Thursday, January 14, 2010

စိတ်၌ဖြစ်သော တရား (၃)


… အတူတူဖြစ်ကြတဲ့ နာမ်တရားတွေ။ အာရုံတစ်ခုတည်း ယူနေကြတဲ့ နာမ်တရားတွေထဲမှာ ဒါက စိတ်ပဲ၊ ဒါက စေတသိက်ပဲ … ဖဿပဲ … ဝေဒနာပဲလို့ ပြောဖို့ အင်မတန် ခဲယဉ်းတာကို မြတ်စွာဘုရား ဟောကြားတော်မူသွားတယ်။ အဲဒီလို ဟောကြားတော်မူသွားတာကို အာရုံပြုပြီးတော့ ဘုရားကို ပူဇော်သောအားဖြင့်လည်းပဲ အဘိဓမ္မာကို လေ့လာထိုက်တယ်။


ပြီးတော့လည်း အဘိဓမ္မာနားလည်ရင် ဘုရားစာဖတ်ရတာ ပိုပြီးတော့ နားလည်လိမ့်မယ်။ ပိုပြီးတော့ လေးလေးနက်နက် ဖြစ်လာလိမ့်မယ်။ အဘိဓမ္မာမတတ်ဘဲ ဖတ်တာနဲ့ အဘိဓမ္မာတတ်ပြီးမှ ဖတ်တာနဲ့ ကွာတာ ကိုယ့်ဘာသာကိုယ် သိလာလိမ့်မယ်။

တစ်ခါ ကိုယ်ကိုယ်တိုင် တရားထိုင်လာတဲ့အခါမှာ တွေ့တာ ကြုံလာတာတွေကျတော့လည်း အဘိဓမ္မာတတ်ထားရင် ပိုပြီးတော့ လေးလေးနက်နက် နားလည်တယ်၊ သိတယ်၊ အသိဉာဏ် ပိုပြီးတော့ ရှင်းတယ်။

ဒီ အဘိဓမ္မာဗဟုသုတကို ကိုယ့်နေ့စဉ် ဘဝမှာလည်းပဲ သုံးသွားရမယ်။
အခု ကုသိုလ်ဆိုတာ ဘာ … အကုသိုလ်ဆိုတာ ဘာ … သိပြီဆိုရင် အကုသိုလ်မဖြစ်အောင် တတ်နိုင်သမျှ ရှောင်ရမှာပေါ့။ ကုသိုလ်ကို ဖြစ်နိုင်သမျှ ကြိုးစားပြီး ဆည်းပူးရမှာပေါ့။

ရှေးတုန်းက အဘိဓမ္မာမသင်ခဲ့စဉ် ကုသိုလ် အကုသိုလ်ဆိုတာ သေချာ မသိခဲ့ကြဘူး။ သာမညလောက်သာ သိတယ် မဟုတ်လား။ တကယ့်တကယ်ကျတော့ မသိဘူး။

အဘိဓမ္မာတတ်လာပြီဆိုရင် ကုသိုလ် အကုသိုလ်ကို ခွဲခွဲခြားခြား တကယ် သိလာတယ်။ သိလာရင် သိတဲ့အလိုက် (အကုသိုလ်ကို) ရှောင်နိုင်တယ်။ (ကုသိုလ်ကို) ဆောင်နိုင်တယ်။

မြတ်စွာဘုရား ဟောတော်မူတဲ့ ဂါထာလေး ရှိတယ်။

“သဗ္ဗပါပဿ အကရဏံ၊
ကုသလဿုပသမ္ပဒါ။
သစိတ္တပရိယောဒါပနံ၊
ဧတံ ဗုဒ္ဓါန သာသနံ။” ဆိုတာ မဟုတ်လား။

“အလုံးစုံသော အကုသိုလ်ကို မပြုခြင်း၊ ကုသိုလ်တရားတို့ကို ပြည့်စုံစေခြင်း၊ စိတ်ကို ဖြူစင်အောင် ထားခြင်း။”

