အာနန္ဒသေဋ္ဌိဝတ္ထု၊ ပစ္စည်းပိုင်း-ပဋ္ဌာန်းနည်းနှင့် `ပူးတွဲကျင့်သုံး အကောင်းဆုံး´

၂၀၁၃ ခုနှစ် နိုဝင်ဘာလ ၉-ရက် စနေနေ့ နယူးယောက်မြို့ လောကချမ်းသာဘုရားကျောင်း ဓမ္မသင်တန်းများတွင် မွန်းလွဲ ၂ နာရီမှ ၃ နာရီ တရားရှုမှတ်စဉ် လောကချမ်းသာဆရာတော်ကြီးက ဝိပဿနာဆိုင်ရာ သြဝါဒတရားတော်ကိုလည်းကောင်း၊ မွန်းလွဲ ၃း၁၅ နာရီ ဓမ္မပဒသင်တန်းဝယ် ဆရာတော် အရှင်ဥဂ္ဂပဏ္ဍိတက ဗာလဝဂ်၊ ဂါထာ ၆၂ အာနန္ဒသေဋ္ဌိဝတ္ထုကိုလည်းကောင်း၊ ညနေ ၄ နာရီခွဲ၌ အဘိဓမ္မာသင်တန်း၊ ပစ္စည်းပိုင်း ပဋ္ဌာန်းနည်းကို ဆရာတော် အရှင်ဥဂ္ဂပဏ္ဍိတကပင်လည်းကောင်း၊ ညနေ ၆ နာရီခွဲ ဆည်းဆာတရားပွဲအဖြစ် ဆရာတော် အရှင်ပညာဇောတက `ပူးတွဲကျင့်သုံး အကောင်းဆုံး´တရားတော်ကိုလည်းကောင်း ချီးမြှင့်၊ ပို့ချ၊ သင်ကြား၊ ဓမ္မဒါနပြု ဟောပြောကြလေသည်။

လင်္ကာ

နှစ်တစ်ရာတမ်း၊ သက်တမ်းယူကာ

ဖြစ်ကြရသည့်၊ များဘိလူဟာ

ကုသိုလ်မေ့ပြီး၊ ငိုက်မြည်းနေတာ

ဝဋ်ဒုက္ခ လွတ်ကြ ဘယ်အခါ။

သက်တမ်းတိုလှ၊ လူ့ဘဝ၊ မေ့ကြမသင့်ပြီ။

ကုသိုလ်တရား၊ ကျင့်ကြံပွား၊ အားထုတ်သင့်လှပြီ။

ဘဝတခွင်၊ သက်ရှင်စဉ်၊ ကျင့်စဉ် ပူးတွဲသုံးရမည်။

+++++