ကဆုန်လပြည့် ဗုဒ္ဓနေ့

၂၀၁၂ မေလ ၅-ရက် စနေနေ့

၁၃၇၄ ကဆုန်လပြည့်နေ့

မ,သိ,ကြ,လတ်၊ တွေး,ဆ,အပ်၊ နေ့မြတ် ခုနစ်ထွေ။

သန်,ဖွား,တော,ပွင့်၊ စက်,စု,သင့်၊ ရှင်ပင့် သာကီဆွေ။

+++++

မ-ကြာသပတေးနေ့တွင်၊ သန်-ပဋိသန္ဓေနေတော်မူပါသည်။

သိ-သောကြာနေ့တွင်၊ ဖွား-ဖွားမြင်တော်မူပါသည်။

ကြ-တနင်္လာနေ့တွင်၊ တော-တောထွက်တော်မူပါသည်။

လတ်-ဗုဒ္ဓဟူးနေ့တွင်၊ ပွင့်-ဘုရားပွင့်တော်မူပါသည်။

တွေး-စနေနေ့တွင်၊ စက်-ဓမ္မစကြာတရားဟောတော်မူပါသည်။

ဆ-အင်္ဂါနေ့တွင်၊ စု-စုတိပရိနိဗ္ဗာန်စံတော်မူပါသည်။

အပ်-တနင်္ဂနွေနေ့တွင်၊ သင့်-တေဇောဓာတ်(မီးသင့်)လောင်တော်မူပါသည်။

+++++

ကျေးဇူးတော်ရှင် လယ်တီဆရာတော်ဘုရားကြီး၏ ခုနစ်နေ့ ဗုဒ္ဓ၀င်ဘုရားရှိခိုး

ကြာသပတေးနေ့ ပဋိသန္ဓေယူ

၁။ သုံးလူ့ရှင်ပင်၊ ကျွန့်ထိပ်တင်၊ သောင်းခွင်စကြ၀ဠာ၊ နတ်ဗြဟ္မာတို့၊ ညီညာရုံးစု၊ တောင်းပန်မှုကြောင့်၊ ရတုနဂို၊ ရွှန်းရွှန်းစိုသည်၊ ၀ါဆိုလပြည့်၊ ကြွက်မင်းနေ့ဝယ်၊ ချမ်းမြေ့ကြည်ဖြူ၊ သန္ဓေယူသည်၊ နတ်လူငြိမ်းဖို့ ကိန်းပါကို။

သောကြာနေ့ ဖွားမြင်

၂။ သန္ဓေယူခါ၊ ဆယ်လကြာသော်၊ မဟာသက္ကရာဇ်၊ ခြောက်ဆယ့်ရှစ်ကြုံ၊ ကဆုန်လပြည့်၊ သောကြာနေ့ဝယ်၊ ချမ်းမြေ့စုံစီ၊ လုမ္ဗိနီ၌၊ မဟီလှိုက်ဆူ၊ ဖွားတော်မူသည်၊ နတ်လူအောင်မြို့ လမ်းပါကို။

တနင်္လာနေ့ တောထွက်

၃။ ဖွားမြင်မြောက်သော်၊ ဆယ့်ခြောက်နှစ်ရွယ်၊ ပျိုနုနယ်၌၊ သုံးသွယ်ရွှေနန်း၊ သိမ်းမြန်းပြီးလစ်၊ ဆယ့်သုံးနှစ်လျှင်၊ ဘုန်းသစ်လျှံလူ၊ စံတော်မူ၍၊ ရွယ်မူနုဖြိုး၊ နှစ်ဆယ့်ကိုးဝယ်၊ လေးမျိုးနိမိတ်၊ နတ်ပြဟိတ်ကြောင့်၊ ရွှေစိတ်ငြင်ငြို၊ သံဝေပိုက၊ ၀ါဆိုလပြည့်၊ ကျားမင်းနေ့ဝယ်၊ ချမ်းမြေ့ရဂုံ၊ တောရပ်လှုံသည်၊ စုံမြိုင်ပင်ရိပ် ခမ်းမှာကို။