ဒါ … မြတ်စွာဘုရားရဲ့ … မြတ်စွာဘုရားတွေရဲ့ အဆုံးအမပဲ။

အဘိဓမ္မာ မတတ်ရင် အဲဒီ အဆုံးအမလေးတောင်မှ ဘယ်လိုလုပ်ပြီး ပြည့်ပြည့်ဝဝ နားလည်မလဲ။
ဒါကြောင့် အဘိဓမ္မာတတ်ရတာ အလွန် ကျေးဇူးများတယ်။

(အရှင်သီလာနန္ဒာဘိဝံသ)


+++++


သမာဒါနဝိရတီ

‘သမာဒါန’ဆိုတာက ‘သံ’ရယ်၊ ‘အာ’ရယ်၊ ‘ဒါန’ရယ် ပေါင်းထားတာ။
ဆောက်တည်တယ် … ယူတယ်ဆိုတဲ့ အဓိပ္ပာယ် ထွက်တယ်။ သိက္ခာပုဒ် သီလယူထားတယ်၊ ဘုရားရှေ့မှာ ယူတယ်၊ ဘုန်းကြီးထံက ယူတယ် … အဲဒီလိုမျိုးကို ခေါ်တယ်။

ဒကာတစ်ယောက် တစ်နေ့ တောထဲ မသွားမီ ဘုန်းကြီးဆီမှာ သီလယူတယ်။ တောထဲရောက်တော့ စပါးကြီးမြွေက ပတ်တာ ခံရတယ်။ သူ့မှာလည်း ခုတ်ထစ်စရာ ဓားပါတယ်။ ပထမတော့ မြွေကြီးကို ခေါင်းဖြတ်ပြီး သတ်မယ်လို့ လုပ်သေးတယ်။

နောက်တော့ သူစဉ်းစားမိတယ်။ “သြော် … မနက်က ဆရာတော်ထံမှာ သီလယူခဲ့တယ်။ သီလယူခဲ့ပါလျက်နဲ့ သီလကို ချိုးလို့ မသင့်တော်ဘူး။ ကိုင်း … ဒီမြွေကြီးပတ်လို့ သေချင်သေပေစေတော့ … အသေသာခံမယ်။ ယူထားတဲ့ သိက္ခာပုဒ်ကို မချိုးတော့ဘူး”ဆိုပြီး ဓားကြီးကို လွှင့်ပစ်လိုက်တယ်။

အဲဒီလို လွှင့်ပစ်လိုက်ပြီးရော မြွေကြီးကလည်း ရစ်ပတ်ထားတာကို ဖြေပြီး တခြားထွက်သွားသတဲ့။

ဒီလို သိက္ခာပုဒ်ယူထားပြီးမှ ရှောင်တာမျိုးကို သမာဒါနဝိရတီလို့ ခေါ်တယ်။


သမုစ္ဆေဒဝိရတီ

မဂ်ရတဲ့အခါ ဖြစ်တဲ့ ဝိရတီ ဖြစ်တယ်။

မဂ်နဲ့ ကိလေသာတွေကို အကြွင်းမဲ့ ပယ်သတ်လိုက်တဲ့အတွက်ကြောင့် ရှောင်ကြဉ်ပြီး ဖြစ်သွားတယ်။ အရိယာပုဂ္ဂိုလ်တွေမှာသာ ရတဲ့ ဝိရတီဖြစ်တယ်။

မှတ်သားစရာကတော့ သမ္မာဝါစာ, သမ္မာကမ္မန္တ, သမ္မာအာဇီဝ ဆိုတဲ့ ဒီဝိရတီစေတသိက် ၃-ပါးဟာ လောကီစိတ်တွေနဲ့ ယှဉ်တဲ့အခါ တစ်ခုခုသာ တစ်ကြိမ်တည်းမှာ ဖြစ်နိုင်တယ်။
ဆိုပါတော့ … သတ်တာကို မသတ်ဘဲ ရှောင်လိုက်ရင် သမ္မာကမ္မန္တပဲ ရှိမယ်၊ လိမ်ပြောစရာကို လိမ်မပြောဘဲ ရှောင်လိုက်ရင် သမ္မာဝါစာပဲ ရှိမယ်၊ အသက်မွေးဝမ်းကျောင်း ဒုစရိုက်မှ ရှောင်လိုက်ရင် သမ္မာအာဇီဝပဲ ဖြစ်မယ်။

