ကံလေးမျိုး လေးလီ

၂၀၁၀ ခုနှစ် ဧပြီလ ၂၄ ရက် စနေနေ့ ညနေ ၄ နာရီတွင် နယူးယောက်မြို့ လောကချမ်းသာဘုရားကျောင်း၌ ဆရာတော် အရှင်သီလာနန္ဒာဘိဝံသ၏ ၂၉-ပတ်မြောက် အဘိဓမ္မာသင်တန်းပို့ချချက်ကို လေ့လာ သင်ယူကြရရာ ရှေးဦးစွာ လောကချမ်းသာဆရာတော်က ၄၅ မိနစ်ခန့် ယခင်သင်ခန်းစာများကို ပြန်လည် ရှင်းပြ သင်ကြားပေးပြီး၊ သင်ကြားမည့် သင်ခန်းစာ မိတ်ဆက်ပေး၏။

+++++

လောကန္တရိတ်ငရဲ

ငရဲကြီး ၈-ထပ်၊ ငရဲငယ် ၁၂၈ သို့မဟုတ် ၁၆၀ တို့ကား မြေကြီးထဲမှာ ရှိ၏။
စကြဝဠာ သုံးခု ဆုံ၍ ဖြစ်ပေါ်လာသော ကွက်လပ်တွင် ရှိသည့် ငရဲကို လောကန္တရိတ်ငရဲဟု ခေါ်၏။
မည်သည့်အခါမှ နေရောင်မရရှိဘဲ ကွက်လပ်ထဲမှာလည်း အလွန်အေးသော ရေများ ရှိ၏။
ဤငရဲ၌ ဖြစ်သော သတ္တဝါတို့မှာ လင်းနို့များကဲ့သို့ နံရံကမ်းပါးများ၌ ကပ်တက်နေကြပြီး တစ်ဦးနှင့်တစ်ဦး တွေ့က ဖက်လုံး သတ်ကြကာ ရေထဲကျလျှင် ကြေမွသွားကြကြောင်း သိရ၏။

+++++

ဘဝတစ်ခု၊ ‘သံ’ ‘ဘွင်’ ‘စု’၊ သုံးခု ထပ်စမြဲ။

‘ဘုံ’ ‘ဇာတ်’ ‘သံ’ ‘သင်’၊ ‘အာ’ငါးအင်၊ ‘သံ’‘ဘွင်’‘စု’ မကွဲ။

(လယ်တီဆရာတော်ဘုရားကြီး)

ဘဝတစ်ခုတွင် ပဋိသန္ဓေ (သံ)၊ ဘဝင် (ဘွင်)၊ စုတိ (စု) စိတ်တို့မှာ ထပ်တူ အတူတူ ဖြစ်၏။

ဘုံ = ကာမာဝစရဘုံ၊ ရူပါဝစရဘုံ၊ အရူပါဝစရဘုံ စသည်။
ဇာတ် = ဝိပါက်ဇာတ်
သံ (သမ္ပယုတ္တဓမ္မ) = ယှဉ်သော စေတသိက်များ
သင် (သင်္ခါရ) = အသင်္ခါရိက၊ သသင်္ခါရိက စသည်။
အာ (အာရုံ) = ‘ကံ’၊ ‘ကမ္မနိမိတ်’၊ ‘ဂတိနိမိတ်’ စသည်။

ဤငါးမျိုးသည် ပဋိသန္ဓေ၊ ဘဝင်၊ စုတိစိတ်တို့၌ မကွဲမပြား အတူတူသာ ဖြစ်ကြ၏။

+++++

ကံအကြောင်း

များသောအားဖြင့် ကံဆိုသည်မှာ ‘အမှု’ ‘အလုပ်’၊ ‘ပြုလုပ်မှုတစ်ခု’ဟု ပြောလေ့ ရှိကြ၏။
တိတိကျကျပြောက ကံဆိုသည်မှာ ကုသိုလ်စိတ် အကုသိုလ်စိတ်နှင့်အတူ တွဲပြီးဖြစ်သော စေ့ဆော်မှုသဘောတရား - စေတနာ ဖြစ်၏။

စေတနာသည် စေတသိက်တစ်ခုဖြစ်ပြီး အခြားသော စေတသိက်များက ဥပါဒ်(ဖြစ်) ဌီ(တည်) ဘင်(ချုပ်)ပြီး ပျောက်သွားသော်လည်း စေတနာစေတသိက်ကမူ အကျိုးပေးနိုင်သော သတ္တိ (ကံ)ကို ချန်ထားရစ်၏။

ဘယ်နားမှာ ချန်ထားရစ်ခဲ့သည် ... ဘယ်နားမှာ ရှိသည်ကိုမူ မိလိန္ဒပဥှာ၌ အရှင်နာဂသေနက အသီးမသီးသေးသော သရက်ပင်၌ အသီးတို့ မည်သည့်နေရာ၌ ရှိသည်ကို မပြနိုင် မပြောနိုင်သကဲ့သို့ ဥပမာပြု၏။

ကံအမျိုးမျိုး ရှိ၏။

(က) ကိစ္စ၏အစွမ်းဖြင့် ကံလေးမျိုး

(၁) ဇနကကံ
အကျိုးဝိပါက်ကို ပဋိသန္ဓေအခါ၌ဖြစ်စေ၊ ပဝတ္တိအခါ၌ဖြစ်စေ အခွင့်သင့်ရာအခါဝယ် မိမိကိုယ်တိုင် ဖြစ်စေနိုင်သော ကံ။

ပဋိသန္ဓေအခါ = ပဋိသန္ဓေစိတ်၏ ဥပါဒ် ဌီ ဘင် ဖြစ်နေဆဲ ကာလ။
ပဝတ္တိအခါ = ပဋိသန္ဓေနောက် ပထမဘဝင်က စပြီး သေသည့်တိုင် ကာလ။
အကျိုးဝိပါက် = ဝိပါက်စိတ်၊ ဝိပါက်စိတ်နှင့်ယှဉ်သော စေတသိက်၊ ကမ္မဇရုပ်၊ ကမ္မဇရုပ်ကတဆင့် ထောက်ပြီးဖြစ်သော ဥတုဇရုပ်။

(၂) ဥပတ္ထမ္ဘကကံ
ကိုယ်တိုင်ကား အကျိုးမပေးနိုင်။ တပါးသောကံ အကျိုးပေးခွင့်ရလေအောင်၊ အကျိုးပေးခွင့် ရနေပြန်လျှင် အကျိုးပေး သန်လေအောင်၊ အကျိုးပေးသည့်အခါမှာလည်း ထိုအကျိုးများ ရှည်ကြာဖွံ့ဖြိုးလေအောင်၊ ကုသိုလ်အရာမှာဖြစ်စေ အကုသိုလ်အရာမှာဖြစ်စေ လျော်စွာ ထောက်မ ကူညီတတ်သော ကံ။

(၃) ဥပပီဠကကံ
တပါးသောကံကို အကျိုးပေးခွင့်မရလေအောင်၊ အခွင့်ရပြန်လျှင် အကျိုးပေး မထက်သန်အောင်၊ ရပြီးသော အကျိုးကိုလည်း မဖွံ့ဖြိုးလေအောင် ကပ်၍ နှိပ်စက်တတ်သော ကံ။

(၄) ဥပဃာတကကံ
နှိပ်စက်ရုံတင်မက တပါးသောကံကို လုံးဝ အကျိုးမပေးနိုင်အောင်၊ ပေးပြီးသော အကျိုးများကိုလည်း ပြတ်သွားအောင် သတ်ဖြတ်တတ်သော ကံ။

+++++

(ခ) အကျိုးပေး အလှည့်အစဉ်အားဖြင့် ကံလေးမျိုး

(၁) ဂရုကကံ
တပါးသောကံတို့ မတားမြစ်နိုင်လောက်အောင် ကြီးလေးသော ကံ။
(ကုသိုလ်အရာ၌ မဟဂ္ဂုတ်ကံများနှင့် အကုသိုလ်အရာ၌ ပဉ္စာနန္တရိယကံများ)

