နိဗ္ဗာန်ရောက်ကြောင်းတရားတော် - အောင်ဆန်းဆရာတော်

အမေရိကန်နိုင်ငံသို့ ဓမ္မဒူတခရီး ကြွရောက်လျက်ရှိသော အောင်ဆန်းဆရာတော် ဘဒ္ဒန္တသဒ္ဓမ္မကိတ္တိသာရ (အဂ္ဂမဟာကမ္မဋ္ဌာနာစရိယ)သည် ၂၀၁၂ ခုနှစ် သြဂုတ်လ ၂၉-ရက် ဗုဒ္ဓဟူးနေ့ညနေတွင် နယူးယောက်မြို့ လောကချမ်းသာဘုရားကျောင်း၌ `နိဗ္ဗာန်ရောက်ကြောင်းတရားတော်´ကို ဓမ္မဒါနပြု ဟောကြားခဲ့၏။


+++++

တရားတော်ဆောင်ပုဒ်များ

• ဒေါသနဲ့သေ၊ ငရဲပြည်၊ ရောက်လေဧကန်ပါ။
• မောဟနဲ့သေ၊ တိရစ္ဆာန်ပြည်၊ ရောက်လေဧကန်ပါ။
• လောဘနဲ့သေ၊ ပြိတ္တာပြည်၊ ရောက်လေဧကန်ပါ။
• မာနနဲ့သေ၊ အသူရကာယ်ပြည်၊ ရောက်လေဧကန်ပါ။

တရားနာလျှင်၊ သဒ္ဓါရွှင်၊ ပညာအသိတိုး။
သိတာကျင့်က၊ နိဗ္ဗာန်ရ၊ မုချကိုယ့်အကျိုး။

• သစ္စာလေးပါးကို မသိသော ပုဂ္ဂိုလ်များ၏ နေမြဲအိမ်သည် အပါယ်လေးပါး ဖြစ်သည်။

မနေရလို့ သေရသောခါ၊ ကိုယ့်နောက်ကိုများ၊ ဘာများပါမှာ
ပစ္စည်းစုစု၊ တစ်ခုမပါ၊ ကိုယ်ပြုငြား ကံများ ကိုယ့်နောက်ပါ။

• ကမ္ဘာမီးထက် ပူချက်ပြင်းထန်၊ ဘယ်မီးတွေလဲ ဉာဏ်နဲ့ဝေဖန်၊ ကိလေသာမီး ထိန်ညီးဝင်းလျှံ၊ ဘဝတိုင်း မဆိုင်းလောင်နေပြန်။

မနောဒွါရဝီထိများ၊ ဗာလနက္ခတ်ပွဲကြွေးကြော်သံများနှင့် မိမိကိုယ်ကို စောင့်ရှောက်ပါ

၂၀၁၂ ခုနှစ် သြဂုတ်လ ၂၅-ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ တစ်နာရီ တရားရှုမှတ် ပွားများခြင်း၊ ဓမ္မသင်တန်းများနှင့် ဆည်းဆာတရားပွဲတို့ကို ကျင်းပ ပြုလုပ်၏။ လ၏ နောက်ဆုံး စနေနေ့ တစ်ရက်တရားစခန်း ကျင်းပ ပြုလုပ်ရန် ဖြစ်သော်လည်း ယခုလအတွက် မပြုလုပ်ဖြစ်သောကြောင့် ဓမ္မသင်တန်းများနှင့် တရားပွဲများ ပြုလုပ်ဖြစ်၏။

မွန်းလွဲ ၂ နာရီမှ ၃ နာရီအထိ တရားရှုမှတ်ခြင်း မပြုလုပ်မီ လောကချမ်းသာဆရာတော်က မိနစ်အနည်းငယ်မျှ တရားချီးမြှင့်၏။ နယူးဂျာစီမှ ကိုးရီးယားအမျိုးသားတစ်ဦး လာရောက် တရားရှုမှတ်သဖြင့် ဆရာတော်က အင်္ဂလိပ်ဘာသာဖြင့် ဟောကြား၏။

