နံနက် ၉-နာရီတွင် စုပေါင်း ရဟန်းခံပွဲကို ကျင်းပ ပြုလုပ်ပြီး၊ မြတ်စွာဘုရားရှင်အား ပန်း, ရေချမ်း, ဆီမီး, ဆွမ်းတို့ ကပ်လှူ ပူဇော်ကြကာ၊ နံနက် ၁၁-နာရီတွင် သံဃာတော်များအား နေ့ဆွမ်း ဆက်ကပ် လှူဒါန်းကြ၏။ ကြွရောက်လာကြသော ဧည့်ပရိတ်သတ်များအားလည်း မြန်မာထမင်းဟင်း မြန်မာမုန့်များဖြင့် ဧည့်ခံ ကျွေးမွေးကြ၏။
အလှူရှင်များမှာ ကိုထွန်းအေး + ဒင်ပယ် (Cindy) နှင့် သား မောင်မြတ်ကျော် (Ritchie) မိသားစုတို့ ဖြစ်၏။
မွန်းလွဲ ၁-နာရီတွင် အနုမောဒနာတရား နာယူပွဲ ပြုလုပ်ရာ လောကချမ်းသာဆရာတော်က ကျေးဇူးရှင်မဟာစည်ဆရာတော်ဘုရားကြီး၏ ဂုဏ်ရည်ပူဇော်ပွဲ ကျင်းပရခြင်းအကြောင်းကို မိန့်ကြားပြီး၊ ပုသိမ် သဒ္ဓမ္မသီတဂူဆရာတော် ရေးဖွဲ့သော မဟာစည်ဂုဏ်ရည်ဘွဲ့ လင်္ကာများကို ရွတ်ဆို ပူဇော်ကြ၏။
နယူးဂျာစီ မဟာစည်သတိပဋ္ဌာန်ရိပ်သာကျောင်း ဆရာတော် အရှင်ပညာသီဟက အနုမောဒနာတရား ဟောကြားပြီး၊ ဘော်စတွန် မဟာသတိပဋ္ဌာန်ကျောင်း ဆရာတော် အရှင်အဘယာလင်္ကာရက ရေစက်ချ ဆောင်ရွက်ပေး၏။
+++++
+++++
ဆဋ္ဌသင်္ဂီတိပုစ္ဆက အဂ္ဂမဟာပဏ္ဍိတ ကျေးဇူးတော်ရှင် မဟာစည်ဆရာတော်ဘုရားကြီး၏ အတ္ထုပ္ပတ္တိအကျဉ်း
ကျေးဇူးတော်ရှင် မဟာစည်ဆရာတော်ဘုရားကြီးသည် ၁၂၆၆-ခုနှစ် ဒုတိယ ၀ါဆိုလပြည့်ကျော် (၃)ရက် သောကြာနေ့ (၂၉-ဇူလိုင်-၁၉၀၄)၌ ရွှေဘိုမြို့ ဆိပ်ခွန်ရွာတွင် ခမည်းတော် ဦးကံတော်နှင့် မယ်တော် ဒေါ်ရွှေအုပ်တို့မှ ဖွားမြင်သော သားရတနာ ဖြစ်သည်။
ငယ်မည်မှာ `မောင်သွင်´ ဖြစ်သည်။
အသက် (၁၂)နှစ်သားအရွယ်တွင် ရှင်သာမဏေပြုသည်။ ဘွဲ့အမည်မှာ `ရှင်သောဘန´ ဖြစ်သည်။
၁၂၈၅-ခုနှစ် တန်ဆောင်မုန်းလပြည့်ကျော် (၄)ရက်နေ့တွင် ရဟန်းအဖြစ်သို့ ရောက်တော်မူသည်။
၁၂၈၆-ခုနှစ်တွင် ပထမငယ်၊ ၁၂၈၈-ခုနှစ်တွင် ပထမလတ်၊ ၁၂၈၉-ခုနှစ်တွင် ပထမကြီး အောင်မြင်တော်မူ၍ ၁၃၀၃-ခုနှစ်တွင် သာသနဓဇသိရီပ၀ရဓမ္မာစရိယဘွဲ့တံဆိပ်တော်ကို ဆက်ကပ် ခံယူ ရရှိတော်မူသည်။
၁၃၁၁-ခုနှစ် တန်ဆောင်မုန်းလပြည့်ကျော် (၆)ရက်နေ့ (၁၆-နိုဝင်ဘာ-၁၉၄၉)တွင် ရန်ကုန်မြို့ ဗုဒ္ဓသာသနာနုဂ္ဂဟအဖွဲ့ချုပ်မှ ပင့်ဆောင် ကိုးကွယ်၍ သာသနာ့ရိပ်သာသို့ ကြွရောက်တော်မူကာ သာသနာပြုသည်။
