြစ်နိုင်ပေ။
အထူးအားဖြင့် မနိနြေ္ဒခေါ်သော စိတ်ကို မည်သို့ ပိတ်ထားနိုင်မည်နည်း။
သူ့တရားသည် လူပြိန်းကြိုက်တရားမျိုး ဖြစ်၏။
စဉ်းစားဉာဏ်ရှိသူများကတော့ လက်ခံနိုင်ကြမည် မဟုတ်ပေ။

ဥတ္တရလုလင်ကလေး မဖြေရှင်းနိုင်၍ မှိုင်တွေနေစဉ် မြတ်စွာဘုရားသည် အရှင်အာနန္ဒာမထေရ်အား “အာနန္ဒာ .. ပါရာသိဝိယပုဏ္ဏားရဲ့ တပည့်တွေကို ဟောကြားဆုံးမတဲ့ ဣနြေ္ဒပွားမှုတရားက တမျိုးဖြစ်ပြီး၊ ငါဘုရားရဲ့ အရိယာသာသနာတော်မှာ ဟောကြားဆုံးမတဲ့ အမြတ်ဆုံးဣနြေ္ဒပွားမှုတရားက တမျိုးဖြစ်တယ်”ဟု မိန့်တော်မူ၍ ဣနြေ္ဒပွားများပုံကို ဆက်လက် ဟောကြားတော်မူပါသည်။

မြတ်စွာဘုရားရှင် ဟောကြား ဆုံးမတော်မူသည့် အမြတ်ဆုံးဣနြေ္ဒခြောက်ပါး ပွားများပုံမှာ -
“ရဟန်းသည် မျက်စိဖြင့် နှစ်သက်စရာ အဆင်းအာရုံကို မြင်လျှင် ဝမ်းသာသည့် သောမနဿစိတ် ဖြစ်သည်။ မနှစ်သက်စရာ အဆင်းကို မြင်လျှင် ဝမ်းမသာသည့် ဒေါမနဿစိတ် ဖြစ်သည်။ အလယ်အလတ် အဆင်းအာရုံကို မြင်လျှင် လျစ်လျူရှုသည့် ဥပေက္ခာစိတ် ဖြစ်သည်။
ဤသို့ မျက်စိဖြင့် အဆင်းမြင်ရာ၌ ဝမ်းသာစိတ်ကြောင့် လောဘ၊ ဝမ်းမသာစိတ်ကြောင့် ဒေါသ၊ ဥပေက္ခာစိတ်ကြောင့် မောဟစိတ်များ မဖြစ်စေရန် ဝမ်းသာစိတ်၊ ဝမ်းမသာစိတ်၊ လျစ်လျူရှုစိတ်များ ပေါ်လာခြင်းအကြောင်းကို ဆင်ခြင်သိမ်းပိုက်၍ ဝိပဿနာ ပွားနေရမည်” ဟု ဆုံးမတော်မူပါသည်။

ဆင်ခြင် ရှုမှတ်ပုံမှာ “ယခု ငါ့သန္တာန်မှာ နှစ်သက် ဝမ်းသာသည့် သောမနဿစိတ် ဖြစ်တယ်။ မနှစ်သက် ဝမ်းမသာသည့် ဒေါမနဿစိတ် ဖြစ်တယ်။ အလယ်အလတ် လျစ်လျူရှုသည့် ဥပေက္ခာစိတ် ဖြစ်တယ်။ ဒီစိတ်ဟာ အမှန်စင်စစ်အားဖြင့် မျက်စိ၊ အဆင်း၊ မြင်စိတ်ဟူသော အကြောင်းသုံးခု ပေါင်းဆုံမှု ဖဿဟူသော အကြောင်းကြောင့် ဖြစ်ပေါ်လာတယ်။ ကြမ်းတမ်းတယ်။ အကြောင်းကြောင့် အကျိုးဖြစ်တဲ့ ပဋိစ္စသမုပ္ပါဒ်တရား ဖြစ်တယ်။ ဖြစ်ပြီး ပျက်တယ်။ ဒီနှစ်သက် ဝမ်းသာစိတ်လဲ မဖြစ်၊ မနှစ်သက် ဝမ်းမသာစိတ်လဲ မဖြစ်၊ လျစ်လျူရှုစိတ်လဲ မဖြစ်ဘဲ ဝိပဿနာဥပေက္ခာစိတ်ဖြင့် နေခြင်းသည် ချမ်းသာတယ်။ အေးငြိမ်းတယ်” ဟု ရှုမှတ် ဆင်ခြင်ရမည်။

ဤကဲ့သို့ ဝိပဿနာ ဆင်ခြင် ရှုမှတ်လိုက်လျှင် ဤနှစ်သက်ဝမ်းသာသည့် သောမနဿစိတ်၊ မနှစ်သက် ဝမ်းမသာသည့် ဒေါမနဿစိတ်၊ လျစ်လျူရှုစိတ်သည် ချက်ချင်းပင် ချုပ်ပျောက်သွားတော့၏။ ဝိပဿနာနုပေက္ခာဉာဏ် ဖြစ်ပေါ်လာသည်ဟု ဟောကြား ဆုံးမတော်မူလေသည်။

ထို့အတူပင် နားဖြင့် အသံကြားသောအခါမှာလည်းကောင်း၊ နှာခေါင်းဖြင့် အနံ့နံသောအခါမှာလည်းကောင်း၊ လျှာဖြင့် အရသာကို စားသောအခါမှာလည်းကောင်း၊ ကိုယ်ဖြင့် အတွေ့အထိများကို တွေ့ထိသောအခါမှာလည်းကောင်း၊ စိတ်ဖြင့် အတွေးအာရုံမျိုးစုံကို တွေးသောအခါမှာလည်းကောင်း နှစ်သက်စိတ်၊ မနှစ်သက်စိတ်၊ လျစ်လျူရှုစိတ်များ ဖြစ်ရာတွင် အဆင်းမြင်ရာ၌ ဝိပဿနာရှုသကဲ့သို့ ယင်းစိတ်များကို ဝိပဿနာရှုပွားနေရမည်။ ရှုပွားသောအခါ ယင်းစိတ်များသည် လျင်မြန်စွာပင် ချုပ်ပျောက်သွားကြ၍ ဝိပဿနာနုပေက္ခာဉာဏ် ဖြစ်ပေါ်လာ၏။
ဤသို့ ရှုမှတ်ပြီး ဣနြေ္ဒများကို ပွားများနေခြင်းသည် အရိယာသာသနာတော်၌ အမြတ်ဆုံးဣနြေ္ဒပွားများခြင်း ဖြစ်သည်ဟု ဟောကြားတော်မူလေသည်။

မြင်ရာ ကြားရာ စသည်တို့၌ ဖြစ်ပေါ်လာသည့် ဝမ်းသာစိတ်၊ ဝမ်းမသာစိတ်နှင့် လျစ်လျူရှုစိတ်များကို အကြောင်းနှင့်တကွ သိမ်းပိုက် ဆင်ခြင်၍ ဝိပဿနာရှုသောအခါ ယင်းစိတ်များ လျင်မြန်စွာ ချုပ်ပျောက်ပုံကိုလည်း မြတ်စွာဘုရားရှင် ဥပမာဖြင့် ဟောတော်မူသည်မှာ စိတ်ရွှင်လန်းအားတက်စရာ ဖြစ်ပါသည်။

အဆင်းမြင်ရာ၌ ဝိပဿနာဉာဏ်သွင်းသောအခါ ဝမ်းသာ၊ ဝမ်းမသာစိတ်၊ လျစ်လျူရှုစိတ်ဟူသော ခံစားမှု ဝေဒနာစိတ်များသည် မျက်စိဖွင့်ပိတ်သကဲ့သို့ လျင်မြန်စွာ ချုပ်ပျောက်သွား၏။

အသံကြားရာ၌ ချုပ်ပျောက်ပုံမှာ လက်ဖျစ်တီးသကဲ့သို့ မြန်၏။

အနံ့နံရာ၌ ချုပ်ပျောက်ပုံမှာ ကြာဖက်ပေါ်၌ ကျသော ရေပေါက်သည် ချက်ချင်း လျှောကျသကဲ့သို့ မြန်၏။

အရသာစားရာ၌ ချုပ်ပုံမှာ တံတွေးကို ထွေးလိုက်သကဲ့သို့ မြန်၏။

ကိုယ်ဖြင့် အတွေ့အထိတွေ့ရာ၌ ချုပ်ပျောက်ပုံမှာ လက်ကို ကွေးဆန့်သကဲ့သို့ မြန်၏။

စိတ်ဖြင့် တွေးကြံရာ၌ ချုပ်ပျောက်ပုံမှာ သံပူပြားကြီးအပေါ်၌ ကျသော ရေပေါက်ရေစက်သည် ချက်ချင်း ခြောက်ခန်းသွားသကဲ့သို့ လျင်မြန်၏ ဟု ဥပမာအသီးသီး ပေးပြီး ဟောတော်မူပါသည်။

နောက်တနည်း ဣနြေ္ဒပွားများပုံမှာ ကမ္မဋ္ဌာန်းအားထုတ်သည့် ယောဂီရဟန်းသည် စက်ဆုပ်ဖွယ်ရာ အဆင်းအာရုံတခုခုကို မြင်ရာ၌ စက်ဆုပ်မှု မဖြစ်စေရန် မေတ္တာပွား၍လည်းကောင်း၊ ရေ,မြေ,လေ,မီးဓာတ်သဘောကို ဆင်ခြင်၍လည်းကောင်း နေထိုင်သည်။ နှစ်သက်စရာအာရုံတခုခုကို မြင်ရာ၌ မနှစ်သက်စရာ အာရုံဖြစ်အောင် မတင့်တယ်မှု အသုဘဆင်ခြင်၍ဖြစ်စေ၊ မမြဲမှု အနိစ္စဆင်ခြင်၍ဖြစ်စေ နေထိုင်သည်။

နှစ်သက်စရာ အာရုံ၊ မနှစ်သက်စရာ အာရုံများ တွေ့မြင်လာလျှင် ဝမ်းသာမှုလည်း မဖြစ်၊ ဝမ်းမသာမှုလည်း မဖြစ်စေရန် ပေါ်လာသည့် အာရုံအပေါ်မှာ ရှုမှတ်မှုသတိ၊ ဖြစ်ပျက်သိမြင်မှု သမ္ပဇဉ်ဉာဏ်ဖြင့် ဥပေက္ခာပြုနေထိုင်သည်ဟု ဟောကြားတော်မူသည်။

ဤဣန္ဒြိယဘာဝနာသုတ်သည် ဝေဒနာနုပဿနာတရားအားထုတ်နည်းကို ညွှန်ပြသော တရားတော် ဖြစ်ပါသည်။

နှစ်သက်စရာ အဆင်းကို မြင်ရာ၌ သုခဝေဒနာဖြစ်သည်။
ဤဝေဒနာကို ဝိပဿနာမရှုလျှင် (ဝေဒနာပစ္စယာ တဏှာ) သုခဝေဒနာကြောင့် တဏှာလောဘစိတ် ဖြစ်၏။

မနှစ်သက်စရာ အဆင်းကို မြင်ရာ၌ (ဝိပဿနာ မရှုလျှင်) ဒေါမနဿဝေဒနာ (ဒေါသစိတ်) ဖြစ်၏။

နှစ်သက်စရာလည်း မဟုတ်၊ မနှစ်သက်စရာလည်း မဟုတ်သော အလတ်စား အဆင်းကို မြင်ရာ၌ ဥပေက္ခာဝေဒနာဖြစ်၍ ယင်းဝေဒနာကို ဝိပဿနာမရှုလျှင် မောဟစိတ် ဖြစ်၏။

လောဘစိတ်၊ ဒေါသစိတ်၊ မောဟစိတ်များ ဖြစ်လျှင် အပါယ်သံသရာ ကျင်လည်ရမည် အမှန်ဖြစ်၏။

သို့ဖြစ်၍ မိမိတို့ သန္တာန်မှာ ယင်းကိလေသာတရားများ မဖြစ်ပေါ်ရလေအောင် မျက်စိစသော ဣနြေ္ဒတံခါးခြောက်ပေါက်မှာ သတိသမ္ပဇဉ်ဝိပဿနာဉာဏ် သွင်းပြီး လုံခြုံအောင် စောင့်ရှောက်ရမည်ဟု ဟောကြားထားတော်မူခြင်း ဖြစ်ပါသည်။

ဤသို့ ရှုမှတ်ခြင်းဖြင့် ဝိပဿနာဉာဏ်များ ရင့်ကျက်သောအခါတွင် မဂ်ဉာဏ် ဖိုလ်ဉာဏ်များ အဆင့်ဆင့် ပေါ်ကာ ဖြစ်ပျက်မစပ် အငြိမ်းဓာတ် မြတ်နိဗ္ဗာန်သို့ ရောက်ရှိသွားမှာ အမှန်ပင် ဖြစ်ပါသတည်း။

(ဥပရိပဏ္ဏာသ၊ ဣန္ဒြိယဘာဝနာသုတ်)


(လောကချမ်းသာစာစောင်၊ အောက်တိုဘာ ၁၂, ၂၀၀၃ - မှ)

Monday, November 24, 2008

ပရမတ္ထစက္ခုကျမ်း - (၂)


ဆရာဦးအောင်ဇေယျ။ ။ ‘သာဓု’သံတွေနဲ့ သာယာနာပျော်ဖွယ်ကောင်းနေပါလားဗျ။

ဆရာစော။ ။ ဟော .. ဆရာဇေ ... ကြွပါခင်ဗျ .. ကြွပါ။ လက်မှာလဲ အထုပ်တွေ မနည်းပါလား။ ကိုခင်မောင်ဝင်း .. လှမ်းကူလိုက်ပါအုန်း။

ဇီးကုန်းဦးခင်မောင်ဝင်း။ ။ ဆရာဇေတို့များ စကားသုံး စာသုံးကလဲ တတ်ပါ့ဗျား။ သာယာနာပျော်ဖွယ်ကောင်းတဲ့ သာဓုသံတွေတဲ့။ ကျွန်တော်ဆိုရင် သာဓုသံတွေနဲ့ ဆူညံနေပါလားလို့ သုံးမိချင် သုံးမိမှာ။

ဆရာဦးအောင်ဇေယျ။ ။ ကိုခင်မောင်ဝင်း .. ဒီဘက်က အထုပ်တွေ ယူလိုက်ပါဗျ။ ကောက်ညှင်းပေါင်းနဲ့ ဘိတ်(မြိတ်) မုန့်ကုလားမည်းဗျ။ စားကြဗျာ။ ကောက်ညှင်းပေါင်းက အိမ်မှာ ပေါင်းတာ။ မုန့်ကုလားမည်းက ဗမာပြည်က လူကြုံပါးပေါ့။

ကဖိုးထိန်။ ။ ဟိုလက်တဘက်က အထုပ်တွေလဲ လှမ်းလိုက်ပါ ဆရာဇေ။

ဇီးကုန်းဦးခင်မောင်ဝင်း။ ။ ဆရာဇေ .. အထုပ်တွေကလဲ များလှပါလား။ ဘာတွေလဲဗျ။

ဆရာဦးအောင်ဇေယျ။ ။ မှာထားလို့ ရောက်လာတဲ့ စာအုပ်တွေပါဗျာ။ ခင်ဗျားတို့လဲ ဖတ်ရအောင်ဆိုပြီး ယူလာတာ။ ဒါနဲ့ နေပါဦးဗျ .. စောစောက အားရပါးရ သာဓုခေါ်နေလိုက်ကြတာ။ မျှဝေပါဦး။

ဆရာစော။ ။ ဒီပဲရင်းဆရာတော်ဘုရားကြီးရဲ့ ‘ပရမတ္ထစက္ခုကျမ်း’ကို ကဖိုးထိန်က မိတ်ဆက်ပေးနေတာပါ ဆရာဇေ။

