မွန်းလွဲ ၃း၁၅ နာရီတော် ဆရာတော် အရှင်ဝဏ္ဏိတက ဝိသုဒ္ဓိမဂ်မိတ်ဆက် အပိုင်း(၈)ကို သင်ကြား ပို့ချပြီး၊
ဒုတိယ စာသင်ချိန်တွင် ဆရာတော် အရှင်ဥဂ္ဂပဏ္ဍိတက အဘိဓမ္မာ၊ ကမ္မဋ္ဌာန်းပိုင်းကို ဆက်လက် ပို့ချကာ၊
လောကချမ်းသာ ဆည်းဆာတရားပွဲ၌ ဆရာတော် အရှင်ပညာဇောတက `ချမ်းသာရကြောင်း နည်းလမ်းကောင်း´တရားတော်ကို ဓမ္မဒါနပြု ဟောကြားလေသည်။
+++++
မွန်းလွဲ ၃း၁၅ နာရီတွင် ဆရာတော် အရှင်ဝဏ္ဏိတက ဝိသုဒ္ဓိမဂ်မိတ်ဆက် အပိုင်း(၇)ကို ဟောကြား ပို့ချပြီး၊
ဒုတိယ စာသင်ချိန် အဘိဓမ္မာသင်တန်း၌ ဆရာတော် အရှင်ဥဂ္ဂပဏ္ဍိတက အဘိဓမ္မာ ကမ္မဋ္ဌာန်းပိုင်းကို သင်ကြား ပို့ချလေသည်။
ညနေ လောကချမ်းသာဆည်းဆာတရားပွဲဝယ် ဆရာတော် အရှင်ပညာဇောတက `အသိသည် တန်ဖိုး´တရားတော်ကို ဓမ္မဒါနပြု ဟောကြား၏။
ပြာသာဒ်ကျောင်းမကြီးက အောက်ထပ်အခန်း တစ်ရာ၊ အထက်ထပ်အခန်း တစ်ရာ ရှိတယ်။
အခြံအရံ ပြာသာဒ်တွေကလဲ တစ်ထောင် ရှိတယ်။
အဲဒါဟာ ကိုးကုဋေအကုန်အကျ ခံပြီး ဆောက်လုပ်တဲ့ ကျောင်းဖြစ်တဲ့အတွက် အလွန်ပင် အချိုးကျ လှပတင့်တယ်ပြီး ကောင်းမွန်တယ်လို့ ဆိုရပါတယ်။
ဟုတ်မှာပါ။ ကိုးကုဋေတန်တယ်ဆိုတော့ သိန်းပေါင်းကိုးရာတန်ပဲ။ ယခုနေအခါမှာ ဒါလောက် အဖိုးတန်တဲ့ကျောင်း ရှိပုံမရပါဘူး။
အဲဒီကျောင်းတော်ကြီးကို ဆောက်လုပ် လှူဒါန်းတဲ့အခါမှာ ဝိသာခါက သူ့မိတ်ဆွေငါးရာကို ခေါ်သွားပြီး အဲဒီကျောင်းမှာ ကြည်ညိုဖွယ်တွေကို လျှောက်ပြတယ်။
အဲဒီအခါမှာ သူ့မိတ်ဆွေ အမျိုးသမီးတွေက သိပ်သဘောကျပြီး ချီးမွမ်းကြတယ်။
အဲဒီတော့ ဝိသာခါက အဲဒီကျောင်း အလှူဒါနကုသိုလ်ကို သူ့မိတ်ဆွေများအား အမျှပေးဝေတယ်။
အားလုံးပဲ ဝမ်းမြောက်ဝမ်းသာနဲ့ သာဓုအနုမောဒနာ ခေါ်ကြပါတယ်။
အဲဒီ သူ့မိတ်ဆွေတွေထဲမှာ ဒကာမတစ်ယောက်ကတော့ အထူးသဖြင့် ဝမ်းမြောက်ဝမ်းသာစွာနဲ့ သာဓုအနုမောဒနာပြုပါသတဲ့။
အဲဒီလို သာဓုခေါ်ပြီး အနုမောဒနာပြုတဲ့ ကုသိုလ်ကြောင့် သေသည်၏ အခြားမဲ့မှာ အဲဒီအမျိုးသမီးဟာ တာဝတိံသာနတ်ပြည်၌ အလျားအနံ ၁၆-ယူဇနာစီ ရှိတဲ့ နိတ်ဗိမာန်ကြီးမှာ နတ်သမီး ဖြစ်ရတယ်။ တစ်ယူဇနာ ၈-မိုင်ကျ ထားပြီး တွက်ရင် အဲဒီနတ်ဗိမာန်ကြီးဟာ အလျားအနံ ၁၂၈-မိုင်စီ ရှိတယ်လို့ ဆိုရမှာပဲ။