လောကုတ္တရာစိတ်နဲ့အတူ ဖြစ်တဲ့အခါကျတော့ ၃-ခုစလုံး တစ်ပြိုင်နက် ဖြစ်တယ်။ အဲဒါ လောကုတ္တရာစိတ်ရဲ့ ဆန်းကြယ်ပုံပေါ့။


အပ္ပမညာ

အပ္ပမညာဆိုတာ အတိုင်းအရှည် မရှိသော သတ္တဝါပညတ်ကို အာရုံပြုသော စေတသိက်တဲ့။

အတိုင်းအရှည်ကို ပါဠိလို ‘အပမာန’လို့ ခေါ်တယ်။ အဲဒီလို အတိုင်းအရှည် မရှိသော သတ္တဝါပညတ်ကို အာရုံပြုတာကြောင့် ဒီစေတသိက်တွေကို အပ္ပမညာစေတသိက်လို့ ခေါ်တယ်။

အပ္ပမညာစေတသိက် ၂-ခုက ‘ကရုဏာ’နဲ့ ‘မုဒိတာ’ ဖြစ်တယ်။


ကရုဏာ

ဒုက္ခိတ သတ္တဝါပညတ်ကို အာရုံပြု၍ သနားခြင်း သဘော။

ဒုက္ခိတဆိုတာ ဆင်းရဲခြင်းသို့ ရောက်နေသော သတ္တဝါ၊ ဒုက္ခရောက်နေတဲ့ သတ္တဝါပေ့ါ။ အဲဒီ ဒုက္ခရောက်နေတဲ့ သတ္တဝါကို အာရုံပြုပြီးတော့ သနားတဲ့ သဘောလေးကို ကရုဏာလို့ ခေါ်တယ်။

ဒီနေရာမှာ ‘သတ္တဝါ’လို့ ပြောလိုက်တာကြောင့် မရမတ္ထ မဟုတ်တော့ဘဲ ပညတ်ဖြစ်သွားတယ်။ တစ်ယောက်ယောက် ဒုက္ခရောက်နေပြီလို့ ကြားသိရရင် သနားတဲ့စိတ် ဖြစ်တတ်တယ် မဟုတ်လား၊ အဲဒါပဲ။

‘သနားတယ်’ဆိုတာ အဲဒီသတ္တဝါ လက်ရှိ ခံစားနေရတဲ့ ဆင်းရဲမှ လွတ်မြောက်စေလိုတဲ့ စေတနာ၊ လွတ်မြောက်စေလိုတဲ့ ဆန္ဒကို ခေါ်တယ်။

ပါဠိလို ကရုဏာပို့ “ဒုက္ခာမုဉ္စတု”၊ ဆင်းရဲမှ လွတ်ပါစေဆိုတာ ကြားဖူးမှာပေါ့။

ကရုဏာက သောဘနသာဓာရဏစေတသိက်၊ ကောင်းတဲ့ စေတသိက်တွေနဲ့သာ ယှဉ်တယ်။ မကောင်းတဲ့ စိတ်တွေနဲ့ မယှဉ်ဘူး။