ဗုဒ္ဓဟူးနေ့ ဘုရားဖြစ်

၎။ တောရပ်မြိုင်ပေါ်၊ ခြောက်နှစ်ပျော်၍၊ ခါတော်တဖုံ၊ ပွင့်ချိန်ကြုံက၊ ကဆုန်လပြည့်၊ ဆင်မင်းနေ့ဝယ်၊ မြေ့ပရမေ၊ ပလ္လင်ဘွေထက်၊ ရွှေညောင်တော်ကြီး၊ ဗိတာန်ထီးနှင့်၊ မငြီးကြည်ဖြူ၊ နေတော်မူလျက်၊ ရန်မြူခပင်း၊ အမိုက်သင်းကို၊ အရှင်းပယ်ဖျောက်၊ အလင်းပေါက်က၊ ထွန်းတော်ဘုန်းတော်၊ သောင်းလုံးကျော်သည်၊ သုံးဖော်လူတို့ ငြမ်းပါကို။

စနေနေ့ ဓမ္မစကြာဟော

၅။ ဘုရားဖြစ်ခါ၊ မိဂဒါသို့၊ စကြာရွှေဖွား၊ ဖြန့်ချီသွား၍၊ ငါးပါးဝဂ္ဂီ၊ စုံအညီနှင့်၊ မဟီတသောင်း၊ တိုက်အပေါင်းမှ၊ ခညောင်းကပ်လာ၊ နတ်ဗြဟ္မာအား၊ ၀ါဆိုလပြည့်၊ စနေနေ့ဝယ်၊ ကြွေ့ကြွေ့လျှံတက်၊ ဓမ္မစက်ကို၊ မိန့်မြွက်ထွေပြား၊ ဟောဖော်ကြားသည်၊ တရားနတ်စည် ရွမ်းတယ်ကို။

အင်္ဂါနေ့ ပရိနိဗ္ဗာန်စံ

၆။ တရားနတ်စည်၊ ဆော်ရွမ်းလည်က၊ သုံးမည်ဘုံတိုက်၊ တသောင်းတိုက်ဝယ်၊ ကျွတ်ထိုက်သသူ၊ နတ်လူဗြဟ္မာ၊ သတ္တ၀ါကို၊ ခေမာသောင်သို့၊ ဖောင်ကူးတို့ဖြင့်၊ ဆောင်ပို့ပြီးခါ၊ ၀ါ လေးဆယ့်ငါး၊ သက်ကားရှစ်ဆယ်၊ စုံပြည့်ကြွယ်က၊ ရာလေးဆယ့်ရှစ်၊ သက္ကရာဇ်ဝယ်၊ နယ်မလ္လာတိုင်း၊ စံနှိုင်းမယုတ်၊ ကုသိန္နာရုံ၊ အင်ကြင်းစုံ၌၊ ကဆုန်လပြည့်၊ အင်္ဂါနေ့ဝယ်၊ ချမ်းမြေ့နိဗ္ဗူ၊ စံတော်မူသည်၊ ၀ှန်းဆူသောင်းလုံး ကျော်တယ်ကို။

တနင်္ဂနွေနေ့ တေဇောဓာတ်လောင်

၇။ နိဗ္ဗူစံပြီ၊ ရှုမအီသား၊ သိင်္ဂီရွှေလှော်၊ အလောင်းတော်ကို၊ ထိုရော်ကဆုန်၊ လဆုတ်ကြုံ၍၊ ဂဠူန်နေ့ဝယ်၊ ခိုးငွေ့မနှော၊ ဓာတ်တေဇောလျှင်၊ ရှင်စောဉာဏ်စက်၊ ဓိဋ္ဌာန်ချက်ဖြင့်၊ လျှံတက်ကော်ရော်၊ မီးပူဇော်သည်၊ မွေတော်ရှစ်စိတ် ကြွင်းတယ်ကို။

ဆုတောင်း

ထိုခုနစ်နေ့၊ သာချမ်းမြေ့ကို၊ ဆွေ့ဆွေ့ကြည်ဖြူ၊ အာရုံယူလျက်၊ သုံးလူတို့နတ်၊ မြတ်ထက်မြတ်သား၊ ကိုယ်တော်ဖျားကို၊ သုံးပါးမွန်စွာ၊ ၀န္ဒနာနှင့်၊ သဒ္ဓါဖြိုးဖြိုး၊ ကျွန်ရှိခိုးသည်၊ ကောင်းကျိုးခပ်သိမ်း ကြွယ်စေသောဝ်။

+++++

ဗုဒ္ဓ၀င်အခါတော်နေ့ ကဗျာများ - မာဂဓီ (သာစည်)