+++++

ယခုအပတ်တွင် အဘိဓမ္မာသင်တန်းကို ရှေးဦးစွာ ပြုလုပ်ရာ ဆရာတော် အရှင်ဝဏ္ဏိတက မနောဒွါရဝီထိများအကြောင်းကို ရှင်းလင်း သင်ကြား၏။

+++++

ဓမ္မပဒသင်တန်းတွင် ဆရာတော် အရှင်ဥဂ္ဂပဏ္ဍိတက ဓမ္မပဒ၊ အပ္ပာမာဒဝဂ်၊ ဂါထာ ၂၆-၂၇၊ ဗာလနက္ခတ်ပွဲကြွေးကြော်သောဝတ္ထုအကြောင်း သင်ကြား ပို့ချ၏။

+++++

လောကီရတနာ (၇)ပါး

(၁) သုဝဏ္ဏ = ရွှေ

(၂) ရဇတ = ငွေ

(၃) မုတ္တ = ပုလဲ

(၄) မဏိ = ပတ္တမြား

(၅) ဝေဠုရိယ = ကြောင်မျက်ရွဲ

(၆) ဝဇိရ = စိန်

(၇) ပဝါဠ = သန္တာ

လောကုတ္တရာရတနာ (၇)ပါး

(၁) သဒ္ဓါ

(၂) သတိ

(၃) ဝီရိယ

(၄) ပညာ

(၅) ဗာဟုသစ္စ

(၆) ဟိရီ

(၇) သြတ္တပ္ပ

+++++

ပဋိသမ္ဘိဒါ (၄)ပါး

(၁) အတ္ထပဋိသမ္ဘိဒါ = အကျိုးကို သိသောဉာဏ်။

(၂) ဓမ္မပဋိသမ္ဘိဒါ = အကြောင်းကို သိသောဉာဏ်။

(၃) နိရုတ္တိပဋိသမ္ဘိဒါ = သဒ္ဒါကို သိတတ်သောဉာဏ်။

(၄) ပဋိဘာနပဋိသမ္ဘိဒါ = သစ္စာလေးပါးကို ထိုးထွင်း၍ သိတတ်သောဉာဏ်။

ပဋိသမ္ဘိဒါဉာဏ်ရကြောင်းတရား (၈)ပါး

(၁) ပုဗ္ဗယောဂ = ရှေးဘဝ၌ ၎င်းဉာဏ်မျိုးစေ့ ထူထောင် ဆုတောင်း စိုက်ပျိုးခဲ့ခြင်း။

(၂) ဗာဟုသစ္စ = အကြားအမြင်များခြင်း။

(၃) ဒေသိယဘာသာဆေက = ဒေသအမျိုးမျိုးတို့၌ ပြောကြားသော ဘာသာစကားအမျိုးမျိုးတို့ကို တတ်သိလိမ္မာခြင်း။

(၄) အာဂမ = မြတ်စွာဘုရား၏ ပါဠိတော်ကို အာဂုံဆောင်ခြင်း။

(၅) ပရိပုစ္ဆာ = ပါဠိတော် အဋ္ဌကထာတို့၌ မေးမြန်းလေ့ရှိခြင်း။

(၆) အဓိဂမ = ဈာန် မဂ် ဖိုလ်တရားကို ရခြင်း။

(၇) ဂုရုသန္နိဿယ = ဗဟုသုတပြည့်စုံသော ဆရာ့ထံပါး၌ ဆည်းကပ် ခစားခြင်း။

(၈) မိတ္တသမ္ပတ္တိ = ပညာရှိ မိတ်ဆွေကောင်းတို့နှင့် ပြည့်စုံခြင်း။

+++++

လောကချမ်းသာဆည်းဆာတရားပွဲကို ဆက်လက် ကျင်းပ ပြုလုပ်ရာ ဆရာတော် အရှင်ဝိမလက ကောသလသံယုတ်၊ ဝင်္ဂီသသံယုတ်ကို အခြေခံ၍ ``မိမိကိုယ်ကို စောင့်ရှောက်ပါ´´တရားတော်ကို ဟောကြား၏။

တရားပွဲပြီးသော် ကုသိုလ်ကောင်းမှုတို့ကို အမျှပေးဝေကြ၏။

သာဓု ... သာဓု ... သာဓု။