၁၃၁၆-ခုနှစ် ကဆုန်လပြည့်နေ့မှ စတင်၍ ကျင်းပခဲ့သော ဆဋ္ဌသင်္ဂါယနာတင်ပွဲကြီးတွင် ဆဋ္ဌသင်္ဂီတိပုစ္ဆကဆရာတော်၊ သြသာနသောဓကဆရာတော်၊ သြသာနသောဓေယျပတ္တပါဌကဆရာတော်အဖြစ် ဆောင်ရွက်ခဲ့သည်။
၁၃၁၃-ခုနှစ်တွင် အဂ္ဂမဟာပဏ္ဍိတဘွဲ့တံဆိပ်တော်ကို ဆက်ကပ် ခံယူရရှိတော်မူသည်။
မဟာစည်သာသနာ့ရိပ်သာ၌ (၄-ဒီဇင်ဘာ-၁၉၄၉)နေ့မှ စ၍ ၀ိပဿနာတရား ဟောကြား ပြသတော်မူခဲ့ရာ ယောဂီပေါင်း တစ်သန်းနှစ်သိန်းကျော် တရားအားထုတ်ခဲ့သည်။ ပြည်တွင်း၌ ရိပ်သာခွဲပေါင်း ၃၀၀ ကျော်နှင့် ပြည်ပနိုင်ငံအများအပြားတွင်လည်း ရိပ်သာများစွာ တည်ထောင် သာသနာပြုခဲ့သည်။
၁၃၄၄-ခုနှစ် ဒုတိယ၀ါဆိုလပြည့်ကျော် (၁၀)ရက် စနေနေ့ (၁၄-သြဂုတ်-၁၉၈၂)၊ သက်တော် (၇၈)နှစ်၊ သိက္ခာတော် (၅၈)၀ါတွင် ပျံလွန်တော်မူသည်။
+++++
မဟာစည်ဂုဏ်ရည်ဘွဲ့
(၁)
စည်တော်သံများ၊ နားကြားရွှင်ကြည်
သဒ္ဓါတရား၊ ပြည့်ထွားစုံညီ
ဘးရန်ခပ်သိမ်း၊ အေးငြိမ်းစေမည်။
ကမ္ဘာဟိန်း အေးငြိမ်းမဟာစည်။
(၂)
ကမ္ဘာပျံ့အောင်၊ ဖြန့်ဖို့ကြံစည်
အမှတ်လုပ်ငန်း၊ ကြိုးပမ်းခဲ့သည်
သတ္တိတော်ထူး၊ ထွတ်ဖူးဂုဏ်ရည်
တရားရေး၊ အားပေးမဟာစည်။
(၃)
အာဂုမ်ယုတ္တိ၊ နှိုင်းညှိစုံညီ
လက်တွေ့တရား၊ စာသွားနဲ့ညီ
စွယ်စုံအံ့လောက်၊ ထွန်းပေါက်ဂုဏ်ရည်
တရားရေး၊ အားပေးမဟာစည်။
(၄)
ကြေညာထက်အောက်၊ အံ့လောက်ပေသည်
ကျော်သတင်းနှင့်၊ ထိန်လင်းလို့ကြည်
လူရှင်အများ၊ အားထားကြသည်
တရားရေး၊ အားပေးမဟာစည်။
(၅)
သာသနာတွင်း၊ ကြုံလျင်းခဲ့သည်
မေ့တဲ့သူများ၊ ပယ်ရှားဖို့ရည်
အပ္ပမာဒ၊ ၀ါဒဖြန့်ချီ
တရားရေး၊ အားပေးမဟာစည်။
(၆)
ဝိသေသဓာတ်၊ ထူးမြတ်ပေသည်
ဇာနည်ယောက်ျား၊ ပေါက်ဖွားပါသည်
သမာဓိနှင့်၊ က၀ိဂုဏ်ရည်
တရားရေး၊ အားပေးမဟာစည်။
(၇)
ယောဂီအများ၊ စိတ်ထားရွှင်ကြည်
အရှင့်ဂုဏ်ပေါင်း၊ ခညောင်းအဉ္ဇလီ
ဆယ်ဖြာစုပေါင်း၊ လက်ချောင်းတင်ချီ
ရွှင်ကြည်ဖြိုး၊ ရှိခိုးစုံအညီ။
(ပုသိမ်) သဒ္ဓမ္မသီတဂူဆရာတော်
No comments:
Post a Comment