(၂) အာသန္နကံ
သေခါနီး လောလောဆယ်၌ ပြုအပ်သော ကံ၊ သို့မဟုတ် ရှေးက ပြုပြီးသားကို သေခါနီး၌ ထပ်၍ အောက်မေ့အပ် (ဆင်ခြင်နေအပ်)သော ကံ။

(၃) အာစိဏ္ဏကံ
နေ့စဉ်မပြတ် လေ့ကျက်အပ် ပြုအပ်သော ကံ။

(၄) ကဋတ္တာကံ
ဂရုက, အာသန္န, အာစိဏ္ဏကံ အခြေအနေသို့ မရောက်တတ်ဘဲ ဤဘဝ၌ သာမန်ပြုအပ်သောကံများနှင့် ရှေးရှေးဘဝက ပြုအပ်ခဲ့သော ကံများ။

+++++

(ဂ) အကျိုးပေးရာ ကာလနှင့်စပ်၍ ကံလေးမျိုး

(၁) ဒိဋ္ဌဓမ္မဝေဒနီယကံ
မျက်မှောက်ပစ္စုပ္ပန်ဘဝ၌ အကျိုးပေးသော ကံ။ (ပထမဇော စေတနာ)

(၂) ဥပပဇ္ဇဝေဒနီယကံ
နောက်ဒုတိယဘဝ၌ အကျိုးပေးသော ကံ။ (သတ္တမဇော စေတနာ)

(၃) အပရာပရိယဝေဒနီယကံ
တတိယဘဝမှ စ၍ နိဗ္ဗာန်ရသည်တိုင်အောင် အကျိုးပေးသော ကံ။ (အလယ်ဇော ၅-ချက် စေတနာ)

(၄) အဟောသိကံ
အကျိုးလုံးလုံးမပေးသော ကံ။

+++++

(ဃ) အကျိုးပေးရာ ဘုံဌာနနှင့်စပ်၍ ကံလေးမျိုး

(၁) အကုသိုလ်ကံ

(၂) ကာမာဝစရကုသိုလ်ကံ

(၃) ရူပါဝစရကုသိုလ်ကံ

(၄) အရူပါဝစရကုသိုလ်ကံ

+++++

အဘိဓမ္မာသင်တန်းပြီး၍ စနေနေ့ လောကချမ်းသာ ဆည်းဆာတရားပွဲကို တရားခေါင်းစဉ် ရွေးချယ်ရလွန်း၍ ဒုက္ခရောက်နေသော အရှင်ဝိမလက “ဒုက္ခပါပဲ”တရားတော် ဟောကြား ချီးမြှင့် ဓမ္မဒါနပြုကာ ဆယ်မိနစ်မျှ လက်တွေ့ဝိပဿနာရှုမှတ်ကြပြီး ကောင်းမှုကုသိုလ် အမျှပေးဝေကြလေသည်။

သာဓု ... သာဓု ... သာဓု။

မစိုးရိမ်ကန်တော့ပန်း

၂၀၀၁ ခုနှစ် မေလ ၆ ရက် တနင်္ဂနွေနေ့၊ ၁၃၆၃ ခုနှစ် ကဆုန်လပြည့်နေ့

နယူးဂျာစီ မဟာစည်သတိပဋ္ဌာန်ရိပ်သာတွင် လောကချမ်းသာစေတီတော် တည်ထားကိုးကွယ်ရန် မြေသန့်မင်္ဂလာနှင့် သိမ်သမုတ်ပွဲကြီး အောင်မြင်စွာ ကျင်းပပြီးစီး၍ နယူးယောက်မြို့ လောကချမ်းသာဘုရားကျောင်းတွင် သံဃာတော်များအား နေ့ဆွမ်းဆက်ကပ်၊ မွန်းလွဲပိုင်းတွင် မဟာစည် သြဝါဒါစရိယ ရေဦးဆရာတော်ဘုရားကြီးထံမှ သီလခံယူကြ၊ မစိုးရိမ်ဆရာတော် ဦးကောဝိဒါဘိဝံသ ဟောကြား ချီးမြှင့်သော အနုမောဒနာတရားတော်ကို နာကြားကြကာ မဟာစည် သြဝါဒါစရိယ အမေရိကန်နိုင်ငံ ဓမ္မနန္ဒဝိဟာရကျောင်း ဆရာတော် အရှင်သီလာနန္ဒာဘိဝံသ၏ ရေစက်ချတရားကို နာယူ ရေစက်သွန်းချ ကောင်းမှု ကုသိုလ် အမျှပေးဝေခဲ့ကြစဉ်မှ စ၍ မစိုးရိမ်ဆရာတော်ဘုရားကြီး ဦးကောဝိဒါဘိဝံသနှင့် နယူးယောက် နယူးဂျာစီ ဓမ္မမိတ်ဆွေများ ဆရာ ဒကာ ပိုမို ရင်းနှီးလာခဲ့ကြသည်။

ကံအကြောင်းဆက်လာ၍ ထိုအချိန်မှ စကာ ဆရာတော်ကြီးသည် အမေရိကန်နိုင်ငံတစ်လှည့် မြန်မာနိုင်ငံတစ်လှည့် သီတင်းသုံးရင်း၊ နောက်ပိုင်းတွင် အမေရိကန်နိုင်ငံတွင်သာ ပိုမို နေထိုင်သီတင်းသုံးမှုများပြီး ၂၀၀၈ ခုနှစ် ဧပြီလ ၂၉ ရက်နေ့ နယူးယောက်မြို့၌ ဘဝနတ်နန်း စံမြန်းသည်ထိ သာသနာ့အကျိုးအတွက် စွမ်းစွမ်းတမံ တာဝန်ထမ်းဆောင်သွားခဲ့လေသည်။

ဆရာတော်ကြီးသည် ဒိသာပါမောက္ခ ဖြစ်၏။ နှစ်ပေါင်း ၅၀ ကျော် စာချလာခဲ့ရာ ဆရာတော်၏ တပည့်ပေါင်း အရပ်ရပ် အလွန်များပြား၏။

ဓမ္မာစရိယစာမေးပွဲအတွက် ဆရာတော်ပြုစုသော ကျမ်းစာအုပ်များနှင့် မလွတ်ကင်းသော တပည့်ပေါင်း မြောက်မြားစွာ ရှိ၏။

နယူးယောက်မြို့တွင် ဆရာတော်နှင့် ကြုံတွေ့ခိုက်များ၌ လူပုဂ္ဂိုလ်များအတွက် ကျမ်းစာအုပ်များ ရေးသား ချီးမြှင့်ပါရန် လျှောက်ထားရာ ဆရာတော်က ရီမောနေလေ့ရှိတတ်ပြီး စာသင်သား ရဟန်းသံဃာများအတွက် ကျမ်းစာအုပ်များဖြင့်သာ အချိန်မပေးနိုင်အောင် ရှိသဖြင့် လူပုဂ္ဂိုလ်များအတွက် ကျမ်းစာအုပ်များ ရေးမည် မရေးမည်ဆိုသည်မျှကိုပင် အဖြေမပေးတတ်ပေ။

သို့သော် ထိုသို့မေးတိုင်း ဆရာတော်ရေးရန် အာသီသပြင်းထန်သော စာအုပ်တစ်အုပ်အကြောင်းကိုတော့ ပြောလေ့ရှိ၏။

“အေး ... ငါရေးဖို့ ပြင်ထားတဲ့ စာအုပ်တစ်အုပ်တော့ ရှိတယ်ကွ။ အဲဒီစာအုပ်ကတော့ ‘ဆရာတော်နဲ့ထောင်၊ ထောင်နဲ့ဆရာတော်’ ဆိုတဲ့ စာအုပ်ပဲ”