ဗျာဒိတ်ခံယူသောနေ့

သုမေဓာလောင်း၊ ကပ်ဟောင်းလွန်လေ

ဒီပင်ထံပါး၊ တံတားအနေ

ရွှေဗျာဒိတ်ပန်း၊ ဆင်မြန်းဆွတ်ချွေ

ကဆုန်လ ပုဏ္ဏဒိဝသေ။

သန္ဓေယူသောနေ့

နတ်ဗြဟ္မာပေါင်း၊ ခွင့်တောင်းကြလေ

လောင်းတော်နတ်မင်း၊ သက်ဆင်းစုတေ

မယ်တော်ဝမ်းတိုက်၊ ကိန်းပိုက်သန္ဓေ

ဝါဆိုလ ပုဏ္ဏဒိဝသေ။

ဖွားမြင်သောနေ့

သုဒ္ဓေါဒန၊ လောကကျက်သရေ

မာယာမယ်ဖွား၊ ထွတ်ဖျားမဟေ

အောင်သံကြူးလို့၊ မီးရှူးမြင်စေ

ကဆုန်လ ပုဏ္ဏဒ်ိဝသေ။

တောထွက်သောနေ့

နိမိတ်လေးဆင့်၊ ဘေးဖြင့်ထင်လေ

ယသော်ခင်လေး၊ ရင်သွေးရဝေ

မငဲ့ကွက်လို့၊ တောထွက်တုံချေ

ဝါဆိုလ ပုဏ္ဏဒိဝသေ။

ဘုရားဖြစ်သောနေ့

ဗောဓိညောင်နန်း၊ အောင်ပန်းညောင်ရေ

သစ္စာဖွင့်ပွဲ၊ ဆင့်ကဲသရေ

ဂုဏ်ကိုးပါးနှင့်၊ ဘုရားဖြစ်ချေ

ကဆုန်လ ပုဏ္ဏဒိဝသေ။

ဓမ္မစကြာဟောသောနေ့

မိဂဒါတော၊ သာမောမြိုင်ချေ

ပဉ္စ၀ဂ်အား၊ မြတ်ဖျားစိန္တေ

ဓမ္မစက်သုတ်၊ မြွက်ထုတ်လှစ်ချွေ

ဝါဆိုလ ပုဏ္ဏဒိဝသေ။

တန်ခိုးပြာဋိဟာပြသောနေ့

ပြောင်လျှံထိန်ညီး၊ ရေမီးထွေထွေ

အံ့ဖွယ်ဖန်ဆင်း၊ ဘက်ကင်းသရေ

အမျိုးမျိုးပ၊ တန်ခိုးသင်္ချေ

ဝါဆိုလ ပုဏ္ဏဒိဝသေ။

ပရိနိဗ္ဗာန်စံတော်မူသောနေ့

ဗိုလ်လူအပေါင်း၊ သိန်းသောင်းကုဋေ

ချေချွတ်ပြီး၍၊ မဂ်ထီးလှုံစေ

မလ္လာနယ်တွင်း၊ အင်ကြင်းရဝေ

ခန္ဓာငြိမ်း ဇာတ်သိမ်းနိဗ္ဗူမြေ။

ကဆုန်လ ပုဏ္ဏဒိဝသေ။

+++++

၂၀၁၂ ခုနှစ် မေလ ၅ ရက် စနေနေ့၊ ၁၃၇၄ ခုနှစ် ကဆုန်လပြည့်နေ့တွင် နယူးယောက်မြို့ လောကချမ်းသာဘုရားကျောင်း၌ ပြုလုပ်မြဲ ဓမ္မသင်တန်းများအပြင် ဗုဒ္ဓပူဇာအဖြစ် လယ်တီဆရာတော်ဘုရားကြီး၏ ဗုဒ္ဓ၀င်ခုနစ်နေ့ဘုရားရှိခိုး၊ ဥဒါန်းဂါထာတော်များကို ရွတ်ဆို ကြည်ညို ပူဇော်ကြသည်။

ရှေးဦးစွာ လောကချမ်းသာ ငါးမိနစ်တရားအဖြစ် လောကချမ်းသာဆရာတော်က `ကင်္ခါဝိတရဏ၀ိသုဒ္ဓိ´အကြောင်း အကျဉ်း ရှင်းလင်း ဟောကြား၏။