အဲဒီနတ်ဗိမာန်ကြီး၏ ပတ်ဝန်းကျင်မှာ ပြာသာဒ်အခြံအရံတွေရော၊ တံတိုင်းဥယျာဉ်တွေရော၊ ရေကန်စသည်တွေရော ပြည့်စုံလျက် ရှိနေပါသတဲ့။
အခြွေအရံ နတ်သမီးတွေကလဲ တစ်ထောင်ရှိပါသတဲ့။
အဲဒါဟာ ပိုက်ဆံတစ်ပြားမှ မကုန်ဘဲ သာဓုခေါ်ရုံမျှနဲ့ ရသွားတဲ့ နတ်စည်းစိမ်တွေပဲ။
အားရစရာ မကောင်းဘူးလား။
(ကောင်းပါတယ် ဘုရား)
အဲဒါဟာ နိဗ္ဗာန်ကို ရည်သန်ပြီး လှူတာကို အကြောင်းပြုပြီး သာဓုခေါ်တာ မဟုတ်ပါဘူး။ ခမ်းခမ်းနားနား ကျောင်းအလှူကို အာရုံပြုပြီး ဝမ်းမြောက်ဝမ်းသာနဲ့ သာဓုခေါ်တာပဲ။ အဲဒီ သာဓုခေါ်တဲ့ ကောင်းမှုကြောင့် နတ်ပြည်ရောက်ပြီး ခမ်းခမ်းနားနား အဆောက်အအုံ အခြွေအရံ စသည်နှင့် ပြည့်စုံသွားရတာပါပဲ။ အဲဒါကို မြတ်စွာဘုရားနှင့်တကွ အရှင်အနုရုဒ္ဓါ စသော ရဟန္တာ အရှင်မြတ်တွေကလဲ ချီးကျူးပြီး ဟောကြား ဖော်ပြထားပါတယ်။
ဒါပေမယ့် တချို့ကတော့ နိဗ္ဗာန်ရည်သန်ပြုတဲ့ ကောင်းမှုကိုမှ သာဓုခေါ်ရမယ်တဲ့။ တခါက အဲဒီလို ဟောတဲ့တရားကို သဘောကျပြီးတော့ အခြားကုသိုလ်တွေ သာဓုတောင် မခေါ်နိုင်ဘူးဆိုတဲ့ လူတစ်ယောက်ကို သူ့မိတ်ဆွေတွေက ဘုန်းကြီးထံ ခေါ်လာပြီးတော့ သာမန်ကုသိုလ်တွေကို သာဓုခေါ်သင့် မခေါ်သင့် ဖြေရှင်း ဟောကြားပေးဖို့ လျှောက်ကြပါတယ်။
ဘုန်းကြီး ရှင်းပြလိုက်ပုံကတော့ ``မည်သည့် ကုသိုလ်မဆို သာဓုခေါ်သင့်တယ်။ သာဓုခေါ်ရင် ကိလေသာ မကင်းသေးလို့ သံသရာ ဘဝထဲ ဖြစ်ရပေမယ့် ချမ်းသာတဲ့ ဘဝကောင်း ဘဝမြတ်မှာ ဖြစ်ရတယ်။ သာဓုခေါ်တဲ့ ကုသိုလ်တောင် မရှိရင်တော့ ကိလေသာမကင်းသေးတဲ့သူမှာ ယုတ်ညံ့တဲ့ ဘဝတွေချည်း ဖြစ်သွားမှာပဲ။ သာမန် ကုသိုလ်တွေကို သာဓုမခေါ်ဘဲ နေရုံမျှနဲ့ အရိယမဂ်ဖိုလ်လဲ မရောက်နိုင်ဘူး။ ကိလေသာလဲ မကင်းနိုင်ဘူး။ မကင်းရင် ဘဝအသစ်ကတော့ ဖြစ်ရမှာပဲ။ အဲဒီလို ဘဝအသစ် ဖြစ်တဲ့အခါ ကိုယ်တိုင်ပြုထားတဲ့ ကုသိုလ်ကလဲ ခိုင်ခိုင်မာမာ မရှိ၊ သာဓုခေါ်တဲ့ ကုသိုလ်ကလဲ မရှိရင် ယုတ်ညံ့တဲ့ ဘဝတွေမှာချည်း ဖြစ်ပြီး ဆင်းရဲသွားဖို့သာ ရှိတာပဲ။ ဒါကြောင့် သာဓုမခေါ်ရုံနဲ့ ဆင်းရဲငြိမ်းလိမ့်မယ်လို့ မထင်မှတ်ပါနဲ့´´ လို့ ရှင်းပြလိုက်ရပါတယ်။