ဆရာဦးအောင်ဇေယျ။ ။ တိုက်တိုက်ဆိုင်ဆိုင်ဗျာ။ ကျွန်တော်တောင် ခင်ဗျားတို့ ဖတ်ဖို့ မှတ်ဖို့ဆိုပြီး ဟောဒီ ယူလာတဲ့အထဲမှာတောင် ပါသဗျ။ တစ်အုပ်မဟုတ်ဘူး .. နှစ်အုပ်။ အိမ်မှာလဲ တစ်အုပ်ရှိသေးတယ်။ ကျွန်တော်လဲ ဖတ်နေဆဲဗျ။ တချို့အကြောင်းအရာတွေကို နားမလည်တော့ တတ်သိနားလည်တဲ့ ဆရာတော်တွေကို မေးမြန်းနေရတာပေါ့ဗျာ။

ကဖိုးထိန်။ ။ ကျွန်တော်လဲ ခုမှ စဖတ်နေဆဲပါ။ အကုန်လုံး နားမလည်တောင် ဆရာတော်ကြီး ရည်ညွှန်းသလို ပါရမီလေးပဲ ဖြစ်စေဦးတော့ ဆိုပြီးပေါ့ဗျာ။

ဇီးကုန်းဦးခင်မောင်ဝင်း။ ။ ကဖိုးထိန်က ဒီ‘ပရမတ္ထစက္ခုကျမ်း’ဖြစ်ပေါ်လာပုံလေးနဲ့ ဆရာတော်ကြီးရဲ့ တိုက်တွန်းချက်တွေကို ရှင်းပြနေတာပါ ဆရာဇေ။ ဒီအပိုင်းတော့ ဆရာလဲ ဖတ်ပြီး ဖြစ်မှာပေါ့။

ဆရာဦးအောင်ဇေယျ။ ။ အရပ်ဖြစ်ရှစ်ပါးကင်းတဲ့ နဝမခေတ် ဒီဘဝမှာပဲ မဂ်ဖိုလ်နိဗ္ဗာန်ရောက်သည့်တိုင် ကြိုးစားအားထုတ်ကြဖို့ တိုက်တွန်းထားတာမဟုတ်လားဗျ။

ကဖိုးထိန်။ ။ ဟုတ်ပါတယ် ဆရာဇေ။ ဆရာတော်ကြီးက ‘အရပ်ဖြစ်ရှစ်ပါး’တဲ့။ ဒါလေးလဲ မှတ်သားစရာ ကောင်းတယ်။

ဆရာစော။ ။ ကျွန်တော်တို့ကတော့ ‘ရပ်ပြစ်ရှစ်ပါး’ရယ်လို့ပဲ နှုတ်လျှာကျိုးနေကြတယ်။ ဆရာတော်ကြီးက ဘယ်လိုရှင်းပြထားသလဲဗျ .. ကဖိုးထိန်။

ကဖိုးထိန်။ ။ ‘အရပ်ဖြစ်ရှစ်ပါး’ဆိုသည်မှာ ‘အဖြစ်ရှစ်ပါး’ကို ဆိုသည် တဲ့ ဗျ။

ဇီးကုန်းဦးခင်မောင်ဝင်း။ ။ လင်္ကာလေးတွေ ဘာတွေနဲ့ မှတ်ရလွယ်အောင် မပါဘူးလားဗျ။

ကဖိုးထိန်။ ။ ပါသမှ သိပ်ပါပေါ့ ကိုဆားပုလင်းရယ်။ ကဲ .. နာကြည့်ကြပါဦး။

“ပ,ရဲ,ပိတ်,ဆန်
ကင်း ရုပ်,နာမ်
မိတ်,စန်,ထိုင်း ရှစ်
အရပ်ဖြစ်”

ဆရာစော။ ။ ကဲ .. ‘ပ’ဆိုတာ ဘာ၊ ‘ရဲ’ဆိုတာ ဘာ ကို ဆက်ပြီး ရှင်းစမ်းပါဦး။

ကဖိုးထိန်။ ။ ‘ပ’ဆိုတာက သာသနာပအခါ ဖြစ်ရခြင်း အဖြစ်တစ်ပါးတဲ့။

ဆရာဦးအောင်ဇေယျ။ ။ ဘုရားပွင့် တရားပွင့် သံဃာပွင့်တဲ့အချိန်နဲ့ ကြုံခဲ ရခဲတာ ဒုလ္လဘတစ်ပါး မဟုတ်လားဗျ။

ဇီးကုန်းဦးခင်မောင်ဝင်း။ ။ ဟုတ်တာပေါ့ ဆရာဇေ။ ကြုံခဲ ရခဲတဲ့တရားတွေနဲ့ ဆန့်ကျင်ဘက် အဖြစ်တွေပဲ ဖြစ်တော့မှာပေါ့။

ဆရာစော။ ။ ‘ရဲ’ဆိုတာကကော ..။

ကဖိုးထိန်။ ။ ‘ရဲ’က စပြီး ကျန် ၇-ချက်က သာသနာတွင်းဖြစ်သော်လည်းတဲ့ .. ငရဲဘုံ၌ ဖြစ်ရခြင်း။ ‘ရဲ’က ငရဲဘုံပေါ့ဗျာ။

‘ပိတ်’က ပြိတ္တာဘုံ၌ ဖြစ်ရခြင်း။

‘ဆန်’က တိရစ္ဆာန်ဘုံ၌ ဖြစ်ရခြင်း။

‘ကင်း ရုပ်,နာမ်’က ရုပ်သာရှိ၊ နာမ်သာရှိသော ဘုံဘဝ၌ ဖြစ်ရခြင်း။

‘မိတ်’က နိယတမိစ္ဆာဒိဋ္ဌိမျိုး၌ ဖြစ်ရခြင်း။

‘စန်’က ပစ္စန္တရစ်အရပ်၌ ဖြစ်ရခြင်း။

‘ထိုင်း’က အထိုင်းအမှိုင်း ဖြစ်ရခြင်း ဟူသော သာသနာတွင်း အဖြစ်ခုနစ်ပါးတဲ့။

‘ရှစ်’က သာသနာပ သာသနာတွင်း နှစ်ခုပေါင်း အဖြစ်ရှစ်ပါးပေါ့ဗျာ။

ယင်းအဖြစ်ရှစ်ပါးကိုပင် ဌာနအရပ်နှင့် တွဲဖက်၍ အရပ်ဖြစ်ရှစ်ပါးဟူ၍ ခေါ်ရိုးအစဉ်ပြုကြသည် တဲ့ဗျ။

ကျမ်းဂန်တို့၌ကား ရှစ်ပါးသော အရပ်တို့၌ ဖြစ်ခိုက် ခဏကာလ ရှစ်ပါးကို နာမ် ရုပ်ကို မသိနိုင်သော အခါဖြစ်၍ ‘အဋ္ဌက္ခဏ’ဟူ၍ ဆိုကုန်၏။
မဂ်မရထိုက်သော ခဏရှစ်ပါး ဆိုလိုသည်။
ယင်းခဏရှစ်ပါးမှ လွတ်သော၊ နာမ် ရုပ်ကို သိနိုင်၊ မဂ်ကို ရနိုင်သော ခဏကာလကို ‘နဝမခဏ’ ဆိုသည် လို့လဲ ဆရာတော်ကြီးက ထပ်ပြီး ရှင်းထားပါသေးတယ်။

ဇီးကုန်းဦးခင်မောင်ဝင်း။ ။ ‘အရပ်ဖြစ်ရှစ်ပါး ကင်းလွတ်၍ နဝမခေတ်အတွင်း’ ဆိုတာ ရှင်းသွားကြပြီ မဟုတ်လားဗျ။

ဆရာဦးအောင်ဇေယျ။ ။ ဒီ ရှစ်ပါးက မဂ်မရထိုက်သော ခဏရှစ်ပါးလို့ဆိုတော့ ဒီအရပ် ဒီဌာနမှာ ဖြစ်တယ်ဆိုရင်ပဲ ချို့ယွင်းချက်ကြီးတခု၊ အပြစ်ကြီးတရပ်လိုဖြစ်လို့ ရပ်ပြစ်ရှစ်ပါးလို့ ဆိုနိုင် ဆိုကြတယ်နဲ့ တူတယ်။

ဆရာစော။ ။ ဒါကြောင့်လဲ ကျွန်တော်တို့တတွေ နေ့စဉ် ဘုရားရှိခိုးပြီး ရပ်ပြစ်/ဖြစ် ရှစ်ပါးမှ ကင်းလွတ်ရပါလို၏လို့ ဆုတောင်းထဲ ပါနေတာ မဟုတ်လားဗျ။ နေဦးဗျ ... တောင်မြို့ဆရာတော်ရဲ့ ‘ရတနာ့ဂုဏ်ရည်’ထဲမှာ သြကာသအဖွင့်ဆိုတာ ရှိတယ်။ ကိုခင်မောင်ဝင်း .. ခင်ဗျားနောက်က စာအုပ်ဘီဒို ဒုတိယအဆင့်မှာ ရှိလိမ့်မယ်။ လှမ်း ဆွဲလိုက်စမ်းပါ။

ဇီးကုန်းဦးခင်မောင်ဝင်း။ ။ ဟောဒီမှာ .. ကျွန်တော်ပဲ တောင်မြို့ဆရာတော်ရဲ့ ရပ်ပြစ်ရှစ်ပါး ရှင်းလင်းချက်ကို ဖတ်ပြပါရစေ။

အပြစ်ရှိသော အရပ်ကို မြန်မာတို့က ‘ရပ်-ပြစ်’ဟု ခေါ်ကြ၏။
အပြစ်ဆိုသော်လည်း ထူးထူးခြားခြား ဆိုးဝါးသော အပြစ် မဟုတ်။ ထိုအရပ်သို့ ရောက်နေလျှင် မဂ်ဖိုလ်ရအောင် တရားအားထုတ်ခွင့် မရသောကြောင့် မဂ်ဖိုလ်ရခွင့် မရှိခြင်းကို ‘အပြစ်’ ဟု ဆိုသည်။
ထို့ကြောင့် ဤရပ်ပြစ်ရှစ်ပါးကို ပါဠိတော်များ၌ ‘အက္ခဏ’ (အခွင့်ကောင်း ခဏကောင်း မဟုတ်သော ကာလ ဒေသ) ဟု မိန့်တော်မူသည်။
ဤရပ်ပြစ်ရှစ်ပါးကို အမျိုးမျိုး ပြသော်လည်း သုတ်ပါထေယျပါဠိတော်လာ တမျိုးသာ ပြအံ့ တဲ့။

ဆရာတော်က ဆောင်ရန် လင်္ကာလေးလဲ သီကုံးထားပါသေးတယ်။

“ဘုရားပွင့်ခါ
ပါယ်သုံးရွာနှင့်
ဒီဃာယုနတ်
ဖြစ်လတ်ပစ္စန်
မိစ္ဆာဉာဏ်ရှိ
ဉာဏ်မရှိသား
ဉာဏ်ရှိငြားလည်း - ဘုရားမဖြစ်
ကျမ်းဂန်လှစ်သည်
ရပ်ပြစ်ရှစ်ပါး သရုပ်တည်း”

ဘုရားပွင့်တဲ့အခါမှာ -
အပါယ်သုံးပါးဖြစ်တဲ့ (၁) ငရဲ၊ (၂) တိရစ္ဆာန်၊ (၃) ပြိတ္တာဘုံတွေမှာ ဖြစ်ရသူများ တဲ့။

(၄) ‘ဒီဃာယုနတ်’ဆိုတာက ဘုရားပွင့်ဆဲအခါ လွန်စွာ အသက်ရှည်၍ ဘုရားရှင်ကို မဖူးတွေ့နိုင်သော ခန္ဓာကိုယ်သာ ရှိပြီး စိတ်ဝိညာဉ် မရှိတဲ့ အသညသတ်ဗြဟ္မာနဲ့ စိတ်ဝိညာဉ်သာ ရှိ၍ ခန္ဓာကိုယ် မရှိတဲ့ အရူပဗြဟ္မာတွေတဲ့။

(၅) ‘ဖြစ်လတ်ပစ္စန်’ ဆိုတာက ဘုရားရှင်နဲ့ ရဟန်းတော်များ မရောက်နိုင်ရာ အစွန်အဖျား တောတောင်အကြား လူရိုင်းများတဲ့။

(၆) ‘မိစ္ဆာဉာဏ်ရှိ’ ဆိုတာက ဘုရားပွင့်ဆဲအခါ မိစ္ဆာဒိဋ္ဌိဉာဏ်ရှိသူများတဲ့။

(၇) ‘ဉာဏ်မရှိသား’ ဆိုတာက ဘုရားပွင့်ဆဲအခါ တရားကို နားလည်လောက်သော ဉာဏ်မရှိသူများတဲ့။

(၈) ‘ဉာဏ်ရှိငြားလည်း ဘုရားမဖြစ်’ကတော့ တတ်သိနားလည်လောက်သော ဉာဏ်ရှိသော်ငြားလည်း ဘုရားမပွင့်သောအခါ လူဖြစ်ရသူများ တဲ့။

ဆရာစော။ ။ ကဖိုးထိန်က ဒီပဲရင်းဆရာတော်ကြီးရဲ့ မိန့်ကြားချက်တွေကို ဆက်စမ်းပါအုန်း။

ကဖိုးထိန်။ ။ ဒါက ကျမ်းဂန်ကြီးတို့၌ လာသော အရပ်ဖြစ် ရှစ်ပါးတဲ့။ ဆရာတော်ကြီးက ‘ဇိနာလင်္ကာရ သဒ္ဓမ္မောပါယ’ အမည်ရှိတဲ့ ကျမ်းငယ်မှာ အရပ်ဖြစ်ရှစ်ပါး ဆိုထားပုံတမျိုးကိုလည်း မှတ်သားဖွယ် ပြောထားသေးတယ်။ ဒီအရပ်ဖြစ်ရှစ်ပါးကတော့ သာသနာတွင်းအခါမှာ ဖြစ်တဲ့ အရပ်ဌာနတွေချည်းပဲဗျ။ ကျမ်းဂန်ကြီးတွေမှာဆိုတဲ့ သာသနာပအခါဆိုတာ မပါဘဲ ရုပ်သာရှိတဲ့ ဘုံ၊ နာမ်သာရှိတဲ့ ဘုံ ရယ်လို့ အရပ်ဌာန တခုစီ သီးခြား ခွဲထုတ်လိုက်တာပါပဲ။ ဒါကိုလဲ ဆရာတော်ကြီးက လင်္ကာလေးနဲ့ ပြထားပါသေးတယ်။ နာကြပါဦး။

“ရူ, သင်, ရဲ, ဆန်
ပိတ်, မိတ်, စန်
ချို့ပြန်လက်သစ်
အရပ်ဖြစ်”

သာသနာတွင်းအခါ -
‘ရူ’က အရူပဘုံ၌ ဖြစ်ရခြင်း။

‘သင်’က အသညသတ်ဘုံ၌ ဖြစ်ရခြင်း။

‘ရဲ’က ငရဲဘုံ၌ ဖြစ်ရခြင်း။

‘ဆန်’က တိရိစ္ဆာန်ဘုံ၌ ဖြစ်ရခြင်း။

‘ပိတ်’က ပြိတ္တာဘုံ၌ ဖြစ်ရခြင်း။

‘မိတ်’က နိယတမိစ္ဆာဒိဋ္ဌိမျိုး၌ ဖြစ်ရခြင်း။

‘စန်’က ပစ္စန္တရစ်အရပ်၌ ဖြစ်ရခြင်း။

‘ချို့ပြန်လက်သစ်’က ထိုင်းမှိုင်း, ကန်း, ပင်း, ဆွံ့အသော ဣနြေ္ဒချို့တဲ့သောသူ ဖြစ်ရခြင်း တဲ့။