အခွင့်အခါသင့်လျှင် ဖတ်ကြရမှာပေါ့ .. ဟု ဆရာတော်မိန့်ကြားသွားခဲ့သော်လည်း ဆရာတော် ရေးဖြစ်ခဲ့ မရေးဖြစ်ခဲ့ မသိသလို၊ မရေးဖြစ်ခဲ့ပါကလည်း ဖတ်ကြရတော့မည် မဟုတ်ပေ။

ဆရာတော်၏ အန္တိမဈာပနအခမ်းအနားတွင် လောကချမ်းသာဆရာတော်က မစိုးရိမ်ဆရာတော်ဘုရားကြီး အမြင်သာသနာပြုသွားပုံကို ထည့်သွင်း မိန့်ကြားသွားခဲ့၏။

နယူးယောက်မြို့တွင် သီတင်းသုံးခိုက် ရာသီဥတုကောင်းသောအခါ ဆရာတော်ကြီးသည် နံနက်တိုင်း လမ်းလျှောက်ထွက်လေ့ရှိ၏။ ထိုသို့ လမ်းလျှောက်ထွက်တိုင်းလည်း သင်္ကန်းကို စနစ်တကျ သေချာ ကျနစွာ ရုံပြီးမှ လမ်းလျှောက်ထွက်တတ်သည်။

မြင်ရတဲ့သူတွေအတွက် ဗုဒ္ဓဘာသာရဟန်းတော်တစ်ပါးဆိုတာ ဒီလိုပါလားလို့ သိမြင် တွေ့မြင် ကြည်ညိုနိုင်ရအောင်ပေါ့ကွာ ... ဟု မိန့်ဆိုသွားကြောင်း သိရ၏။ သင်္ကန်းမရုံဘဲ မြို့ထဲထွက်သော တပည့်ရဟန်းများကိုလည်း အပြစ်ဆိုလေ့ရှိ၏။

ဆရာတော်ကြီးသည် နှစ်ပေါင်းများစွာ စာချလာခဲ့သဖြင့် တရားဟောသောအခါတွင် တပည့်များ နားလည်အောင် စာပို့ချသည့် ပုံစံမျိုး ဟောကြားတတ်ရာ တရားနာပရိတ်သတ်များအတွက် ပုံစံတစ်မျိုးဖြင့် ရင်းရင်းနှီးနှီး ရီရီမောမော နာကြား မှတ်သားကြရ၏။

ဆရာတော်ကြီးသည် စာချဆရာတော်ကြီးတစ်ပါးပီပီ အသံသြဇာ အထူးပြည့်စုံ၏။ ပါဠိတော်များကို ရွတ်ဖတ်လျှင် အထူး နာပျော် ကြည်ညိုဖွယ်ရာ ကောင်း၏။

အနယ်နယ် အရပ်ရပ် ပဋ္ဌာန်းအဖွဲ့များ ဖွဲ့စည်း၍ ပဋ္ဌာန်းတရားတော်ကို ရွတ်ဖတ် ကြည်ညိုကြရန် အထူး တိုက်တွန်းတတ်၏။

ဆရာတော်ကြီး နယူးယောက်မြို့တွင် သီတင်းသုံးခိုက် ၂၀၀၃ ခု ဒီဇင်ဘာလ ၇ ရက်၊ ၁၃၆၅ ခု နတ်တော်လဆန်း ၁၄ ရက် တနင်္ဂနွေနေ့တွင် မန္တလေးမြို့ မစိုးရိမ်ပါဠိတက္ကသိုလ်၊ အဂ္ဂမဟာပဏ္ဍိတ အဘိဓဇမဟာရဋ္ဌဂုရု ပဋ္ဌာန်းဆရာတော် ဘဒ္ဒန္တဝိသုဒ္ဓါဘိဝံသ၏ ‘စတုရာရက္ခတရားတော်ဆောင်ပုဒ်’များ ရွတ်ဖတ် ပူဇော်ထားသည်ကို နာယူ ကြည်ညိုကြ၍ ဆရာတော်ကြီး လွန်ခဲ့သည့် နှစ်နှစ်ပြည့်အလွမ်း ကန်တော့ပန်း ပန်ဆင်နိုင်တော်မူကြပါကုန်။

ကဆုန်လပြည့် ဗုဒ္ဓနေ့

သန္ဓေယူခါ၊ ဆယ်လကြာသော်
မဟာသက္ကရာဇ်၊ ခြောက်ဆဲ့ရှစ်ကြုံ
ကဆုန်လပြည့်၊ သောကြာနေ့ဝယ်
ချမ်းမြေ့စုံညီ၊ လုမ္ဗိနီ၌
မဟီလှိုက်ဆူ၊ ဖွားတော်မူသည်
နတ်လူအောင်မြို့ လမ်းပါကို။

(ခုနစ်နေ့ ဗုဒ္ဓဝင်ဘုရားရှိခိုး၊ လယ်တီဆရာတော်ဘုရားကြီး)

+++++

မဟာသက္ကရာဇ် ၆၈ ခု
ဥတုဂိမှာန ကဆုန်လပြည့် သောကြာနေ့
ဤနေ့ နံနက်အခါ၌ ကပိလဝတ်ပြည်နှင့် ဒေဝဒဟပြည်တို့ကြားတွင် ရှိသော လုမ္ဗိနီ အမည်ရှိသည့် မင်္ဂလာအင်ကြင်းဥယျာဉ်တော်သည် အမြစ်ရင်းမှ အခက်ဖျားတိုင်အောင် အလုံးစုံ တစ်ခဲနက် ပင်လုံးကျွတ် ပွင့်ခြင်းသို့ ရောက်၏။
နတ်တို့၏ နန္ဒဝန်ဥယျာဉ်နှင့် အသွင်တူ၏။
အရွယ်နုပျို လူထိုထို၏ စိတ်ကို ဖောက်ပြား ချောက်ချား တုန်လှုပ်စေနိုင်သော၊
ပန်းမျိုးစုံ ပန်ဆင်၊ ပုတီးနားဍောင်းတို့ ဆင်ယင်၊ သွယ်ပျောင်းသော ကိုယ်အင်္ဂါအစိတ်အပိုင်း ကြီးငယ်ကို ဆန်းပြားစုံလင် ဆင်ယင်ထားသော မိန်းမပျိုတစ်ဦးနှယ် အထူးတင့်တယ်၏။

ဆယ်လတို့ပတ်လုံး ဘုရားလောင်းကို ချီပိုးရွက်ဆောင်၍ ကိုယ်ဝန်ရင့်ကာ သားဖွားရန် နီးလတ်သောအချိန်၌ မိဘဆွေမျိုးတို့ရှိရာ ဒေဝဒဟပြည်သို့ ကြွလှမ်းလာသော မဟာမာယာဒေဝီမိဖုရားကြီးသည် မင်္ဂလာအင်ကြင်းတောသို့ ရောက်သော် ပန်းအတိ တန်းဆာဆင်အပ်သော အင်ကြင်းပင်၏အခက်ကို လက်ဖြင့် လှမ်းယူလိုခြင်း ဖြစ်လာတော့၏။

မဟာမာယာဒေဝီမိဖုရားကြီး ရွှေချည်ထဘီကို ဝတ်၍ ငါးကြင်းမျက်စိနှင့်တူသော အကွက်တို့ဖြင့် ဆန်းကြယ်သော အပေါ်ရုံဘွဲ့ဖြူလွှာကို ခြေဖျားတိုင်အောင် ဝတ်ရုံဆင်မြန်းလျက် မင်္ဂလာအင်ကြင်းခက်ကို ယာလက်တော်ဖြင့် ကိုင်ဆွဲကာ လွန်ကဲသော တင့်တယ်ခြင်းဖြင့် တင့်တယ်စွာ ရပ်သောခဏ၌ မဟာမာယာဒေဝီ၏ ဘုရားအလောင်းတော်ကို ဖွားမြင်ကြောင်း ကမ္မဇလေတို့သည် တုန်လှုပ်လာကုန်၏။

