LokaChantha

`စိတ်ရောဂါကင်းစင်ရေး´နှင့် `လူလေးမျိုး´

2012-01-22T16:17:00.001-05:00

၂၀၁၂ ခုနှစ် ဇန်န၀ါရီလ (၂၁)ရက် စနေနေ့

လောကချမ်းသာဘုရားကျောင်း၊ နယူးယောက်မြို့။

သောကြာနေ့ ညဉ့်နက်ပိုင်းမှ စ၍ နှင်းများ ၅ လက်မခန့် ကျကာ ရာသီဥတု မကောင်းသဖြင့်လည်းကောင်း၊ တရုတ်နှစ်သစ်ကူး နီးသဖြင့် မအားလပ်သူများ ရှိသောကြောင့်လည်းကောင်း သင်တန်းသူ သင်တန်းသား နည်း၏။

လောကချမ်းသာဆရာတော်က ငါးမိနစ်တရားအဖြစ် တရားနာယူနည်း၊ ရောဂါနှစ်မျိုးနှင့် ဗောဇ္ဈာင်ခုနစ်ပါး မြတ်တရားအကြောင်းကို ဟောကြား ချီးမြှင့်၏။

ယခုအပတ်တွင် ဓမ္မပဒသင်တန်းပြဆရာတော် အရှင်စက္ကိန္ဒ အပြင်သို့ ကြွရောက်နေရသဖြင့် ဓမ္မပဒသင်တန်း မရှိဘဲ၊ မွန်းလွဲ ၃ နာရီခွဲတွင် ဆရာတော် အရှင်ဝဏ္ဏိတက စေတသိက် ၅၂-ပါး အဆုံးသတ်နှင့် စေတသိက်-စိတ်ယှဉ် သမ္ပယောဂနည်းကို သင်ကြား ပို့ချပေး၏။

လောကချမ်းသာ ဆည်းဆာတရားပွဲဝယ် နယူးယောက်မြို့သို့ ခေတ္တရောက်ရှိနေသော အရှင်ဇာဂရ (ကလောင်အမည် - ကံထွန်းသစ်)က `အင်္ဂုတ္တိုရ်ပါဠိတော်၊ စတုက္ကနိပါတ်၊ ဒုတိယပဏ္ဏာသက၊ မစလ၀ဂ်၊ တမောတမသုတ်´လာ လူလေးမျိုးအကြောင်း ဓမ္မဒါနပြု ဟောကြား၏။

တရားပွဲပြီးသော် ကုသိုလ်ကောင်းမှုတို့ကို အမျှပေးဝေကြ၏။

သာဓု ... သာဓု ... သာဓု။

+++++

တမောတမသုတ်

ရဟန်းတို့ ... လောက၌ ဤပုဂ္ဂိုလ်လေးမျိုးတို့သည် ထင်ရှားရှိကုန်၏။

အဘယ်လေးမျိုးတို့နည်းဟူမူ -

အမှောင်၌ ဖြစ်၍ အမှောင်လျှင် လည်းလျောင်းရာရှိသော ပုဂ္ဂိုလ်၊
အမှောင်၌ ဖြစ်၍ အလင်းလျှင် လည်းလျောင်းရာရှိသော ပုဂ္ဂိုလ်၊
အလင်း၌ ဖြစ်၍ အမှောင်လျှင် လည်းလျောင်းရာရှိသော ပုဂ္ဂိုလ်၊
အလင်း၌ ဖြစ်၍ အလင်းလျှင် လည်းလျောင်းရာရှိသော ပုဂ္ဂိုလ်တို့တည်း။

ရဟန်းတို့ ... အဘယ်သို့လျှင် ပုဂ္ဂိုလ်သည် အမှောင်၌ ဖြစ်၍ အမှောင်လျှင် လည်းလျောင်းရာ ရှိသနည်း?

ရဟန်းတို့ ... ဤလောက၌ အချို့သော ပုဂ္ဂိုလ်သည် ယုတ်နိမ့်သော အမျိုးဟု ဆိုအပ်သော ဒွန်းစဏ္ဍားမျိုး၌သော်၎င်း၊ နှီးသမားမျိုး၌သော်၎င်း၊ တံငါမုဆိုးမျိုး၌သော်၎င်း၊ သားရေလုပ်သမားမျိုး၌သော်၎င်း၊ ပန်းမှိုက်သွန်မျိုး၌သော်၎င်း ဖြစ်၏။ ဆင်းရဲ၏။ ထမင်းအဖျော် စားသောက်ဖွယ် နည်းပါး၏။ ငြိုငြင်သဖြင့် အသက်မွေးရ၏။ ယင်းအမျိုး၌ အစားကို ငြိုငြင်စွာ အ၀တ်ကို ငြိုငြင်စွာ ရ၏။

ထိုသူသည် အဆင်းလည်း မလှ၊ ရှုချင်ဖွယ်လည်း မရှိ၊ ပုကွလည်း ပုကွ၏။ အနာလည်း များ၏။ ကန်းသူသော်၎င်း၊ ကောက်သူသော်၎င်း၊ ခွင်သူသော်၎င်း၊ ဆွံ့သူသော်၎င်း ဖြစ်ရ၏။ ထမင်း အဖျော် အ၀တ် ယာဉ် ပန်း နံ့သာပျောင်း အိပ်ရာ နေရာ ဆီမီး အဆောက်အဦကို ရသူ မဟုတ်။

ထိုသူသည် ကိုယ် နှုတ် စိတ်ဖြင့် မကောင်းသော အကျင့်ကို ကျင့်၏။ မကောင်းသောအကျင့်ကို ကျင့်၌ ကိုယ်ခန္ဓာပျက်စီး၍ သေပြီးသည်မှ နောက်၌ ချမ်းသာကင်းသော မကောင်းသော လားရာ၊ ပျက်စီး၍ ကျရောက်ရာဖြစ်သော ငရဲ၌ ဖြစ်ရ၏။

ရဟန်းတို့ ... ဤသို့လျှင် ပုဂ္ဂိုလ်သည် အမှောင်၌ ဖြစ်၍ အမှောင်လျှင် လည်းလျောင်းရာ ရှိ၏။

ရဟန်းတို့ ... အဘယ်သို့လျှင် ပုဂ္ဂိုလ်သည် အမှောင်၌ ဖြစ်၍ အလင်းလျှင် လည်းလျောင်းရာ ရှိသနည်း?

ရဟန်းတို့ ... ဤလောက၌ အချို့သောပုဂ္ဂိုလ်သည် ယုတ်နိမ့်သော အမျိုးဟု ဆိုအပ်သော ဒွန်းစဏ္ဍားမျိုး၌သော်၎င်း၊ နှီးသမားမျိုး၌သော်၎င်း၊ တံငါမုဆိုးမျိုး၌သော်၎င်း၊ သားရေလုပ်သမားမျိုး၌သော်၎င်း၊ ပန်းမှိုက်သွန်မျိုး၌သော်၎င်း ဖြစ်ရ၏။ ဆင်းရ၏။ ထမင်းအဖျော် စားသောက်ဖွယ် နည်းပါး၏။ ငြိငြင်သဖြင့် အသက်မွေးရ၏။ ယင်းအမျိုး၌ အစားကို ငြိုငြင်စွာ အ၀တ်ကို ငြိုငြင်စွာ ရ၏။

ထိုသူသည် အဆင်းလည်း မလှ၊ ရှုချင်ဖွယ်လည်း မရှိ၊ ပုကွလည်း ပုကွ၏။ အနာလည်း များ၏။ ကန်းသူသော်၎င်း၊ ကောက်သူသော်၎င်း၊ ခွင်သူသော်၎င်း၊ ဆွံ့သူသော်၎င်း ဖြစ်၏။ ထမင်းအဖျော် အ၀တ် ယာဉ် ပန်း နံ့သာ နံ့သာပျောင်း အိပ်ရာ နေရာ ဆီမီး အသုံးအဆောင်ကို ရသူ မဟုတ်။

ထိုသူသသည် ကိုယ် နှုတ် စိတ်ဖြင့် ကောင်းသော အကျင့်ကို ကျင့်၏။ ကောင်းသောအကျင့်ကို ကျင့်၍ ကိုယ်ခန္ဓာပျက်စီး၍ သေပြီးသည်မှ နောက်၌ ကောင်းသောလားရာဖြစ်သော နတ်ပြည်မှာ ဖြစ်ရ၏။

ရဟန်းတို့ ... ဤသို့လျှင် ပုဂ္ဂိုလ်သည် အမှောင်၌ ဖြစ်၍ အလင်းလျှင် လည်းလျောင်းရာ ရှိ၏။

ရဟန်းတို့ ... အဘယ်သို့လျှင် ပုဂ္ဂိုလ်သည် အလင်း၌ ဖြစ်၍ အမှောင်လျှင် လည်းလျောင်းရာ ရှိသနည်း?