ဆရာစော။ ။ ကဲ .. ဆရာဇေရဲ့ ကောက်ညှင်းပေါင်းနဲ့ မုန့်ကုလားမည်းလဲ ရေနွေးကြမ်းလေးနဲ့ မြည်းကြပါဦး ဗျ။

ဇီးကုန်းဦးခင်မောင်ဝင်း။ ။ ကောင်းပါ့ဗျာ ... ကျေးဇူးပဲ ဆရာဇေနဲ့ ဆရာစောရေ။

ကဖိုးထိန်။ ။ ကျေးဇူးပါပဲ .. ဆရာဇေ၊ ကျေးဇူးပဲ .. ဆရာစော။

Monday, November 17, 2008

ဒုလ္လဘတရားတော်-ရွှေဟင်္သာဆရာတော်ဘုရားကြီး


ဘုန်းကြီး ဒီအမေရိကန်နိုင်ငံမှာ လာရင်း ရည်ရွယ်ချက်ကတော့ ဒီနိုင်ငံမှာ ရောက်နေတဲ့ သာသနာပြုနေကြတဲ့ ဆရာတော်တွေလဲ အားပေးရင်း ဒကာ ဒကာမတွေကိုလည်း ချီးမြှောက်ရင်း ဖြစ်ပါတယ်။

ဒကာ ဒကာမများ ကံကောင်းကြတယ်လို့ ဆိုရမှာ ဖြစ်ပါတယ်။
ဘာကြောင့်လဲဆိုတော့ မြန်မာပြည်က မိမိတို့အမျိုးသားဖြစ်တဲ့ မြန်မာလူမျိုး ထေရဝါဒ ဗုဒ္ဓဘာသာ ဘုန်းတော်ကြီးတွေ ရောက်လာတော့ အမေရိကန်နိုင်ငံမှာ သာသနာရောက်လာတာ အကြောင်းပြုပြီး ဘုရားပွင့်နေတုန်းပဲလို့ ဘုန်းကြီးက ဆိုချင်ပါတယ်။

ဘာကြောင့် ဘုရားပွင့်နေတုန်းပဲလို့ဆိုတော့ မြတ်စွာဘုရား သက်တော်ထင်ရှားရှိတုန်းက မြတ်စွာဘုရား ပရိနိဗ္ဗာန်ပြုခါနီးမှာ အရှင်အာနန္ဒာကို အမိန့်ရှိသွားတာ ရှိတယ်။

“ယော ခေါ အာနန္ဒာ၊ မယာဓမ္မောစ ဝိနိယောစ ဒေသိတော ပညတ္တော သော ဝေါ မမစ္စေန သတ္တာ”
“အာနန္ဒာ၊ ငါဘုရား ၄၅-ဝါ ကာလပတ်လုံး အသက်ရှည်သမျှ ဟောပြောခဲ့တဲ့ နတ်ရွာ နိဗ္ဗာန်ရောက်ကြောင်း သူတော်ကောင်းတရားတွေဟာ၊ တနည်းအားဖြင့် သုတ္တန် ဝိနည်း အဘိဓမ္မာ တရားတွေဟာ ငါဘုရား ပရိနိဗ္ဗာန်ပြုပြီးတဲ့နောက် ငါဘုရားကိုယ်စား ဘုရားအဖြစ်နဲ့ တည်ရစ်ပေလိမ့်မယ်”လို့ မြတ်စွာဘုရားကိုယ်တော်တိုင် အမိန့်ရှိသွားတယ်။

ခု အမေရိကန်နိုင်ငံမှာလည်း ဆရာတော်ဦးဣန္ဒက အစရှိတဲ့ ဆရာတော်တွေရဲ့ သန္တာန်မှာ မြတ်စွာဘုရား ဟောတော်မူတဲ့ တရားတွေ ပါလာကြတယ်။ ပါလာတဲ့အတိုင်းပဲ ဒကာ ဒကာမတွေကို ဟောပြောပြသနေတော့ ဒကာ ဒကာမတွေမှာ ကုသိုလ်တရား ပွားများကြတယ်။ မြတ်စွာဘုရား တရားရောက်ရင် ဘုရားပွင့်တယ်။
ဘုရားပွင့်မှ တရားပွင့်တာ။

လောကမှာ ညအခါ လမသာရင်၊ နေ့အခါ နေမထွက်ရင် မှောင်မိုက်နေမယ်။
တောတောင်ရေမြေစတဲ့ အရာဝတ္ထုပစ္စည်းတွေဟာ ပကတိအားဖြင့် ထင်ရှားရှိပေမယ့် မမြင်နိုင်သလိုပဲ။
သူတော်ကောင်းတရားတွေဟာလည်း ပကတိအားဖြင့် ရှိနေပေမယ့် ဘုရားပွင့်မှ ဘုရားက ထုတ်ဖော်ဟောကြားပြသမှ အားလုံးသော လူနတ်ဗြဟ္မာ သတ္တဝါတွေဟာ သူတော်ကောင်းတရားကို ကြားရ နာရ သိကြရတယ်။
ဘုရားပွင့်မှ တရားပွင့်တယ်။
ဘုရားမပွင့်လျှင် တရားမပွင့်နိုင်ဘူး။

ဒီတော့ အမေရိကန်နိုင်ငံမှာ ဆရာတော် ဦးဣန္ဒက အမှူးရှိတဲ့ ဆရာတော် သံဃာတော် ရောက်လာပြီးတော့ တရားဟောတယ်ဆိုတော့ အမေရိကန်နိုင်ငံမှာ မြတ်စွာဘုရားဟောတော်မူတဲ့ တရားတော်တွေ အပြည့်အစုံ ရောက်လာတာဖြစ်တော့ မြတ်စွာဘုရားရောက်လာတာနဲ့ အတူတူပဲ။ မြတ်စွာဘုရား သက်တော်ထင်ရှားရှိတာနဲ့ အတူတူပဲ။ အဲဒါကြောင့် အမေရိကန်နိုင်ငံမှာ အင်မတန် ကံကောင်းနေကြတယ်။ ဘုရားပွင့်တော်မူတဲ့အခါနဲ့ ကြုံနေတယ်။ ဘုရားပွင့်လို့ တရားပွင့်နေတဲ့အခါနဲ့ ကြုံတယ်။
ဘုန်းကြီးတို့ အစရှိသော သံဃာတော်များ ကြွရောက်တော်မူလို့ သံဃာတော်များ ဖူးမြော်ရတဲ့ ‘ဒဿနာနုဿတိ’ကုသိုလ်လဲ ရကြတယ်။ အင်မတန် ကံကောင်းနေကြတယ်။

ဒါကြောင့် ဘုရားပွင့်နေတဲ့အခါနဲ့ ကြုံတဲ့အခါ မမေ့မလျော့ကြနဲ့လို့ ဘုန်းကြီးက သတိပေးချင်ပါတယ်။

မြတ်စွာဘုရား သက်တော်ထင်ရှား ရှိတုန်းက မြတ်စွာဘုရားနှင့်တကွ သံဃာတော်တွေ နေ့ဆွမ်းဘုဉ်းပေးပြီးတဲ့အချိန် မြတ်စွာဘုရား သီတင်းသုံးတဲ့ ဂန္ဓကုဋီတိုက်သို့ မဝင်မီ မကြွမီ ဂန္ဓကုဋီတိုက်ရဲ့ လှေခါးရင်း ခြေသုတ်တဲ့နေရာ၊ ခြေဆေးတဲ့နေရာ အခိုက်အတန့် ရပ်တန့်နေတဲ့ အချိန်လေးမှာ ရောက်လာတဲ့ ရဟန်းတော်များ အမှူးရှိတဲ့ ပရိသတ်တွေကို မြတ်စွာဘုရားက “အပ္ပမာဒေန ဘိက္ခဝေ သမ္ပာဒေထ” ဘိက္ခဝေ-ရဟန်းတို့၊ တုမှေ-သင် ရဟန်းတို့သည်၊ အပ္ပမာဒေန-မမေ့မလျော့ မပေါ့မဆသော သတိတရားဖြင့်၊ သမ္ပာဒေထ-ပြည့်စုံကြပါစေ။ “ရဟန်းတို့ မမေ့ကြနဲ့၊ မပေါ့ကြနဲ့၊ အမှတ်တမဲ့ မနေကြနဲ့၊ အချိန်ကာလ မဖြုန်းကြနဲ့၊ ရတဲ့ဘဝ အရင်းမရှူံးကြစေနဲ့”ဆိုတဲ့ အဓိပ္ပာယ်နဲ့ နေ့စဉ် နေ့စဉ် သတိပေးတော်မူတယ်။ တရက်မဟုတ် နှစ်ရက်မဟုတ် နေ့စဉ် နေ့စဉ် သတိပေးတော်မူတယ်။

ဘာကြောင့် မြတ်စွာဘုရားက ဒီလောက် ကြောင့်ကြ၍ သတိပေးတော်မူသလဲဆိုတော့ “ဗုဒ္ဓုပ္ပါဒေါ ဒုလ္လဘော လောကသ္မိံ” လောကသ္မိံ-လောက၌၊ ဗုဒ္ဓုပ္ပါဒေါ-ဘုရားပွင့်ခြင်းသည်၊ ဒုလ္လဘော-အင်မတန် ပွင့်ခဲတယ်။ ဘုရားတဆူ တဆူ ပွင့်ဖို့ဆိုတာ မလွယ်ဘူး။ အနည်းဆုံးအားဖြင့် လေးသင်္ချေနှင့် ကမ္ဘာတစ်သိန်း ပါရမီဖြည့်လို့ ပါရမီပြည့်ပြီးမှ ဘုရားအဖြစ်သို့ ရောက်တာ။

ပင်ကိုယ်က ရှိနေပေမယ်လို့ ဘုရားပွင့်လို့ ဘုရားကိုယ်တော်တိုင် သိတော်မူပြီး၊ မြတ်စွာဘုရား ကိုယ်တော်တိုင် ဟောမှ အထိုက်အလျောက် ဉာဏ်မီမှ ဉာဏ်ရှိသမျှ သိကြရတယ်။

အေး .. ဒါကြောင့် မြတ်စွာဘုရားက ဘုရားပွင့်နေတဲ့ အချိန်အခါနဲ့ ကြုံတယ်၊ တရားပွင့်နေတဲ့အခါနဲ့ ကြုံတယ်၊ အခု ဘုရားပွင့်လို့ တရားပွင့်လို့ နတ်ရွာနိဗ္ဗာန်ရောက်ကြောင်း ဒါနသီလအစရှိသော ကောင်းမှုတို့ကို မရလိုက်ကြရင် အားမထုတ်ကြရင် ရဖို့အချိန်ကာလ မရှိကြဘူး။ အပါယ်လေးပါးကျနေလဲ မပြုနိုင်ကြဘူး။ နတ်ဖြစ်တောင် ဒီနေ့ ဒကာ ဒကာမတွေ ပြုတဲ့ကုသိုလ်မျိုး နတ်ပြည်မှာ မပြုနိုင်ဘူး။ လူ့ဘဝဆိုတာ ရခဲတယ်လို့ မြတ်စွာဘုရားက ဟောတော်မူတယ်။ အင်မတန် ရခဲတယ်လို့ ဟောတော်မူတယ်။ နတ်အဖြစ် ရခဲတယ်လို့ ဟောတော်မမူဘူး။

အေး .. ဒါကြောင့် အင်မတန် ရခဲတဲ့ လူ့ဘဝကို ရတဲ့အခါ၊ ဘုရားလဲ ပွင့်နေတဲ့အခါ၊ တရားလဲ ပွင့်နေတဲ့အခါ မမေ့မလျော့ကြနဲ့လို့ မြတ်စွာဘုရားက နေ့စဉ် နေ့စဉ် သတိပေးတော်မူတယ်။

အမေရိကန်နိုင်ငံကိုလည်း အခုနက ဘုန်းကြီးပြောသလို သံဃာတော်တွေ ရောက်တော့ သံဃာတော်တွေက ဆောင်ရွက်လာတာဖြစ်တော့ မြတ်စွာဘုရား တရားတော်တွေ အမေရိကန်နိုင်ငံရောက်၊ တရားရောက်တော့ ဘုရားလည်းရောက်လာ ဘုရားလည်း ကြွလာတာနဲ့ အတူတူပဲ။

ဒါကြောင့် အမေရိကန်နိုင်ငံမှာ ဘုရားပွင့်တဲ့အခါနဲ့ ကြုံတယ်။ တရားပွင့်တဲ့အခါနဲ့ ကြုံတယ်။ ထိုနိုင်ငံမှာ အင်မတန်ရခဲ ရောက်ခဲ ရောက်လာတဲ့ သံဃာတော်တွေ ရောက်တဲ့အခါနဲ့ ကြုံတယ်။

ဒီလို ကြုံတဲ့ အခါကာလမှာ ရနိုင်တဲ့ ကုသိုလ် ယူကြလို့ မြတ်စွာဘုရားကိုယ်စား ဘုန်းကြီးက ဒကာ ဒကာမတွေကို သတိပေးချင်ပါတယ်။

မြတ်စွာဘုရား ပရိနိဗ္ဗာန်ပြုတော်မူပြီးစက အရှင်မဟာကဿပ အရှင်အာနန္ဒာ အစရှိတဲ့ မထေရ်မြတ်ကြီးတွေ ငါးရာက မြတ်စွာဘုရားတရားတော်တွေ မပျောက်အောင်လို့ ပေါင်းဆုံ ရွတ်ဖတ်ပြီးတော့ မြတ်စွာဘုရားတရားတော်တွေ ဆောင်ကြတယ်။ ဒါကိုပဲ သံဂါယနာတင်တယ်လို့ ခေါ်တယ်။

အဲဒီ အရှင်မဟာကဿပ အရှင်အာနန္ဒာအမှူးရှိတဲ့ ရဟန္တာမထေရ်မြတ်ကြီးတွေက မြတ်စွာဘုရား ပရိနိဗ္ဗာန်ပြုတော်မူပြီးစကတည်းက မြတ်စွာဘုရား ဟောတော်မူတဲ့ တရားတော်တွေ မပျောက်အောင် ပေါင်းဆုံပြီးတော့ ပထမသံဂါယနာ တင်ခဲ့တယ်။

နောက် ဒုတိယအကြိမ် အရှင်ယသ အမှူးရှိတဲ့ ရဟန္တာမထေရ်မြတ်ကြီး ငါးရာက ဒီလိုပဲ မြတ်စွာဘုရားတရားတော်တွေ မပျောက်အောင် ဒုတိယသံဂါယနာတင် ဆောင်ရွက်ခဲ့ကြတယ်။

နောက်တတိယအကြိမ် အရှင်မဟာမောဂ္ဂလိပုတ္တတိဿမထေရ် အမှူးရှိတဲ့ ရဟန္တာတစ်ထောင် မြတ်စွာဘုရား တရားတော်တွေ မပျောက်မပျက်အောင် ပေါင်းဆုံ ရွတ်ဖတ် သရဇ္ဈာယ်ပြီးတော့ ဆောင်ရွက်ခဲ့ကြတယ်။

နောက် သီဟိုဠ်ကျွန်းမှာ သံဃာတော်ငါးရာက မြတ်စွာဘုရားတရားတော်တွေကို မပျောက်မပျက်အောင် ပေါင်းဆုံ ရွတ်ဖတ် သရဇ္ဈာယ်ခဲ့ကြတယ်၊ ဆောင်ရွက်ခဲ့ကြတယ်။