ထိုအခါ ကိုယ်လုပ်မောင်းမ မှူးမတ်စသော လူအပေါင်းတို့သည် မဟာမာယာဒေဝီအတွက် တင်းတိမ်ကန့်လန့်ကာတို့ဖြင့် ပတ်ကာ ဝန်းရံကြကုန်ပြီးလျှင် ထိုအပါးမှ ဖယ်ရှား ဆုတ်ခွာကြကုန်လေသည်။

မဟာမာယာဒေဝီမိဖုရားကြီးသည် အင်ကြင်းခက်ကို ကိုင်၍ ရပ်လျက်လျှင် သားတော်ကို မီးရှူးသန့်စင် ဖွားမြင်တော်မူလေ၏။
ကိလေသာမှ အထူးစင်ကြယ်ကုန်သော သုဒ္ဓါဝါသဗြဟ္မာကြီး လေးဦးတို့က ရွှေကွန်ရက်ဖြင့် ဘုရားလောင်းကို ခံယူ၍ မယ်တော်၏ ရှေ့မှာ ထားကာ “အရှင်မိဖုရား၊ နှစ်သက် ဝမ်းမြောက်သော စိတ်ရှိသည် ဖြစ်ပါလော့။ ရှင်မိဖုရားအား ဘုန်းတန်ခိုး အာနုဘော် ကြီးမြတ်သော သားတော် ဖြစ်ပေါ် ဖွားမြောက်ခဲ့လေပြီ”ဟု ပြောဆိုကြကုန်၏။

ထိုနောက် စတုမဟာရာဇ် နတ်မင်းကြီး လေးဦးတို့က မင်္ဂလာရှိသည်ဟူ၍ သမုတ်ပညတ် ခေါ်ဝေါ်အပ်သော သစ်နက်ရေဖြင့် သားတော်ကို ခံယူကြကုန်၏။

တဖန် ထိုနတ်မင်းကြီး လေးဦးတို့၏ လက်မှ လူတို့သည် ဘွဲ့ဖြူပုဆိုးဖြင့် သားတော်ကို ခံယူကြကုန်၏။

ဘုရားအလောင်းတော်သည် လူတို့၏ လက်မှ မြေကြီး၌ တည်၍ အရပ်ဆယ်မျက်နှာတို့ကို ကြည့်ရှုသော် ကိုယ်တော်မြတ်နှင့်တူသောသူ တစ်စုံတစ်ယောက်မျှ မြင်တော်မမူသောကြောင့် ရပ်တည်တော်မူရာအရပ်မှ မြောက်အရပ်သို့ မျက်နှာတူရူ ခုနစ်ဖဝါး လှမ်းကြွတော်မူ၏။

ခုနစ်ခုမြောက်သော ဖဝါးအလှမ်း၌ ရပ်တန့်တော်မူလျက် -

“အဂ္ဂေါဟမသ္မိ လောကဿ (ငါသည် လူသုံးပါးထက် မြတ်သူ ဖြစ်၏။)
ဇေဋ္ဌောဟမသ္မိ လောကဿ (ငါသည် လူသုံးပါးထက် ကြီးကဲသူ ဖြစ်၏။)
သေဋ္ဌောဟမသ္မိ လောကဿ (ငါသည် လူသုံးပါးထက် ချီးမွမ်းအပ်သူ ဖြစ်၏။)
အယမန္တိမာ ဇာတိ (ဤယခု ပဋိသန္ဓေတည်နေရခြင်းကား ငါ့အဖို့ရာ နောက်ဆုံးပဋိသန္ဓေ တည်နေရခြင်း ဖြစ်၏။)
နတ္ထိဒါနိ ပုနဗ္ဘဝေါ (ယခုအခါ၌ ငါ့အဖို့ရာ တဖန် ဘဝသစ်ဖြစ်ရခြင်း မရှိတော့ပြီ။)”
ဟူ၍ လောကဓာတ် စကြဝဠာတိုက်ပေါင်း တစ်သောင်းလုံးကို ကိုယ်တော်မြတ်၏ အသံတော်ဖြင့် တစ်ပြိုင်နက်တည်း ကြားလွှံ့စေ၍ ရဲရဲတောက်စကားကို ကြုံးဝါးကျူးရင့်တော်မူ၏။
အလုံးစုံသော ဗြဟ္မာ နတ် လူတို့သည် ကောင်းကြီးပေးကြရကုန်၏။

ဘုရားအလောင်းတော်မြတ် ဖွားကာစ စကားဆိုဖူးသည်မှာ သုံးဘဝ ရှိ၏။

မဟောသဓာဘုရားလောင်း ဖွားမြင်သော် ထိုဘုရားလောင်း၏ လက်၌ သိကြားမင်း လာ၍ ထားအပ်သော စန္ဒကူးနှစ်ကို မိခင်သူဌေးကတော်ကြီး မြင်၍ “ချစ်သား၊ သင်ချစ်သားသည် အဘယ်ဝတ္ထုကို ယူ၍ လာသနည်း”ဟု မေးလေရာ “မိခင်၊ ဆေးပါတည်း”ဟု ဆို၏။

ဝေဿန္တရာမင်းအဖြစ် မယ်တော်ဖုဿတီမိဖုရားဝမ်းမှ ဖွားမြင်ကာစ၌ လက်ယာလက်ကို ဆန့်တန်း၍ “မယ်တော်မိခင် ရွှေနန်းရှင်၊ ရွှေနန်းတော်၌ တစ်စုံတစ်ခုသော ဥစ္စာသည် ရှိပါ၏လော။ အလှူကို လှူပါအံ့”ဟု ဆို၏။ ထိုအခါ မယ်တော်မိဖုရားကြီးက “ချစ်သား၊ သင်ချစ်သားသည် ဥစ္စာရှိသော အမျိုး၌ ဖြစ်၏”ဟု ဆို၍ သားတော်၏ လက်ကို မိမိ၏လက်ဖဝါးအပြင်၌ တင်သည်ကို ပြု၍ ဥစ္စာတစ်ထောင်ထုပ်ကို ထားပေ၏။

+++++
စာညွှန်း
မဟာဗုဒ္ဓဝင်ဝတ္ထုတော်ကြီး-ပဌမငါးခုန်ဆရာတော်ဘုရားကြီး
မဟာဗုဒ္ဓဝင်-မင်းကွန်းဆရာတော်ဘုရားကြီး
ဂမ္ဘီရကဗျာကျမ်း-လယ်တီဆရာတော်ဘုရားကြီး
တို့မှ ယူ၍ ကြည်ညိုပူဇော်၏။

ဗြဟ္မာများ၏ သက်တမ်းနှင့် ကမ္ဘာပျက်ပုံ ဖြစ်ပုံ

၂၀၁၀ ခုနှစ် ဧပြီလ ၁၇ ရက် စနေနေ့သည် ၁၃၇၂ ခုနှစ် ကဆုန်လဆန်း ၅ ရက်၊ မြန်မာနှစ်ဆန်းတစ်ရက်နေ့ ဖြစ်၏။

နယူးဂျာစီ မဟာစည်သတိပဋ္ဌာန်ရိပ်သာ၌ သန့်ရှင်းရေး လုပ်အားပေးပွဲရှိရာ နယူးယောက်မြို့ လောကချမ်းသာဘုရားကျောင်း၌ စနေနေ့တိုင်း ပြုလုပ်နေသော အဘိဓမ္မာသင်တန်းကို ယခုတစ်ပတ်တွင် ၂၀၁၀ ခုနှစ် ဧပြီလ ၁၈ ရက် တနင်္ဂနွေနေ့သို့ ပြောင်းရွှေ့ ပြုလုပ်ခဲ့သည်။