ရဟန်းတို့ ... ဤလောက၌ အချို့သော ပုဂ္ဂိုလ်သည် မြင့်မြတ်သော အမျိုးဟု ဆိုအပ်သော ခတ္တိယမဟာသာလမျိုး၌သော်၎င်း၊ ဗြာဟ္မဏမဟာသာလမျိုး၌သော်၎င်း၊ ဂဟပတိမဟာသာလမျိုး၌သော်၎င်း ဖြစ်ရ၏။ ကြွယ်ဝ၏။ များသော ဥစ္စာ ရှိ၏။ များသော စည်းစိမ် ရှိ၏။ များသော ရွှေငွေ ရှိ၏။ များသော နှစ်သက်ဖွယ် အသုံးအဆောင် ရှိ၏။ များသော ဥစ္စာ စပါး ရှိ၏။

ထိုသူသည် အဆင်းလည်း လှ၏။ ရှုချင်ဖွယ်လည်း ရှိ၏။ ကြည်ညိုဖွယ်လည်း ရှိ၏။ ကောင်းမြတ်သော အဆင်းသဏ္ဌာန်နှင့် ပြည့်စုံ၏။ ထမင်း အဖျော် အ၀တ် ယာဉ် ပန်း နံ့သာ နံ့သာပျောင်း အိပ်ရာ နေရာ ဆီမီး အသုံးအဆောင်ကို ရသူ ဖြစ်၏။

ထိုသူသည် ကိုယ် နှုတ် စိတ်ဖြင့် မကောင်းသော အကျင့်ကို ကျင့်၏။ မကောင်းသော အကျင့်ကို ကျင့်၍ ကိုယ်ခန္ဓာပျက်စီး၍ သေပြီးသည်မှ နောက်၌ ချမ်းသာကင်းသော မကောင်းသော လားရာ၊ ပျက်စီး၍ ကျရောက်ရာဖြစ်သော ငရဲ၌ ဖြစ်ရ၏။

ရဟန်းတို့ ... ဤသို့လျှင် ပုဂ္ဂိုလ်သည် အလင်း၌ ဖြစ်၍ အမှောင်လျှင် လည်းလျောင်းရာ ရှိသည် မည်၏။

ရဟန်းတို့ ... အဘယ်သို့လျှင် ပုဂ္ဂိုလ်သည် အလင်း၌ ဖြစ်၍ အလင်းလျှင် လည်းလျောင်းရာ ရှိသနည်း?

ရဟန်းတို့ ... ဤလောက၌ အချို့သော ပုဂ္ဂိုလ်သည် မြတ်သော အမျိုးဟု ဆိုအပ်သော ခတ္တိယမဟာသာလမျိုး၌သော်၎င်း၊ ဗြာဟ္မဏမဟာသာလမျိုး၌သော်၎င်း၊ ဂဟပတိမဟာသာလမျိုး၌သော်၎င်း ဖြစ်ရ၏။ ကြွယ်ဝ၏။ များသော ဥစ္စာ ရှိ၏။ များသော စည်းစိမ် ရှိ၏။ များသော ရွှေငွေ ရှိ၏။ များသော နှစ်သက်ဖွယ် အသုံးအဆောင် ရှိ၏။ များသော ဥစ္စာ ရှိ၏။

ထိုသူသည် အဆင်းလှ၏။ ရှုချင်ဖွယ် ရှိ၏။ များသော ဥစ္စာ ရှိ၏။ ကြည်ညိုဖွယ် ရှိ၏။ ကောင်းမြတ်သော အဆင်း သဏ္ဌာန်နှင့် ပြည့်စုံ၏။ ထမင်း အဖျော် အ၀တ် ယာဉ် ပန်း နံ့သာ နံ့သာပျောင်း အိပ်ရာ နေရာ ဆီမီး အသုံးအဆောင်ကို ရသူ ဖြစ်၏။

ထိုသူသည် ကိုယ် နှုတ် စိတ်ဖြင့် ကောင်းသော အကျင့်ကို ကျင့်၏။ ကောင်းသော အကျင့်ကို ကျင့်၍ ကိုယ်ခန္ဓာ ပျက်စီး၍ သေပြီးသည်မှ နောက်၌ ကောင်းသော လားရာ ဖြစ်သော နတ်ပြည်၌ ဖြစ်ရ၏။

ရဟန်းတို့ ... ဤသို့လျှင် ပုဂ္ဂိုလ်သည် အလင်း၌ ဖြစ်၍ အလင်းလျှင် လည်းလျောင်းရာ ရှိ၏။

ရဟန်းတို့ ... လောက၌ ဤပုဂ္ဂိုလ်လေးမျိုးတို့သည် ထင်ရှားရှိကုန်၏ ဟု (မိန့်တော်မူ၏)။

(အဂုင်္တ္တိုရ်ပါဠိတော် မြန်မာပြန်)

ဓမ္မာရုံ ယောဂီဆောင် ဆောက်လုပ်ရေး (၁၈-ဇန်နဝါရီ-၂၀၁၂)

2012-01-18T17:20:00.002-05:00

ကျောင်းဟောင်း ကျောင်းသစ် ဆက်သွယ် -

`သောဘဏစေတသိက်များ´နှင့် `ခြေတစ်လှမ်း ကုဋေတစ်သန်း´

2012-01-16T13:27:00.001-05:00

၂၀၁၂ ခုနှစ် ဇန်နဝါရီလ (၁၄)ရက် စနေနေ့၊
လောကချမ်းသာဘုရားကျောင်း၊ နယူးယောက်မြို့။

“တရားအားထုတ်ဖို့ အချိန်ရောက်ပြီ” ဟူသော လောကချမ်းသာဆရာတော်၏ ‘လောကချမ်းသာ ၅-မိနစ်တရား’ အစပျိုးဝယ် အဓိပ္ပာယ် နှစ်မျိုး ပါသည်ဟု ယူနိုင်၏။

ယခုအခါ စနေနေ့ ပြုမြဲဖြစ်သော မွန်းလွဲ ၂-နာရီမှ ၃-နာရီ တရားအားထုတ် ရှုမှတ် ပွားများရန် အချိန်ရောက်ပြီဖြစ်ကြောင်း ဆိုသည်လည်း တစ်ရပ်၊

အသေမဦးခင် တရားရှုမှတ်ရင်း သေတတ်အောင်၊ အချိန်မရွေး နေရာမရွေး တရားနှင့် နေတတ်အောင် သတိပေးသည်လည်း တစ်ဖုံ နှစ်မျိုးစုံ အဓိပ္ပာယ်ရလေ၏။

သမထဘာဝနာ (သမထကမ္မဋ္ဌာန်း)၊ ဝိပဿနာဘာဝနာ (ဝိပဿနာကမ္မဋ္ဌာန်း) နှစ်မျိုးရှိရာ သမထကမ္မဋ္ဌာန်းကို အားထုတ်ရန် သီးသန့် အချိန် နေရာ သတ်သတ်မှတ်မှတ် ထားရှိ ပြုလုပ်ရပြီး၊ ဝိပဿနာကမ္မဋ္ဌာန်း အားထုတ်ရန်အတွက်မူ အချိန် နေရာ သတ်မှတ်ရန် မလိုအပ်ဘဲ ထင်ရှား ပေါ်ရာ အာရုံဟူသမျှကို သတိထား စောင့်ကြည့်ရန်၊ သတိဖြင့် နေထိုင်ရန် လိုအပ်ကြောင်း၊ မည်သူမဆို အချိန်အခါ နေရာမရွေး သေနိုင်သဖြင့် အချိန်တိုင်း တရားနှင့် နေမှသာ တရားနှင့် သေနိုင်မည်ဖြစ်ကြောင်း လောကချမ်းသာဆရာတော်က အလေးတယူ မိန့်ကြားသွား၏။

မွန်းလွဲ ၃း၁၅ နာရီမှ ၄း၁၅ နာရီထိ ပြုလုပ်သော ဓမ္မပဒသင်တန်းဝယ် ‘ဆရာတော်အရှင်စက္ကိန္ဒ’က အရှင်သာရိပုတ္တရာထေရ်လောင်း ‘အရှင်ဥပတိဿ’အား “အရှင်အဿဇိထေရ်” ဟောကြားတော်မူသည့် “ယေ ဓမ္မာ ဟေတုပ္ပ ဘဝါ” ဂါထာကို ဟောကြား သင်ပြပေး၏။

“ယေ ဓမ္မာ ဟေတုပ္ပ ဘဝါ
တေသံ ဟေတုံ တထာဂတော အာဟ။
တေသဉ္စ ယော နိရောဓော
ဧဝံ ဝါဒီ မဟာသမဏော။”

ယေ ဓမ္မာ = အကြင် ဒုက္ခသစ္စာတရားတို့သည်
ဟေတုပ္ပ ဘဝါ = တဏှာဟူသော သမုဒယသစ္စာလျှင် အစအမွန် ရှိကုန်၏။
တေသံ = ထို ‘ဒုက္ခ’ ‘သမုဒယ’ သစ္စာနှစ်ပါးတို့၏
ဟေတုံ = ချုပ်ရာချုပ်ကြောင်းဖြစ်သော ‘မဂ္ဂသစ္စာ’ကိုလည်း
တထာဂတော = မြတ်စွာဘုရားသည်
အာဟ = ဟောတော်မူ၏
တေသဉ္စ = ထိုအလုံးစုံသော တရားတို့၏
နိရောဓော = ချုပ်ရာအမှန် နိရောဓတရားဟု ဆိုအပ်သော ‘နိရောဓသစ္စာ’ကိုလည်း
အာဟ = ဟောတော်မူ၏။
မဟာသမဏော = ရဟန်းမြတ်ဖြစ်တော်မူငြား မြတ်စွာဘုရားသည်
ဧဝံ ဝါဒီ = ဤသို့ အယူရှိတော်မူ၏။
(ဝါ)
ဧဝံ ဝါဒီ = ဤသို့ ပိုင်းခြား ဟောကြားတော်မူလေ့ရှိ၏။

မွန်းလွဲ ၄း၃၀ နာရီမှ ၅း၃၀ နာရီအထိ ပြုလုပ်သော အဘိဓမ္မာသင်တန်းဝယ် ‘ဆရာတော်အရှင်ဝဏ္ဏိတ’က စိတ်ဖြူစင်စေမှု အင်အားစုများဖြစ်သော ‘သောဘဏစေတသိက်များ’အကြောင်း သင်ကြား ပို့ချပေး၏။

“သောဘဏစေတသိက် ၂၅-ပါး”

‘သောဘဏသာဓာရဏစေတသိက် ၁၉-ပါး’

‘သဒ္ဓါ’‘သတိ’၊ ‘ဟိရီ’‘သြတ္တပ်’၊ ‘ဟိတ်နှစ်ရပ်’၊ ‘တတြမဇ္ဈတ္တတာ’။

‘ပဿဒ္ဓိ’‘လဟု’၊ ‘မုဒု’‘ကမ္မဉ်’၊ ‘ပါဂုညင်’နှင့်၊ ထို့ပြင် ‘ဥဇုက’၊ ခြောက်ဓမ္မ၊ ‘ကာယ’‘စိတ်’နှင့်နှော။