နောက် ဘုန်းကြီးတို့ မြန်မာပြည်မှာ မန္တလေးမြို့ မင်းတုန်းမင်းကြီးလက်ထက်က (၂၅၀၀)သော သံဃာတော်တွေ မြတ်စွာဘုရားတရားတော်တွေ မပျောက်မပျက်အောင် ပေါင်းဆုံ ရွတ်ဖတ် သရဇ္ဈာယ်တော်မူခဲ့ကြတယ်။
နှုတ်နဲ့ ရွတ်ဖတ် သရဇ္ဈာယ်ရုံမဟုတ်ဘဲနဲ့ ကျောက်ထက်အက္ခရာတင်ထားတာ မြတ်စွာဘုရားတရားတော်တွေ ယခုအထိ မန္တလေးမြို့ မန္တလေးတောင်ခြေမှာ ကျောက်စာတွေ ရှိပါတယ်။

ထို့နောက် ရန်ကုန်မြို့မှာ (၂၅၀၀)သော သံဃာတော်တွေ ပေါင်းဆုံ ရွတ်ဖတ် သရဇ္ဈာယ်မူပြီးတော့ မြတ်စွာဘုရားတရားတော်တွေ မပျောက်မပျက်အောင် ဆောင်ရွက်ခဲ့ကြလို့ ဒီကနေ့အထိ မြတ်စွာဘုရားတရားတော်တွေ မြန်မာပြည်မှာ တည်ရှိနေတာ။ အဲဒီနောက်လည်းပဲ ထိုထိုမြို့ရွာတွေမှာ စာသင်တိုက်တွေ စာချဆရာတော်တွေက ပါဠိ၊ အဋ္ဌကထာ၊ ဋီကာတွေ ပို့ချလို့၊ စာသင်သားတွေက ဆောင်ရွက်လို့ ယနေ့အထိ ဒီတရားတော်တွေ မြတ်စွာဘုရားဟောတော်မူတဲ့ တရားတော်တွေကို သံဃာတော်တွေက အဆက်မပြတ် ဆောင်ရွက်ခဲ့ကြလို့ ဒီနေ့အထိ မြန်မာပြည်မှာ မြတ်စွာဘုရားရဲ့တရားတော်တွေ ထင်ရှားရှိနေတော့ မြန်မာပြည်မှာလည်း ဘုရားပွင့်နေတုန်းပဲလို့ ဆိုရပါတယ်။

မြန်မာပြည်က မြန်မာလူမျိုး ထေရဝါဒ သံဃာတော်တွေကတခါ ဒီတရားတော်တွေကို ဆောင်ပြီးတော့ အမေရိကန်နိုင်ငံယူလာတော့ အမေရိကန်နိုင်ငံမှာ ဒီနေ့အထိ ဘုရားပွင့်နေတုန်းပဲလို့ အခုနက ဘုန်းကြီးပြောတဲ့စကား ဆိုရပါတယ်။

ဘာကြောင့်လဲဆိုတော့ ကြွလာတဲ့ သံဃာတော်တွေ သန္တာန်မှာ မြတ်စွာဘုရားဟောတော်မူတဲ့ တရားတွေ ပါလာတယ်။ ပါလာတဲ့အတိုင်း ဟောပြောနေကြပါတယ်။
ထိုထိုမြို့ရွာမှာ ကံကောင်းတဲ့ ဒကာ ဒကာမတွေ နာရ ကြားရ၊ တရားအားထုတ်ကြရ၊ သူတော်ကောင်းတရား ကြားရ နာရတော့ “သဒ္ဓမ္မသဝနဒုလ္လဘ”နဲ့လဲ ကြုံကြရ ဆုံကြရ၊ ကိုယ်တိုင်လည်းပဲ အင်မတန် ခဲယဉ်းတဲ့ ပရိယတ် ပဋိပတ် တရားအားထုတ် ပွားများကြရ။

ဒါကြောင့် ဒကာ ဒကာမတွေဟာ ဘုရားပွင့်တဲ့အခါနဲ့ ကြုံတယ်။
အမေရိကန်နိုင်ငံမှာ တရားပွင့်တဲ့အခါနဲ့ ကြုံတယ်။
ကံအားလျော်စွာ တရားတော်တွေကို ဆောင်ရွက်နေကြတဲ့ သံဃာတော်များ ကြွရောက်လာပြီးတော့ ကိုယ်တိုင် ဟောပြောကြလို့ အထိုက်အလျောက် ကြားရ နာရလို့ အင်မတန် ကံကောင်းနေကြတယ်။

ဒီလို ကံကောင်းနေတဲ့ အခါကာလ ဒီလို ဘုရားပွင့်တဲ့ အခါကာလ၊ တရားပွင့်တဲ့ အခါကာလနဲ့ ကြုံတဲ့အခါမို့လို့ မမေ့မလျော့ မပေါ့မဆ စွမ်းနိုင်သမျှ သူတော်ကောင်းတရား ပွားများကြ၊ အားထုတ်ကြပါလို့ ဘုန်းကြီးက မြတ်စွာဘုရားရဲ့ကိုယ်စား သတိပေးပါတယ်။

ပြီးတော့ “ဗုဒ္ဓုပ္ပါဒဒုလ္လဘ” ဘုရားပွင့်တုန်း တရားပွင့်တုန်းသာ ကြားနာရလို့ ကိုယ်ကိုယ်တိုင်က လူဖြစ်နေလို့၊ လူတွေလဲမြင်နေလို့ လူ့အဖြစ်ရတာ လွယ်တယ် မထင်နဲ့။ အင်မတန် ရခဲလို့ “မနုဿတ္တ ဘာဝေါ ဒုလ္လဘော” လူ့အဖြစ် ရခဲတယ်လို့ မြတ်စွာဘုရားက ဉာဏ်တော်နဲ့ မြင်လို့ ဟောတော်မူတာ။

ဘုန်းကြီးတို့ဉာဏ်နဲ့ အထိုက်အလျောက် စဉ်းစားကြည့်မယ်ဆိုရင်ပေါ့လေ။ ဥပမာ-ငရဲ၊ တိရစ္ဆာန်၊ ပြိတ္တာ၊ အသူရကာယ်ဆိုတဲ့ အပါယ်လေးဘုံမှာ တိရစ္ဆာန်တမျိုးတည်းကိုပဲ များလို့ မရေမတွက်နိုင်ဘူး။ တနိုင်ငံလုံးမှာ တကမ္ဘာလုံးမှာ ရှိတဲ့ သတ္တဝါတွေ မပြောနဲ့၊ ဒီကျောင်း တနေရာစာအတွင်းမှာ မြေကြီးပေါ်မှာ ရှိတဲ့ တိရစ္ဆာန်တွေ၊ မြေကြီးအတွင်းမှာ ရှိတဲ့ တိရစ္ဆာန်တွေ၊ ဒီကျောင်းနဲ့အမျှ ကောင်းကင်မှာ ရှိတဲ့ တိရစ္ဆာန်တွေ မရေမတွက်နိုင်ဘူး။ တနိုင်ငံလုံး တကမ္ဘာလုံးဆို ပြောစရာ မရှိတော့ဘူး။ အဲဒီလောက် များတဲ့ တိရစ္ဆာန်တွေ ကျော်လွန်ပြီးတော့ လူဖြစ်ရတဲ့ ကံဟာ သာမညကံ မဟုတ်ဘူး။

နောက် ငရဲဆိုကြပါစို့။ အနည်းဆုံးအားဖြင့် ငရဲကြီး (၈)ထပ်၊ ငရဲငယ် (၁၆)ထပ်ဆိုတာ ရှိတယ်။ အဲဒီ ငရဲငယ် တထပ် တထပ်မှာ ရှိတဲ့ ငရဲသူ ငရဲသားတွေ မရေမတွက်နိုင်ဘူး။ ငရဲကြီး (၈)ထပ်မှာ ရှိတဲ့ သတ္တဝါတွေဆို ပြောစရာ မရှိတော့ဘူး။ ဒါတွေကို ကျော်လွန်ပြီးတော့ လူဖြစ်ရတဲ့ ကံဟာ သာမညကံ မဟုတ်ဘူး။ ဒါကြောင့် မြတ်စွာဘုရားက “မနုဿတ္တဘာဝေါ ဒုလ္လဘော”လို့ ဟောတော်မူတာ။

ပြိတ္တာတို့ ထို့အတူ များလွန်လွန်းလို့ မရေမတွက်နိုင်ဘူး။ အသူရကာယ်ဘုံက သတ္တဝါတွေ များလွန်လွန်းလို့ မရေမတွက်နိုင်ဘူး။ အဲဒီလောက်များတဲ့ အပါယ်လေးဘုံက သတ္တဝါတွေ မဖြစ်ဘဲ ကျော်လွန်ပြီးတော့ လူဖြစ်လာရတဲ့ ကံဟာ ဘယ်လောက် ကံကောင်းသလဲလို့ ကိုယ့်ကိုယ်ကို ဒီလို တွက်ကြည့်ပြီးမှ ဘယ်လောက် ဝမ်းသာစရာ ကောင်းသလဲ၊ အားရှိစရာ ကောင်းသလဲ၊ ဂုဏ်ယူစရာ ကောင်းသလဲ။

လူဖြစ်ရပြန်တော့လဲ မြတ်စွာဘုရားသာသနာတော် မရှိတဲ့ နိုင်ငံတွေ အများကြီး ရှိတယ်။
ဘုရားမှန်း မသိ၊ တရားမှန်း မသိ၊ သံဃာမှန်း မသိ၊ ကုသိုလ်မှန်း မသိ၊ အကုသိုလ်မှန်း မသိတဲ့ နိုင်ငံတွေမှာ လူဖြစ်ရခြင်းထက် ဘုရားရှိ၊ တရားရှိ၊ သံဃာရှိတဲ့ မြန်မာနိုင်ငံလို နိုင်ငံမျိုးမှာ လူဖြစ်ရခြင်းဟာ အင်မတန် ရခဲတဲ့ လူ့ဘဝကို ငါတို့ ရကြတယ်လို့ ဒီလိုလဲ တွေးပြီးတော့ ဝမ်းသာစရာ ကောင်းတယ်။

လူ့ဘဝ ရရုံတင်မကဘဲနဲ့ ဘုရားကို ယုံကြည်တဲ့ သဒ္ဓါတရား၊
တရားကို ယုံကြည်တဲ့ သဒ္ဓါတရား၊
သံဃာကို ယုံကြည်တဲ့ သဒ္ဓါတရား၊
ကံ ကံ၏အကျိုးကို ယုံကြည်တဲ့ သဒ္ဓါတရား အဲဒီ သဒ္ဓါတရားတွေကလည်းပဲ အင်မတန် ဖြစ်ခဲတဲ့ တရားဖြစ်လို့ “ဒုလ္လဘာ သဒ္ဓါသမ္ပတ္တိ” သဒ္ဓါတရားနှင့် ပြည့်စုံခြင်းဟာလည်း ဒုလ္လဘတရားတခုပဲလို့ ဟောတော်မူခြင်း ဖြစ်တယ်။

ဒုလ္လဘ ဒုလ္လဘနဲ့ အရပ်က ပေါ့ပေါ့ သုံးနေကြတာ။
ရခဲလွန်းလို့ ဖြစ်ခဲလွန်းလို့ မြတ်စွာဘုရားက “ဒုလ္လဘ”လို့ ဟောတော်မူခြင်း ဖြစ်တယ်။

အေး .. ဒါကြောင့် အမေရိကန်နိုင်ငံမှာ ရှိတဲ့ ဘုန်းကြီးတို့ မြန်မာပြည်သူ ပြည်သားအပေါင်းတွေဟာ အင်မတန် ကံကောင်းကြလို့ “ဗုဒ္ဓုပ္ပါဒ ဒုလ္လဘ” ဘုရားပွင့်တဲ့အခါနဲ့ ကြုံတယ်။
တရားပွင့်တဲ့အခါနဲ့ ကြုံတယ်။
ပြီးတော့ ရခဲ ရောက်ခဲတဲ့ “မနုဿတ္တဘာဝ ဒုလ္လဘ” လူ့အဖြစ်ကိုလည်း ရကြတယ်။
လူဖြစ်ဦးတော့ ဘုရားဂုဏ် တရားဂုဏ် သံဃာဂုဏ်တို့ကို ယုံကြည်တဲ့ သဒ္ဓါတရား၊ ကံ ကံ၏အကျိုးကို ယုံကြည်တဲ့ “ဒုလ္လဘာ သဒ္ဓါသမ္ပတ္တိ”ဆိုတဲ့ သဒ္ဓါတရားနှင့် ပြည့်စုံကြပြန်တယ်။ ဒါလည်း ခဲယဉ်းတဲ့ ဒုလ္လဘတခုပဲ။

နောက်တခုက “သဒ္ဓမ္မဿဝနံ အတိဒုလ္လဘံ” သူတော်ကောင်းတရား ကြားနာဖို့က သာ၍ ခဲယဉ်းတယ်။
သာ၍ ခဲယဉ်းတဲ့ သူတော်ကောင်းတရားတွေကို ဟောမယ့် သံဃာတော်များ အလိုလို မိမိတို့နေတဲ့ နိုင်ငံမှာ ရောက်လာကြတယ်။
မိမိတို့ နေတဲ့မြို့တွေမှာ ရောက်လာကြတယ်။
ဘယ်လောက် ကံကောင်းသလဲ။

ပြီးတော့ ဒုလ္လဘ (၅)ပါးမှာ မိမိတို့ကိုယ်တိုင် စဉ်းစားမယ်ဆိုရင် -
“ဗုဒ္ဓုပ္ပါဒ ဒုလ္လဘ”နဲ့ ကြုံတယ်။
“မနုဿတ္တ ဒုလ္လဘ”နဲ့ ကြုံတယ်။
“သဒ္ဓါသမ္ပတ္တိ ဒုလ္လဘ”နဲ့ ကြုံတယ်။
“သဒ္ဓမ္မဿဝန ဒုလ္လဘ”နဲ့ ကြုံတယ်။
ဒုလ္လဘငါးပါးမှာ လေးပါးနဲ့ ပြည့်စုံကြတယ်။
ဘယ်လောက် ကံကောင်းကြသလဲ။
အေး .. ဒီလို တွက်ကြည့်မှ ကိုယ်ရတဲ့ ဘဝရဲ့တန်ဖိုး သိလာတယ်။

ဒါကြောင့် မြတ်စွာဘုရားက “အပ္ပမာဒေန ဘိက္ခဝေ သမ္ပာဒေထ” ရဟန်းတို့ မမေ့ကြနဲ့၊ မပေါ့ကြနဲ့၊ အမှတ်မဲ့ မနေကြနဲ့လို့ တိုက်တွန်းတော်မူခြင်း ဖြစ်တယ်။

ဘုရားပွင့်တဲ့အခါနဲ့ ကြုံတယ်။
တရားပွင့်တဲ့အခါနဲ့ ကြုံတယ်။
သံဃာပွင့်တဲ့အခါနဲ့ ကြုံတယ်။
ပြီးတော့ ရခဲတဲ့ လူ့အဖြစ်နဲ့လည်း ကြုံတယ်။
ဘုရားဂုဏ် တရားဂုဏ် သံဃာဂုဏ်ကို ယုံကြည်တဲ့ သဒ္ဓါသမ္ပတ္တိနဲ့လည်း ပြည့်စုံတယ်။
သူတော်ကောင်းတရားတွေလဲ ကြားနာနေရတယ်။

ဒီလောက် ဒုလ္လဘတွေနဲ့ ပြည့်စုံနေတဲ့အခါကာလနှင့် ကြုံလို့မှ ကုသိုလ်ကောင်းမှု မပြုလိုက်ကြရင်၊ နတ်ရွာ နိဗ္ဗာန်ရောက်ကြောင်း သူတော်ကောင်းတရား အားမထုတ်လိုက်ကြရရင်၊ အားထုတ်ဖို့အချိန် မရှိတော့ဘူး။ ကုသိုလ်ရဖို့အချိန် မရှိတော့ဘူး။