ဒါကြောင့် သနားတာသာ ရှိရမယ်၊ သနားတာက ကျော်ပြီး စိတ်ဆင်းရဲမယ် ဒေါမနဿဖြစ်မယ်ဆိုရင် ကရုဏာမဟုတ်တော့ဘူး။
ဒီနိုင်ငံမှာ ကရုဏာက ကျော်လွန်ပြီးတော့ ဒေါမနဿထဲ ရောက်နေတာတွေ အများကြီး ရှိတယ်။ တိရစ္ဆာန်တွေကို ဓာတ်ခွဲခန်း စမ်းသပ်ခန်းတွေမှာ စမ်းတဲ့အခါကျတော့ မခံချင်ဘဲ ထအော်ကြ ဆူကြ … ဖြစ်တယ် မဟုတ်လား။ အဲဒါ ကရုဏာအစစ် မဟုတ်ဘူး။ ကရုဏာအတုပဲ။ ကရုဏာရဲ့ ရန်သူဟာ ဒေါမနဿပဲလို့ ပြောရတယ်။

ကရုဏာဆိုတာ ကောင်းတဲ့ စိတ်နေစိတ်ထား သက်သက်ပဲ။ ဆင်းရဲဒုက္ခ ရောက်နေ ခံနေရတဲ့ သတ္တဝါတွေကို ဆင်းရဲဒုက္ခမှ လွတ်စေချင်တယ်။ ကရုဏာဆိုတာ ဒါပဲ။


မုဒိတာ

သုခိတသတ္တဝါပညတ်ကို အာရုံပြု၍ ဝမ်းမြောက်ခြင်း သဘော။

ကောင်းစားနေတဲ့ ပုဂ္ဂိုလ်ကို မြင်ရင် ကိုယ်က ဝမ်းမြောက်တယ်။ ဝမ်းမြောက်တယ်ဆိုတာဟာ ဒီပုဂ္ဂိုလ် ဒီအခြေအနေက မလျောကျပါစေနဲ့ဆိုတဲ့ ဆန္ဒ။ “ယထာလဒ္ဓသမ္ပတ္တိတော မာဝိဂစ္ဆန္တု”လို့ ပါဠိမှာ ဆိုကြတာ ရှိတယ်။

မုဒိတာက ဣဿာရဲ့ ဆန့်ကျင်ဘက်။ ဣဿာက သူများကောင်းစားတာကို မနာလိုဘူး။ မုဒိတာက သူများ ကောင်းစားတာကို ဝမ်းသာတယ်။

ကရုဏာဖြစ်ဖို့ လွယ်တယ်။ မုဒိတာဖြစ်ဖို့ ခက်တယ်။

ကရုဏာကို ဒုက္ခိတသတ္တဝါပညတ်သာမက ကောင်းစားနေတဲ့သူ၊ ရိုးရိုးလူ၊ သတ္တဝါတိုင်းကို ဒီဘဝထဲ ဒါမှမဟုတ် နောက်ဘဝ ဒုက္ခဆင်းရဲ ရောက်နိုင်တယ်၊ အိုခြင်း နာခြင်း သေခြင်း ဆင်းရဲတွေကိုလည်း မလွဲမသွေ ခံကြရမှာဖြစ်လို့ ကရုဏာပွားလို့ ရတယ်။
ဒီမှာ အပ္ပမညာ ၂ ပါးသာ ပြပြီး၊ ကမ္မဋ္ဌာန်းပိုင်းမှာ အပ္ပမညာ ၄ ပါးလို့ ဆိုလိမ့်မယ်။ အဒေါသ (မေတ္တာ), ကရုဏာ, မုဒိတာ, တတြမဇ္ဈတ္တတာ (ဥပေက္ခာ)။

အပ္ပမညာ ၄ ပါးနဲ့ ဗြဟ္မဝိဟာရ ၄ ပါး အတူတူပဲ။


အမောဟ
သူက ပညိနြေ္ဒ တစ်ခုတည်း ရှိတယ်။


ပညိနြေ္ဒ

အာရုံကို အမှန်အတိုင်း သိခြင်း သဘော။

ပညာ-သိတာ၊ ဣနြေ္ဒ-အစိုးရခြင်း
ပညိနြေ္ဒ - သိတဲ့နေရာမှာ အစိုးတရလည်း ဖြစ်တယ်၊ ပညာလည်း ဟုတ်တယ်။
(အာရုံကို အမှားသိတာကတော့ ဒိဋ္ဌိလည်း ဖြစ်နိုင်တယ်။ မောဟလည်း ဖြစ်နိုင်တယ်။)

