ဓမ္မပဒသင်တန်းပြဆရာတော် အရှင်စက္ကိန္ဒမှာ ပင်ဆယ်ဗေးနီးယားပြည်နယ်၊ ဖီလာဒဲဖီးယားမြို့၊ သိရီရတနာဘုန်းတော်ကြီးကျောင်း၌ ယခုနှစ် ဝါမဆိုမီမှ စ၍ ကျောင်းထိုင်ဆရာတော်အဖြစ် ကြွရောက် သီတင်းသုံးရာ၊ ဘော်စတွန်မြို့ မဟာသတိပဋ္ဌာန်ကျောင်းမှ နယူးယောက်မြို့ လောကချမ်းသာဘုရားကျောင်း၌ ယခုနှစ် ဝါဆိုသော ဆရာတော် အရှင်ဥဂ္ဂပဏ္ဍိတက ဓမ္မပဒသင်တန်းကို သင်ကြား ပို့ချပေး၏။
+++++
အဘိဓမ္မသင်တန်း ဝီထိပိုင်းကို ဆရာတော် အရှင်ဝဏ္ဏိတက သင်ပြ၏။
+++++
လောကချမ်းသာ ဆည်းဆာတရားပွဲတွင် ဘော်စတွန်မြို့ မဟာသတိပဋ္ဌာန်ကျောင်း ဆရာတော် အရှင်အဘယာလင်္ကာရက ``ကြုံခဲလှစွာ တရားငါးဖြာ´´ကို ဓမ္မဒါနပြု ဟောကြား၏။
+++++
တရားတော်ဆောင်ပုဒ်များ
(၁) ဘုရားပွင့်ရာ၊ သာသနာ၊ လွန်စွာခဲယဉ်းသည်။
(၂) သာသနာတွင်း၊ လူဖြစ်ခြင်း၊ လွန်မင်းခဲယဉ်းသည်။
(၃) ရတနာသုံးတန်၊ ယုံကြည်ရန်၊ အမှန်ခဲယဉ်းသည်။
(၄) သာသနာ့ဝန်ထမ်း၊ ရှင်ရဟန်း၊ ဆင်မြန်းဝတ်ဖို့ခဲယဉ်းသည်။
(၅) နိဗ္ဗာန်ရောက်ရန်၊ တရားမှန်၊ နာခံကျင်ဖို့ခဲယဉ်းသည်။
တရားပွဲပြီးသော် တစ်နေ့တာ ကောင်းမှုကုသိုလ် အစုစုတို့ကို အမျှပေးဝေကြ၏။
သာဓု ... သာဓု ... သာဓု။
No comments:
Post a Comment