မြတ်စွာဘုရား သတိပေးတော်မူတဲ့အတိုင်း ဘုန်းကြီးကလဲ ယခု ရောက်လာတဲ့အခါ အမေရိကန်မှာ အကြောင်းအားလျော်စွာ နေကြတဲ့ မြန်မာပြည်သူပြည်သား ဒုလ္လဘတရား (၄)ပါးနဲ့ ပြည့်စုံတဲ့ ဗုဒ္ဓဘာသာ ဒကာ ဒကာမတွေဟာ မိမိတို့ ရရှိနေတဲ့ ဒုလ္လဘတွေရဲ့ တန်ဖိုးကို သိပြီးတော့ မမေ့မလျော့ မပေါ့မဆသော သတိတရားဖြင့် ရနိုင်တဲ့ ဒါနကုသိုလ်၊ သီလကုသိုလ်၊ ဘာဝနာကုသိုလ်တို့ကို ရနိုင်တဲ့အချိန် ရနိုင်တဲ့အခါကာလမှာ ရသမျှ ယူသောအားဖြင့် ဒုက္ခခပ်သိမ်း ကင်းငြိမ်းရာဖြစ်တဲ့ နိဗ္ဗာန်ချမ်းသာကို ရကြပါစေ ရောက်ကြပါစေလို့ ဘုန်းကြီးက သတိပေး တိုက်တွန်းပါတယ်။

ဘုန်းကြီးက သတိပေး တိုက်တွန်းတဲ့အတိုင်း အားလုံးသော ဒကာ ဒကာမတွေဟာ ရိုရိုသေသေ လေးလေးစားစားနဲ့ မိမိတို့အကျိုးပဲ၊ ငါတို့ အင်မတန် ပြည့်စုံခဲတဲ့ ရခဲတဲ့ ကြုံခဲတဲ့ ဒုလ္လဘတွေနဲ့ ကြုံကြပါလားလို့ မိမိဘဝရဲ့တန်ဖိုး သိပြီးတော့ ကြိုးစား ပွားများ အားထုတ်နိုင်ကြပါစေကုန်သတည်း။

သာဓု ... သာဓု ... သာဓု။


(အမေရိကန်နိုင်ငံ နယူးယောက်မြို့ လောကချမ်းသာဘုရားကျောင်းတော်ကြီးတွင် ၁၃၅၄-ခုနှစ် ဝါဆိုလဆုတ် ၂-ရက်၊ ၁၉၉၂-ခုနှစ် ဇူလိုင်လ ၁၆-ရက်နေ့၌ ကျေးဇူးတော်ရှင် ရွှေဟင်္သာဆရာတော်ဘုရားကြီး ဟောကြားတော်မူသည်။)

Friday, November 14, 2008

သက်တော်ရှည် ရွှေဟင်္သာဆရာတော်ဘုရားကြီး


“ရွှေဟင်္သာဆရာတော်ဘုရားကြီး နယူးယောက်မြို့ လောကချမ်းသာဘုရားကျောင်းသို့ ကြွရောက် အပူဇော်ခံမည်”ဟူသော သတင်းကို ရုတ်တရက် ကြားသိလိုက်ရသောအခါ အလွန်အကျူး အထူးပင် အံ့သြဝမ်းသာ ဖြစ်မိရပါသည်။ မှန်ပါသည်။ သက်တော် (၁၀၀)ရှိ မထေရ်မြတ်ကြီး၏ ‘ကမ္ဘာလှည့်သာသနာပြုခရီး’မှာ ထူးထူးခြားခြား စံတင်ဖွယ်ဖြစ်၍ အံ့သြထိုက်လှပေတော့သည်။ ‘ကမ္ဘာ့သက်ရှည် ကမ္ဘာလှည့်ခရီးသည်’ တဦးအနေဖြင့် မှတ်တမ်းတင်ရမည် ထင်ပါသည်။ ဝမ်းသာရခြင်းအကြောင်းမှာမူကား အမေရိကန်ရောက် မြန်မာတိုင်းဖွား တကာ တကာမများတို့ ရွှင်လန်းအားရ ဖူးမြော်ကန်တော့ခွင့် ရကြမည်ဖြစ်သောကြောင့် ဖြစ်ပါသည်။

ဤကဲ့သို့ သက်တော်ကြီးမြင့်ခြင်း ဝယဝုဒ္ဓိဂုဏ်၊ သီလ သမာဓိ ပညာ ကြီးမြတ်တော်မူခြင်း ဂုဏဝုဒ္ဓိဂုဏ်တို့နှင့် ပြည့်စုံသော သက်တော်ရှည် အရှင်မြတ်ကြီး ကြွရောက် အပူဇော်ခံခြင်းမှာ အမေရိကန်ရောက် တကာ တကာမတို့၏ ကြီးမားသော ဘုန်းကံနှင့် ဖြူစင်သော စေတနာ သဒ္ဓါတရားတို့၏ အစွမ်းသတ္တိကြောင့်ဟုဆိုသော် မှားအံ့ မထင်ပါ။

ကြီးမြတ်သော ဘုရား၊ ရဟန္တာနှင့် သူတော်စင်ပုဂ္ဂိုလ်မြတ်ကြီးတို့၏ အချီးအမြောက်ခံရမှုသည်လည်း ခရီးဝေးကွာခြင်း၊ နီးကပ်ခြင်းနှင့် မဆိုင်။ အတူနေရခြင်း မနေရခြင်းနှင့်လည်း မဆိုင်ပါပေ။

“သူတော်စင် သူတော်မွန်တို့ကား ဝေးကွာလှမ်းသော်လည်း ငါဘုရား၏ ဉာဏ်အာရုံ၌ ဟိမဝန္တာတောင်ကြီးအလား ထင်ရှား၍သာ နေကြပေကုန်၏။
သူတော်ကောင်းမဟုတ်သူ သူတော်ယောင်ဆောင်သူ အတုအယောင်တို့သည်ကား ငါဘုရား၏ ဒူးတော်နား၌ တည်ရှိနေသော်ငြားလည်း ငါဘုရား၏ ဉာဏ်အာရုံမှာ မထင်။
ညဥ့်မှောင်မိုက်တွင် ပစ်လွှင့်လိုက်သော မြားတို့သည် နား၏အနီးမှ ပွတ်ကာသီကာ တဝီဝီ ဖြတ်သန်းသွားကြသော်လည်း မမြင်ရသည်သို့ တူစွတကား”ဟု မြတ်ဗုဒ္ဓသည် ဓမ္မပဒဒေသနာ၌ ဟောကြားတော်မူခဲ့ပေသည်။

ဆရာတော်ကြီးသည် ဘုရားပွင့်တော်မူရာ မဇ္ဈိမဒေသ အိန္ဒိယနိုင်ငံသို့ တကြိမ်၊ ထိုင်းနှင့် စင်္ကာပူသို့ တကြိမ် ကြွရောက် သာသနာပြုတော်မူပြီး ဖြစ်၍ ယခု အမေရိကန်နိုင်ငံသို့ ကြွရောက်တော်မူလာခြင်းကား တတိယအကြိမ်မြောက် သာသနာပြုခရီးပင် ဖြစ်ပါသည်။

အမေရိကန်တွင် ကယ်လီဖိုးနီးယား၊ တက်ကဆပ်ပြည်နယ်၊ ဖလော်ရီဒါ၊ ဝါရှင်တန်ဒီစီနှင့် နယူးယောက်မြို့ကြီးများသို့ ကြွရောက်မည် ဖြစ်ပြီး၊ နယူးယောက်မြို့ လောကချမ်းသာဘုရားကျောင်း၌မူ ၁၉၉၂-ခု ဇူလိုင်လ ၁၅-၁၆-၁၇ ရက်နေ့များတွင် အပူဇော်ခံ၍ ပရိတ်သတ်တို့အား တရားဓမ္မများ ချီးမြှင့် ဟောကြားမည် ဖြစ်ပါသည်။




ဆရာတော်ကြီး၏ မွေးဖွားရာ ဒေသမှာ ဧရာဝတီတိုင်း လေးမျက်နှာမြို့ဖြစ်၍ မြန်မာသက္ကရာဇ် ၁၂၅၅-ခုနှစ် နတ်တော်လဆန်း ၅-ရက် ကြာသပတေးနေ့တွင် ဖွားမြင်တော်မူသည်။

ယခု သီတင်းသုံး နေထိုင်တော်မူသည့် အရပ်မှာ စစ်ကိုင်းမြို့အနီးမှ စစ်ကိုင်းတောင်ရိုး ရွှေဟင်္သာတိုက်သစ်ကျောင်းတိုက်ကြီးတွင် ဖြစ်ပါသည်။ ၁၂၈၉-ခုနှစ်တွင် စစ်ကိုင်းမြို့ စစ်ကိုင်းတောင်ရိုးသို့ ကြွရောက်တော်မူလျက် ရွှေဟင်္သာတိုက်ဟောင်း တိုက်သစ်များ တည်ဆောက်တော်မူပြီးလျှင် ပရိယတ် ပဋိပတ်လုပ်ငန်းများကို ကြိုးပမ်း အားထုတ်တော်မူသည်။ ဆရာတော်ကြီး၏ စာသင်တိုက်တွင် စာသင်သား သံဃာတော်ပေါင်း (၁၀၀)ကျော် ရှိ၍ ပရိယတ္တိလုပ်ငန်းကို ဦးစားပေး အရေးထား ဆောင်ရွက်တော်မူဆဲပင် ဖြစ်ပါသည်။

ထူးခြားကြည်ညိုဖွယ် ကောင်းလှသည်မှာ ဆရာတော်ဘုရားကြီးသည် သက်တော် ၉၀ အရွယ်ခန့်ထိ ဆွမ်းခံဝတ်မဖျက်ဘဲ ဆွမ်းခံကြွလေ့ရှိသည်။ ပိဏ္ဍပါတိက ဓုတင်ဝတ်ကို မချွတ်တမ်း ကျင့်တော်မူခဲ့သည်။ နောင်လာနောက်သား ရှင်ငယ် ရဟန်းငယ်များ ‘ပေါ်လွင်မပြု ကောင်းရာတု’စေရန် စံပြ ဆောင်ရွက်တော်မူခဲ့သည်။ တနည်းအားဖြင့်ဆိုသော် တဖက်မှ စာသင် စာချ ပရိယတ္တိသာသနာကို အားပေး ချီးမြှောက်ရင်း တဖက်မှလည်း ပဋိပတ္တိလုပ်ငန်းကို အမြဲတစေ ကျင့်ကြံအားထုတ်တော်မူခဲ့ပေသည်။

ဆရာတော်ဘုရားကြီးသည် ကျမ်းစာပေါင်း ၃၀-ခန့်ကို ရေးသား ပြုစုတော်မူခဲ့သည်။
မြန်မာအလင်္ကာကျမ်း၊ ရွှေကျင်နိကာယသာသနာဝင် (အကျဉ်း၊ အကျယ်)၊ မေတ္တသုတ်မြန်မာဋီကာ၊ ပရာဘဝသုတ်မြန်မာဋီကာ၊ စာဏကျနီတိသျှ၊ မင်္ဂလသုတ်လက်စွဲ၊ ကာယာနုပဿနာကျမ်း၊ ဝေဒနာနုပဿနာကျမ်း၊ စိတ္တာနုပဿနာကျမ်းနှင့် သက်တော် ၉၀-နှစ် ၆-လအရတွင် ရေးသားတော်မူသော ဓမ္မာနုပဿနာကျမ်းစာများ ဖြစ်ကြပေသည်။

၁၃၂၃-ခုနှစ်တွင် ‘အဂ္ဂမဟာပဏ္ဍိတ’ဘွဲ့တံဆိပ်တော်ကိုလည်းကောင်း၊ ၁၃၄၀-ပြည့်နှစ်တွင် ‘အဘိဓဇမဟာရဋ္ဌဂုရု’ဘွဲ့တံဆိပ်တော်ကိုလည်းကောင်း နိုင်ငံတော်အစိုးရ၏ လှူဒါန်း ဆက်ကပ်ခြင်းကို ခံယူရရှိတော်မူသည်။

၁၃၁၄-ခုနှစ်တွင် သာသနာတော်လုံးဆိုင်ရာ ရွှေကျင်ဂိုဏ်းကြီး၏ ‘ဂိုဏ်းလုံးဆိုင်ရာ ဝန်ဆောင်နာယက’အဖြစ်လည်းကောင်း၊ ၁၃၃၇-ခုနှစ်မှ စ၍ ‘ရွှေကျင်နိကာယ ဥပဥက္ကဌ မဟာနာယက’ (တွဲဘက်ရွှေကျင်သာသနာပိုင်)အဖြစ်လည်းကောင်း၊ ‘ရွှေဟင်္သာဝံသ သံဃမဟာနာယက အဓိပတိ’အဖြစ်ဖြင့်လည်းကောင်း သာသနာ့တာဝန်များကို ထမ်းဆောင်ခဲ့သည်။

၁၃၅၁-ခုနှစ် သက်တော် (၉၇)နှစ်၊ သိက္ခာတော် (၇၇)ဝါ အရတွင် ဂန္တကာရက၊ အဂ္ဂမဟာပဏ္ဍိတ၊ အဘိဓဇမဟာရဋ္ဌဂုရု၊ စစ်ကိုင်းတောင်ရိုး ရွှေဟင်္သာဆရာတော်ဘုရားကြီးသည် ဒွါဒဿမမြောက် ‘ရွှေကျင်နိကာယဥက္ကဌ၊ မဟာနာယက သမ္မုတိသံဃရာဇာ သာသနာပိုင်’အဖြစ် တင်မြှောက်ပူဇော်ခြင်း ခံတော်မူခဲ့ရပေသည်။

“ရဟန်းကိစ္စ၊ နှစ်ဓူရ၌၊ လုံ့လအားသည်း၊ ဟိတ်ဟန်နည်း၍၊ ပစ္စည်းမသို၊ စိတ်မတို၊ ခင်ပျိုကြီးပွားကြောင်း၊ ခင်အိုလည်းကြီးပွားကြောင်း”ဟု မဟာဝိသုဒ္ဓါရုံဆရာတော်ဘုရားကြီးက ‘ရဟန်းတော်များအတွက် ကြီးပွားရေး’ကို ညွှန်ကြားမိန့်ဟတော်မူခဲ့၏။

ဤအဆိုအမိန့်အတိုင်းပင် ရွှေဟင်္သာဆရာတော်ဘုရားကြီးသည် ဂန္ထဓူရ ဝိပဿနာဓူရဟူသော ရဟန်းတို့ လုပ်ဆောင်ရမည့် တာဝန် ၂-ရပ်ကို ယနေ့တိုင် ကြိုးပမ်းတော်မူလျက် ရှိခြင်း၊ ပရိယာယ် မာယာမရှိ ဟိတ်ဟန်နည်းပါးခြင်း၊ ပစ္စည်းလာဘ်လာဘများကို သိုမှီး သိမ်းဆည်းခြင်း မရှိ၊ ကျောင်းတိုက်သံဃာတော်များအား ထောက်ပံ့ဝေငှခြင်း၊ စိတ်တို စိတ်ဆိုးခြင်း မရှိ အမြဲတမ်း သတိ ဉာဏ် ပညာတို့ဖြင့် ထိန်းသိမ်းနိုင်ခြင်းတို့ကြောင့် ဆရာတော်ကြီး၏ ရွှေဟင်္သာတိုက်သစ် ကျောင်းတိုက်ကြီးသည် တရိပ်ရိပ် မြင့်မားတိုးတက် ကြီးပွားလျက်သာ ရှိပေသည်။

