နောက်အခါ၌ ထိုရဟန်း လူထွက်လျှင် ထိုရဟန်း၏ သင်္ကန်း သပိတ် ပရိက္ခရာများကို ငါရလတ္တံ့ဟု ပရိက္ခရာ၌ တပ်မက်သောစိတ် ဖြစ်လာ၍ လူထွက်ဖြစ်လေအောင် စကားမျိုးကို ပြောဆိုလေ၏။
ထိုရဟန်းလည်း လူထွက်လေ၏။
အဖော်ရဟန်းသည် ငါတို့ဘုရားလက်ထက်၌ စိတ္တဟတ္ထကမထေရ် ဖြစ်လာ၏။
ရဟန္တာမဖြစ်မီအတွင်း ထိုဝိပါကဝဋ်လိုက်၍ သာသနာ၌ မွေ့လျော်စွာ နေခွင့် မရမူ၍ ခုနစ်ကြိမ်တိုင်တိုင် ရဟန်းဖြစ်တုံ လူဖြစ်တုံ အရှက်တကွဲ ဖောက်လဲဖောက်ပြန် ဝဋ်ခံရလေ၏။
ဤသို့ သာသနာမှ ကောင်းသောရွေ့ခြင်းဖြင့် ရွေ့လိုသော သူကို အလိုပြီးအောင် ချီးမွမ်းထောက်ပံ့ ပြောဆိုမိကာမျှနှင့်ပင် ငါတို့ဘုရားလက်ထက်၌ ဝဋ်ဝိပါက်လိုက်ပါ၍ သာသနာ၌ ထောက်တည်ရာ မရဘဲ အရှက်တကွဲ ဖောက်လဲဖောက်ပြန် ဝဋ်ခံရလေသေး၏။
ဤဝတ္ထုကို ထောက်မြော်၍ မိမိတို့၏ သားရင်းမြေးရင်းကိုပင်ဖြစ်သော်လည်း သာသနာ၌ မွေ့လျော်စွာ နေထိုင်သော ရဟန်းသာမဏေများကို လူစိတ်ပါအောင် ဖြားယောင်း သွေးဆောင်ခြင်း အမှုများကို မပြုမိအောင် သတိမူသင့်လှ၏။
(လယ်တီဆရာတော်ဘုရားကြီး၏ `ဓမ္မဒီပနီ´ မှ)
+++++
၂၀၁၂ ခုနှစ် ဒီဇင်ဘာလ ၈ ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ ဓမ္မသင်တန်းများကို ပြုလုပ်ရာ မွန်းလွဲ ၂ နာရီမှ ၃ နာရီထိ တရားရှုမှတ်ကြစဉ် လောကချမ်းသာဆရာတော်က ဝိပဿနာဆိုင်ရာ တရားဓမ္မ ဟောကြား၏။
+++++
မွန်းလွဲ ၃း၁၅ နာရီမှ ၄း၁၅ နာရီ ဓမ္မပဒသင်တန်းတွင် ဆရာတော် အရှင်ဥဂ္ဂပဏ္ဍိတက စိတ္တဝဂ်လာ ဂါထာအမှတ် ၃၈-၃၉ စိတ္တဟတ္ထမထေရ်အကြောင်း သင်ကြား ဟောပြော၏။
+++++
မွန်းလွဲ ၄း၃၀ နာရီမှ ၅း၃၀ နာရီ အဘိဓမ္မာသင်တန်း၊ ဝီထိမုတ်သင်္ဂဟ၊ ကုသိုလ်ကမ္မပထတရားများအကြောင်းကိုလည်း ဆရာတော် အရှင်ဥဂ္ဂပဏ္ဍိတကပင် ပို့ချပေးလေသည်။
+++++
ညနေ ၆ နာရီ လောကချမ်းသာဆည်းဆာတရားပွဲ၌ အရှင်ဉာဏိဿရ (မော်လူး)က `လမ်းမှန်ရောက်ပြီ အိုယောဂီ´တရားတော်ကို ဓမ္မဒါနပြု ဟောကြား၏။
တရားပွဲပြီးသော် ကောင်းမှုကုသိုလ်တို့ကို အမျှပေးဝေကြကုန်၏။
သာဓု ... သာဓု ... သာဓု။
No comments:
Post a Comment