ဒီနေရာမှာ ``သူတပါးက ပြုထားတဲ့ ကုသိုလ်ကို အမျှပေးဝေရင် သာဓုခေါ်ပြီး အနုမောဒနာကုသိုလ်ကို ဖြစ်ပွားစေရမယ်။ အဲဒီလို ဖြစ်ပွားစေရင် အဲဒီကောင်းမှုကြောင့်လဲ မြင့်မြတ်တဲ့ ဘဝကို ရောက်နိုင်တယ်´´ဆိုတဲ့ ဘုရား ရဟန္တာတို့၏ ဟောပြောချက်နဲ့ ``နိဗ္ဗာန်ကို မရည်သန်တဲ့ကုသိုလ် သာဓုမခေါ်ရဘူး´´ဆိုတဲ့ ဝါဒဟာ ကွဲပြား မနေဘူးလား။
(ကွဲပြားနေပါတယ် ဘုရား)
အဲဒီလို ကွဲပြားနေတဲ့ အခြားဝါဒဘက်ကို လိုက်သင့်ပါ့မလား။
(မလိုက်သင့်ပါ ဘုရား)
ဘုရားဘက်ကသာ နေသင့်တယ် မဟုတ်ပါလား။
(ဟုတ်ပါတယ် ဘုရား)
အဲဒီလို အများက ဘုရားဘက်ကချည်း နေကြမယ်ဆိုရင် ဘုရားသာသနာတော်ဟာ မဆုတ်ယုတ်ဘဲ တည်တံ့နေမယ် မဟုတ်ပါလား။
(မှန်ပါ ဘုရား)
အဲဒီလို သာသနာတော် တည်တံ့အောင်လို့ ဒီကာကွယ်ရေးတရားကို ဟောရတာပဲ။ မကောင်းဘူးလား။
(ကောင်းပါတယ် ဘုရား)
+++++
(ကျေးဇူးရှင် မဟာစည်ဆရာတော်ဘုရားကြီး ဟောကြားတော်မူသော `ဗုဒ္ဓသာသနာ့အန္တရာယ် ကာကွယ်ရေး တရားတော်´ မှ)
+++++
ဗုဒ္ဓပူဇာအပြီး မွန်းလွဲ ၃ နာရီအထိ တရားရှုမှတ်ကြကာ ဝိသုဒ္ဓိမဂ်မိတ်ဆက် ဓမ္မသင်တန်းကို ဆရာတော် အရှင်ဝဏ္ဏိတက ပို့ချပေး၏။ အဘိဓမ္မာသင်တန်းပြ ဆရာတော် အရှင်ဥဂ္ဂပဏ္ဍိတ ဘော်စတွန်ကျောင်း ထမနဲပွဲတော်သို့ ကြွရောက်နေသဖြင့် ဝိသုဒ္ဓိမဂ်မိတ်ဆက်သင်တန်းကို ဒုတိယအချိန်တွင် ဆက်လက် လေ့လာ သင်ယူကြရ၏။
+++++
ညနေဆည်းဆာ လောကချမ်းသာတရားပွဲတွင် ဆရာတော် အရှင်ပညာဇောတက `တပေါင်းရဲ့ တပေါင်း´တရားတော်ကို ဓမ္မဒါနပြု ဟောကြားကာ တနေ့တာ ကုသိုလ်အဝဝတို့ကို အမျှပေးဝေကြလေသည်။
မွန်းလွဲ ၃း၁၅ နာရီတွင် ဆရာတော် အရှင်ဝဏ္ဏိတက ဝိသုဒ္ဓိမဂ် မိတ်ဆက်သင်တန်း အပိုင်း(၄)ကို ဟောပြော သင်ကြားပြီး၊
ညနေ ၄ နာရီခွဲတော် ဆရာတော် အရှင်ဥဂ္ဂပဏ္ဍိတက အဘိဓမ္မာသင်တန်း၊ ကမ္မဋ္ဌာန်းပိုင်းကို သင်ကြား ပို့ချ၏။
ညနေ ဆည်းဆာတရားပွဲ မတိုင်မီ သင်တန်းသူ သင်တန်းသားများက ပဋ္ဌာန်းပါဠိတော် ပစ္စယနိဒ္ဒေသကို ရွတ်ဆို ပူဇော်ကြပြီး၊ ဆရာတော် အရှင်ပညာဇောတက `အပေါင်းအသင်း သတိထား´တရားတော်ကို ဓမ္မဒါနပြု ဟောကြားလေသည်။
တရုတ်လေကြောင်း(ချိုင်းနားအဲယားလိုင်း)နှင့် ဖြစ်သည်။ နယူးယောက်မှ ဂျပန်-အိုဆာကာ၊ အိုဆာကာမှ ထိုင်ပေ၊ ထိုင်ပေမှာ ညအိပ်ရသည်။ တည်းခိုခန်း(ဟော်တယ်)ပေးသည်။
မိမိအနေဖြင့် ခဏ ... ခဏ ... နားပြီးမှ ခရီးရှည်သွားရမှာကို ပိုပြီးကြိုက်သည်။ လူသက်သာသည်။