‘ငြိမ်း’‘ပေါ့’‘နူးညံ့’၊ ‘ကျန်းခံ့’‘လေ့လာ’၊ ‘ဖြောင့်စင်း’စွာ၊ ခြောက်ဖြာ ကိစ္စဟော။

သောဘဏတွင်၊ အကုန်ယှဉ်၊ ဤလျှင် ‘ဆယ့်ကိုး’‘သော’။

‘ဝိရတီစေတသိက် ၃-ပါး’

‘ဝါစာ’‘ကမ္မံ’၊ ‘အာဇီဝံ’၊ သုံးတန် ဝိရတီ။
‘သမ္မာဒါန’၊ ‘သမ္ပတ္တ’၊ ‘ဆေဒ’ သုံး,သုံးလီ။

‘အပ္ပမညာစေတသိက် ၂-ပါး’

‘ကရု’‘မုဒု’၊ ဤနှစ်ခု၊ ခေါ်မှု ‘ပမညာ’။

‘အမောဟစေတသိက် ၁-ပါး’

အသိ အလိမ်မာ၊ ဉာဏ်ပညာ၊ ဝိဇ္ဇာ ‘အမောဟ’။

(လယ်တီဆရာတော်ဘုရားကြီး)

လောကချမ်းသာဆည်းဆာတရားပွဲတွင် ‘အရှင်ပညာဇောတ’က သုတ္တန္တပိဋက၊ ခုဒ္ဒကနိကာယ်၊ ထေရာပဒါန်ပါဠိတော်၊ သေရေယျဝဂ်၊ ပုပ္ဖထူပိယတ္ထေရအပါဒါန် ကို ‘မြင့်မြတ်အာရုံ စိတ်မှာထုံတရားတော်’ အမည်ဖြင့် ဓမ္မဒါနပြု ဟောကြား၏။

ပုပ္ဖထူပိယထေရ်လောင်း ဈာန်အဘိညာဉ်ရ ရသေ့သည် မြတ်စွာဘုရားကို ဖူးမြော်ရန် ဈာန်အဘိညာဉ်တန်ခိုးဖြင့် မသွားဘဲ ဘုရားရှင်၏ ဂုဏ်တော် ကျေးဇူးတော် ကုသိုလ်အာရုံတို့ဖြင့် ထုံမွှမ်းသော၊ ခြေတစ်လှမ်းလျှင် ကုဋေတစ်သန်းမကတန်သော ခြေလျင်ခရီးဖြင့် သွားလေ၏။

လမ်းခရီးဝယ် သက်ရွယ်ကြီးရင့် မကျန်းမမာဖြစ်၍ မြတ်စွာဘုရားကို ပန်းစေတီဖြင့် ကြည်ညို ပူဇော်ခဲ့ပြီး သေလွန်ကာ အပါယ်မလား, စကြဝတေးမင်းဘဝ အကြိမ်ကြိမ်နှင့် ဂေါတမမြတ်စွာဘုရားရှင်လက်ထက်ဝယ် အရှင်ပုပ္ဖထူပိယထေရ်ဖြစ်လေသည်။

+++++

ပုပ္ဖထူပိယတ္ထေရအပါဒါန်

ဟိမဝန္တာတောင်၏ အနီးအရပ်၌ ‘ကုက္ကုရ’မည်သော တောင်သည် ရှိ၏။ ထိုတောင်၏ အလယ်၌ ဗေဒင်သုံးပုံတို့၌ တဖက်ကမ်းရောက် တတ်မြောက်သော ပုဏ္ဏားသည် နေ၏။

ငါးထောင်သော တပည့်တို့သည် ငါ့ကို အခါခပ်သိမ်း ခြံရံကုန်၏။ ထိုတပည့်တို့သည် ရှေးဦးစွာ ထလေ့ရှိကုန်သည်လည်း ဖြစ်ကုန်၏။ ဗေဒင်သုံးပုံတို့၌လည်း ရဲရင့်ကုန်၏။

လောက၌ မြတ်စွာဘုရားသည် ပွင့်တော်မူ၏။ အရှင်သည် ထိုမြတ်စွာဘုရားကို သိပါ၏လော၊ ထိုမြတ်စွာဘုရား၏ လက္ခဏာတော်ငယ်တို့သည် ရှစ်ဆယ်ရှိကုန်၍ လက္ခဏာတော်ကြီးတို့သည်ကား သုံးဆယ့်နှစ်ပါး ရှိကုန်၏။

မြတ်စွာဘုရားသည် တလံမျှသော ရောင်ခြည်တော်ရှိသည်ဖြစ်၍ နေမင်းကဲ့သို့ တင့်တယ် တောက်ပတော်မူ၏။ (ဤသို့) တပည့်တို့ လျှောက်ကြားသော စကားကို ကြားရ၍ ဗေဒင်သုံးပုံတို့၌ တဖက်ကမ်းရောက် တတ်မြောက်သော ပုဏ္ဏားသည် -

နေရာသင်္ခမ်းကျောင်းမှ ထွက်လတ်၍ တပည့်တို့ကို ဘုရားရှိရာအရပ်ကို မေးလေ၏။
အကြင်အရပ်၍ ကြီးသော လုံ့လရှိတော်မူသော လူတို့၏ရှေ့သွား မြတ်စွာဘုရားသည် နေတော်မူ၏။

ငါသည် ထိုအရပ်ကို ရှိခိုးအံ့။ တုဘက်ကင်းသော မြတ်စွာဘုရားကို ရှိခိုးအံ့။ တက်ကြွ ဝမ်းမြောက်သော စိတ်ရှိသည်ဖြစ်၍ ငါသည် မြတ်စွာဘုရားကို ပူဇော်အံ့။

တပည့်တို့ လာကြကုန်လော့။ သွားကြကုန်အံ့။ မြတ်စွာဘုရားကို ဖူးမြင်ကုန်အံ့။ မြတ်စွာဘုရား၏ ခြေတော်တို့ကို ရှိခိုး၍ မြတ်စွာဘုရား အဆုံးအမတော်ကို နာကြကုန်အံ့။ (ဤသို့ ပြောကြား၍) တရက်မျှ ထွက်ခဲ့လေသော် ဖျားနာခြင်းကို ရ၏။ ဖျားနာခြင်းသည် နှိပ်စက်အပ်သည်ဖြစ်၍ စရပ်သို့ နေထိုင်ရန် ကပ်ရောက်ခဲ့၏။

အလုံးစုံသော တပည့်တို့ကို တပေါင်းတည်း စည်းဝေးစေ၍ လွန်ကဲသည့် ပညာရှိသော လူတို့၏ရှေ့သွား မြတ်စွာဘုရားဂုဏ်တော်သည် အဘယ်သို့သဘောရှိသနည်းဟု ထိုတပည့်တို့အား မြတ်စွာဘုရားအကြောင်းအရာကို မေး၏။

(ဤသို့) ငါသည် မေးလတ်သော် ထိုတပည့်တို့သည် ဖူးမြင်ရသည့်အတိုင်း ပြန်ကြားကုန်၏။ ထိုမြတ်စွာဘုရား (အကြောင်းအရာကို) ငါ၏မျက်မှောက်၌ ရိုသေစွာ ပြောကြားကုန်၏။

ငါသည် ထိုတပည့်တို့၏ စကားကို ကြားရသောကြောင့် မိမိစိတ်ကို ကြည်လင်စေ၏။ ပန်းတို့ဖြင့် ပုထိုးစေတီတော် ပြုလုပ်၍ ထိုအရပ်၌ပင် ငါသည် သေလွန်ခဲ့ရ၏။

ထိုတပည့်တို့သည် ငါ၏အလောင်းကို မီးသင်္ဂြိုဟ်၍ မြတ်စွာဘုရားထံတော်သို့ သွားကုန်၏။ မြတ်စွာဘုရားကို လက်အုပ်ချီလျက် ရှိခိုးကုန်၏။

ကောင်းသောစကားကို ဆိုတော်မူတတ်သော မြတ်စွာဘုရား၏ ပုထိုးတော်ကို ပန်းတို့ဖြင့် မွမ်းမံပြုလုပ်ရသောကြောင့် ငါသည် ကမ္ဘာတသိန်းပတ်လုံး အပါယ်လေးပါးသို့ မလားမရောက်ရပေ။

ကမ္ဘာလေးသောင်းထက်၌ များမြတ်လှသည့် ဗိုလ်ပါအင်အားရှိသော အမည်အားဖြင့် ‘အဂ္ဂိသမ’ဟု ထင်ရှားကုန်သော စကြဝတေးမင်းတို့သည် တဆယ့်ခြောက်ကြိမ် ဖြစ်ဖူးကုန်၏။

ကမ္ဘာနှစ်သောင်းထက်၌ မြေကြီးအရှင်ဖြစ်သော ‘ဃတာသန’ဟု တူသော အမည်ရှိကုန်သော စကြဝတေးမင်းတို့သည် သုံးဆယ့်ရှစ်ကြိမ် ဖြစ်ဖူးကုန်၏။

လေးပါးသော ပဋိသမ္ဘိဒါတို့ကို၎င်း၊ ရှစ်ပါးသော ဤဝိမောက္ခတို့ကို၎င်း၊ ခြောက်ပါးသော အဘိညာဉ်တို့ကို၎င်း မျက်မှောက်ပြုအပ်ပါကုန်ပြီ။
မြတ်စွာဘုရား၏ အဆုံးအမတော်ကို လိုက်နာ ကျင့်သုံးပြီးပါပြီ။

ဤသို့လျှင် အသျှင်ပုပ္ဖထူပိယမထေရ်သည် ဤဂါထာတို့ကို မိန့်ဆိုတော်မူ၏။

(ထေရာပဒါန်ပါဠိတော် မြန်မာပြန်)