လောကချမ်းသာဆရာတော်က ညနေ ၄ နာရီမှ ၅ နာရီထိ အဘိဓမ္မာ စိတ်ပိုင်း သင်ခန်းစာများကို ကျေညက်စေရန် ပြန်လည် ပို့ချပေး၏။

ဆရာတော် အရှင်သီလာနန္ဒာဘိဝံသ၏ ယခုအပတ် သင်ခန်းစာ၊ (၂၈)ပတ်မြောက် သင်တန်းပို့ချချက်မှာ ဗြဟ္မာတို့၏ သက်တမ်းများနှင့် ကမ္ဘာပျက်ပုံ တည်ပုံ အကြောင်းဖြစ်ပြီး ဗဟုသုတဖြစ်ဖွယ် လေ့လာသင်ယူကြရ၏။

အရှင်သီလာနန္ဒာဘိဝံသ ဆရာတော်ကလည်း သူ၏ အသံသွင်း သင်ခန်းစာထဲတွင် ဗဟုသုတအနေဖြင့် သိရှိထားသင့်ကြောင်း မိန့်ကြားခဲ့ပြီး၊ လယ်တီဆရာတော်ဘုရားကြီး၏ ပရမတ္ထသံခိပ်ကျမ်းလာ လင်္ကာများ၊ မဟာဝိသုဒ္ဓါရုံဆရာတော်ဘုရားကြီး၏ ကမ္ဘာပျက်ပုံ တည်ပုံ လင်္ကာများဖြင့် ပို့ချပေးသွား၏။

+++++

လယ်တီဆရာတော်ဘုရားကြီး၏ ပရမတ္ထသံခိပ်လင်္ကာများ

‘အာယု’ ‘အန္တရာ’၊ ‘အသင်္ချာ’၊ ‘မဟာ’ လေးမျိုးကပ်။

ကပ္ပ = ကပ် = ကမ္ဘာ လေးမျိုး ရှိ၏။

အာယုကပ် = အသက် ၇၀ တမ်း၊ ၈၀ တမ်း၊ ၁၀၀ တမ်း စသည် ထိုထို သက်တမ်းကို အာယုကပ်ဟု ခေါ်၏။ လူတို့၏ ပျမ်းမျှသက်တမ်း ၈၀ ရှိသော အချိန်ကာလဖြစ်လျှင် အာယုကပ် ၈၀၊ လူတို့ ပျမ်းမျှသက်တမ်း ၉၀ ကာလဖြစ်လျှင် အာယုကပ်လည်း ၉၀ ဟူလို။

အန္တရကပ် = လူတို့၏ သက်တမ်း အသင်္ချေယျတမ်းမှ ၁၀ နှစ်တမ်းသို့ ဆုတ်ယုတ်ချိန်နှင့် တဖန် ၁၀ နှစ်တမ်းမှ အသင်္ချေယျတမ်းသို့ တိုးတက်ချိန် အကြားကာလကို အန္တရကပ်ဟု ခေါ်၏။

အသင်္ချေယျကပ် = အန္တရကပ်ပေါင်း ၆၄ ခုကို အသင်္ချေယျကပ်ဟု ခေါ်၏။

‘သံ’ ‘ဝိဝဋ်’တွင်၊ ‘ဌာယီ’ယှဉ်၊ ‘သင်္ချေ’ လေးလီမှတ်။

‘ပျက်’ ‘တည်’ ‘ဖြစ်’ ‘တည်’၊ အစဉ်လည်၊ လေးမည် အနက်ဟပ်။

‘သင်္ချေ’လေးဖြာ၊ အပေါင်းမှာ၊ ‘မဟာကမ္ဘာ’ မှတ်။

ကမ္ဘာပျက်ဆဲဖြစ်သော အသင်္ချေယျကပ် = သံဝဋ္ဋကပ်

ပျက်သည့်အတိုင်း တည်နေသော အသင်္ချေယျကပ် = သံဝဋ္ဋဌာယီကပ်

ကမ္ဘာကြီးဖြစ်ပွားဆဲဖြစ်သော အသင်္ချေယျကပ် = ဝိဝဋ္ဋကပ်

ဖြစ်ပွားပြီးအတိုင်း တည်နေသော အသင်္ချေယျကပ် = ဝိဝဋ္ဋဌာယီကပ် ဟူသော အသင်္ချေယျကပ် ၄ ခုကို ‘မဟာကပ်’ဟု ခေါ်၏။

မဟာကပ် = အသင်္ချေယျကပ် ၄ ခု (တစ်ကမ္ဘာ)