ရန်ကုန်သို့ နံနက် ၁၀-နာရီခွဲအချိန်၌ ရောက်ခဲ့သည်။
ရောက်ချိန်ကောင်းသောကြောင့် လေဆိပ်သို့ လာကြိုသူများမှာ အဆင်ပြေသည်။
ယခု လေယာဉ်ခရီးစဉ်၌ အထက်တန်း(ဘစ်ဇနက်ကလပ်စ်)က စီးခဲ့သည်။ လေယာဉ်ခကို မိမိက ဒေါ်လာ ၁၃၀၀၊ ကျန်ခရီးစရိတ်ကျသင့်ငွေကို ဂျိမ်းစ်နှင့်စုယန်း၊ အမေရိကန်အမျိုးသားနှင့်ကိုးရီးယားအမျိုးသမီး ဇနီးမောင်နှံတို့က လှူကြသည်။ အမေရိကန်အမျိုးသားနှင့်ကိုးရီးယားအမျိုးသမီး ဇနီးမောင်နှံမှာ မိမိ၏ ယောဂီဟောင်းများ ဖြစ်ကြသည်။ ကနေဒီလေဆိပ်သို့လည်း သူတို့နှစ်ဦး လိုက်လံ ပို့ဆောင်ပေးခဲ့သည်။ လေယာဉ်အထက်တန်း(ဘစ်ဇနက်ကလပ်စ်)ကို ပထမဆုံး စီးဖူးခြင်း ဖြစ်သည်။
လေယာဉ်အထက်တန်းမှ စီးသူ ခရီးသည်များကို လေဆိပ်သီးသန့်ခန်းမှာ ထားပေးသည်။ ကြိုက်ရာ အစားအသောက်များကို မှာယူ စားသောက်နိုင်သည်။ ငွေထပ်ပေးစရာ မလိုပါ။ အစားကြိုက်သူ အစားကောင်းသူများအတွက် တန်ပါသည်။ မိမိအနေဖြင့် ဆီးချိုရောဂါရှိသောကြောင့် မြင်ရုံသာ မြင်ရ မကြင်ရသည့်သူ ဖြစ်နေသည်။
ဇန်နဝါရီလ ၁၁-ရက်နေ့မှာ ရန်ကုန်သို့ ရောက်သည်။
ထိုင်ပေမှ ရန်ကုန်သို့ လေးနာရီ စီးရသည်။ ယေယာဉ်ပေါ်မှာ နံနက်စာ ခေါက်ဆွဲ ကျွေးသည်။ ဆာနေသောကြောင့် အတော် အရသာရှိသည်။ ရန်ကုန်လေဆိပ်သို့ နံနက် ၁၀-နာရီခွဲ ရောက်၏။ မလိခမောင်စိုးထိုက်အောင်နှင့် ဦးဉာဏိဿရတို့ လေဆိပ်မှာ လာကြိုကြသည်။ လေဆိပ်မှ မဟာစည်ရိပ်သာသို့ တန်းပြီး ကားမောင်းသွားသည်။ ရိပ်သာ၌ မြရတနာ နာယကကျောင်းဆောင်မှာ မိမိအား နေရာပေးသည်။ နေ့ဆွမ်း ဆက်ကပ်ကြသည်။
မိမိအနေဖြင့် ထိုင်ပေမှာ ညအိပ်နားခဲ့ရသောကြောင့် ပင်ပန်းမှု သိပ်မရှိလှပါ။ နား .. နားပြီး လေယာဉ်စီးရသော အကျိုးပါပေ။ အသက်အရွယ်ကြီးသူများသည် ခရီးရှည်ကို နား,နားပြီး သွားခြင်းမှာ အကောင်းဆုံးဟု ထင်၏။
ရန်ကုန်မှာ (၃)ရက် နေပြီးနောက် ကားငှားပြီး မိမိ၏ဇာတိမြေ မြောင်းမြမြို့သို့ ဇန်နဝါရီလ ၁၄-ရက်နေ့၌ သွားခဲ့သည်။
အညာစုကျောင်းမှာ ညအိပ်ပြီးနောက် နံနက်ပိုင်းမှာ ၂၀၁၃-ခုက မိမိ ကူညီဆောက်လုပ် လှူဒါန်းခဲ့သည့် ဒိုးပတ်စက်ကုံးရွာ အလယ်တန်းတွဲဘက်ကျောင်းဆောင်ကို သွားရောက် ကြည့်ရှုခဲ့သည်။