+++++

တရားပွဲပြီးသော် ကောင်းမှုကုသိုလ်အစုစုတို့ကို အမျှပေးဝေကြ၏။

သာဓု ... သာဓု ... သာဓု။

“အကုသိုလ်စေတသိက်များ”နှင့် “အရှင်အာနန္ဒာ၏အတွေး”

2012-01-09T15:42:00.000-05:00

လောကချမ်းသာဘုရားကျောင်း၊
၂၀၁၂ ခု ဇန်နဝါရီလ (၇)ရက် စနေနေ့။

နယူးယောက်မြို့ လောကချမ်းသာဘုရားကျောင်း၏ ၂၀၁၂ ခုနှစ် ပထမဦး စနေနေ့ တရားရှုမှတ်ခြင်း၊ ဓမ္မသင်တန်းနှင့် တရားပွဲ အစီအစဉ်များတွင် အစီအစဉ်သစ်တစ်ရပ်အဖြစ် “လောကချမ်းသာ ငါးမိနစ်တရား” အစီအစဉ်ကို တရားရှုမှတ်ခြင်း အစီအစဉ် မစမီ ပြုလုပ်ရာ လောကချမ်းသာဆရာတော်က ဟောကြား ချီးမြှင့်၏။

အစီအစဉ်အရ ငါးမိနစ်မျှသာ ဟောကြားရန်ဖြစ်သော်လည်း ဘော်စတွန်မြို့မှ ဗီယက်နမ်လူမျိုး ဧည့်သည်များလည်း ပါဝင် တရားရှုမှတ်ကြရာ လောကချမ်းသာဆရာတော်က မိနစ်နှစ်ဆယ်ခန့် အင်္ဂလိပ်ဘာသာဖြင့် ဟောကြား ချီးမြှင့်ပေးလေသည်။

ဓမ္မပဒသင်တန်းပြဆရာတော် အရှင်စက္ကိန္ဒမှာ လောကချမ်းသာဆရာတော်နှင့်အတူ အသုဘရှု-မရဏာနုဿတိဘာဝနာပွားများရာသို့ ကြွရောက်ရန် ရှိသဖြင့် ယခုအပတ်တွင် ဓမ္မပဒသင်တန်း မရှိပေ။

ထို့ကြောင့် ဆရာတော် အရှင်ဝဏ္ဏိတက မွန်းလွဲ ၃ နာရီခွဲမှ ညနေ ၅ နာရီခွဲထိ “အကုသိုလ်စေတသိက်များ”အကြောင်းကို အားပါးတရ ရှင်းလင်း သင်ကြား ပို့ချပေး၏။

ညနေ ၆ နာရီ လောကချမ်းသာ ဆည်းဆာတရားပွဲတွင် ဆရာတော် အရှင်ဝိမလက မဟာဝဂ္ဂသံယုတ်ပါဠိတော်၊ မဂ္ဂသံယုတ်၊ အဝိဇ္ဇာဝဂ်မှ ‘ဇာဏုသောဏိဗြာဟ္မဏသုတ်’ကို “အရှင်အာနန္ဒာ၏အတွေး”ဟူ၍ တရားတော် အမည်ပေးကာ ဓမ္မဒါနပြု ဟောကြား၏။

ဇာဏုေဿာဏိဗြာဟ္မဏသုတ်

သာဝတ္ထိနိဒါန်း။
ထိုအခါ အသျှင်အာနန္ဒာသည် နံနက်အချိန်၌ သင်္ကန်းကို ပြင်ဝတ်၍ သပိတ်သင်္ကန်းကို ဆောင်ယူပြီးလျှင် သာဝတ္ထိပြည်သို့ ဆွမ်းခံဝင်၏။

အသျှင်အာနန္ဒာသည် အလုံးစုံ ဖြူသော ‘မြင်းမ’က,သော ရထားဖြင့် သာဝတ္ထိပြည်မှ ထွက်လာသော ဇာဏုေဿာဏိပုဏ္ဏားကို မြင်လေ၏။

က,ထားသော မြင်းမတို့သည်လည်း ဖြူကုန်၏။
ရထားတန်ဆာတို့သည်လည်း ဖြူကုန်၏။
ရထားသည်လည်း ဖြူ၏။
ဖြူသော အခြံအရံလည်း ရှိ၏။
ဇက်ကြိုးတို့သည်လည်း ဖြူကုန်၏။
နှင်တံသည်လည်း ဖြူ၏။
ထီးသည်လည်း ဖြူ၏။
သင်းကျစ်သည်လည်း ဖြူ၏။
အဝတ်တို့သည်လည်း ဖြူကုန်၏။
ဘိနပ်တို့သည်လည်း ဖြူကုန်၏။
ဖြူသော သားမြီးယပ်ဖြင့် ယပ်ခပ်စေ၏။

လူအများသည် ထိုရထားကို တွေ့မြင်ကြ၍ - “အချင်းတို့၊ ရထားသည် ကောင်းမြတ်လှပေစွတကား။ အချင်းတို့၊ ဗြဟ္မယာဉ်နှင့် တူပေစွတကား”ဟု ပြောဆို၏။

ထိုအခါ အသျှင်အာနန္ဒာသည် သာဝတ္ထိပြည်မှ ဆွမ်းခံ လှည့်လည်ပြီး၍ ဆွမ်းစားပြီးသည့်နောက် ဆွမ်းစားရာမှ ဖဲခဲ့၍ မြတ်စွာဘုရားထံသို့ ချဉ်းကပ်ပြီးလျှင် မြတ်စွာဘုရားကို ရှိခိုးလျက် တခုသော နေရာ၌ ထိုင်နေပြီးသော် မြတ်စွာဘုရားအား ဤစကားကို လျှောက်ထား၏။

အသျှင်ဘုရား၊ အကျွန်ုပ်သည် ဤနေ့ နံနက်၌ သင်္ကန်းကို ပြင်ဝတ်၍ သပိတ်သင်္ကန်းကို ယူဆောင်ပြီးလျှင် သာဝတ္ထိပြည်သို့ ဆွမ်းခံဝင်ပါ၏။
အသျှင်ဘုရား၊ အကျွန်ုပ်သည် အလုံးစုံဖြူသော ‘မြင်းမ’က,သော ရထားဖြင့် သာဝတ္ထိပြည်မှ ထွက်လာသော ဇာဏုေဿာဏိပုဏ္ဏားကို တွေ့မြင်ခဲ့ပါ၏။
က,ထားသော မြင်းမတို့သည်လည်း ဖြူပါကုန်၏။
ရထားတန်ဆာတို့သည်လည်း ဖြူပါကုန်၏။
ရထားသည်လည်း ဖြူပါ၏။
ဖြူသော အခြံအရံလည်း ရှိပါ၏။
ဇက်ကြိုးတို့သည်လည်း ဖြူပါကုန်၏။
နှင်တံတို့သည်လည်း ဖြူပါကုန်၏။
ထီးသည်လည်း ဖြူပါ၏။
သင်းကျစ်သည်လည်း ဖြူပါ၏။
အဝတ်တို့သည်လည်း ဖြူပါကုန်၏။
ဘိနပ်တို့သည်လည်း ဖြူပါကုန်၏။
ဖြူသော သားပြီးယပ်ဖြင့် ယပ်ခပ်စေပါ၏။
လူအများသည် ထိုရထားကို တွေ့မြင်ကြ၍ “အချင်းတို့၊ ရထားသည် ကောင်းမြတ်လှပေစွတကား။ အချင်းတို့ ဗြဟ္မယာဉ်နှင့် တူပေစွတကား”ဟု ပြောဆိုပါကုန်၏။
အသျှင်ဘုရား၊ ဤသာသနာတော်၌ ဗြဟ္မယာဉ်ကို ပညတ်ခြင်းငှါ စွမ်းနိုင်ပါမည်လောဟု လျှောက်၏။

“အာနန္ဒာ စွမ်းနိုင်၏”ဟု မြတ်စွာဘုရားသည် မိန့်တော်မူ၏။
အာနန္ဒာ - ဗြဟ္မယာဉ်ဟူသော ဤအမည်သည်၎င်း၊ ဓမ္မယာဉ်ဟူသော ဤအမည်သည်၎င်း၊ အတုမရှိမူ၍ (ကိလေသာ)စစ်ပွဲ၌ အောင်မြင်နိုင်သော ယာဉ်ဟူသော ဤအမည်သည်၎င်း “အင်္ဂါရှစ်ပါးရှိသော အရိယမဂ်၏ အမည်”သာ ဖြစ်၏။

အာနန္ဒာ - မှန်ကန်သော အမြင် ‘သမ္မာဒိဋ္ဌိ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော အကြံ ‘သမ္မာသင်္ကပ္ပ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော စကား ‘သမ္မာဝါစာ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော အလုပ် ‘သမ္မာကမ္မန္တ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော အသက်မွေးမှု ‘သမ္မာအာဇီဝ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော အားထုတ်မှု ‘သမ္မာဝါယာမ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော အောက်မေ့မှု ‘သမ္မာသတိ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ - မှန်ကန်သော တည်ကြည်မှု ‘သမ္မာသမာဓိ’ကို ပွားများသော်၊ ကြိမ်ဖန်များစွာ ပြုလုပ်သော် စွဲမက်မှု ‘ရာဂ’ကို ပယ်ဖျောက်ခြင်းလျှင် အဆုံးရှိ၏။ အမျက်ထွက်မှု ‘ဒေါသ’ကို ပယ်ဖျောက်ခြင်းလျှင် အဆုံးရှိ၏။ တွေဝေမှု ‘မောဟ’ကို ပယ်ဖျောက်ခြင်းလျှင် အဆုံးရှိ၏။