ကင်္ခါဝိတရဏ၀ိသုဒ္ဓိ

..... အထူးထူး အပြားပြားသော နည်းတို့ဖြင့် နာမ်ရုပ်၏အကြောင်းကို သိမ်းဆည်းခြင်းဖြင့် ၃-ပါးသော အဓွန့်ကာလတို့၌ ယုံမှားကို လွန်မြောက်၍ တည်သောဉာဏ်ကို ကင်္ခါဝိတရဏ၀ိသုဒ္ဓိ (ယုံမှားကို လွန်မြောက်လျက် စင်ကြယ်သောဉာဏ်)ဟူ၍ သိအပ်၏။

ဓမ္မဋ္ဌိတိဉာဏ် (နာမ်ရုပ်တို့၏ တည်ကြောင်းတရားကို သိသောဉာဏ်)ဟူသော အမည်သည်လည်းကောင်း၊ ယထာဘူတဉာဏ် (ဟုတ်တိုင်းမှန်စွာ သိသောဉာဏ်)ဟူသော အမည်သည်လည်းကောင်း၊ သမ္မာဒဿန (မဖောက်မပြန် မှန်စွာမြင်သောဉာဏ်)ဟူသော အမည်သည်လည်းကောင်း ဤ ကင်္ခါဝိတရဏ၀ိသုဒ္ဓိ၏ အမည်ချည်းသာလျှင်တည်း။

(မဟာစည်ဆရာတော်ဘုရားကြီး၏ ၀ိသုဒ္ဓိမဂ် မြန်မာပြန် စတုတ္ထတွဲ မှ)

+++++

မွန်းလွဲ ၃း၁၅ နာရီတွင် ဆရာတော် အရှင်စက္ကိန္ဒက ကဆုန်လပြည့် ဗုဒ္ဓနေ့ ဗုဒ္ဓပူဇာအဖြစ် ရွတ်ဖတ် ပူဇော်ရန်များကို သင်ကြား ပို့ချပေး၏။

+++++

မွန်းလွဲ ၄ နာရီခွဲတွင် အရှင်ဝဏ္ဏိတက အဘိဓမ္မာသင်တန်း၊ ၀ီထိပိုင်း ပို့ချ သင်ကြားပေး၏။

+++++

ညနေ ၆ နာရီတွင် ကဆုန်လပြည့် ဗုဒ္ဓနေ့ ဗုဒ္ဓပူဇာအဖြစ် လယ်တီဆရာတော်ဘုရားကြီး၏ ဗုဒ္ဓ၀င် ခုနစ်နေ့ ဘုရားရှိခိုးနှင့် ဆုတောင်းလင်္ကာများ၊ ဥဒါန်းဂါထာများကို စုပေါင်း ရွတ်ဆို ပူဇော်ကြ၏။

+++++

ထိုနောက် ဆရာတော် အရှင်စက္ကိန္ဒကပင် လောကချမ်းသာ ဆည်းဆာတရားပွဲအဖြစ် ``ကဆုန်လပြည့် ဗုဒ္ဓနေ့´´တရားတော်ကို ဟောကြားလေသည်။

``ကဆုန်လပြည့် ဗုဒ္ဓနေ့´´

`ဗျာဒိတ်´ `ဖွားမြင်´ `ဗောဓိပင်´ `စံဝင်နိဗ္ဗာန်နန်း´

ဗျာဒိတ်တော်ပန်း၊ ဆင်မြန်းကဆုန်

မယ်မာယာဝမ်း၊ ကြွလှမ်းကဆုန်

ရွှေညောင်ဗောဓိ၊ ပေါက်သည့်ကဆုန်

မြတ်ဗုဒ္ဓ ပွင့်ကြ ဤကဆုန်။

နိဗ္ဗာန်နန်း စံမြန်း ဤကဆုန်။

+++++

သဗ္ဗညုတဉာဏ်တော် အစွမ်းသုံးပါး

(၁) သိရန်မှန်က၊ မကျန်ရအောင်၊ လုံးဝစုံလင်၊ အကုန်မြင် သဗ္ဗဉ်ဉာဏ်တော်အစွမ်းတည်း။

(၂) သိသည့်တရား၊ များအပြား၌၊ ဟောထားစဖွယ်၊ နည်းသွယ်သွယ်ကို၊ ခြယ်လှယ်စုံလင်၊ အကုန်မြင် သဗ္ဗဉ်ဉာဏ်တော်အစွမ်းတည်း။