မိမိအနေဖြင့် မြန်မာနိုင်ငံသို့ ပြန်ခြင်းအကြောင်းများတွင် ပညာဒါနပြုလုပ်ရန်နှင့် လူမှုတိုးတက်ဖွံ့ဖြိုးရေးလုပ်ငန်းများကို တနိုင်တပိုင် ပြုလုပ်ရန်အတွက် ဖြစ်သည်။ ထေရဝဒါ ဗုဒ္ဓဘာသာရဟန်းတော်များအနေဖြင့် လူမှုတိုးတက်ဖွံ့ဖြိုးရေးလုပ်ငန်းများကို ပြုလုပ်သင့်သည်ဟု ထင်ပါသည်။ ဥပမာအားဖြင့် ဆင်းရဲသော ရပ်ရွာ ဒေသများ၌ တနိုင်တပိုင် စာသင်ကျောင်းများ တည်ဆောက်ပေးခြင်း၊ ပညာသင်စရိတ် ထောက်ပံ့ပေးခြင်း၊ ဆေးပေးခန်း ဆေးရုံကလေးများကို တည်ဆောက်ပေးခြင်း စသည့် လူမှုတိုးတက်ဖွံ့ဖြိုးရေးလုပ်ငန်းများကို ဆောင်ရွက်ခြင်းများ ဖြစ်ပါသည်။ သီတဂူဆရာတော်ကြီး၏ လူမှုဖွံ့ဖြိုးတိုးတက်ရေး ဆောင်ရွက်ချက်များသည် ရဟန်းရှင်လူများအတွက် အကျိုးရှိလှပါသည်။
မိမိသည် ၂၀၁၃-ခုနှစ်၌ မြောင်းမြမြို့နယ်၊ ပြင်ရွာနှင့် ဒရယ်ပေါက်ရွာ နှစ်ရွာအကြား ချောင်းပေါ်မှာ ပေတစ်ရာရှည်သော `လောကချမ်းသာ´ကွန်ကရစ်တံတားတစ်ခုကို ဆောက်လုပ် လှူဒါန်းခဲ့ရာ ထိုဒေသ၌ လမ်းပန်းဆက်သွယ်ရေး အဆင်ပြေခဲ့ပါသည်။ အထူးအားဖြင့် အထက်တန်းကျောင်းသားများ၊ လူနာများသည် မြောင်းမြမြို့သို့ လွယ်ကူစွာ သွားရောက် ပညာသင်နိုင်ကြ ဆေးဝါးကုသနိုင်ကြပါသည်။
တောရွာကလေးများ၌လည်း မူလတန်းကျောင်းဆောင်ကလေးများကို ကူညီ ဆောက်လုပ်ပေးခဲ့ပါသည်။
လူတိုင်းသည် တိုင်းပြည်အတွက်၊ သာသနာအတွက်သာ ဖြစ်သင့်သည်။ တိုင်းပြည်နှင့် သာသနာတော်သည် မိမိအတွက်သာ မဖြစ်သင့်ဟုလည်း ခံယူပါသည်။
မြန်မာနိုင်ငံသို့ ပြန်ခြင်းသည် အပျော်ခရီးသဖွယ် သွားခြင်းထက် လူမှုတိုးတက်ဖွံ့ဖြိုးရေးလုပ်ငန်းများကို မိမိတတ်နိုင်သလောက် ဆောင်ရွက်ရန်အတွက် အဓိက ဖြစ်သည်။
အညာစုကျောင်းမှာ တစ်ညအိပ်ပြီး နောက်နေ့ နေ့လယ်တစ်နာရီအချိန်၌ ပုသိမ်မြို့သို့ ကားကလေးဖြင့် ခရီးဆက်ခဲ့ပြန်ပါသည်။
မိမိနှင့်အတူ ကားမောင်းသူ မောင်ဆန်းထွန်း၊ အရှင်ဉာဏိဿရ(ဦးမော်လူး)၊ မြေး နေမျိုးဦးတို့ ပါ၏။ ကားခ တစ်နေ့လျှင် ငါးသောင်း ပေးရ၏။ ကားကလည်း အသစ်၊ ကားဆရာကလည်း အတွေ့အကြုံ ရင့်သူဖြစ်၍ ချမ်းသာစွာ သွားခဲ့ရသည်။