ဒီမှာ ဆိုလိုတဲ့ ပညာက တကယ့်ကို ရုပ်နာမ်သဘောကို ထိုးထွင်းသိတဲ့ ပညာကို ဆိုလိုတယ်။

အမှန်အတိုင်းဆို သင်ကြားတဲ့ တတ်မြောက်တဲ့ ပညာတွေကို ပညာလို့ မခေါ်ဘူး။ ‘ဗဟုသုတ’ ဒါမှမဟုတ် ‘အတတ်’လို့သာ ခေါ်ရမယ်။

ပါဠိတော်တွေမှာ ပညာဆိုတဲ့ စကားလုံးကို ရုပ်နာမ်သဘောကို အမှန်အတိုင်း ထိုးထွင်း သိတာမျိုး၊ သစ္စာလေးပါးတရား, နိဗ္ဗာန်ကို ထိုးထွင်းပြီး သိတာမျိုး အဓိပ္ပာယ်နဲ့သာ အသုံးပြုတယ်။

ဒီပညာစေတသိက်ဟာ ဘယ်တော့မှ အကုသိုလ်စိတ်နဲ့ မယှဉ်ဘူး။ အဟိတ်စိတ်နဲ့ မယှဉ်ဘူး။
ကာမာဝစရသောဘနစိတ်ထဲမှာတောင် ဉာဏသမ္ပယုတ်နဲ့သာ ယှဉ်တယ်။ ဉာဏဝိပ္ပယုတ်နဲ့ မယှဉ်ဘူး။

ပညာကို မှောင်နေတဲ့ အခန်းထဲမှာ မီးထွန်းလိုက်လို့ လင်းသွားတာနဲ့ ဥပမာပေးတယ်။
ပညာပေါ်လာမှ ရုပ်နာမ်ရဲ့ သဘောတရားကို ထင်ထင်လင်းလင်း သိသွားလို့ ဖြစ်တယ်။

ပညိနြေ္ဒကို ပြည့်ပြည့်ဝဝ ဖြစ်ဖို့က တရားထိုင်ရမယ်။ စ,စချင်းတော့ မဖြစ်နိုင်ဘူးပေါ့။ သမာဓိဖြစ်ပြီးနောက် ပညာလာတော့တာပဲ။
ပညာကို အမောဟလို့လည်း ခေါ်တယ်။ ဉာဏ်လို့လည်း ခေါ်တယ်။ အတူတူပဲ။

ကဲ … အားလုံးပေါင်းလိုက်တော့ စေတသိက် ၅၂ ပါး ဖြစ်သွားပြီ။ အညသမန်းစေတသိက် ၁၃ ပါး၊ အကုသိုလ်စေတသိက် ၁၄ ပါး၊ သောဘနစေတသိက် ၂၅ ပါး။

ပရမတ္ထတရားတွေကို လေ့လာတဲ့အခါ တကယ့် အသေးစိတ် စစ်စစ်ပေါက်ပေါက် အဖက်ဖက်က နားလည်အောင် လေ့လာတဲ့အခါ ‘လက္ခဏာ’(အမှတ်အသား၊ သဘောလက္ခဏာ)အားဖြင့် နားလည်ရမယ်။ ‘ရသ’(အလုပ်လုပ်ပုံ၊ အကျိုး)အားဖြင့် နားလည်ရမယ်။ ‘ပစ္စုပဋ္ဌာန်’(ပေါ်လာတဲ့ ရင်မှာထင်လာတဲ့ အခြင်းအရာ)အားဖြင့် နားလည်ရမယ်။ ‘ပဒဋ္ဌာန်’(နီးသောအကြောင်း)အားဖြင့် နားလည်ရမယ်။ ဒီ ၄-မျိုးနဲ့ နားလည်ရမယ်။