ဆရာတော်ဘုရားကြီးသည် ဥပဓိရုပ်တော်အားဖြင့်လည်း ရှင်းသန့် ကြည်လင်တော်မူ၏။
ပင်ကိုယ်သဘောတော်အားဖြင့်လည်း ထာဝရ အေးဆေး တည်ငြိမ်တော်မူ၏။
တပည့်ရဟန်း တကာ တကာမတို့ကို ဆုံးမ ညွှန်ကြားရာ၌လည်း တိုတိုရှင်းရှင်းနှင့် လိုရင်းမိအောင် ညွှန်ပြ မိန့်ကြားတော်မူနိုင်ပါပေ၏။

ဥပမာပြရလျှင် -
မန္တလေးမြို့မှ မလွန်ဈေးဆန်လှူအသင်းကြီးသို့ ဆုံးမ ညွှန်ကြားရာတွင် တိုရှင်းထိမိသော လင်္ကာတိုလေးဖြင့် ဤသို့ မြွက်ကြားတော်မူခဲ့သည်။

“အများအကျိုး၊ ရွက်သည်ပိုးက
ခနိုးခနဲ့၊ ဆိုကဲ့ရဲ့လည်း
မဖဲ့မစောင်း၊ ကိုယ့်လမ်းကြောင်းကို
စိတ်ကောင်းနှင့်ယှဉ်၊ ရှေးရှုနှင်လော့”

ဤကဲ့သို့သော အဖိုးတန်ရတနာ ဆရာတော်ဘုရားကြီးများ ကြွရောက်လာရာတွင် မဖူးမြင် မဆည်းကပ်လိုက်ရပါမူကား ကျွန်ုပ်တို့အတွက် နောင်တရဖွယ်သာ ဖြစ်ပါခြိမ့်မည်။
အခွင့်သာခိုက်တွင် ဦးတိုက်၍ ဖူးလိုက်ကြပါရန် စေတနာမွန်ဖြင့် တိုက်တွန်းလိုက်ရပေသည်။


(၁၉၉၂-ခုနှစ် ဇူလိုင်လ ၁၂-ရက်နေ့ထုတ်၊ အတွဲ-၂ အမှတ်-၂ လောကချမ်းသာသတင်းလွှာ မှ)

Friday, November 7, 2008

ပရမတ္ထစက္ခုကျမ်း


ဇီးကုန်းဦးခင်မောင်ဝင်း။ ။ ဟော .. ပြောရင်း ဆိုရင်း လာပါပြီဗျာ။

ဆရာစော။ ။ မျှော်တုန်းမျှော်ဆဲ သူလဲရောက်လာ ဆိုသလိုပဲ။ ကဲ .. လာဗျာ ကဖိုးထိန် .. ဒီမှာ ထိုင်။

ကဖိုးထိန်။ ။ ညက တော်ရုံနဲ့ အိပ်မရဘူးဗျာ။ ဒါနဲ့ စာဖတ် .. တရားထိုင်လိုက်တာ မနက် ၄-နာရီလောက်မှပဲ အိပ်ဖြစ်တော့တယ်။

ဇီးကုန်းဦးခင်မောင်ဝင်း။ ။ ဒါပေါ့ဗျ .. အသက်က စကားပြောလာတယ် ဆိုတာ။ အအိပ်အနေလဲ နည်းလာရမယ်၊ မျက်စိရင်လဲ မှုန်လာရမယ်၊ နားရင်လဲ လေးလာရမယ်။ သတိပေးလာတဲ့ ဒီသဘာဝကို အသိရှိရှိနဲ့ အသုံးချတတ်ဖို့တော့ လိုသပေါ့ဗျာ။

ဆရာစော။ ။ ရှင်းစမ်းပါအုန်းဗျ။ အသိရှိရှိနဲ့ အသုံးချတတ်ဖို့ လိုတယ်ဆိုတာလေးကို။ ကဲ .. ကဖိုးထိန်ရော ဘာသောက်မလဲ၊ အအေးလား .. အပူလား။

ဇီးကုန်းဦးခင်မောင်ဝင်း။ ။ ဒီလိုဗျ .. ဆရာစော။ အသက်ကလေး ရလာလို့ မျက်စိမှုန်လာတာက မျက်စိက ဝင်လာမယ့် တဏှာလောဘကို နည်းစေချင်လို့ဗျ။ နားလေးလာတာဟာလဲ သောတအာရုံက ဖြစ်လာမယ့် လောဘ ဒေါသတွေ နည်းစေချင်လို့ပဲ။ သွားတွေ မကောင်းတော့တာက အစားအသောက်ပေါ် ဆင်ခြင်စေချင်လို့ဗျ။ အအိပ်အနေ နည်းလာတဲ့သဘောကလဲ ဘာဝနာကမ္မဋ္ဌာန်း စီးဖြန်းဖို့၊ ဝိပဿနာဘာဝနာပွားများဖို့ အချိန်ပိုယူတော့ဆိုတဲ့ သဘောပဲ။ ခုပဲ .. ကဖိုးထိန်ကို ကြည့်လေ။ အိပ်မရလို့ စာဖတ်တယ်၊ တရားထိုင်တယ်၊ အကျိုးမများဘူးလား။

ဆရာစော။ ။ ဒါနဲ့ ကဖိုးထိန်က ဘာစာအုပ်တွေ ဖတ်ဖြစ်နေတာလဲဗျ။ ခင်ဗျားက စာဖတ်လဲ နာတဲ့သူဆိုတော့ စာအုပ်ကောင်းလေးတွေ ဖတ်ရရင် ဖောက်သည်ချ ဝေမျှပါအုန်း။

ကဖိုးထိန်။ ။ ကျနော်လဲ ဒီအကြောင်း ပြောချင်နေတာဗျ။ အစားကောင်းစားရတော့ အကြိုက်ချင်းတူသူတွေကို သတိရသလိုပေါ့ဗျာ။ ခု လောလောဆယ် ဖတ်ဖြစ်နေတဲ့ စာအုပ်က ဒီပဲရင်းဆရာတော်ဘုရားကြီးရဲ့ ‘ပရမတ္တစက္ခုကျမ်း’ ဆိုတဲ့ စာအုပ်ပဲဗျ။ စာအုပ်အကြောင်း မပြောခင် ဒီပဲရင်းဆရာတော်ဘုရားကြီးအကြောင်း နည်းနည်းတော့ ပြောချင်သေးတယ်ဗျ။

ဇီးကုန်းဦးခင်မောင်ဝင်း။ ။ တတိယရွှေကျင်သာသနာပိုင် ဆရာတော်ဘုရားကြီးကို ပြောတာ မဟုတ်လားဗျ။

ကဖိုးထိန်။ ။ ဟုတ်တာပေါ့ဗျာ .. ဆားပုလင်းကိုခင်မောင်ဝင်းက ဆရာတော်ကြီးတွေအကြောင်း နှံ့နှံ့စပ်စပ် သိတဲ့လူပဲဗျ။ ကျနော်တို့ထက် ပိုသိမှာပေါ့ဗျာ။ ဟောဒီမှာ .. ကျနော် ‘ရွှေကျင်သံဃရာဇာ နှစ် ၁၀၀’ စာအုပ်ထဲမှာ ပါတဲ့ ဆရာတော်ကြီးအကြောင်း ရေးမှတ်လာသေးတယ်။



ဆရာတော်ကြီးကို မုံရွာခရိုင်၊ ဒီပဲရင်းမြို့နယ်၊ ထောက်ရှာရွာမှာ ခမည်းတော် ဦးရွှေဆေး-မယ်တော် ဒေါ်ရှိန်တို့ကနေ ၁၂၁၄-ခုနှစ် တော်သလင်းလဆုတ် (၁၀)ရက် အင်္ဂါနေ့မှာ မွေးဖွားခဲ့တယ်။ ငယ်နာမည်က ‘မောင်စံပေါ်’တဲ့။

၁၂၂၇-ခုနှစ်မှာ ထောက်ရှာရွာဆရာတော် ဦးဂန္ဓမာကို ဥပဇ္ဈာယ်ပြုပြီး ရှင်သာမဏေအဖြစ် ရောက်ခဲ့တယ်။ ဘွဲ့တော်က ‘ရှင်ဉာဏ’တဲ့။ နောက်မှ ‘စလင်းဆရာတော်’က ‘ဝရ’ပုဒ် တိုးဆင့် ချီးမြှောက်လို့ ‘ရှင်ဉာဏဝရ’ ဆိုပြီး တွင်တယ်။

အသက် (၂၀)ပြည့်တဲ့အခါမှာတော့ ထောက်ရှာရွာ တောရကျောင်းဆရာတော် ဦးဝိသုဒ္ဓကို ဥပဇ္ဈာယ်ပြုပြီး ရဟန်းအဖြစ်သို့ ရောက်ခဲ့တယ်။

၁၂၆၅-ခုနှစ်မှာ အရှေ့မဟာဝိသုဒ္ဓါရုံတိုက်ရဲ့ နာယကဆရာတော်အဖြစ် အပ်နှင်းခြင်းခံရတယ်။

၁၂၇၈-ခုနှစ်မှာ အထက်မြန်မာနိုင်ငံအတွက် ‘ရွှေကျင်နိကာယဥက္ကဌမဟာနာယက’ အဖြစ် တင်မြှောက်ခံရတယ်။

၁၂၈၉-ခုနှစ် ပြာသိုလဆန်း (၅)ရက်နေ့မှာ တဘဝအတွက် ငြိမ်းတော်မူခဲ့တယ်။

ဒါကတော့ ဆရာတော်ကြီးရဲ့ ထေရုပ္ပတ္တိအကျဉ်းပေါ့ဗျာ။

ဇီးကုန်းဦးခင်မောင်ဝင်း။ ။ ‘မသိလျှင် တွယ်၊ သိလျှင် ပြယ်၊ တွယ်လျှင် ဘေး၊ ပြယ်လျှင် အေး’ ဆိုတာ ဆရာတော်ကြီးရဲ့ လူသိများတဲ့ လင်္ကာလေးပေါ့ဗျာ။ ဆရာတော်ကြီးက လင်္ကာအရေးကောင်းသလို သံခိပ်လဲ သိပ်နိုင်တယ်။ ဒီစာအုပ်ဖြစ်ပေါ်လာပုံအကြောင်းလေးလဲ စာအုပ်ထဲမှာ ပါမယ်နဲ့ တူတယ်။ ဖတ်ပြီးပြီဆိုရင် ပြောပြစမ်းပါအုန်း ကဖိုးထိန်။

ကဖိုးထိန်။ ။ ဖတ်ပြီးပါပြီဗျ။ ဒီပဲရင်း ကန်ဖျားရွာက ဦးဘိုးခန့်၊ ဦးဘိုးဆိုင်၊ ဦးဘိုးသန့်တို့ လျှောက်ထားတောင်းပန်တာကြောင့် ဆရာတော်ကြီး ရေးသားခဲ့တဲ့ ကျမ်းပေါ့ဗျာ။ ၁၂၇၅-ခုနှစ် (၁၉၁၃)၊ တပေါင်းလဆန်း (၈)ရက်နေ့မှာ ကျမ်းပြီးတယ်လို့ တွေ့ရတယ်။ ခုဆို ၉၅-နှစ်ကျော်တောင် ရှိသွားပြီပေ့ါဗျာ။ ကျမ်းရေးရတဲ့အကြောင်း ဆရာတော်ကြီးရေးထားတဲ့အတိုင်း ဖတ်ပြချင်တယ်။ စာတကြောင်းဆို တကြောင်း ကျစ်လစ်သိပ်သည်း ထိထိရောက်ရောက် အဓိပ္ပါယ်ပေါက်စေတဲ့ ဆရာတော်ကြီးရဲ့ စာအရေးအသားကို မြည်းစမ်းကြည့်ကြပေါ့ဗျာ။

“ပရမတ္တ သဘာဝကို အမှန်ကျ သိရမည့် အခွင့်အခါကို အလွန်ရခဲသည်။
ရပြန်ပါသော်လည်း အလွန်သိမ်မွေ့ အလွန်အသိခက်သည်။
အမှန်တကျ အဟုတ်သိ သိရပြန်ကလည်း နောင်ချမ်းသာဖို့ ဆင်းရဲကင်းဖို့ အားထုတ်ဖွယ် မရှိ။
အလုံးစုံ ကိစ္စပြီး၍ အေးကြီးအေးရသည်။
ရိပ်မိရုံ ရိပ်မိသော်လည်း အလွန်အကျိုးကြီးရသည်။
ဤလို ဟောပြောသည်များကို ကြားနာရဖူးပါသည်။”

“ဘုရားတပည့်တော်တို့လည်း အဟုတ်သိကြီးပင် မသိနိုင်သော်လည်း ရိပ်မိရုံမျှသော်လည်း ရိပ်မိ၍ သာသနာတွင်းခါ လူဖြစ်ကျိုးနပ်ပါရအောင် ပေါ်ထင် သိသာစွာ ကြံဖန်၍ ဟောပြတော်မူပါမည့်အကြောင်းနှင့် ဒီပဲရင်းတောင်လက် မင်းတည်းကုန်း ကန်ဖျားရွာ ဒကာ ငဘိုးခန့်၊ ဒကာ ငဘိုးဆိုင်၊ ဒကာ ငဘိုးသန့်တို့ လျှောက်ထားကြသည်ကို အရင်းပြုသဖြင့်
သိမ်မွေ့ မွန်မြတ်လှသော ပရမတ္ထသဘာဝကို သိလို ရိပ်မိလိုသော သမ္မာဆန္ဒရှိကြကုန်သော အမျိုးသား အမျိုးသမီးတို့
သိချင်သော ဆန္ဒ ဝီရိယရှိက မသိ မရှိစေရ
သင်္ဂြိုဟ်ကို မသင်ဖူးသော်လည်း လွယ်လွယ်နှင့် သိနိုင်အောင် ဝေါဟာရ ပရိယာယ် ကြံဖန်၍ ပေါ်ထင် ထိမိ သိသိသာသာ ရေးသား၍ ဟောပြပေအံ့” တဲ့။

ရိပ်မိရုံမျှ ရိပ်မိသော်လည်း အလွန်အကျိုးကြီးတဲ့
သာသနာတွင်းခါ လူဖြစ်ကျိုးနပ်တယ် ဆိုတဲ့ အဟုတ်ရှိသော တရားအကြောင်း ဆရာတော်ကြီး ရှင်းပြထားတာဗျ။

ပြီးတော့ ဆရာတော်ကြီး တိုက်တွန်းထားပါသေးတယ်။ နားထောင်ကြည့်ကြပါအုန်း။ ကျနော် ဖတ်ပြပါ့မယ်။

“ယခုအခါ အရပ်ဖြစ်ရှစ်ပါး ကင်းလွတ်၍ နဝမခေတ်အတွင်း စက်လေးပါးစုံ သမ္ပတ္တိကြုံ၍ လူ့ဘုံ၌ လူ့အဖြစ်ကို ရကြကုန်သော အမျိုးကောင်းသားတို့သည် -
- ဤဘဝတွင်သော်လည်း မဂ်ပေါက် ဖိုလ်ပေါက် အသိအဆုံးရောက်ဖို့ရန်သော်လည်းကောင်း၊
- အန္ဓပုထုဇဉ် အဖြစ်မှ လွတ်၍ ကလျာဏပုထုဇဉ် အတွင်းသို့ ဝင်နိုင်ရန်သော်လည်းကောင်း၊
- ရတနာသုံးပါးကို မှုန်မှုန်မွဲမွဲ သိနိုင် မြင်နိုင်၍ ပြုသမျှ ဒါန၊ သီလ၊ ဘာဝနာတို့ တုတ်ခိုင် သန်မြန်၍ နောင် မဂ်အခြေ ဖိုလ်အခြေ ဖြစ်နိုင်ဖို့ရန်သော်လည်းကောင်း၊
- ဝသီဆန္ဒ အသိပညာ ပါရမီမျိုး ဖြစ်စေရန်သော်လည်းကောင်း တချက်ချက်ကို ရည်သန်၍ အဟုတ်ရှိ တကယ်ရှိ ပရမတ်သဘောကို သိနိုင် မြင်နိုင်သော ပရမတ်မျက်စိအလင်းကို အခွင့်သာခိုက် ရမိအောင် ဆည်းပူးမှတ်သား သင်ကြားလေ့လာကြရမည်။
မှတ်ချင် ကြားချင် နာချင်သော ဆန္ဒအလေ့အလာ ရှိကြကုန်ရာသည်” တဲ့ဗျ။