ရန်ကုန်-မြောင်းမြ ကားလမ်းကို ကတ္တရာခင်းနေသောကြောင့် ဒီတခါ ကားစီးရသည်မှာ သိပ်မပင်ပန်းလှပါ။ ယခင်ကဆိုလျှင် ကားလမ်းကြမ်းလှသောကြောင့် ပုသိမ်-မြောင်းမြသင်္ဘော စီးခဲ့ရသည်။ မြောင်းမြကို သွားလျှင် တစ်နေ့ အချိန်ကုန်သည်။ ရန်ကုန်မှ နံနက်ငါးနာရီ ကားဖြင့် ထွက်လာလျှင် မြောင်းမြသို့ နေ့ဆွမ်းစားအမီ ရောက်သည်။ ငါးနာရီနှင့် ရောက်ပါသည်။ မြန်မာနိုင်ငံ၌ ထိုင်းနိုင်ငံကဲ့သို့ တပြည်လုံး ကားလမ်းများ ချောမွေ့နေအောင် အစိုးရအနေဖြင့် မဟာစီမံကိန်းချ ဆောင်ရွက်ပါလျှင် တိုင်းပြည်၏ စီးပွားရေးလည်း တိုးတက်လာမည်မှာ အမှန် ဖြစ်ပါသည်။ လျှပ်စစ်မီးနှင့် ရေကိုလည်း တတိုင်းပြည်လုံး အချိန်မရွေး အလွယ်တကူ သုံးစွဲနိုင်အောင် တိုင်းပြည်ဘဏ္ဍာငွေကို ဤစီမံကိန်းကြီးသုံးခုမှာ အသုံးပြုသွားမှသာလျှင် တိုင်းပြည်ဖွံ့ဖြိုးတိုးတက်လာပေမည်။
မြောင်းမြမြို့မှ ပုသိမ်မြို့သို့ ဒါးကလမ်းအတိုင်း သွားခဲ့ကြရာ (၃)နာရီအတွင်း ပုသိမ်မြို့သို့ ရောက်ရှိခဲ့ကြသည်။ ပုသိမ်မြို့၌ ဘုန်းကြီး ဦးတေဇိန္ဒ၏ သဒ္ဓမ္မသီတဂူရိပ်သာမှာ တစ်ည အိပ်သည်။ ဤရိပ်သာသည် ဘိုးဘွားရိပ်သာနှင့် နီးသည်။ သွားလာရ လွယ်ကူသည်။ ထင်ရှားသည့် မဟာစည်သြဝါဒခံ ရိပ်သာကြီးတစ်ခု ဖြစ်သည်။
ပထမသဒ္ဓမ္မသီတဂူဆရာတော်ကြီးသည် အသံသြဇာလည်းကောင်း၊ တရားဟော-တရားပြလည်း ကောင်းလှသည်။ မဟာစည်သြဝါဒါစရိယဆရာတော်အဖြစ် ဗုဒ္ဓသာသနာနုဂ္ဂဟအသင်းမှ တင်မြှောက်ခဲ့သော သက်တော်ရှည်ဆရာတော်ကြီး ဖြစ်ပါသည်။ ဆရာတော်ဘုရားကြီးသည် ဘုန်းကြီး ဦးတေဇိန္ဒအား ဤရိပ်သာကြီးကို လွှဲအပ်ထားခဲ့သဖြင့် ဘုန်းကြီး ဦးတေဇိန္ဒသည် သဒ္ဓမ္မသီတဂူရိပ်သာ၏ လက်ရှိဆရာတော် ဖြစ်ပါသည်။
ဘုန်းကြီး၏ ပြည်တွင်းသာသနာပြုလုပ်ငန်းများ တိုးတက်နေသည်ကို ကြားသိရသဖြင့် သာဓုခေါ်ရပါသည်။ ကျေးရွာများမှာ တရားစခန်းများ နှစ်စဉ် ဖွင့်ပေး၍ တောသူတောင်သားများအား သတိပဋ္ဌာန်တရား ဟောကြားပေးလျက် ရှိသည်။ မြောင်းမြမြို့ ဘိုးဘွားရိပ်သာ တိုးတက်အောင်လည်း တာဝန်ယူ ဆောင်ရွက်လျက် ရှိသည်။
မိမိစွမ်းနိုင်ရာမှာ သာသနာတော်နှင့် လောကတိုးတက်ကြီးပွားရေး ထမ်းဆောင်ကြသည့် သံဃာတော်များ အားကောင်းနေပါလျှင် တိုင်းပြည် အေးချမ်းသာယာမည် အမှန်ဖြစ်ပါသည်။ လေးသိမ်းမျှရှိသော ရဟန်းတော်များသည် တာဝန်သိသိ တက်တက်ကြွကြွ သာသနာပြုကြမှသာလျှင် မြန်မာနိုင်ငံ၌ သာသနာတော်ကြီး အရှည်ခန့်၍ တည်တံ့နိုင်ပေလိမ့်မည်။