အာနန္ဒာ ဗြဟ္မယာဉ်ဟူသော ဤအမည်သည်၎င်း၊ ဓမ္မယာဉ်ဟူသော ဤအမည်သည်၎င်း၊ အတုမရှိ၍ (ကိလေသာ)စစ်ပွဲ၌ အောင်မြင်နိုင်သော ယာဉ်ဟူသော ဤအမည်သည်၎င်း “အင်္ဂါရှစ်ပါးရှိသော အရိယမဂ်၏ အမည်”တည်းဟူသော ဤစကားကို ဤဆိုခဲ့ပြီး အကြောင်းဖြင့် သိအပ်၏။

ကောင်းသော စကားကို ဆိုတော်မူတတ်သော မြတ်စွာဘုရားသည် ဤတရားစကားကို ဟောကြားပြီး၍ ထိုမှတပါး ဤဂါထာများကို ဟောတော်မူ၏။

“အကြင် မဂ္ဂင်ရထားအား ‘သဒ္ဓါ’နှင့် ‘ပညာ’တရားနှစ်ပါးတို့ကို အခါခပ်သိမ်း (‘ဥပေက္ခာ’ဟူသော) ‘ထမ်းပိုး’၌ က,အပ်ကုန်၏။
ရှက်မှု ‘ဟိရီ’သည် ‘ရထားသံ’ မည်၏။
‘ဝိပဿာနာစိတ်’ (‘မဂ်စိတ်’)သည် ‘ဇက်ကြိုး’ မည်၏။
အောက်မေ့မှု ‘သတိ’သည် စောင့်ရှောက်သော ‘ရထားထိန်း’ မည်၏။

(မဂ္ဂင်)ရထားသည် ‘သီလ’တည်းဟူသော ‘တန်ဆာ’ရှိ၏။
‘ဈာန်’တည်းဟူသော ‘ဝင်ရိုး’ရှိ၏။
‘ဝီရိယ’တည်းဟူသော ‘ဘီး’ရှိ၏။
‘ဥပေက္ခာ’သည် ရထားဦးကို တည်ငြိမ်စေ၏။
‘အလောဘ’သည် ‘အကာအရံ’ဖြစ်ပေ၏။

မပျက်စီးစေလိုမှု ‘အဗျာပါဒ’၊
မညှင်းဆဲလိုမှု ‘အဝိဟိံသာ’၊
ဆိတ်ငြိမ်မှု ‘ဝိဝေက’သည် အကြင်မဂ္ဂင်ရထား၌ တည်သူ၏ လက်နက်မည်၏။
သည်းခံခြင်းသည် ချပ်ဝတ်တန်ဆာမည်၏။
ထိုမဂ္ဂင်ရထား၌ တည်သူသည် ယောဂ၏ကုန်ရာ (နိဗ္ဗာန်)သို့ ရှေးရှူသွား၏။

ပညာရှိတို့သည် မိမိသန္တာန်၌ ဖြစ်ပေါ်လာသော အတုမရှိသော ထိုဗြဟ္မယာဉ်တည်းဟူသော မဂ္ဂင်ရထားကို (တက်စီးကြပြီးလျှင်) အောင်ပွဲမှန်သမျှကို စင်စစ် အောင်မြင်ကြ၍ လောကမှ ထွက်မြောက်ကြုန်၏” ဟု (မိန့်တော်မူ၏)။

စတုတ္ထသုတ်၊ ဇာဏုေဿာဏိဗြာဟ္မဏသုတ်
အဝိဇ္ဇာဝဂ်၊ မဂ္ဂသံယုတ်၊ မဟာဝဂ္ဂသံယုတ်ပါဠိတော်။

+++++

တရားပွဲပြီးသော် ကောင်းမှုကုသိုလ်အစုစုတို့ကို အမျှပေးဝေကြ၏။

သာဓု ... သာဓု ... သာဓု။

Happy New Year - အရှင်စက္ကိန္ဒ

2011-12-31T21:59:00.001-05:00

မကြာမီ နှစ်ဟောင်းကုန်ပျောက်၍ နှစ်သစ်ရောက်လာပေတော့မည်။
နှစ်သစ်ကို ကြိုဆိုဖို့ ဟန်ရေးတပြပြ အစီအစဉ်တွေ ချနေကြသူများ၊ Happy New Year ဟူ၍ နှုတ်ဆက်သံများ ကျယ်လောင်စွာ ကြားနေရသည်။

အသစ်အသစ်ကို အမြတ်တနိုး ကြိုဆိုကြတာဟာ လောကသဘာဝပါ။
အဟောင်းရဲ့ အဆုံးဟာ အသစ်၊
အသစ်ရဲ့ အဆုံးဟာ အဟောင်း။
အဟောင်း အသစ်၊ အသစ် အဟောင်းဟာ ဆက်စပ်နေတာပါ။
သူတို့နှစ်ခု တစ်ခုခုကို ဖယ်ထုတ်ပစ်လို့ မရပါ။

အသစ်ကို ကြိုဆိုရင်း အဟောင်းကို ပြန်လည် သုံးသပ်ကြရပါတယ်။
`ရှေ့တစ်ခေါ် မျှော်ကြည့်၊ နောက်တစ်လံ ပြန်ကြည့်´ ဆိုတဲ့ စကားပုံဟာ ရှေ့နောက်မြော်မြင် သမ္ပဇဉ်ဖြင့် ဉာဏ်ယှဉ်ကာ သုံးသပ်တတ်ဖို့ လိုကြောင်း ဆိုလိုပါတယ်။
အဟောင်းထဲက အကောင်းတွေ၊ အဟောင်းထဲက အနှစ်တွေ ယူရသလို၊
အဟောင်းထဲက အရှူံးတွေ အမုန်းတွေကိုလည်း ချေဖျက်ကာ သင်ခန်းစာ ယူတတ်ကြဖို့ လိုပါတယ်။

နှစ်သစ် ကမ္ဘာသစ် ဘ၀သစ် အသစ်အသစ်ဆီကို လျှောက်လှမ်းကြမည့် သူတိုင်းဟာ အဟောင်းထဲက သင်ခန်းစာမယူ မဆင်မခြင် မပြုမပြင်ဘဲ လျှောက်လှမ်းကြမည်ဆိုလျှင် တစ်စပ်တည်း တွဲစပ်နေတဲ့ နှစ်ဟောင်းက မကောင်းတဲ့ အမူအကျင့် အဖြစ်သနစ်တွေ တစ်စပ်တည်း တစ်ထပ်တည်း ပြန်ပါလာပါက ဒီပုတ်ထဲက ဒီပဲတွေပဲ ဖြစ်နေဦးမှာပါ။
Happy New Year ဖြစ်ဖို့ လိုအပ်သလို Happy Life ဖြစ်ဖို့လည်း လိုအပ်ပါတယ်။

ပျော်ရွှင် သာယာလှပတဲ့ ဘ၀ပိုင်ရှင်တွေဖြစ်ဖို့အတွက် စည်းစနစ်ရှိရပါမယ်။ မျက်စိဖွင့် နားစွင့်၍ ကြိုးစားကြရပါမယ်။
ရည်မှန်းချက် ရှိရပါမယ်။ မျှော်မှန်းထားသလို ရည်မှန်းချက်တွေ ပြည့်စုံလာပါက ပျော်ရွှင်ချမ်းမြေ့စရာ ဘ၀ကို ရမှာ ဖြစ်ပါတယ်။
ဘ၀တိုးတက်ရေးအတွက် ကံ ဉာဏ် ၀ီရိယ အပြည့်အ၀ အသုံးပြု ကြိုးစားအားထုတ်ရင် အားထုတ်သလောက် ထိုက်သင့်တဲ့ အကျိုး ခံစားကြရမှာ မလွဲပါဘူး။

ဒီဘ၀ ပြည့်စုံတဲ့ ဘ၀ပိုင်ရှင်တွေဟာ ပြုသင့်တဲ့ လူမှုရေးအကျိုးပြုလုပ်ငန်း(ကုသိုလ်ရေး)၊ ကိုယ်ကျင့်တရားကောင်းမွန်ရေး(သီလအကျင့်)တွေ ပြုဖို့ မေ့လျော့ကာ သံသရာမှာ တ၀ဲလည်လည် ကြာရှည် ကျင်လည်နေစေတတ်တဲ့ တရားတွေနဲ့သာ ပျော်မွေ့ယစ်မူးနေကြမယ်ဆိုရင်လည်း ပျော်ရွှင်ဖွယ် ဘ၀တွေကနေ လျောကျ၊ အန္တရာယ်မျိုးစုံ ဒုက္ခတွေအဖုံဖုံလည်း တွေ့ကြုံ၊ ချွတ်ခြုံနုံချာတဲ့ ဘ၀တွေထဲ ရောက်သွားနိုင်ပါတယ်။

နှစ်သစ်မှာ ကျက်သရေ မင်္ဂလာအဖြာဖြာနှင့် ပြည့်စုံဖို့ လူတိုင်း လိုလားတောင့်တကြစမြဲပါ။
ထိုလိုလား တောင့်တချက်တွေ ပြည့်စုံဖို့ `ကုသိုလ်´နှင့် `ပညာ´ပါမှ ဖြစ်တယ်ဆိုတာ ဗုဒ္ဓမတ္တညူ အဋ္ဌကထာဆရာက `သိရီတိ ဗုဒ္ဓိပုညာနံ အဓိဝစနံ´လို့ ညွှန်ကြား ဖွင့်ဆိုပြပါတယ်။

ဒီစကားအရ ပညာတန်ဆောင် အလင်းရောင် မပါဘဲ ဘ၀အမှောင်ထဲ လျှောက်တိုင်း လျှောက်တိုင်း အန္တရာယ်တွေဆီသို့ ဦးတည် ဦးတည် လျှောက်လှမ်းနေသလို ဖြစ်ပါတယ်။
ကိုယ်ပိုင် အသိဉာဏ်ပညာက စပြီး လောကဘက် ဓမ္မဘက် သင်ယူလေ့လာစရာ ပညာရပ်တွေ များပြားလှပါတယ်။
ထိုထိုပညာရပ်တွေ လေ့လာသင်ကြားထားမယ်ဆိုရင် ကောင်းဆိုးအမှန် ဝေဖန်ခွဲခြား သိနိုင်စွမ်းအားရှိလို့ ပညာတရားဟာ လောကရဲ့ ကျက်သရေဆောင် မင်္ဂလာဖြစ်တယ်လို့ အဋ္ဌကထာဆရာက ညွှန်းဆိုထားပါတယ်။

