တရားတော်ကို ဒကာ၊ ဒကာမများ အားလုံးက အလေးပြုရမည်။ ရွတ်ဖတ်ဖို့ရန် မပျင်းသင့်သလို ကျက်မှတ်ဖို့ရန်လည်း မပျင်းရပေ။
အစွမ်းသတ္တိရှိသော တရားဓမ္မများ ရွတ်ဖတ် ပူဇော်နေလျှင် ထိုတရားဓမ္မများကို အကြောင်းပြု၍ မိမိတို့ သန္တာန်၌ နှစ်သက် ရွှင်လန်း ဝမ်းမြောက်ရ၏။
တရားတော်၏ အစွမ်းသတ္တိ အရှိန်အဝါတို့ကြောင့် မိမိတို့၌ ရောဂါ ကင်းနိုင်၏။ အန္တရာယ် ကင်းနိုင်၏။ လာဘ်လာဘ တိုးနိုင်၏။
ထိုသို့ပင် ဖြစ်သော်လည်း မိမိတို့၌ အန္တရာယ်ကင်းစေရန်၊ လာဘ်သပ်ပကာ တိုးပွားစေရန်၊ စီးပွားတိုးတက်များပြားစေရန် စသည့် လိုလားမှုဖြင့် မရွတ်ဖတ်ရပေ။
ထိုတရားဓမ္မတို့အပေါ်တွင် ကြည်ညိုလေးစား မြတ်နိုးသည့် သဒ္ဓါစိတ်ထားဖြင့် ရွတ်ဖတ် ပူဇော်သမှု ပြုရပေမည်။
+++++
စာညွှန်း
အပ္ပမာဒ ဓမ္မရသမဂ္ဂဇင်း၊ သြဂုတ် ၂၀၀၉၊ အတွဲ (၁၀) အမှတ် (၈)၊ စာ-၅၉
No comments:
Post a Comment