ဘုန်းကြီး ဦးတေဇိန္ဒသည် မိမိကဲ့သို့ပင် မြောင်းမြမြို့ ပဇ္ဇောတာရုံပါဠိတက္ကသိုလ်တိုက်မှာ စာပေသင်ခဲ့သောကြောင့်လည်းကောင်း၊ မဟာစည်ကမ္မဋ္ဌာန်းဆရာတစ်ပါးဖြစ်သောကြောင့်လည်းကောင်း မိမိနှင့် ရင်းနှီးခြင်း ဖြစ်ပါသည်။ မိမိအနေဖြင့် ဆရာတော်အား တရားဟော-တရားပြရန် အမေရိကန်သို့ အကြိမ်ကြိမ် ပင့်ခဲ့သော်လည်း အမေရိကန်ကြွဖို့ ကံဇာတာပါပုံ မရပါ။ သူ၏ ဗီဇာကို အမေရိကန်သံရုံးမှ အကြိမ်ကြိမ် ငြင်းပယ်ခဲ့ပါသည်။
ပုသိမ်မှာ ညအိပ်ခဲ့သော်လည်း ဘုန်းကြီး ဦးတေဇိန္ဒမှာ သူ့ရွာ၌ တရားစခန်း ပြုလုပ်နေသောကြောင့် မတွေ့ခဲ့ရပါ။ တယ်လီဖုန်းနှင့်ပဲ စကားပြောခဲ့ရသည်။
ဇန်နဝါရီလ (၁၇)ရက်နေ့မှာ မန္တလေးကို ခရီးဆက်ရမည် ဖြစ်၍ ပုသိမ်မြို့မှ (၁၆)ရက်နေ့ နံနက် ၇-နာရီတွင် ရန်ကုန်သို့ ထွက်လာခဲ့ပါသည်။ ရန်ကုန်သို့ နံနက် ၁၀-နာရီအချိန်တွင် ရောက်ရှိပြီး ဓနုဖြူဆွမ်းဆိုင်မှာ ငါးရံ့အူဆီပျံဟင်းဖြင့် နေ့ဆွမ်း ဆက်ကပ်ကြ၏။
ဇန်နဝါရီလ (၁၇)ရက်နေ့ နံနက် ၈-နာရီအချိန်၌ ဂိုးလ်ဒင်းအဲယားဖြင့် မန္တလေးခရီးကို ဆက်ခဲ့ပြန်ပါသည်။
ဂိုးလ်ဒင်းအဲယားသည် ပြည်ပလေယာဉ်အဆင့်ကို မှီသည်ဟု ဆိုနိုင်သည်။ လူတစ်ရာကျော် ပါသည်။ ဝန်ဆောင်မှုလည်း ကောင်းသည်။ မန္တလေးကို တိုက်ရိုက် ပျံသန်းသောကြောင့် တစ်နာရီကျော်သာ စီးရသည်။ လေယာဉ်ခ မြန်မာငွေ သုံးသောင်းကျော် ပေးရသည်။ ဦးဉာဏိဿရ၏ ဒကာ ဒုဗိုလ်မှူးကြီးမင်းနိုင်(ငြိမ်း)နှင့်ဇနီးဆရာမတို့က ဤခရီးအဆင်ပြေအောင် စီစဉ်ပေးကြ၍ ကျေးဇူးတင်ပါသည်။
မန္တလေးခရီးစဉ်သည် မိမိ၏ တတိယမြောက် ခရီးစဉ် ဖြစ်ပါသည်။
ဒီတစ်ခေါက် မြန်မာနိုင်ငံကို ပြန်ခြင်းသည် မြောင်းမြ၊ ပုသိမ်နှင့် မန္တလေး၊ မေမြို့တို့ကို သွားရန် ဖြစ်ပါသည်။
အထူးအားဖြင့် မေမြို့၊ ဂန့်ဂေါ်တစ်ထောင်ကျောင်းတိုက်၌ သီတင်းသုံးနေသော အောင်မြေဘုံကျော်ဘုန်းကြီး ဦးကေသဝါဘိဝံသနှင့် တွေ့ရန် ဖြစ်ပါသည်။ ဘုန်းကြီးသည် ယခင်က ရန်ကုန်မြို့။ ရွှေတိဂုံဘုရား အရှေ့မုခ်ရှိ အောင်မြေဘုံကျော်စာသင်တိုက်၌ နှစ်ပေါင်းများစွာ စာချ၍ တိုက်အုပ်ချုပ်ရေးတာဝန်ယူ နေထိုင် သီတင်းသုံးခဲ့ပါသည်။ ယခုအခါတွင် မေမြို့၌ သူ၏နောင်တော် ဆရာတော်ကြီး ဦးအဂ္ဂ၏ ဂန့်ဂေါ်တစ်ထောင်သာသနာပြုကျောင်းတိုက်မှာ နေထိုင် သီတင်းသုံးပါသည်။