ပညာသာမက ပုညခေါ်တဲ့ ကုသိုလ်တရားရှိဖို့လည်း လိုအပ်လှပါတယ်။
ပစ္စည်းဥစ္စတွေ ပြည့်စုံနေလို့ ကိုယ်တစ်ဦးတည်း စားသုံး သုံးဖြုန်းနေလို့ မဖြစ်ပါ။ အကျိုးရှိရာ အကျိုးရှိကြောင်း ကောင်းမှုတွေ၊ ပရဟိတလုပ်ငန်း စတာတွေ တစ်ပိုင်တစ်နိုင် ခွဲဝေမျှတ စွန့်ကြဲပေးကမ်းရပါတယ်။
ဒါနကုသိုလ်ဟာ လောကရဲ့ အလှတစ်ပါး၊ ကျက်သရေမင်္ဂလာတိုးတက်ကြောင်း တရားပါပဲ။

ပုညကုသိုလ်လို့ ပြဆိုတဲ့ နေရာမှာ ဒါနသာမက သီလကုသိုလ်လည်း ပါဝင်ပါတယ်။
သီလဆိုတဲ့ ကိုယ်ကျင့်တရားနဲ့ ပြည့်စုံရင် အဲဒီပုဂ္ဂိုလ်အတွက် ကျက်သရေမင်္ဂလာ တိုးတက်ဖြာဝေနေပါတယ်။

သီလဆိုတဲ့နေရာမှာလည်း ယနေ့ လောကမှာ လူတော်လူကောင်းတွေ ကျင့်သုံးကြတဲ့ ငါးပါးသီလ (၀ါရိတ္တသီလ=မပြုမလုပ်ရဆိုတဲ့ တားမြစ်တဲ့ သီလ) ခေါ် ကိုယ်ကျင့်သီလနဲ့ ပြည့်စုံဖို့ လိုပါတယ်။
ဒါ့အပြင် အမျိုးကောင်းသား အမျိုးကောင်းသမီတွေ ကျင့်သုံးကြတဲ့ စာရိတ္တသီလ (တာဝန်ဝတ္တရားများ ကျေပွန် ကျင့်သုံးခြင်း သီလ) ခေါ် မိမိရဲ့ တာဝန်ဝတ္တရားများ ကျေပွန် တာဝန်ယူ ကျင့်သုံးရသည့် ကိုယ်ကျင့်သီလနဲ့ ပြည့်စုံဖို့လည်း လိုပါတယ်။

ဥပမာ - မိဘနဲ့ သားသမီး ဆက်ဆံရေးမှာ သားသမီးအပေါ် ပြုလုပ်ပေးရမည့် မိဘ၀တ္တရားဖြစ်တဲ့ `မကောင်းမြစ်တာ၊ ကောင်းရာညွှန်လတ်၊ အတတ်သင်စေ၊ ပေးဝေနှီးရင်း၊ ထိမ်းမြားချင်းလျှင်၊ ၀တ်ငါးအင်၊ ဖခင်မယ်တို့တာ´ဆိုတဲ့ အဆုံးအမတွေ ရှိပါလျက် ထိုဝတ္တရားတွေ ဆောင်ရွက်မပေးလျှင် တာဝန်မကျေ ၀တ္တရားပျက်ကွက်၍ သီလပျက်တယ်လို့ ပြောရပါတယ်။
အရက်သောက်ပြီး ဆူပူကြိမ်းမောင်းလို့ လူသိများတဲ့ သုရာမေရယသိက္ခာပုဒ်(၀ါရိတ္တသီလ)ပျက်တာသာ သိပြီး၊ မိဘ၀တ္တရား မကျေပွန် (စာရိတ္တသီလ)ပျက်တာကို သီလပျက်တယ်လို့ သိသူ နည်းပါးတယ်လို့ ထင်ပါတယ်။
မိဘတွေက သားသမီးအပေါ် ပြုရမယ့် ၀တ္တရားရှိသလို သားသမီးတွေကလည်း မိဘတွေအပေါ် `ကျွေးမွေးမပျက်၊ ဆောင်ရွက်စီမံ၊ မွေခံထိုက်စေ၊ လှူမျှဝေ၍၊ စောင့်လေမျိုးနွယ်၊ ၀တ်ငါးသွယ်၊ ကျင့်ဖွယ်သားတို့တာ´ ဆိုတဲ့ ၀တ္တရားတွေကို မသိကျိုးကျွန်ပြုကာ သားသမီးကျင့်ဝတ်ပျက်ကွက်တာဟာ (စာရိတ္တသီလ) သီလပျက်တာပါပဲ။

မိဘနှင့်သားသမီး၊ ဆရာနှင့်တပည့်၊ လင်နှင့်မယား၊ ဆွေမျိုးညာတိချင်း၊ မိတ်ဆွေချင်း အချင်းချင်း အပြန်ပြန် အလှန်လှန် ပြုရမယ့် ၀တ္တရားတွေကို ကျေပွန်စွာ မပြုလုပ်သမျှ တာဝန်မဲ့မှု ၀တ္တရားပျက်ကွက်မှုဟာ စာရိတ္တသီလတွေ ပျက်နေတာပါပဲ။
ငါးပါးသီလ(၀ါရိတ္တသီလ) ပျက်တာဟာ မြင်သာပေမယ့်၊ (စာရိတ္တသီလ) ကျင့်ဝတ်သီလပျက်တာကိုတော့ သိသူ နည်းပါးသလို ဖြစ်နေပါတယ်။

အိမ်တွင်းရေး သာယာငြိမ်းချမ်းမှု၊
ရပ်ကွက် တိုးတက်သာယာမှု၊
နိုင်ငံ ဖွံ့ဖြိုးတိုးတက်မှုဟာ (၀ါရိတ္တသီလ) ငါးပါးသီလ လုံခြုံရုံမျှမက (စာရိတ္တသီလ) ကျင့်ဝတ်သီလပါ ပြည့်စုံမှ အပြည့်အ၀ သာယာ တိုးတက် ဖွံ့ဖြိုးပါတယ်။

ဒီ ၀ါရိတ္တသီလ စာရိတ္တသီလတွေ လုံခြုံ ပြည့်စုံနေရင် သီလကုသိုလ်တွေ ဖြစ်နေပါတယ်။
သီလကုသိုလ်တွေ ဖြစ်နေရင် ကျက်သရေမင်္ဂလာတွေ တိုးတက် ဖြစ်ထွန်းနေတာပါပဲ။
ကိုယ်ချင်းစာစိတ်ထား သနားငဲ့ညှာ၊ မေတ္တာဘာဝနာ စတဲ့ ဗြဟ္မစိုရ်တရားများနဲ့ အခြား ဘာဝနာတရားတွေဟာလည်း အဆင့်မြင့်တဲ့ ကုသိုလ်တရားတွေ ဖြစ်ပါတယ်။
ဒီ ကုသိုလ်တရားတွေ ဖြစ်နေရင် ကျက်သရေမင်္ဂလာတွေဟာ တက်နေပမာ တိုးတက်ဖြစ်ထွန်းနေပါတယ်။

ဗုဒ္ဓမတ္တညူ အဋ္ဌကထာဆရာ ညွှန်ပြသည့် -

ဗုဒ္ဓိပုည ဤနှစ်ဝကို

စေ့ငုသေချာ ပြုကျင့်ပါက

နှစ်သစ်မင်္ဂလာ ဖြာဖြာကျက်သရေ

လင်းလက်ဝေမည် တက်နေပမာပုံသို့တည်း။

ဆိုသည့်အတိုင်း -

(၁) နှစ်သစ်နှစ်ဆန်း၊ စိတ်ရွှင်လန်း၊ ဆင်မြန်းကုသိုလ်တွေ။
(၂) ကုသိုလ်ပြုကာ၊ ကြိုဆိုကာ၊ လွန်စွာကောင်းမြတ်ပေ။
(၃) ကုသိုလ်ပညာ၊ ပြုလုပ်ပါ၊ ကျက်သရေမင်္ဂလာ တိုးကြောင်းပေ။
(၄) သီလနှစ်ဖြာ၊ ကျင့်သုံးပါ၊ ကျက်သရေမင်္ဂလာ တိုးကြောင်းပေ။
(၅) ကျက်သရေးတိုးက၊ ဒို့ဘ၀၊ မုချ သာယာလှမည်ပေ။

ဟု ယုံကြည် စိတ်စွဲ ... နှစ်ဟောင်းနှစ်သစ် ဘယ်နှစ်မှာပဲဖြစ်ဖြစ် ... ဘ၀ရှင်သန် ကောင်းမွန်ရေးဖြစ်တဲ့ စီးပွား ကျန်းမာ ဂုဏ်သိန်(သိရ်) အဖြာဖြာ တိုးတက် ပြည့်စုံအောင် ကြိုးစားအားထုတ်နိုင်ကြပါစေ။

နှစ်သစ်မှာ ပျော်ရွှင် ချမ်းမြေ့ကြပါစေ။

Happy New Year!