+++++

မဟာဝိသုဒ္ဓါရုံဆရာတော်ဘုရားကြီး၏ (မီးဖြင့်) ကမ္ဘာပျက်ပုံ တည်ပုံ လင်္ကာ

ရှေးဦးစွာပျက်

ကုဋေဖက်သည့်

သိန်းစက္ကဝါ

မိုးကြီးရွာသော်

ညီညာရွှင်ပျ

စိုက်ပျိုးကြသား

ဂေါဏစားလောက်

ပင်ငယ်ရောက်လျှင်

တစ်ပေါက်မကျ

တစ်သိန်းမျှက

လောကဗျူဟာ

နတ်ကာမာတို့

မေတ္တာပွားကြ

ကြီးမိဘကို

တုပ်ကွမြတ်လေး

လုပ်ကျွေးကြပါ

ကြွေးကြော်လာ၏။

သတ္တဝါအများ

ဈာန်ကိုပွားလျက်

စံလားဗြဟ္မာ

ကာလကြာ၍

ဒုတိယာနေ

ပေါ်လာလေသော်

မြစ်ငယ်ရေခြောက်

ညဥ့်လည်းပျောက်၏။

သုံးမြောက် လေးစင်း

ငါးစင်း ဆဋ္ဌ

သတ္တမ နေ

ပေါ်ထွက်ချေသော်

ခြောက်လေ မြစ်ကြီး

အိုင်ကြီးသမုဒ္ဒရာ

စက္ကဝါခိုးထ

မီးလျှံကြွ၍

သင်္ခါရခပင်း

ပြာမကြွင်းခဲ့

ဟင်းလင်းထက်အောက်

မိုက်မှောင်ရောက်သည်

ကွယ်ပျောက်လုံးစုံ မမြဲတည်း။

ထို့နောက် ကမ္ဘာ

ပြုမိုးရွာသော်

လောင်ရာတစ်လျှောက်

လေခံထောက်သား

ခန်းခြောက်စဉ်သင့်

ရှေ့တိုင်းဖြစ်လျှင်

တည်လင့်ထက်ဘုံ

မြေရောက်တုံသော်

ဝါယုံဆို့နေ

ရေစစ်ရေသို့

တည်နေမယို

ခန်းတိုင်းမိုလျက်

ရေချိုအထက်

မြေချိုတက်သား

ထို့ထက်ဗြဟ္မာ

စုတေလာ၍

ရသာပထဝီ

မြေအဆီကို

လုပ်ချီသုံးဆောင်

တဏှာလောင်လျက်

ကိုယ်ရောင်ကွယ်ပျောက်

မိုက်မှောင်ရောက်၍

အကြောက်ရကာ

ရဲကြရာဖို့

လျော်စွာဆန္ဒ

နေနှင့်လတို့

ပေါ်ကြထင်ရှား

နက္ခတ်များလည်း

လှည့်သွားဖြစ်ကြ

တပေါင်းလဟု

ပုဏ္ဏရက်တွင်း

ဆပ်ထမင်းသို့

ကုန်းကျင်းစုံစွာ

ဖြစ်ကြလာသည်

ကမ္ဘာတည်ခင်း စုံသတည်း။

ရသာမြေကို

စားလေတုံမျှို့

တဏှာဖို့၍

တချို့ မလှ

တချို့ လှတည်း

ဆင်းမလှသူ

လှသသူက

မာန်မူသည့်တွက်

မြေချိုညက်လည်း

ကွယ်ဝှက်ပြန်ဘိ

ဘူမိပပ္ပဋက

မြေလွှာမြနှင့်

ပဒါလတာ

ထို့တူလာ၏

ရသာလိုပေး

ထွန်နှင့်ဝေးသည့်

သလေးဆန်စင်

စားလေလျှင်မူ

မစင်ငယ်ကြီး

ဖြစ်ကြပြီး၍

ယိုစီးဖို့ရာ

ထွက်ဖို့ငှာဟု

အမာဝပေါက်

ဘောလည်း ရောက်၏

တစ်ယောက်တစ်ယောက်

မေထုန်မြောက်အောင်

သွေဖောက်ယုတ်မာ

ကျင့်သည့်တာကြောင့်

ပညာရှိများ

မြစ်တားမောင်းမဲ

ညှဉ်းဆဲပုတ်ခတ်

ပြုလေအပ်၍

ခိုကပ်ဖို့ရာ

အိမ်ရာတည်ဆောက်။

လူပျင်းနောက်သို့

နည်းလျှောက်သိမ်းဆည်း

ထိုကတည်းက

ဖွဲလည်းမြှေးယှက်

ရိတ်ရာကွက်မှ

မထွက်လာထ

ညည်းတွားကြ၏

ထားရရေးသား

သူ့ပိုင်းခြားကို

ခိုးငြားမနိုင်

သုံးကြိမ်တိုင်သော်

စွဲကိုင်ခဲတုတ်

သတ်ပုတ်ယှက်မြှေး

နိုင်မဟေးလို့

စုဝေးတိုင်ပင်

များထက်တင်သား

ဗုဒ္ဓင်္ကုမြတ်

ဗောဓိသတ်ကို

ချဉ်းလတ်ပန်ထွာ

သမုတ်ပါ၍

မဟာသမ္မတ

ခတ္တိယနှင့်

ရာဇအပြား

မည်သုံးပါးဖြင့်

ထင်ရှားလူ့ဘောင်

စတည်ထောင်ခဲ့

ထို့နောင် ဗြဟ္မဏ

အမျိုးစသည့်

ဝဏ္ဏလေးပါး

ဤသို့အားဖြင့်

တရားသွေကွက်

ယွင်းချော်ပျက်၍

အသက်တိုလျ

ပါပကသည်

ဓမ္မလူတွင် ထွန်းသတည်း။

+++++

မီးခုနစ်တန်၊ ရေတစ်တန်၊ ရှစ်ပြန် ဆုံးလေဓာတ်။

‘ပ’ ‘ဒု’ ‘တ’ ထွေ၊ ဈာန်ဘုံဗွေ၊ ‘မီး’ ‘ရေ’ ‘လေ’နယ်မှတ်။

ကမ္ဘာပျက်သောအခါ မီးဖြင့် ခုနစ်ကြိမ် ပျက်ပြီး၊ ရေဖြင့် တစ်ကြိမ် ပျက်ပြီး၊

ဒုတိယ အပြန် မီးဖြင့် ခုနစ်ကြိမ်၊ ရေဖြင့် တစ်ကြိမ်၊

တတိယ အပြန် မီးဖြင့် ခုနစ်ကြိမ်၊ ရေဖြင့် တစ်ကြိမ် ..စသည် ပျက်ပြီး

ရှစ်ကြိမ်မြောက်အပြန်၌ မီးဖြင့် ခုနစ်ကြိမ်ပျက်ပြီး၊ လေဖြင့် ပျက်၏။

မီးဖြင့် ပျက်သောအခါ ပထမဈာန်ဘုံတိုင်အောင် (ဗြဟ္မပါရိသဇ္ဇာ၊ ဗြဟ္မပုရောဟိတာ၊ မဟာဗြဟ္မာ)

ရေဖြင့် ပျက်သောအခါ ဒုတိယဈာန်ဘုံတိုင်အောင် (ပရိတ္တာဘာ၊ အပ္ပမာဏာဘာ၊ အာဘဿရာ)

လေဖြင့် ပျက်သောအခါ တတိယဈာန်ဘုံတိုင်အောင် (ပရိတ္တသုဘာ၊ အပ္ပမာဏသုဘာ၊ သုဘကိဏှာ) ပျက်၏။

+++++

ဗြဟ္မာတို့၏ သက်တမ်း

မီးဖြင့် ကမ္ဘာပျက်သောအခါ ပထမဈာန်ဘုံတိုင်အောင် ပျက်ပြီး၊ တစ်ကမ္ဘာ (မဟာကပ် -သို့မဟုတ်- အသင်္ချေယျကပ် ၄ ခု)တွင်လည်း အသင်္ချေယျကပ်တစ်ခု (ဝိဝဋ္ဋဌာယီကပ်)သာ သတ္တဝါတို့ အသက်ရှင်နေနိုင်သဖြင့် မဟာဗြဟ္မာတို့၏ သက်တမ်းမှာ အသင်္ချေယျကပ်တစ်ခု ရှည်ကြာနိုင်၏။

ဗြဟ္မပုရောဟိတာဘုံသား ဗြဟ္မာတို့မှာ အသင်္ချေယျကပ်တစ်ဝက် (အန္တရကပ် ၃၂ ကပ်)

ဗြဟ္မပါရိသဇ္ဇာဘုံ ဗြဟ္မာတို့မှာ အသင်္ချေယျကပ် သုံးပုံတစ်ပုံ (အန္တရကပ် ၂၁ ကပ်နှင့် သုံးပုံတစ်ပုံ) ရှည်ကြာနိုင်၏။

မီးဖြင့် ခုနစ်ကြိမ်ပျက်ပြီး၊ ရေဖြင့် တစ်ကြိမ် (ရှစ်ကမ္ဘာမြောက်) ပျက်သောအခါ ဒုတိယဈာန်ဘုံတိုင်အောင် ပျက်သဖြင့်

အာဘဿရာဘုံ ဗြဟ္မာတို့မှာ မဟာကပ် ရှစ်ကပ်တိုင်အောင်လည်းကောင်း၊

အပ္ပမာဏာဘုံ ဗြဟ္မာတို့မှာ မဟာကပ် လေးကပ်၊

ပရိတ္တာဘာဘုံ ဗြဟ္မာတို့မှာ မဟာကပ် နှစ်ကပ် အသက်ရှည်ကြာနိုင်၏။

မီး ခုနစ် - ရေတစ်၊ ရှစ်ကြိမ်မြောက်အပြန် (၆၄ ကမ္ဘာမြောက်)မှာ လေဖြင့် ပျက်သောအခါ သုဘကိဏှာဗြဟ္မဘုံတိုင်အောင် ပျက်သောကြောင့်

သုဘကိဏှာဗြဟ္မာတို့၏ သက်တမ်းမှာ မဟာကပ် ၆၄၊

အပ္ပမာဏသုဘာဗြဟ္မာတို့၏ သက်တမ်းမှာ မဟာကပ် ၃၂၊

ပရိတ္တသုဘာဗြဟ္မာတို့၏ သက်တမ်းမှာ မဟာကပ် ၁၆ ကပ် ရှည်ကြာနိုင်၏။

ဝေဟပ္ဖိုလ်နှင့် အသညသတ် ဗြဟ္မာတို့၏ သက်တမ်း = မဟာကပ် ၅၀၀

အဝိဟာဘုံ = မဟာကပ် ၁၀၀၀

အတပ္ပါဘုံ = မဟာကပ် ၂၀၀၀

သုဒဿာဘုံ = မဟာကပ် ၄၀၀၀

သုဒဿီဘုံ = မဟာကပ် ၈၀၀၀

အကနိဋ္ဌဘုံ = မဟာကပ် ၁၆၀၀၀

ပထမအရူပဘုံ (အာကာသာနဉ္စာယတနဘုံ) = မဟာကပ် နှစ်သောင်း

ဒုတိယအရူပဘုံ (ဝိညာဏဉ္စာယတနဘုံ) = မဟာကပ် လေးသောင်း

တတိယအရူပဘုံ (အာကိဉ္စညာယတနဘုံ) = မဟာကပ် ခြောက်သောင်း

စတုတ္ထအရူပဘုံ (နေဝသညာနာသညာယတနဘုံ) = မဟာကပ် ရှစ်သောင်းလေးထောင် သက်တမ်း ရှိနိုင်၏။

+++++

ခေတ် ၃ ပါး (နယ်ပယ် ၃ ပါး)