မန္တလေးမှာ ဆရာတော်ကြီး ဦးအဂ္ဂသည် ရွှေဆားတောင်ပွဲရုံ၌ ခေတ္တ တည်းခိုကာ ဆေးလာကုနေသည်ဟု ကြားရ၍ ဆရာတော်အား သွားရောက်ဖူးပြီးမှ မေမြို့သို့ သွားရန် စီစဉ်ခဲ့ပါသည်။ ပွဲရုံပိုင်ရှင် ဒကာ ဦးအောင်မင်းအိမ်မှာ နေ့ဆွမ်းစားပြီးနောက် ဆရာတော်၏ဒကာ မောင်ကျော်ကျော်က သူ့ကားဖြင့် မေမြို့သို့ လိုက်ပို့ပေးခဲ့ပါသည်။ ဆရာတော်များ၏ ဘုန်းကံကြောင့် မေမြို့သို့ ချမ်းချမ်းသာသာ ရောက်ရှိခဲ့ပါသည်။ မိမိနှင့် ဘုန်းကြီး ဦးကေသဝါဘိဝံသတို့သည် ဆယ်နှစ်ကြာပြီးမှ ပြန်လည် တွေ့ဆုံကြရသောကြောင့် အထူးဝမ်းသာမိကြပါသည်။
ပြင်ဦးလွင်မေမြို့က မိမိတို့အား ဆောင်းလေအေးနှင့် ကြိုဆိုနေပါသည်။
ဂန့်ဂေါ်တစ်ထောင်ကျောင်းတိုက်ကြီးကို ၂၀၀၃-ခုနှစ်က ပထမဆုံးအကြိမ် ရောက်ရှိခဲ့သည်။ ထိုစဉ်က ကျောင်းတိုက်စည်ကားမှု မရှိသေးပါ။
ယခုအခါမှာတော့ နိုင်ငံခြားသားများပင် လာရောက် ကြည့်ရှုရသည့် ထင်ရှားသော ကျောင်းတိုက်ကြီး ဖြစ်နေပါပြီ။
သာသနာငါးထောင်ဘုရားကြီးကလည်း ပုဂံသဗ္ဗညုဘုရားကြီးကဲ့သို့ ကြီးမား ခန့်ထည် ကြည်ညိုစရာ ကောင်းလှသည်။ ဘုရားပေါ်မှ ကြည့်လျှင် မေမြို့တစ်မြို့လုံးနီးပါးကို တွေ့မြင်ရသည်။
ကျောင်းဒီဇိုင်း ဘုရားဒီဇိုင်းအားလုံးကို ဆရာတော်ကြီး ဦးအဂ္ဂကိုယ်တိုင် ရေးဆွဲသည်ဟု ဆို၏။
ဆရာတော်နှင့် ဗောဓိတစ်ထောင်ဆရာတော်ကြီးတို့သည် လက်တွဲ သာသနာပြုခဲ့ကြရာ ဘုရားတည်မှုကိစ္စများကို ဆရာတော်က တာဝန်ယူ ဆောင်ရွက်ခဲ့ရပါသည်။
လောကချမ်းသာဆရာတော်
ထမနဲပွဲတော်အလှူရှင် Myanmar Cultural Club, United Nations Staff Recreation Council (UNSRC) မိသားစုများက မြတ်စွာဘုရားအမှူးရှိသော သံဃာတော်အရှင်သူမြတ်များအား နေ့ဆွမ်း ဆက်ကပ် လှူဒါန်းကြပြီး၊ ကြွရောက်လာကြသော ဧည့်ပရိသတ်များအား မန္တလေးကြာဆံချက်နှင့် ထမနဲတို့ဖြင့် ဧည့်ခံ ကျွေးမွေး၏။
အခမ်းအနားတွင် ဆရာတော် ဦးအဘယာလင်္ကာရထံမှ ငါးပါးသီလ ခံယူ ဆောက်တည်ကြပြီး၊ သံဃာတော်အရှင်သူမြတ်များက မေတ္တသုတ်ပရိတ်တရားတော် ချီးမြှင့်၏။ လောကချမ်းသာဆရာတော်ကြီးက အနုမောဒနာတရား ဟောကြား ချီးမြှင့်ကာ ဆရာတော် ဦးပညာဇောတက ရေစက်ချ တိုင်ကြား ဆောင်ရွက်ပေး၏။