အရှင်စက္ကိန္ဒ
လောကချမ်းသာဘုရားကျောင်း
နယူးယောက်မြို့။

အကုသိုလ်စေတသိက်များနှင့် သံဝေဂဉာဏ် ရင့်ကျက်ရန်

2011-12-19T16:17:00.000-05:00

၂၀၁၁ ခုနှစ် ဒီဇင်ဘာလ (၁၇)ရက် စနေနေ့၊ နယူးယောက်မြို့ လောကချမ်းသာဘုရားကျောင်း တရားရှုမှတ်ခြင်း၊ ဓမ္မသင်တန်းနှင့် ဆည်းဆာတရားပွဲဝယ် -

ဓမ္မပဒ၊ ယမကဝဂ်၊ ဂါထာ အမှတ် ၁၁-၁၂၊ အရှင်သာရိပုတ္တထေရ်ဝတ္ထုကြောင်းကို အရှင်စက္ကိန္ဒက သင်ကြား ပို့ချပေးပြီး၊

အဘိဓမ္မာ၊ စေတသိက်ပိုင်း၊ အကုသိုလ်စေတသိက်များအကြောင်းကို အရှင်ဝဏ္ဏိတက ပို့ချ သင်ကြားပေး၏။

ဆည်းဆာတရားပွဲတွင် အရှင်စက္ကိန္ဒက အင်္ဂုတ္တိုရ်၊ စတုက္ကနိပါတ်၊ ကေသိဝဂ္ဂ မှ ပတောဒသုတ္တန် ဒုတိယပိုင်းကို “သံဝေဂဉာဏ် ရင့်ကျက်ရန်”ဟု အမည်ပေး၍ ဟောကြား ချီးမြှင့်၏။

+++++

ပတောဒသုတ်

ရဟန်းတို့ ... လောက၌ အာဇာနည်မြင်းကောင်း လေးမျိုးတို့သည် ထင်ရှား ရှိကုန်၏။

အဘယ်လေးမျိုးတို့နည်းဟူမူ -

ရဟန်းတို့ ... ဤလောက၌ အချို့သော အာဇာနည်မြင်းကောင်းသည် နှင်တံရိပ်ကို မြင်၍ “ငါ့ကို ယနေ့ မြင်းထိန်းသည် အဘယ်အကြောင်းကိစ္စကို ပြုစေလိမ့်မည်နည်း၊ ငါသည် ထိုမြင်းထိန်းအတွက် အဘယ်ကို ပြုရပါအံ့နည်း”ဟု ထိတ်လန့်၏၊ တုန်လှုပ်ခြင်းသို့ ရောက်၏။
ရဟန်းတို့ ... ဤလောက၌ ဤသို့ သဘောရှိသော အချို့သော အာဇာနည်မြင်းကောင်းလည်း ရှိတတ်၏။
ရဟန်းတို့ ... ဤ ပဌမ အာဇာနည်မြင်းကောင်းမျိုးသည် လောက၌ ထင်ရှား ရှိ၏။

ရဟန်းတို့ ... နောက်တမျိုးကား ဤလောက၌ အချို့သော အာဇာနည်မြင်းကောင်းသည် နှင်တံရိပ်ကို မြင်၍ မထိတ်လန့်၊ တုန်လှုပ်ခြင်းသို့ မရောက်။
စင်စစ်သော်ကား အမွေး၌ နှင်တံဖြင့် ထိုးအပ်သည်ရှိသော် “ယနေ့ ငါ့ကို မြင်းထိန်းသည် အဘယ်အကြောင်းကိစ္စကို ပြုစေလိမ့်မည်နည်း၊ ငါသည် မြင်းထိန်းအတွက် အဘယ်ကို ပြုရပါအံ့နည်း”ဟု ထိတ်လန့်၏၊ တုန်လှုပ်ခြင်းသို့ ရောက်၏။
ရဟန်းတို့ ... ဤလောက၌ ဤသို့ သဘောရှိသော အချို့သော အာဇာနည်မြင်းကောင်းလည်း ရှိတတ်၏။
ရဟန်းတို့ ... ဤ ဒုတိယ အာဇာနည်မြင်းကောင်းမျိုးသည် လောက၌ ထင်ရှား ရှိ၏။

ရဟန်းတို့ ... နောက်တမျိုးကား ဤလောက၌ အချို့သော အာဇာနည်မြင်းကောင်းသည် နှင်တံရိပ်ကို မြင်၍လည်း မထိတ်လန့်၊ တုန်လှုပ်ခြင်းသို့ မရောက်။
အမွေး၌ နှင်တံဖြင့် ထိုးအပ်သော်လည်း မထိတ်လန့်၊ တုန်လှုပ်ခြင်းသို့ မရောက်။
စင်စစ်သော်ကား အရေ၌ နှင်တံဖြင့် ထိုးအပ်သည်ရှိသော် “ယနေ့ ငါ့ကို မြင်းထိန်းသည် အဘယ်အကြောင်းကိစ္စကို ပြုစေလိမ့်မည်နည်း၊ ငါသည် မြင်းထိန်းအတွက် အဘယ်ကို ပြုရပါအံ့နည်း”ဟု ထိတ်လန့်၏၊ တုန်လှုပ်ခြင်းသို့ ရောက်၏။
ရဟန်းတို့ ... ဤလောက၌ ဤသို့ သဘောရှိသော အချို့သော အာဇာနည်မြင်းကောင်းလည်း ရှိတတ်၏။
ရဟန်းတို့ ... ဤ တတိယ အာဇာနည်မြင်းကောင်းမျိုးသည် လောက၌ ထင်ရှား ရှိ၏။

ရဟန်းတို့ ... နောက်တမျိုးကား ဤလောက၌ အချို့သော အာဇာနည်မြင်းကောင်းသည် နှင်တံရိပ်ကို မြင်၍လည်း မထိတ်လန့်၊ တုန်လှုပ်ခြင်းသို့ မရောက်။
အမွေး၌ နှင်တံဖြင့် ထိုးအပ်သော်လည်း မထိတ်လန့်၊ တုန်လှုပ်ခြင်းသို့ မရောက်။
အရေ၌ နှင်တံဖြင့် ထိုးအပ်သော်လည်း မထိတ်လန့်၊ တုန်လှုပ်ခြင်းသို့ မရောက်။
စင်စစ်သော်ကား နှင်တံဖြင့် အရိုးကို ထိုးအပ်သည်ရှိသော် “ယနေ့ ငါ့ကို မြင်းထိန်းသည် အဘယ်အကြောင်းကိစ္စကို ပြုစေလိမ့်မည်နည်း၊ ငါသည် မြင်းထိန်းအတွက် အဘယ်ကို ပြုရပါအံ့နည်း”ဟု ထိတ်လန့်၏၊ တုန်လှုပ်ခြင်းသို့ ရောက်၏။
ရဟန်းတို့ ... ဤလောက၌ ဤသို့ သဘောရှိသော အချို့သော အာဇာနည်မြင်းကောင်းလည်း ရှိတတ်၏။
ရဟန်းတို့ ... ဤ စတုတ္ထ အာဇာနည်မြင်းကောင်းမျိုးသည် လောက၌ ထင်ရှား ရှိ၏။

ရဟန်းတို့ ... လောက၌ ဤအာဇာနည်မြင်းကောင်း လေးမျိုးတို့သည် ထင်ရှား ရှိကုန်၏။

ရဟန်းတို့ ... ဤအတူသာလျှင် လောက၌ ဤအာဇာနည် ယောက်ျားကောင်း လေးမျိုးတို့သည် ထင်ရှား ရှိကုန်၏။
အဘယ်လေးမျိုးတို့နည်းဟူမူ -

ရဟန်းတို့ ... ဤလောက၌ အချို့သော အာဇာနည် ယောက်ျားကောင်းသည် “ဤမည်သော ရွာ၌သော်လည်းကောင်း၊ နိဂုံး၌သော်လည်းကောင်း မိန်းမဖြစ်စေ ယောက်ျားဖြစ်စေ ဆင်းရဲခြင်းသို့ ရောက်၏၊ သို့မဟုတ် သေ၏”ဟူ၍ ကြား၏။
ထိုသူသည် ထိုသို့ကြားခြင်းကြောင့် ထိတ်လန့်၏၊ တုန်လှုပ်ခြင်းသို့ ရောက်၏။
ထိတ်လန့်၍ အသင့်အားဖြင့် အားထုတ်၏။
နိဗ္ဗာန်သို့ စေလွှတ်ထားသော စိတ်ရှိသည်ဖြစ်၍ နာမကာယဖြင့်လည်း မဖောက်မပြန် မြတ်သော အမှန်တရား(နိဗ္ဗာန်)ကို မျက်မှောက်ပြု၏။
ပညာဖြင့်လည်း ထိုးထွင်း၍ မြင်၏။
ရဟန်းတို့ ... ထိုအာဇာနည်မြင်းကောင်းသည် နှင်တံရိပ်ကို မြင်၍ ထိတ်လန့်သကဲ့သို့ တုန်လှုပ်ခြင်းသို့ ရောက်သကဲ့သို့ ရဟန်းတို့ ဤအာဇာနည်ယောက်ျားကောင်းကိုလည်း အာဇာနည်မြင်းကောင်းနှင့် တူ၏ဟု ငါဆို၏။
ရဟန်းတို့ ... ဤလောက၌ ဤသို့ သဘောရှိသော အချို့သော အာဇာနည်ယောက်ျားကောင်းလည်း ရှိတတ်၏။
ရဟန်းတို့ ... ဤ ပဌမ အာဇာနည်ယောက်ျားကောင်းမျိုးသည် လောက၌ ထင်ရှား ရှိ၏။