ဒီ လက္ခဏာ၊ ရသ ပြောပြတဲ့ နေရာမှာ မဟာစည်ဆရာတော်ပေးတဲ့ ရှင်းပြတဲ့ ဥပမာလေး သိပ်ကောင်းတယ်။

…. ယောဂီကတော့ မြင်တာပဲ၊ သိလိုက်တာပဲ။ ဒါပေမယ့် ဒါဟာ လက္ခဏာပဲ … ဒါဟာ ရသပဲလို့ မသိလိုက်ဘူး။ ဘာနဲ့ တူသလဲဆိုရင် လျှပ်စီးလက်လိုက်တဲ့အခါ ကြည့်နေတဲ့သူဟာ လျှပ်စီးမြင်လိုက်သလားဆိုတော့ မြင်တယ်။ လျှပ်စီးက ဘယ်လို လက္ခဏာရှိသလဲ၊ ဘယ်လို အခြင်းအရာရှိသလဲ၊ လျှပ်စီးရဲ့အကြောင်းဟာ ဘယ်လိုလဲ မေးရင် သူပြောချင်မှ ပြောတတ်မှာ။
နားလည်သူတွေကတော့ ပြောလိမ့်မယ်။ လျှပ်စီးဆိုတာ တောက်ပတဲ့ လက္ခဏာရှိတယ်ပေါ့၊ ဝင်းသွားတယ်၊ ဝင်းလက်သွားတာနဲ့ အမှောင်ကို ပယ်ဖျောက်နိုင်တဲ့ ကိစ္စရှိတယ်။ သူ့ရသက အမှောင်ကို ပယ်ဖျောက်ခြင်း။ အခြင်းအရာက ကွေ့ကွေ့ကောက်ကောက် ဘာညာပေါ့။ နီးတဲ့အကြောင်းက လေ, မိုး, အပူဓာတ်, အအေးဓာတ် စသည်ပေါ့။ ….

အဲဒီလိုပဲ … တရားအားထုတ်တဲ့အခါ မြင်တော့ မြင်ကြတာပဲ။ ဒါပေမယ်လို့ တစ်ခါတလေ မသိလိုက်ဘူး။ တကယ် တရားထိုင်ပြီးတော့ ဂရုစိုက်ပြီး မှတ်လာပြီဆိုတဲ့အခါကျတော့ ဒီလိုဖြစ်ပါလား၊ ဒီလို အခြင်းအရာရှိပါလားလို့ သိလာတယ်။

အဲဒီလို လက္ခဏ၊ ရသ၊ ပစ္စုပဋ္ဌာန်၊ ပဒဋ္ဌာန် ဒီ ၄-မျိုးနဲ့ နားလည်မှ ပြည့်ပြည့်ဝဝ နားလည်တယ် ဆိုရတယ်။
ကောင်းပြီ … အခု စေတသိက် ၅၂ ပါးစလုံး လေ့လာပြီးပြီ။ အဲဒီ ၅၂ ပါးမှာ ခပ်ဆင်ဆင် တူရာလေးတွေ ပြောရဦးမယ်။


ဝိတက်၊ စေတနာ၊ မနသိကာရ

ဒီသုံးခုဟာ ဆင်ဆင်တူတယ်။ သို့သော် သဘောတရားချင်း လက္ခဏာချင်း ကွဲတယ်။

ဝိတက်က ယှဉ်တရားတွေကို အာရုံပေါ် တင်ပေးတယ်။
စေတနာက တင်ပေးတဲ့ တရားတွေကို အာရုံနဲ့ တွဲကပ်နေအောင် ဆက်စပ်ပေးတယ်။
မနသိကာရက အာရုံဆီ ဖြောင့်ဖြောင့်တန်းတန်း သွားအောင် ထိန်းကျောင်းပေးတယ်။


