နံနက်တွင် ဒေါက်တာမြတ်မြတ်မွန် မိသားစုနှင့်မိတ်ဆွေများ၊ ဓမ္မမိတ်ဆွေများက ဆရာတော် သံဃာတော်များအား နေ့ဆွမ်း စုပေါင်း ဆက်ကပ် လှူဒါန်းကြ၏။
မွန်းလွဲ ၁ နာရီတွင် ဆရာတော်ကြီးအား ပူဇော် ကန်တော့ကြ၏။
ဆရာတော်ကြီးက မျက်မှောက် နောင်ရေး ကြီးပွားချမ်းသာရေး တရားလေးပါးကို သြ၀ါဒစကားအဖြစ် ဟောကြား ချီးမြှင့်၏။
နိုးကြားထကြွ၊ တရားမျှ၍
ဓနဖွေရှာ၊ မိတ်ကောင်းရာ၏
ဝင်လာရောက်ပြီး၊ ကိုယ့်ပစ္စည်းကို
သိပ်သည်းစောင့်ရာ၊ ထွက်ဝင်မျှစေ
လေးထွေခုတန်။
နောင်သံသာဝယ်
သဒ္ဓါသီလ၊ စာဂပညာ
ဤလေးဖြာသည်၊ ဝေဖြာတင့်တောင်း
ကြီးပွားကြောင်းဟု၊ ထွဋ်ခေါင်သေချာ
ဒေသနာဖြင့်၊ ဒကာ ဗျဂ္ဃပဇ္ဇကအား
ဟောမြွက်ကြားသည်၊ အများသူငါ ကျင့်ထုံးတည်း။
ဝိရိယအင်္ဂါ လေးရပ်
အရေပြားသာ၊ ငါ့ကိုယ်မှာ၊ ကြွင်းကာ ကျန်ပါစေ။
အကြောတွေသာ၊ ငါ့ကိုယ်မှာ၊ ကြွင်းကာ ကျန်ပါစေ။
အရိုးတွေသာ၊ ငါ့ကိုယ်မှာ၊ ကြွင်းကာ ကျန်ပါစေ။
အသွေးအသား၊ ခန်းခြောက်ငြား၊ သွားချင် သွားပါစေ။
မဂ်ဖိုလ်မရ၊ ငါ မထ၊ လုံးဝရပ်နား ငါမနေ။
လုံ့လရှိက၊ ခုဘ၀၊ မုချ ချမ်းသာမည်။
မိတ်ကောင်းရှိက၊ ခုဘ၀၊ မုချ ချမ်းသာမည်။
ထိန်းသိမ်းရှိက၊ ခုဘ၀၊ မုချ ချမ်းသာမည်။
ထွက်ဝင်မျှက၊ ခုဘ၀၊ မုချ ချမ်းသာမည်။
သဒ္ဓါရှိက၊ နောက်ဘ၀၊ မုချ ချမ်းသာမည်။
သီလရှိက၊ နောက်ဘ၀၊ မုချ ချမ်းသာမည်။
စာဂရှိက၊ နောက်ဘ၀၊ မုချ ချမ်းသာမည်။
ပညာရှိက၊ နောက်ဘ၀၊ မုချ ချမ်းသာမည်။
ဆရာတော်ကြီး သြ၀ါဒစကား ချီးမြှင့်ပြီးနောက် ကြွရောက်လာကြသော ဓမ္မမိတ်ဆွေများက ဆရာတော်ကြီးအား န၀ကမ္မ၀တ္ထုများဖြင့် ပူဇော်ကြ၏။ အမေရိကန် မြန်မာ ဗုဒ္ဓဘာသာအသင်း၏ကိုယ်စား တွဲဖက်အတွင်းရေးမှူး ဒေါက်တာအောင်ဇေယျက န၀ကမ္မဖြင့် ပူဇော်၏။
ထိုနောက် ဆရာတော်ကြီးနှင့် စုပေါင်း အမှတ်တရ ဓာတ်ပုံရိုက်ကြ၏။
No comments:
Post a Comment