ဆရာစော။ ။ ကောင်းလိုက်တဲ့ တိုက်တွန်းချက်ဗျာ။ အနိမ့်ဆုံးအဆင့်က ဘာတဲ့ . . ဗျာ၊ ဝသီဆန္ဒ အသိပညာ ပါရမီမျိုး ဖြစ်စေရန်တဲ့။ အခွင့်သာခိုက်မှာ ဆည်းပူးမှတ်သား သင်ကြားလေ့လာကြရမယ်တဲ့။ မှတ်ချင် ကြားချင် နာချင်တဲ့ ဆန္ဒ အလေ့အကျင့်လေးတွေ လုပ်ပေးပါတဲ့။ ဒုတိယ အနိမ့်ဆုံးအဆင့်မှာ ပြောထားတာလဲ ကြည့်ပါဦးဗျာ။ ‘ရတနာသုံးပါးကို မှုန်မှုန်မွဲမွဲ သိနိုင် မြင်နိုင်၍’ ဆိုတာလေး။ ကျနော်တောင် ကိုယ့်ကိုကိုယ် ချက်ချင်း ပြန်မေးကြည့်လိုက်တယ်။ ရတနာသုံးပါးကို ဘယ်လောက်သိပြီလဲလို့။ မှုန်မှုန်မွဲမွဲလေးတောင် သိပြီ မြင်ပြီလားလို့။

ဇီးကုန်းဦးခင်မောင်ဝင်း။ ။ အေး .. ဗျ။ ဆရာစော ပြန်မေးတဲ့ မေးခွန်းက အဖြေခက်တဲ့ မေးခွန်းဗျနော်။

ကဖိုးထိန်။ ။ ဟောဒီမှာဗျ ... နားထောင်လိုက်ကြပါဦး။

‘ပုထုဇဉ်တို့ အပြစ်ကို မြင်မှ ရတနာသုံးပါးတို့ဂုဏ် ပေါ်ထင် သိသာသည်ကို ပြခြင်း’ တဲ့။

“မောဟ-အမိုက်၊ တဏှာ-အရှုပ်၊ ကိလေသာ-အညစ်၊ နီဝရဏ-အနောက်၊ တစ်ဆယ့်တစ်ပါးသော မီးအပူ၊ ဤငါးခုမူ ရောဂါဆိုး
တရား ကိုးပါးဆေးအလား၊
ဘုရားကား ဆေးစား၍ ရောဂါကင်းပြီး ဆေးဆရာ၊
သံဃာမှာ ဆေးကု၍ ရောဂါစင်၊
ပုထုဇဉ်မှာ မိုက်-ရှုပ်-ညစ်-နောက် အပူရောက်၍ ပူလား ပင်လား ရောဂါသမား၊
ဉာဏ်အမြင်သန်လေလေ ပုထုဇဉ်တို့၏ အပြစ်ကိုမြင်လေလေ
ပုထုဇဉ်တို့ အပြစ်တွေကို မြင်လေလေ ရတနာသုံးပါးတို့၏ ဂုဏ်ကျေးဇူးတွေကို မြင်လေလေ ဖြစ်တတ်သည်။
ရတနာသုံးပါးဆိုသည်မှာ ဘယ်လိုဟာဟု ရိပ်မိခဲသည်။
ဘယ်လိုဟာဟု ရိပ်မိရမည်” တဲ့။

ဆရာစော။ ။ သာဓု .. သာဓု .. သာဓု ဗျာ။

ဇီးကုန်းဦးခင်မောင်ဝင်း။ ။ သာဓု .. သာဓု .. သာဓု ဗျာ။

Thursday, November 6, 2008

စံကျောင်းဆရာတော် (၁၂၃၅-၁၃၀၉)




ရွှေကျင်နိကာယတွဲဘက်သာသနာပိုင်


စံကျောင်းဆရာတော်သည် ၁၂၃၅-ခုနှစ် တပေါင်းလဆန်း (၁၀)ရက်၊ ဗုဒ္ဓဟူးနေ့တွင် ရန်ကုန်မြို့၊ ကျောက်တန်းရွာနေ ဦးအောင်လှ-ဒေါ်အောင်တို့မှ ဖွားမြင်သော သားရတနာဖြစ်သည်။
ငယ်မည်မှာ ‘မောင်ဉာဏ်’ ဖြစ်သည်။

အသက် (၁၇)နှစ်အရွယ်တွင် မိဘနှစ်ပါးနှင့် အစ်ကိုကြီး ဦးဉာဏ်ပွင့်-ဒေါ်ပိုတို့၏ ပစ္စယာနုဂ္ဂဟကို ခံယူကာ ရှင်သာမဏေအဖြစ်သို့ ရောက်သည်။
ဘွဲ့မှာ ‘အရှင်ဝါယာမ’ ဖြစ်သည်။

၁၂၅၅-ခုနှစ် ပထမဝါဆိုလဆန်း (၁၃)ရက်၊ အင်္ဂါနေ့ညနေ ၃-နာရီအချိန်တွင် ရန်ကုန်မြို့၊ ကျောင်းတော်ရာရွှေကျင်တိုက် ခဏ္ဍသိမ်၌ ကျောင်းတော်ရာ ရွှေကျင်ဆရာတော်ဘုရားကြီးကို ဥပဇ္ဈာယ်ပြု၍ မိဘနှစ်ပါး၏ ပစ္စယာနုဂ္ဂဟကို ခံယူကာ မြင့်မြတ်သော ရဟန်းအဖြစ်သို့ ရောက်သည်။

၁၂၇၅-ခုနှစ်၌ ကျောင်းတော်ရာ ဆရာတော်ဘုရားကြီး၏ ‘စံကျောင်းတိုက်အုပ်ဆရာတော်’ ဂုဏ်ထူးဖြင့် ချီးမြှောက်မှု၊ ရွှေဟင်္သာတောရတိုက်ကို လွှဲအပ်မှုတို့ကို ခံယူရသည်။

၁၂၉၉-ခုနှစ်၌ ‘အဂ္ဂမဟာပဏ္ဍိတ’ ဘွဲ့တံဆိပ်ကို ခံယူရသည်။

၁၃၀၈-ခုနှစ်၊ တပေါင်းလဆန်း (၁၅)ရက်နေ့၌ ‘ရွှေကျင်နိကာယဥပဥက္ကဌမဟာနာယက’အဖြစ် တင်မြှောက်ခြင်းကို ခံယူရသည်။

အလင်္ကာနိဿယ၊ စေတိယဝိန္ဆိယ၊ သြဝါဒဒီပနီ စသော ကျမ်းစာများကို ပြုစုတော်မူခဲ့သည်။

၁၃၀၉-ခုနှစ်၊ ဝါခေါင်လဆုတ် (၁)ရက်၊ စနေနေ့ နံနက် ၄-နာရီ၊ မိနစ် ၄၀ အချိန်၌ သာသနာ့တာဝန်ကို မနေမနား ထမ်းဆောင်တော်မူရင်း တဘဝအတွက် ငြိမ်းတော်မူသည်။


(၁၃၅၅-ခုနှစ် တပို့တွဲလပြည့်နေ့တွင် မန္တလေးမြို့၌ ကျင်းပပြုလုပ်သော ရွှေကျင်သံဃရာဇာ ရာပြည့်ပွဲတော်ခါဝယ် အကျိုးတော်ဆောင် သီတဂူဆရာတော် အရှင်ဉာဏိဿရ၊ ရွှေကျင်မော်ကွန်းတိုက် တည်ဆောက်ရေး၊ ရွှေကျင်ရုပ်တုတော်နှင့် ရုပ်ပုံတော်များ ပြုလုပ်ရေးအဖွဲ့ငယ် ပြုစုသည့် ၁၉၉၄-ခုနှစ် ဖေဖော်ဝါရီလထုတ် ‘ရွှေကျင်သံဃရာဇာ နှစ် ၁၀၀’ စာအုပ် မှ)

Tuesday, November 4, 2008

ဆရာ့စကား


မိတ်ဆွေဖြစ်သူတဦးက လာမည့် ဒီဇင်ဘာလတွင် သူတို့၏ အထက်တန်း အလယ်တန်း ဆရာ ဆရာမများအား အာစရိယပူဇော်ကန်တော့ပွဲ ပြုလုပ်မည် ဖြစ်ကြောင်း ပြောရာ ကောင်းမြတ်သော မြန်မာတို့၏ ရိုးရာဓလေ့လေးဖြစ်၍ ကြည်နူးဝမ်းမြောက်မိပါသည်။ တိုက်တိုက်ဆိုင်ဆိုင်ဟုပင် ဆိုရမည်လား မသိ။ မိမိ၏စာအုပ်များကို ရှင်းလင်းနေစဉ် စစ်ကိုင်းတောင်ရိုး ရွှေဟင်္သာဆရာတော်ဘုရားကြီး၏ ‘အမေရိကန် ခရီးသွား မှတ်တမ်း’ စာအုပ်ကို တွေ့ရှိပြီး ဆရာတော်ဘုရားကြီး၏ သြဝါဒတခုတွင် ဆရာ့စကား ဆရာ့အဆုံးအမအကြောင်း ထည့်သွင်း ဟောကြားထားသည်ကို တွေ့ရပါသည်။

သက်တော်ရှည် ရွှေဟင်္သာဆရာတော်ဘုရားကြီးသည် ၁၉၉၂-ခုနှစ်တွင် အမေရိကန်ပြည်သို့ ကြွရောက်လာခဲ့ပြီး မြန်မာပြည်သို့ ပြန်မကြွမီ ဒကာဖြစ်သူ ဦးတင်ထွန်း၏နေအိမ် ယာယီစံကျောင်းတွင် ဦးတင်ထွန်းမိသားစုအား အနုဂါမိကတရားတော် ဟောကြားတော်မူ၍ ရေစက်ချ ဆုံးမသြဝါဒကထာ မြွက်ကြားတော်မူခဲ့ပါသည်။

ထိုသြဝါဒကထာတွင် ရှိခိုးကန်တော့ခြင်း၏ ကျေးဇူး၊ ဘုရား တရား သံဃာ ရတနာသုံးပါး ကျေးဇူး၊ မိဘကျေးဇူး၊ ဆရာသမားကျေးဇူးများအကြောင်း ဟောကြားထားရာ ဆရာသမားများ၏ အဆို အဆုံးအမ စကားများအကြောင်း ကောက်နုတ်ဖော်ပြအပ်ပါသည်။ ဖတ်ယူ ကြည်ညိုတော်မူကြပါကုန်။

-------------------------------------------------------------------

“ဘုန်းကြီးတို့ ဆရာတော်ကြီးတွေ ဆိုဆုံးမ သြဝါဒပေးတာကို ရိုရိုသေသေ လေးလေးစားစား လိုက်နာတယ်။ အင်မတန် သူတို့ရဲ့ ကိုယ်တွေ့စာတွေ့တွေနဲ့ ဆိုဆုံးမတာ။ အဲဒီ အဆို အဆုံးအမတွေ ရတဲ့အတွက် သာသနာတော်မှာ ဘုန်းကြီးတို့ ဒီအခြေအနေ ရောက်လာရတယ်”

ဆရာသမား ဆိုဆုံးမတာ မလိုက်နာတဲ့ ပုဂ္ဂိုလ်တွေ ဒီအခြေအနေ မရောက်လာနိုင်ဘူး။

ညောင်တုန်းရွှေဟင်္သာတောရတိုက်ဟာ သံဃာ ၁၅၀-၂၀၀ ရှိတဲ့ ကျောင်းတိုက်ကြီးပဲ။ ပြန်ပြီး ရေတွက်လျှင် တချို့တချို့ မရှိတဲ့ ပုဂ္ဂိုလ်တွေ များတယ်။ ပျံတော်မူသွားကြတယ်။ သာမညအဖြစ်နဲ့ ပျံလွန်တော်မူသွားကြတယ်။ သာမညအဖြစ်နဲ့ ပျောက်သွားကြတယ်။ ဒီအတိုင်း ကြီးပွားလာတဲ့သူဟာ အတော် ရှားတယ်။ မိဘကျေးဇူး ဆရာသမားကျေးဇူးတွေဟာ ဆပ်လို့ကို ကုန်နိုင်ဖွယ် မရှိဘူး။

ခု ဘုန်းကြီး နေ့တိုင်း ဘုရားရှိခိုးတဲ့ အထဲမှာ စစ်ကိုင်းရောက်မှ စစ်ကိုင်းမှာ စစ်အတွင်းက ဗုံးတွေ ကျနေတဲ့အချိန်မှာ ညောင်တုန်းမှာရှိတဲ့ ဘုန်းကြီးတို့ ဆရာတော်က ဘုရားဟောတဲ့ ဂါထာလေးတပုဒ် ရေးပေးလိုက်တယ်။ အဲဒီ ဂါထာလေးက -

“နထ္ထိ မေ သရဏံ အညံ၊ ဗုဒ္ဓေါ မေ သရဏံ ဝရံ၊ ဗုဒ္ဓံ သရဏံ ဂစ္ဆာမိ၊ စဇာမိ ဇီဝိတံ ဗုဒ္ဓံ။
နတ္ထိ မေ သရဏံ အညံ၊ ဓမ္မော မေ သရဏံ ဝရံ၊ ဓမ္မံ သရဏံ ဂစ္ဆာမိ၊ စဇာမိ ဇီဝိတံ ဓမ္မံ။
နတ္ထိ မေ သရဏံ အညံ၊ သံဃော မေ သရဏံ ဝရံ၊ သံဃံ သရဏံ ဂစ္ဆာမိ၊ စဇာမိ ဇီဝိတံ သံဃံ။
တေသံ တေဇေန နဿန္တု၊ အန္တရာယာ အသေသကာ၊ သီဃံ ပူရေန္တု သင်္ကပ္ပါ၊ ဣစ္ဆိတံ ပတ္တိတံ သဒါ”

အဲဒီ ဂါထာလေး နေ့တိုင်း ရွတ်ပေးကွာ၊ အန္တရာယ်ကင်းတယ်၊ ဘေးကင်းတယ်။

ဆရာတော် ရေးပေးတဲ့ အချိန်က စပြီးတော့ ယခုအထိ ရွတ်တုန်းပဲ။
ရွတ်တိုင်း ရွတ်တိုင်း ဆရာတော်ရဲ့ကျေးဇူး သိပြီး ဆရာတော်ဟာ ငါ့ရဲ့ အကျိုးစီးပွားကို လိုလားပြီး ပေးတော်မူတယ်။ တစ်ခေါက် မကဘူး။ သုံးခေါက် သုံးခေါက် ပြန်ပြန်ပြီးတော့ ရွတ်တယ်။ ဆရာသမားအပေါ် လေးစားတာကို ပြောတာ။ ဆရာသမား ဆိုဆုံးမတာ ဟူသရွေ့ မှတ်မိသလောက် အကုန်လုံး နားထောင်တယ်၊ လိုက်နာတယ်၊ အရာရာမှာပါ။