(၃) ကျွတ်ထိုက်ကြပေ၊ များဝေနေ၏၊ ဣနြေ္ဒစရိုက်၊ သူ့အကြိုက်ကို၊ နှိုက်ချွတ်စုံလင်၊ အကုန်မြင် သဗ္ဗဉ်ဉာဏ်တော်အစွမ်းတည်း။

ဉာဏ်တော်စွမ်းပကား၊ ဤသုံးပါးကြောင့်၊ အများဝေနေ၊ ကျွတ်လွတ်စေဖို့၊ မနေမနား၊ သက်တော်အားဖြင့်၊ ကြီးမားလေဘိ၊ ရှစ်ဆယ်ပြည့်၍၊ ပရိနိဗ္ဗာန်၊ စံသည့်တိုင်အောင်၊ သယ်ယူဆောင် ဘုန်းခေါင် ငါတို့ဘုရားတည်း။

+++++

သဗ္ဗဉ်ဉာဏ်တော် စွမ်းသုံးဖော်

ဇာနိတဗ္ဗံ ပဇာနာတိ

ဒေသိတဗ္ဗမ္ပိ အာသယံ၊

ဒေသကော ယေန ဉာဏေန

ဒေသေတု တဿ တေဇသာ။

ဒေသကော - နည်းမှန်လမ်းကျ၊ ဟောညွှန်ပြသည့်၊ ဒေသကထွတ်တင်၊ ဘုရားရှင်ကိုယ်တော်မြတ်သည်။

ယေန ဉာဏေန - အပေါင်းဂုဏ်အင်၊ ကြောင်းစုံလင်မှ၊ အကြင်ဖြစ်ပေါ်၊ သဗ္ဗညုတဉာဏ်တော်ဖြင့်။

ဇာနိတဗ္ဗ - သိဖွယ်အများ၊ ဉေ ယျတရားကို။

ပဇာနာတိ - ဆုံးစကုန်စင်၊ သိမြင်တော်မူပါပေ၏။

ဒေသိတဗ္ဗမ္ပိ - ဟောပြစဖွယ်၊ သွယ်သွယ်များဖျင်၊ တရားဆင်နည်းကိုလည်း။

ပဇာနာတိ - ဆုံးစကုန်စင်၊ သိမြင်တော်မူပါပေ၏။

အာသယံ - သိန်းသန်းကုဋေ၊ များဝေနေ၏၊ ထွေထွေဆန္ဒ၊ အဇ္ဈာသယကိုလည်း။

ပဇာနာတိ - ဆုံးစကုန်စင်၊ သိမြင်တော်မူပါပေ၏။

တဿ - ပါရမီအပေါင်း၊ ဆင့်ဆင့်လောင်းသည့်၊ အကောင်းဆုံးဖြစ်ပေါ်၊ ထိုသဗ္ဗညုတ ဉာဏ်တော်၏။

တေဇသာ - အစွမ်းသုံးဖော်၊ တန်ခိုးတော်ဖြင့်။

ဒေသေတု - ထိုထိုကိစ္စ၊ မမှားရအောင်၊ နိစ္စပုံသေ၊ ညွှန်ပြတော်မူပါစေသတည်း။

(၁) သိစရာတွေ အကုန်လုံးသိတဲ့ အစွမ်း။

(၂) တရားအမျိုးမျိုးအတွက် ဟောပုံဟောနည်းအမျိုးမျိုး တီထွင်နိုင်တဲ့ စီစဉ်နိုင်တဲ့ အစွမ်း။

(၃) သတ္တ၀ါတွေရဲ့ စိတ်ကြိုက်အလိုဆန္ဒ အဇ္ဈာသယကို သိနိုင်တဲ့ အစွမ်း။

ဤကား သဗ္ဗညုတဉာဏ်တော်၏ အစွမ်းသုံးဖော်တည်း။

(မဟာဂန္ဓာရုံဆရာတော် အရှင်ဇနကာဘိဝံသ၏ ဂါထာပေါင်းချုပ် မှ)

++++

တရားပွဲပြီးသော် တနေ့တာ ကုသိုလ်အစုစုတို့ကို အမျှပေးဝေကြလေသည်။

သာဓု ... သာဓု ... သာဓု။