မြန်မာစကား “ခေတ် = အချိန်” ကို မဆိုလိုဘဲ၊ ဤ ‘ခေတ်’၏ အဓိပ္ပာယ်မှာ ‘နယ်ပယ်’ကို ဆို၏။

‘ဇာတိ’ ‘အာဏာ’၊ ‘ဝိသယာ’၊ သုံးဖြာ လောကဓာတ်။

‘သောင်း’ ‘သိန်းကုဋေ’၊ ‘အသင်္ချေ’၊ သုံးထွေ အစဉ်ဟပ်။

‘ဖြစ်’ ‘ပျက်’ နှစ်ဖြာ၊ အတူမှာ၊ ‘အာဏာခေတ်’ဟု မှတ်။

ဇာတိခေတ် = စကြဝဠာတစ်သောင်း၊ (မြတ်စွာဘုရား ပဋိသန္ဓေနေသည့်အခါ၊ ဖွားမြင်သည့်အခါ မြေကြီးလှုပ်စဉ် စကြဝဠာတစ်သောင်း ဇာတိခေတ်တစ်ခုလုံး လှုပ်၏။)

အာဏာခေတ် = စကြဝဠာကုဋေတစ်သိန်း၊ (မြတ်စွာဘုရား ဟောကြားတော်မူသော ရတနသုတ်၊ မေတ္တသုတ်၊ ခန္ဓသုတ် စသည်တို့၏ အာဏာနှံ့ရာ နယ်ပယ်။)

ဝိသယခေတ် = စကြဝဠာအသင်္ချေ အနန္တ

ကမ္ဘာဖြစ်သောအခါ၊ ကမ္ဘာပျက်သောအခါ အာဏာခေတ်အကုန် အတူ ဖြစ်ပျက်၏။

+++++

အဘိဓမ္မာသင်တန်းပြီးသော် လောကချမ်းသာ ဆည်းဆာ ဓမ္မဒါနကို အရှင်ဝဏ္ဏိတက “တကယ့် စွမ်းအားရှင်”အကြောင်း သိမှတ်ဖွယ်ရာ လင်္ကာများဖြင့် ဟောကြား ချီးမြှင့်သွားလေသည်။

စွမ်းအားရှင် = စိတ်အကြောင်း ဆောင်ပုဒ်လင်္ကာများ

(၁)

မြင်နိုင်ခဲစွ၊ သိမ်မွေ့လှ၍

သူကျလိုရာ၊ ကျတတ်ပါသည့်

ပမာမြှောင်နိုင်း၊ စိတ်ဆင်ရိုင်းကို

ထူးသိုက်ဖြေချွတ်၊ ထင်တိုင်းလွှတ်၍

မကွတ်မထိန်း၊ ညွှတ်တိုင်းယိမ်းက

အေးငြိမ်းချမ်းသာ၊ မရပါဘဲ

ပူပြာဆင့်ကဲ၊ လွန်ဆင်းရဲသည်

မိုက်မဲသူတို့ လမ်းစဉ်တည်း။

(ချမ်းမြေ့ဆရာတော်)

(၂)

မြင်နိုင်ခဲစွ၊ သိမ်မွေ့လှ၍

သူကျလိုရာ၊ ကျတတ်ပါသည့်

ပမာမြှောင်နိုင်း၊ စိတ်ဆင်ရိုင်းကို

ချင့်နှိုင်းဉာဏ်ယှဉ်၊ သမ္ပဇဉ်နှင့်

အစဉ်ချွန်းအုပ်၊ သတိချုပ်၍

မလှုပ်မယိုင်၊ ကောင်းစွာနိုင်သော်

ဖွံ့ခိုင်ဖြိုးဖြိုး၊ ချမ်းသာတိုးသည်

ကောင်းကျိုးကြွယ်လိမ့်မည်သာကို။

(ချမ်းမြေ့ဆရာတော်)

(၃)

ရေကြောင့် ညွန်ဖြစ်၊ ထိုညွန်ညစ်လည်း

စင်လစ်ရေကြောင့်၊ သွေမထောက်ဘူး

စိတ်ကြောင့်ဖြစ်ပေါ်၊ စိတ်ကြေးညှော်လည်း

ဆေးလျှော်စိတ်ပင်၊ စင်,မစင်ကို

ကိုယ်ပင်ဖန်ပြု၊ သူမပြုသည်

စင်မှုကိုယ့်မှာ တာဝန်တည်း။

(ချမ်းမြေ့ဆရာတော်)

(၄)

အသီးတစ်ရာ၊ အညှာတစ်ခု

ပမာပြု၍၊ စိတ်ဟုမည်ငြား

ဤတစ်ပါးမျှ၊ တရားကိုကျ

စောင့်စည်းကွပ်ကာ၊ လူ့ရပ်နတ်ရွာ

ဗြဟ္မာ နိဗ္ဗာန်၊ ရောက်ကြောင်းမှန်၏။

(မဃဒေဝ)

(၅)

မကောင်းမှုရှောင်၊ ကောင်းမှုဆောင်

ဖြူအောင် စိတ်ကိုထား။

ပြော,ပြု,တွေးလျှင်၊ သတိယှဉ်

ဆင်ခြင် ဉာဏ်ရှေ့သွား။

စိတ်ထားဖြောင့်မှန်၊ ခွင့်လွှတ်ရန်

သည်းခံ မေတ္တာထား။

လုံးလနှင့်ဇွဲ၊ မလျော့ဘဲ

အမြဲတင်းတင်းထား။

အရာရာတွင်၊ အသုံးဝင်

အောင်မြင်ကြောင်းတရား။

(ချမ်းမြေ့ဆရာတော်)

(၆)

တန်းတူတွေ့လျှင်၊ မေတ္တာဝင်

မဝင်နိုင်က၊ ပြိုင်တတ်သည်

ပြိုင်မည့်အစား၊ မေတ္တာပွား

စိတ်ထား ဒီလိုပြောင်းပါ့မည်။

ကိုယ့်အောက်နိမ့်လျှင်၊ ကရုဏာဝင်

မဝင်နိုင်က၊ နိုင်တတ်သည်

နိုင်မည့်အစား၊ ကရုဏာပွား

စိတ်ထား ဒီလိုပြောင်းပါ့မည်။

ကိုယ့်ထက်သာလျှင်၊ မုဒိတာဝင်

မဝင်ဣဿာ၊ ယိုင်တတ်သည်

ယိုင်မည့်အစား၊ မုဒိတာပွား

စိတ်ထား ဒီလိုပြောင်းပါ့မည်။

မိုက်သူတွေ့လျှင်၊ ဥပေက္ခာဝင်

မဝင်နိုင်က၊ ရွဲ့တတ်သည်

ရွဲ့မည့်အစား၊ ဥပေက္ခာပွား

စိတ်ထား ဒီလိုပြောင်းပါ့မည်။

(ရှေးဆရာတော်)

(၇)