ဥပမာ စာဝါကြည့်ပြီးတော့ မျက်နှာသစ်တဲ့အခါ ဆရာကို သတိရလေ့ ရှိတယ်။
ဆရာတော်က ပြောဖူးတယ်။
မျက်စိကြည်လင်အောင် မျက်စိကို ရံဖန်ရံခါ ရေခပ်ကွာလို့။
ရေတော့ အထူး ခပ်မနေဘူး။ အေးတဲ့ရေနဲ့ မျက်နှာသစ်တယ်။ မျက်နှာသစ်တိုင်း ဆရာတော်ကို သွားသတိရတယ်။
ဟာ .. ဆရာတော် ငါ့ကို ဒီလို ဆုံးမတာပဲ။
ဒါကြောင့် မျက်စိက သူများလောက် မမှုန်ဘူး။ စာကြည့်လို့ ရတယ်။ ဒါတွေကြောင့်လဲ ဆရာသမား ဆိုဆုံးမတဲ့ နည်းလမ်း လိုက်နာလို့ ညမှာ စာကြည့်ခြင်း စာရေးခြင်းကို ရှောင်လေ့ရှိတယ်။
‘ည စာမကြည့်နဲ့ကွ’ တဲ့။

ဘုန်းကြီးတို့ရဲ့ ဆရာတော်များဟာ ဘယ်လောက်အထိ လိုက်နာသလဲဆိုရင် သူ သြဝါဒပေးတဲ့အခါ တခါ တခါ ထည့်ပြောလေ့ရှိတယ်။
သူ ကိုရင် ဦးပဉ္ဇင်းဘဝတုန်းက သူ့ဆရာတော်က ဆုံးမတယ်။

“မောင်ဝါယာမ လေနာရောဂါ မရချင်ရင် လက်ဖက် မဝါးနဲ့ကွ”။
အဲဒီက စပြီး လက်ဖက်မစားတာ ပျံလွန်တော်မူတဲ့အထိ လက်ဖက် မစားဘူး။

“မောင်ဝါယာမ စာတတ်ချင်ရင် လက်ဖက်ရည်မသောက်နဲ့ကွ”
ဘုန်းကြီးတွေဟာ များသောအားဖြင့် လက်ဖက်ရည်ဝိုင်းနဲ့ စကားပြောပြီး အချိန်ကုန်နေကြတယ်။
ဘုန်းကြီးတို့ ဆရာများ ဒီလို မရှိဘူး။
ဘုန်းကြီး ယခု မွန်းလတ်မှာ လက်ဖက်ရည်ပွဲကပ်တာ ကိုယ့်ဟာကိုယ် သောက်ရင်း ရှက်မိတယ်။
ငါ့ဆရာတော်ကြီးများ ဒီလို မသောက်ဘူး။ အချိုရော အဖန်ရော မသောက်ဘူး။ ဆွမ်းချိန် ဆွမ်းစားပြီး လက်ဖက်ရည်ပွဲ သောက်လေ့ မရှိဘူး။

ဘုန်းကြီးတို့ ဆရာတော်ကြီးများ နီးလေ ဆရာတော်ဘုရားအကြောင်း သိလေ၊ တကယ် ကြည်ညိုစရာ ကောင်းလေပဲ။
ဘုန်းကြီးတို့ သိသမျှတော့ ဒီ သီလသိက္ခာနဲ့ စပ်လို့ လွန်ကျူးတာ မရှိဘူး။
ဒါတွေ လွန်ကျူးဖို့ မဆိုထားနဲ့။ ဆရာသမား ဆုံးမတာဆိုရင် “မောင်ဝါယာမ စာတတ်ချင်ရင် နေ့မအိပ်နဲ့” ဆိုကတည်းက နေ့ဆို မအိပ်တော့ဘူး။
နေ့ဆွမ်းစားပြီးလဲ မအိပ်ဘူး။
ဘုန်းကြီးတို့က ခု အိပ်မိနေသေးတယ်။
ဘုန်းကြီးတို့ ဆရာသမား နေ့မအိပ်ဘူး။ လက်ဖက် မစားဘူး။ လက်ဖက်ရည် မသောက်ဘူး။ ဝိုင်းဖွဲ့ပြီး စကားတွေ ဘာတွေ တွေ့ကရာ မပြောဘူး။ အင်မတန် ကြည်ညိုစရာ ကောင်းတယ်။
သိလေ ကြည်ညိုစရာ ကောင်းလေ။

မြန်မာပြည် နွေရာသီဆိုတာ အင်မတန် ပူတာပေါ့။
အဲဒါ နာရီပြန် တစ်ချက် နှစ်ချက် အကြောင်းအားလျော်စွာ မြို့ထဲရပ်ထဲက ပင့်ရင် ဖိနပ်မစီးဘူး။
ဘုန်းကြီးတို့ စံကျောင်းဆရာတော်ဆိုတာ အသားအရေ နုနုလေးရယ်။
အသားကလည်း ဖြူတယ်။ ဘုန်းကြီးတို့ထက် အသားဖြူတယ်။
ပြီးတော့ နုတယ်။ ခြေချောင်း လက်ချောင်းလေးတွေက ဖယောင်းတိုင်လေးတွေလို အဲဒီလောက် နုတာ။
နွေရာသီ တပေါင်း တန်ခူး မြို့ထဲရပ်ထဲသွားရင် ဖိနပ်မစီး ထီးမဆောင်းဘူး။
ဒီလောက် ကြည်ညိုစရာ ကောင်းတာ။

ဒါကြောင့် ပုဂ္ဂိုလ်များ အနီးနေမှ ကောင်းတယ် ဆိုးတယ်ဆိုတာ ပိုသိရတယ်။
ခဏတဖြုတ် တွေ့တာတော့ ဟန်လုပ်နေလို့ ဖြစ်နိုင်တာပေါ့။
အမြဲနေတော့ သိလာတာပေါ့။
ဘုန်းကြီးတို့ စံကျောင်းဆရာတော်က သက်တော် တိုတယ် ဆိုရမယ်။ (၇၅)နှစ်မှာ ပျံတော်မူသွားတယ်။

ဘုန်းကြီးတို့ ဆရာက ရွှေကျင်ဂိုဏ်းကြီးရဲ့ ဒုတိယသာသနာပိုင် ဖြစ်တယ်။
သက်တော်ရှည်လျှင် သာသနာပိုင်ကြီး ဖြစ်ရမှာ။
သူ့ထက် ကြီးတဲ့ ပုဂ္ဂိုလ်က သာသနာပိုင်ကြီးအဖြစ် ရှိနေတော့ ဒုတိယသာသနာပိုင်ပဲ ဖြစ်ရတာ။
ဉာဏ်လဲ အင်မတန် ကောင်းတယ်။
ဝီရိယကလည်း ရှိတယ်။
ဒါကြောင့် ဘွဲ့ပေးထားတာကိုက ‘ဦးဝါယာမ’တဲ့။
‘ဝါယာမ’ဆိုတာ လုံ့လဝီရိယကို ခေါ်တာ။

အဘိဓာန်ဆိုတာ ဂါထာပေါင်း (၁,၀၀၀)ကျော် ရှိတယ်။
အဲဒါ စာသင်သားတုန်းက ညစာပြန်တဲ့ ကျောင်းက အိပ်တဲ့ကျောင်း အပြန်လမ်းမှာ ဓာတ်မီးတိုင်ဆိုတာ ရှိတယ်။
အဲဒီတုန်းက ဓာတ်မီးတိုင်ဆိုတာ ရေနံဆီမီးတိုင် မှန်အိမ်နဲ့ ထွန်းထားတာ။ ဒါကိုပဲ ဓာတ်မီးတိုင်လို့ ခေါ်တာ။
အဲဒီ မီးတိုင်နား ရပ်ပြီး ကျက်တာနဲ့ ဂါထာ (၁,၀၀၀)ကျော် ရသွားတယ်။
အင်မတန် ဉာဏ်ကောင်းတယ်။
တစ်နာရီကို ဂါထာ (၃၀) ရတယ်။
ဘုန်းကြီးက လျှောက်ဖူးတယ်။
ကျက်ထားလို့ ရထားတဲ့စာကို ဘယ်လောက်ထိ မမေ့ဘူးလဲဆိုတော့ မပြန်ဘဲထားလျှင် (၃)နှစ်တော့ ခံတယ်တဲ့။
သိပ် ဉာဏ်ကောင်းတယ်။ ဝီရိယကောင်းတယ်။
ပြီးတော့ တပည့်တွေအပေါ်မှာ မေတ္တာကရုဏာ ရှိတယ်။
တပည့်တွေရဲ့ အကျိုးစီးပွားကို လိုလားတယ်။

အဲဒီ ကျေးဇူးတွေ အောက်မေ့ အောက်မေ့ပြီး ဆရာသမား ဆိုဆုံးမတာတွေ လိုက်နာလို့ သာသနာတော်မှာ ဒီအခြေအနေ ရောက်လာတာ။

အဲဒါကြောင့် မိဘရဲ့ ဆိုဆုံးမတာတွေ၊ ဆရာသမားရဲ့ ဆိုဆုံးမတာတွေကို ရိုရိုသေသေ လေးလေးစားစား လိုက်နာရင် နားထောင်ရင် မင်းတို့လဲ ကြီးပွားမှာပေါ့၊ မဟုတ်ဘူးလား။
ဒီ အခြေအနေနဲ့ မဟုတ်သေးဘူး။ ကံဆိုတာ မသိနိုင်ဘူး။ ကံထမ်းလာတာ မမြင်နိုင်ဘူး။ ကံဆိုတာ မြင်ရတဲ့ ပစ္စည်း မဟုတ်ဘူး။
သို့ပေမယ့် သူ့အကြောင်းအားလျော်စွာ အကျိုးပေးလာမယ်။
အေး .. ကြီးလာလို့ အကျိုးပေးလာလို့ အချိန်ရောက်မှ အဲဒီတော့မှ မိဘကျေးဇူးကို ပိုသိလာလိမ့်မယ်။ ဆရာသမားကျေးဇူးကို ပိုသိလာလိမ့်မယ်။

အေး အေး ... အဲဒါ မှတ်သားထားပြီး ကြိုးစားလိုက်နာသောအားဖြင့် သူတော်ကောင်းတရားကို ကျင့်ကြံပွားများ အားထုတ်နိုင်ကြစေကုန်သတည်း။

သာဓု .. သာဓု .. သာဓု။

-------------------------------------------------------------------------


“နထ္ထိ မေ သရဏံ အညံ၊
ဗုဒ္ဓေါ မေ သရဏံ ဝရံ၊
ဗုဒ္ဓံ သရဏံ ဂစ္ဆာမိ၊
စဇာမိ ဇီဝိတံ ဗုဒ္ဓံ။

နတ္ထိ မေ သရဏံ အညံ၊
ဓမ္မော မေ သရဏံ ဝရံ၊
ဓမ္မံ သရဏံ ဂစ္ဆာမိ၊
စဇာမိ ဇီဝိတံ ဓမ္မံ။

နတ္ထိ မေ သရဏံ အညံ၊
သံဃော မေ သရဏံ ဝရံ၊
သံဃံ သရဏံ ဂစ္ဆာမိ၊
စဇာမိ ဇီဝိတံ သံဃံ။

တေသံ တေဇေန နဿန္တု၊
အန္တရာယာ အသေသကာ၊
သီဃံ ပူရေန္တု သင်္ကပ္ပါ၊
ဣစ္ဆိတံ ပတ္တိတံ သဒါ”


အနက် (ပါဠိ-မြန်မာ)

မေ-ငါ့အား၊ အညံ-ဘုရားမှတပါး အခြားသော၊ သရဏံ-ကိုးကွယ်ရာသည်၊ နတ္ထိ-မရှိပါပေ။
ဗုဒ္ဓေါ-မြတ်စွာဘုရားသည်၊ မေ-တပည့်တော်၏၊ ဝရံ-မြတ်သော၊ သရဏံ-ကိုးကွယ်ရာ ဖြစ်ပါပေ၏။
ဗုဒ္ဓံ-မြတ်စွာဘုရားအား၊ သရဏံ-ကိုးကွယ်ရာဟူ၍၊ ဂစ္ဆာမိ-ယုံကြည်သိမှတ် ဆည်းကပ်ပါ၏။
ဗုဒ္ဓံ (ဗုဒ္ဓဿ)-မြတ်စွာဘုရားအား၊ ဇီဝိတံ-အသက်ကို၊ စဇာမိ-စွန့်လွှတ်ပေးလှူပါ၏။

မေ-ငါ့အား၊ အညံ-တရားမှတပါး အခြားသော၊ သရဏံ-ကိုးကွယ်ရာသည်၊ နတ္ထိ-မရှိပါပေ။
ဓမ္မော-တရားတော်မြတ်သည်၊ မေ-တပည့်တော်၏၊ ဝရံ-မြတ်သော၊ သရဏံ-ကိုးကွယ်ရာ ဖြစ်ပါပေ၏။
ဓမ္မံ-တရားတော်မြတ်အား၊ သရဏံ-ကိုးကွယ်ရာဟူ၍၊ ဂစ္ဆာမိ-ယုံကြည်သိမှတ် ဆည်းကပ်ပါ၏။
ဓမ္မံ (ဓမ္မဿ)-တရားတော်မြတ်အား၊ ဇီဝိတံ-အသက်ကို၊ စဇာမိ-စွန့်လွှတ်ပေးလှူပါ၏။

မေ-ငါ့အား၊ အညံ-သံဃာမှတပါး အခြားသော၊ သရဏံ-ကိုးကွယ်ရာသည်၊ နတ္ထိ-မရှိပါပေ။
သံဃော-သံဃာတော်မြတ်သည်၊ မေ-တပည့်တော်၏၊ ဝရံ-မြတ်သော၊ သရဏံ-ကိုးကွယ်ရာ ဖြစ်ပါပေ၏။
သံဃံ-သံဃာတော်မြတ်အား၊ သရဏံ-ကိုးကွယ်ရာဟူ၍၊ ဂစ္ဆာမိ-ယုံကြည်သိမှတ် ဆည်းကပ်ပါ၏။
သံဃံ (သံဃဿ)-သံဃာတော်မြတ်အား၊ ဇီဝိတံ-အသက်ကို၊ စဇာမိ-စွန့်လွှတ်ပေးလှူပါ၏။

တေသံ-ထို ဘုရား တရား သံဃာ ရတနာမြတ်သုံးပါးတို့၏၊ တေဇေန-တန်ခိုးတေဇော် အာနုဘော်တော်ကြောင့်၊ အန္တရာယာ-ကျရောက်ဆဲ ကျရောက်လတ္တံ့ဖြစ်သော ဘေးအန္တရာယ် အားလုံးတို့သည်၊ အသေသကာ-အကြွင်းအကျန် မရှိသောအားဖြင့်၊ နဿန္တု-ပျောက်ပျက်ကြပါစေကုန်သတည်း။
သင်္ကပ္ပါ-ကောင်းမြတ်သော အကြံအစည် အားလုံးတို့သည်၊ သီဃံ-လျင်လျင်မြန်မြန်၊ ပူရေန္တု-ပြီးမြောက် ပြည့်စုံကြပါစေကုန်သတည်း။
ဣစ္ဆိတံ-အလိုရှိအပ်သော၊ ပတ္တိတံ-တောင့်တအပ်သော လိုအင်ဆန္ဒ ဆုမြတ်အပေါင်းတို့သည်၊ သဒါ-အခါခပ်သိမ်း၊ သမိဇ္ဈတု-ပြည့်စုံကြပါစေသတည်း။

(ဘုန်းကြီး ဦးအဘယာလင်္ကာရ အနက်ပေး၏။)