လောဘ၊ ဆန္ဒ

လောဘ - လိုချင်မှုက ငြိကပ်မှု စေးကပ်မှု ပါတယ်။
ဆန္ဒ - လိုချင်မှုက ငြိကပ်မှု အစေးမပါဘူး။


သညာ၊ ဝိညာဉ်၊ ပညာ

သညာ - အာရုံကို မှတ်သိရုံမျှသာ ဖြစ်၏။ အနိစ္စ, ဒုက္ခ, အနတ္တဟု သိအောင် မစွမ်းနိုင်။
ဝိညာဉ် - အာရုံကိုလည်း သိ၏။ အနိစ္စ, ဒုက္ခ, အနတ္တ လက္ခဏာသုံးပါးကိုလည်း ထိုးထွင်း သိ၏။ သို့သော အဆင့်ဆင့်တက်၍ အရိယာမဂ်ဖြစ်ရန် မစွမ်းနိုင်။
ပညာ - အာရုံကိုလည်း သိ၏။ လက္ခဏာသုံးပါး ထိုးထွင်း သိ၏။ အဆင့်ဆင့်တက်၍ အရိယာမဂ် ဖြစ်၏။

ကျမ်းဂန်၌ ဥပမာပေးသည်မှာ ရွှေငွေရာပြတ်ပွဲမင်း၏ ပျဉ်ချပ်စားပွဲခုံ၌ တင်ထားသော ငွေအသပြာအစုကို ရောင်းဝယ်ရေး၌ သညာသိနှင့်တူသည့် အသိဉာဏ်မဖြစ်သေးသော သူငယ်တစ်ယောက်သည် ငွေအသပြာတို့၏ တို, ရှည်, ဝန်းဝိုင်း ပုံပန်းသဏ္ဍာန်မျှသာ သိ၏။ ပိုက်ဆံအဖြစ် သုံးရသည်ကိုမူ မသိ။

ဝိညာဉ်သိနှင့်တူသည့် ရွာသား ယောက်ျားကြီးတစ်ယောက်မှာမူ ပုံပန်းသဏ္ဍာန်ကိုလည်း သိ၏။ သုံးလို့ရသည်ကိုလည်း သိ၏။ အသပြာ၏ ငွေအစစ် ဖြစ်သည် မဖြစ်သည်ကိုမူ မသိ။

ရာပြတ်ပွဲမင်းနှင့်တူသည့် ပညာသိကမူ အသပြာစု၏ ပုံသဏ္ဍာန်၊ အသုံး၊ ဇစ်မြစ်အစုံ အကုန်သိ၏။


+++++

စေတသိက် ၅၂ ပါးတို့အကြောင်း လေ့လာပြီးသွားပြီဖြစ်ရာ စိတ်ယှဉ် စေတသိက်ယှဉ်တို့ကို သင်္ဂြိုဟ်လာ သမ္ပယောဂနည်း၊ သင်္ဂဟနည်းနှင့် ဝိသုဒ္ဓါရုံဆရာတော်ကြီး၏ မိဿကနည်းတို့အနက် သမ္ပယောဂနည်းဖြင့် စတင် လေ့လာကြရ၏။

+++++

ညနေ ၅ နာရီခွဲခန့်တွင် သင်တန်းပြီး၍ နာရီဝက်ခန့် အနားယူချိန် ပေး၏။


ညနေ ၆ နာရီတွင် စိန်စည်ဆရာတော်က သမဏနတ်သားအကြောင်း တရားတော်ကို ဟောကြား ချီးမြှင့်သွားပြီး ကောင်းမှု ကုသိုလ်အစုစုတို့ကို အမျှပေးဝေကြလေသည်။

သာဓု … သာဓု … သာဓု။


+++++
ဆရာတော်အရှင်သီလာနန္ဒာဘိဝံသ၏ sketch ကို ပန်းချီဆရာ A. K. Moe ရေးဆွဲ ပူဇော် ကျေးဇူးပြု၏။

No comments: