၂၀၁၀ ခုနှစ် အောက်တိုဘာလ ၂၃ ရက်သည် တိုက်တိုက်ဆိုင်ဆိုင်ပင် သီတင်းကျွတ်လပြည့်နေ့ အဘိဓမ္မာအခါတော်နေ့ ဖြစ်၏။
ထို့ကြောင့် အဘိဓမ္မာသင်တန်းသူသင်တန်းသားများနှင့် အမေရိကန် မြန်မာဗုဒ္ဓဘာသာအသင်း အလုပ်အမှုဆောင်များ စုပေါင်းကာ အဘိဓမ္မာအခါတော်နေ့ အခမ်းအနားကို ကျင်းပကြ၏။
အဘိဓမ္မာသင်တန်းသူ သင်တန်းသားများ၊ အလုပ်အမှုဆောင်များသည် ဘုရားပန်း၊ အမွှေးတိုင်၊ ဆွမ်းဟင်း၊ သစ်သီး၊ အချိုမုန့်များ ယူဆောင်လာကြပြီး၊ နံနက် ၁၀ နာရီခွဲတွင် မြတ်စွာဘုရားရှင်အား ပန်း၊ ရေချမ်း၊ ဆီမီး၊ ဆွမ်းတို့ဖြင့် ကပ်လှူ ပူဇော်ကြကာ၊ ဆရာတော်မှ ဦးဆောင်၍ ဗုဒ္ဓပူဇာသဘင်ကို ဆင်ယင်ကြ၏။
နံနက် ၁၁ နာရီတွင် ဆရာတော်အား ဆွမ်း ဆက်ကပ် လှူဒါန်းကြ၏။
လောကချမ်းသာဘုရားကျောင်း၌ သီတင်းသုံးသော ကျန်ဆရာတော်များမှာ သံဃပဝါရဏာပွဲသို့ ကြွရောက်နေကြသဖြင့် မရှိကြပေ။
ဆရာတော်အား ဆွမ်းကပ်ပြီးသော် သင်တန်းသူ သင်တန်းသားများ၊ အလုပ်အမှုဆောင်များ၊ ဝေယျာဝစ္စအဖွဲ့သူအဖွဲ့သားများသည် နံနက်စာ စားသောက်ကြပြီး၊ နောက်ရက် တနင်္ဂနွေနေ့တွင် ကျင်းပ ပြုလုပ်မည့် ကထိန်ပွဲတော်အတွက် ဝိုင်းဝန်း ကူညီ ဆောင်ရွက်ကြ၏။
မွန်းလွဲ ၁ နာရီတွင် အဘိဓမ္မာအခါတော်နေ့ အခမ်းအနားကို ကျင်းပ၏။
ရှေးဦးစွာ နမောတဿဘုရားရှိခိုးဖြင့် အခမ်းအနားကို ဖွင့်လှစ်ပြီး၊ လောကချမ်းသာဆရာတော်ထံမှ ရှစ်ပါးသီလ ခံယူကြ၏။
ထိုနောက် နတ်ဗြဟ္မာများကို ပင့်ဖိတ်ခြင်း၊ အဘိဓမ္မာတရား ဟောကြားတော်မူသော မြတ်စွာဘုရားကို ရှိခိုးခြင်း၊ အဘိဓမ္မာအခါတော်နေ့အကြောင်း လျှောက်တင်သံ လင်္ကာများကို ရွတ်ဆို ပူဇော်ခြင်း၊ အဘိဓမ္မာ အမေး-အဖြေကို ဖတ်ကြား ပူဇော်ခြင်း၊ အဘိဓမ္မာနေ့အကြောင်း သိကောင်းစရာများကို ရွတ်ဖတ် ပူဇော်ခြင်း၊ အဘိဓမ္မာအမွှန်းဂါထာကို ရွတ်ဖတ် ပူဇော်ခြင်း၊ အဘိဓမ္မာပါဠိတော် ကောက်နုတ်ချက်များကို ရွတ်ဖတ် ပူဇော်ခြင်း၊ ရောင်ခြည်တော်ဖွဲ့ သံဆန်းကဗျာကို ရွတ်ဆို ပူဇော်ခြင်းတို့ကို ပြုလုပ်ကြ၏။
ပြီးသော် လောကချမ်းသာဆရာတော်က အနုမောဒနာတရား ဟောကြား၍ ရေစက်သွန်းချ ဆုတောင်းမင်္ဂလာနှင့် အမျှဝေမှု အောင်သာဓု ခေါ်ဆိုကြပြီး နတ်ဗြဟ္မာများကို ပြန်ပို့ကာ အခမ်းအနားကို ဗုဒ္ဓသာသာနံ စိရံ တိဋ္ဌတု သုံးကြိမ် ရွတ်ဆို ပြီးဆုံးစေ၏။
အခမ်းအနားပြီးနောက် တစ်နာရီခန့် အနားယူကြပြီး ညနေ ၄ နာရီတွင် စုပေါင်း၍ ပဋ္ဌာန်းပစ္စယ နိဒ္ဒေသကို ရွတ်ဖတ် ပူဇော်ခြင်း၊ နာရီဝက်ခန့် ဝိပဿနာဘာဝနာ ပွားများခြင်း ပြုလုပ်ကြပြီး ကောင်းမှုကုသိုလ် အစုစုတို့ကို အမျှပေးဝေကြပြန်လေသည်။
သာဓု ... သာဓု ... သာဓု။
No comments:
Post a Comment