သိက္ခာသုံးပါး၊ မြတ်တရား

ယောက်ျားမိန်းမ၊ မခွဲပါ။

စိတ်ဓာတ်ကိုပြင်၊ ကြိုးစားလျှင်

ခုပင် ရနိုင်တာ။

ကြိုးစားလိုက်လျှင်၊ စွမ်းအားထင်

မျက်မြင် ကိုယ်တွေ့ပါ။

ယောက်ျားဖြစ်ရုံ၊ အားမစုံငြား

မကြိုးစားက၊ စွမ်းအားကျ

ဘာမှ မရပါ။

မိန်းမသော်လည်း၊ အားကုန်ခဲ၍

စိတ်ဇွဲထက်သန်၊ ကြိုးစားပြန်

ဧကန် ထူးခြားလာ။

လူ၏စွမ်းအား၊ မြတ်တရား

စိတ်ထားကောင်းဖို့ လိုရင်းပါ။

(၈)

စိတ်နှလုံးကို၊ ဆုံးမမှန်စွာ

စိတ်မကောင်းက၊ မကောင်းဖြစ်မှာ

စိတ်တွေကောင်းမှ၊ ကောင်းကြသူငါ

စိတ်ယဉ်ကျေး သင်ပေး တို့မြတ်စွာ။

(ဦးကုဝေရ)

(၉)

အေးမြကြည်လင်၊ ကန်ရေပြင်၏

အောက်တွင်ရှိငြား၊ ငါး,လိပ်,ဖားနှင့်

ယောက်သွား,ခရု၊ အစုစုကို

ကြည့်ရှုလိုက်လျှင်၊ ထင်ထင်မြင်သို့

ကြည်လင်စိတ်ဖြူ၊ ထိုသည့်သူက

ကိုယ်သူအကျိုး၊ နှစ်ဦးအကျိုးနှင့်

မဂ်ကျိုးဖိုလ်သည့်၊ နိဗ္ဗာန်ထိသည်

သူ၏စိတ်ဓာတ် ကြည်သောကြောင့်။

(ချမ်းမြေ့ဆရာတော်)

(၁၀)

ကိလေညစ်မဲ၊ စိတ်၌စွဲ

ရုပ်လည်း မကြည်လင်။

ကိလေညစ်မဲ၊ စိတ်မစွဲ

ရုပ်ဆင်း ကြည်လင်သည်။

စိတ်ညစ်မည်းလျှင်၊ ဆင်းရဲပင်

ဖြူလျှင် ချမ်းသာသည်။

ချမ်းသာရလို၊ များလူဗိုလ်

စိတ်ကို သိရမည်။

စိတ်ကိုသိချင်၊ များလူရှင်

နေ့စဉ် စစ်ရမည်။

နေ့စဉ်စစ်ဆေး၊ စိတ်ညစ်ကြေး

လျှော်ဆေးပစ်ရမည်။

(ချမ်းမြေ့ဆရာတော်)

+++++

စာကိုး

ပရမတ္ထသံခိပ်ကျမ်း-လယ်တီဆရာတော်ဘုရားကြီး

ပရမတ္ထသံခိပ်ကျမ်းအဖြေ-မင်းကွန်းဆရာတော်ဘုရားကြီး

သင်္ဂြိုဟ်ဘာသာဋီကာ-အရှင်ဇနကာဘိဝံသ

အဘိဓမ္မာသင်တန်းပို့ချချက်များ-အရှင်သီလာနန္ဒာဘိဝံသ

နွေဦးလုပ်အားဒါန (၁၇-ဧပြီ-၂၀၁၀)

၁၃၇၂ ခုနှစ် ကဆုန်လဆန်း ၅ ရက် မြန်မာနှစ်ဆန်း တစ်ရက်နေ့၂၀၁၀ ခုနှစ် ဧပြီလ ၁၇ ရက် စနေနေ့တွင် နယူးဂျာစီ မဟာစည်သတိပဋ္ဌာန်ရိပ်သာ၌ နွေဦးလုပ်အားဒါနပေးလှူကြရာ

• နယူးဂျာစီကျောင်း ဆရာတော်များအား နေ့ဆွမ်း ဆက်ကပ်ခြင်း၊
• လောကချမ်းသာစေတီတော်ရင်ပြင်နှင့် မုခ်ဝလှေကားဆင့်များရှိ စုပုံထားသော ငြမ်းပစ္စည်းများ ရှင်းလင်းခြင်း၊
• ရာသီဥတုကြောင့် ပျက်စီးသွားသော ခြံစည်းရိုးသစ်ပင်များကို ရှင်းလင်းခြင်း၊ ခြံစည်းရိုး သစ်ပင်များကို ပြုပြင်ပေးခြင်း၊
• နယူးဂျာစီရိပ်သာကျောင်း မြေအောက်ခန်း ပြင်ဆင် ဆောင်ရွက်ခြင်း၊
• ပုံလောင်းပြီး အင်္ဂတေကနုတ်ပန်းများကို အပေါက်များဖောက်ခြင်း၊ ကနုတ်ပန်းအသစ်များ ပုံလောင်းခြင်းတို့ကို စုပေါင်း ဆောင်ရွက်ကြသည်။

မိုးရွာမည်ဟု မိုးလေဝသဌာနက ခန့်မှန်းထားခဲ့သော်လည်း တစ်နေ့လုံးနီးပါး မိုးမရွာခဲ့။
နေ့ခင်းတွင် အပူချိန် ၆၀ ဒီဂရီ ဝန်းကျင်ရှိသော်လည်း မွန်းလွဲပိုင်းတွင် ၅၀ ဒီဂရီ ဝန်းကျင်သို့ ကျဆင်းသွားသဖြင့် အနည်းငယ် အေးလာ၏။

လုပ်အားပေးမည့်သူ အချို့ မရောက်လာသဖြင့် ခြံစည်းရိုးသစ်ပင်များ မစိုက်ပျိုးနိုင်ခဲ့ပေ။

ဉာဏအား ကာယအားတို့ဖြင့် စဉ်ဆက်မပြတ် လှူဒါန်းနေရသည်ကို အားမရသေးသဖြင့် လောကချမ်းသာ ဓမ္မာရုံ ယောဂီဆောင် ကျောင်းဆောင်တော်ကြီးတွင် အိပ်ခန်းတစ်ခန်းကို အင်ဂျင်နီယာ ဦးမောင်မောင်နှင့် ဒေါ်မြတ်မြတ်တို့ ဇနီးမောင်နှံက လှူဒါန်းကာ ရေစက်သွန်းချ ကောင်းမှုကုသိုလ်အမျှ ပေးဝေသွားခဲ့လေသည်။

သာဓု ... သာဓု ... သာဓု။

+++++

နယူးဂျာစီရိပ်သာကျောင်း ဆရာတော်များအား စုပေါင်း နေ့ဆွမ်း ဆက်ကပ် -

+++++

လောကချမ်းသာစေတီတော်ရင်ပြင်နှင့် မုခ်ဝလှေကားဆင့်များရှိ စုပုံထားသော ငြမ်းပစ္စည်းများ ရှင်းလင်း -

(အနောက်ဘက်မုခ်)

(တောင်ဘက်မုခ်)

(အရှေ့ဘက်မုခ်)

(မြောက်ဘက်မုခ်)

+++++

ရာသီဥတုကြောင့် ပျက်စီးသွားသော ခြံစည်းရိုးသစ်ပင်များကို ရှင်းလင်း၊

ခြံစည်းရိုးသစ်ပင်များ ပြုပြင် -

စိုက်ပျိုးမည့် ခြံစည်းရိုး သစ်ပင်များ -

+++++

နယူးဂျာစီရိပ်သာကျောင်း မြေအောက်ခန်းတွင် ပြင်ဆင် ဆောင်ရွက် -

+++++

လောကချမ်းသာစေတီတော် ပလ္လင်ခုံပတ်လည်တွင် အလှဆင်မည့် အင်္ဂတေကနုတ်ပန်းများကို ကိုယ်တိုင်ကိုယ်ကျ ပုံလောင်း ပြုလုပ်ကြ -

+++++

လောကချမ်းသာ ဓမ္မာရုံ ယောဂီဆောင် ကျောင်းဆောင်တော်ကြီး၏ အိပ်ခန်းတစ်ခန်း လှူဒါန်း ရေစက်ချ-