ရဟန်းတို့ ... နောက်တမျိုးကား ဤလောက၌ အချို့သော အာဇာနည်ယောက်ျားကောင်းသည် “ဤမည်သော ရွာ၌သော်လည်းကောင်း နိဂုံး၌သော်လည်းကောင်း မိန်းမဖြစ်စေ ယောက်ျားဖြစ်စေ ဆင်းရဲခြင်းသို့ ရောက်၏၊ သို့မဟုတ် သေ၏” ဟူ၍ မကြား။
စင်စစ်သော်ကား ဆင်းရဲခြင်းသို့ ရောက်နေသော သို့မဟုတ် သေနေသော မိန်းမကိုဖြစ်စေ ယောက်ျားကိုဖြစ်စေ ကိုယ်တိုင် မြင်၏။
ထိုသူသည် ထိုသို့မြင်ခြင်းကြောင့် ထိတ်လန့်၏၊ တုန်လှုပ်ခြင်းသို့ ရောက်၏။
ထိတ်လန့်၍ အသင့်အားဖြင့် အားထုတ်၏။
နိဗ္ဗာန်သို့ စေလွှတ်သော စိတ်ရှိသည်ဖြစ်၍ နာမကာယဖြင့် မဖောက်မပြန် မြတ်သောအမှန်တရား(နိဗ္ဗာန်)ကို မျက်မှောက်ပြု၏။
ပညာဖြင့်လည်း ထိုးထွင်း၍ မြင်၏။
ရဟန်းတို့ ... ထိုအာဇာနည်မြင်းကောင်းသည် နှင်တံဖြင့် အမွေးကို ထိုးသည်ဖြစ်၍ ထိတ်လန့်သကဲ့သို့ တုန်လှုပ်ခြင်းသို့ ရောက်သကဲ့သို့ ရဟန်းတို့ ဤအာဇာနည်ယောက်ျားကောင်းကိုလည်း ထိုအာဇာနည်မြင်းကောင်းနှင့် တူ၏ဟု ငါဆို၏။
ရဟန်းတို့ ... ဤလောက၌ ဤသို့သဘောရှိသော အချို့သော အာဇာနည်ယောက်ျားကောင်းလည်း ရှိတတ်၏။
ရဟန်းတို့ ... ဤ ဒုတိယ အာဇာနည်ယောက်ျားကောင်းမျိုးသည် လောက၌ ထင်ရှား ရှိ၏။

ရဟန်းတို့ ... နောက်တမျိုးကား ဤလောက၌ အချို့သော အာဇာနည်ယောက်ျားကောင်းသည် “ဤမည်သော ရွာ၌သော်လည်းကောင်း နိဂုံး၌သော်လည်းကောင်း မိန်းမဖြစ်စေ ယောက်ျားဖြစ်စေ ဆင်းရဲခြင်းသို့ ရောက်၏၊ သို့မဟုတ် သေ၏”ဟူ၍ မကြား။
ဆင်းရဲခြင်းသို့ ရောက်နေသော သို့မဟုတ် သေနေသော မိန်းမကိုဖြစ်စေ ယောက်ျားကိုဖြစ်စေ ကိုယ်တိုင် မမြင်။ စင်စစ်သော်ကား ထိုသူ၏ ဆွေမျိုးဖြစ်စေ သားချင်းဖြစ်စေ ဆင်းရဲခြင်းသို့ ရောက်၏၊ သို့မဟုတ် သေ၏။
ထိုသူသည် ထိုအကြောင်းကြောင့် ထိတ်လန့်၏၊ တုန်လှုပ်ခြင်းသို့ ရောက်၏။
ထိတ်လန့်၍ အသင့်အားဖြင့် အားထုတ်၏။
နိဗ္ဗာန်သို့ စေလွှတ်သော စိတ်ရှိသည်ဖြစ်၍ နာမကာယဖြင့် မဖောက်မပြန် မြတ်သောအမှန်တရား(နိဗ္ဗာန်)ကို မျက်မှောက်ပြု၏။
ပညာဖြင့်လည်း ထိုးထွင်း၍ မြင်၏။
ရဟန်းတို့ ... အာဇာနည်မြင်းကောင်းသည် နှင်တံဖြင့် အရေကို ထိုးသည်ရှိသော် ထိတ်လန့်သကဲ့သို့ တုန်လှုပ်ခြင်းသို့ ရောက်သကဲ့သို့ ရဟန်းတို့ ဤအာဇာနည်ယောက်ျားကောင်းကိုလည်း ထိုအာဇာနည်မြင်းကောင်းနှင့် တူ၏ဟု ငါဆို၏။
ရဟန်းတို့ ... ဤလောက၌ ဤသို့သဘောရှိသော အချို့သော အာဇာနည်ယောက်ျားကောင်းလည်း ရှိတတ်၏။
ရဟန်းတို့ ... ဤ တတိယ အာဇာနည်ယောက်ျားကောင်းမျိုးသည် လောက၌ ထင်ရှား ရှိ၏။

ရဟန်းတို့ ... နောက်တမျိုးကား ဤလောက၌ အချို့သော အာဇာနည်ယောက်ျားကောင်းသည် “ဤမည်သော ရွာ၌သော်လည်းကောင်း နိဂုံး၌သော်လည်းကောင်း မိန်းမဖြစ်စေ ယောက်ျားဖြစ်စေ ဆင်းရဲခြင်းသို့ ရောက်၏၊ သို့မဟုတ် သေ၏” ဟူ၍ မကြား။
ဆင်းရဲခြင်းသို့ ရောက်နေသော သို့မဟုတ် သေနေသော မိန်းမကိုဖြစ်စေ ယောက်ျားကိုဖြစ်စေ ကိုယ်တိုင်လည်း မမြင်။
ထိုသူ၏ ဆွေမျိုးဖြစ်စေ သားချင်းဖြစ်စေ ဆင်းရဲခြင်းသို့ မရောက်၊ သို့မဟုတ် မသေ။
စင်စစ်သော်ကား ကိုယ်တိုင်ပင်လျှင် ကိုယ်၌ဖြစ်သော ပြင်းထန် ကြမ်းကြုတ် စပ်ရှား ကျင်နာ မသာယာဖွယ် မနှစ်သက်ဖွယ်ဖြစ်သော သေလောက်သော ဆင်းရဲဝေဒနာတို့ကို တွေ့ထိ ခံစားနေရ၏။
ထိုသူသည် ထိုအကြောင်းကြောင့် ထိတ်လန့်၏၊ တုန်လှုပ်ခြင်းသို့ ရောက်၏။
ထိတ်လန့်၍ အသင့်အားဖြင့် အားထုတ်၏။
နိဗ္ဗာန်သို့ စေလွှတ်သော စိတ်ရှိသည်ဖြစ်၍ နာမကာယဖြင့် မဖောက်မပြန် မြတ်သောအမှန်တရား(နိဗ္ဗာန်)ကို မျက်မှောက်ပြု၏။
ပညာဖြင့်လည်း ထိုးထွင်း၍ မြင်၏။
ရဟန်းတို့ ... ထိုအာဇာနည်မြင်းကောင်းသည် နှင်တံဖြင့် အရိုးကို ထိုးသည်ရှိသော် ထိတ်လန့်သကဲ့သို့ တုန်လှုပ်ခြင်းသို့ ရောက်သကဲ့သို့ ရဟန်းတို့ ဤအာဇာနည်ယောက်ျားကောင်းကိုလည်း ထိုအာဇာနည်မြင်းကောင်းနှင့် တူ၏ဟု ငါဆို၏။
ရဟန်းတို့ ... လောက၌ ဤသို့သဘောရှိသော အချို့သော အာဇာနည်ယောက်ျားကောင်းလည်း ရှိတတ်၏။
ရဟန်းတို့ ... ဤ စတုတ္ထ အာဇာနည်ယောက်ျားကောင်းမျိုးသည် လောက၌ ထင်ရှား ရှိ၏။

ရဟန်းတို့ ... ဤအာဇာနည်ယောက်ျားကောင်း လေးမျိုးတို့သည် လောက၌ ထင်ရှား ရှိကုန်၏ဟု (မိန့်တော်မူ၏)။

+++++

လင်္ကာ

(၁)

နှင်တံအရိပ်၊ မြင်တွေ့ပါလျှင်
အာဇာနည်မြင်း၊ ကြောက်ခြင်းပုံသွင်
သေဆုံးဘေးထိ၊ ကြားသိလူရှင်
သံဝေရ မုချတူသည်ပင်။

(၂)

နှင်တံအရိပ်၊ ကြောက်စိတ်မတည်
မွေးညင်းထိုးဆွ၊ ရိုက်မှကြောက်သည်
သေဆုံးဘေးထိ၊ မြင့်သည့်လူသည်
သံဝေရ မုချတူပေသည်။

(၃)

မွေးညင်းထိုးဆွ၊ ရိုက်ကမဖြုံ
အရေဖောက်ထွင်း၊ ကြောက်ခြင်းစိတ်တုန်
ဆွေမျိုးညာတိ၊ ဒဏ်ထိဘေးကြုံ
ထိတ်လန့်ငြား ဉာဏ်အားသံဝေပုံ။

(၄)

အရေထွင်းဖောက်၊ စိတ်ကြောက်မပေါ်
အရိုးထိမှ၊ စိတ်ကကြောက်သော်
ကိုယ်တိုင်ကြုံဘိ။ ဒဏ်ထိလေသော်
ထိုခါမှ ဉာဏသံဝေပေါ်။

+++++

တရားပွဲပြီးသော် ၁၀ မိနစ်မျှ တရားရှုမှတ်ကြပြီး၊ ကောင်းမှုကုသိုလ်တို့ကို အမျှပေးဝေကြ၏။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၁၅-ဒီဇင်ဘာ-၂၀၁၁)

2011-12-15T17:18:00.000-05:00

နောက်ကျုသော စိတ်၊ ကြည်လင်သော စိတ်

2011-12-11T23:09:00.000-05:00

၂၀၁၁ ခုနှစ် ဒီဇင်ဘာလ ၃ ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ တစ်နာရီ တရားရှုမှတ် ပွားများခြင်း၊ အဘိဓမ္မာသင်တန်းနှင့် စနေနေ့ တရားပွဲတို့ကို ပြုမြဲ ကျင်းပပြုလုပ်ရာ မွန်းလွဲ ၃ နာရီခွဲမှ ၄ နာရီခွဲထိ အရှင်ဝဏ္ဏိတက အဘိဓမ္မာ စေတသိက်ပိုင်း၊ အညသမန်းစေတသိက်များအကြောင်း သင်ကြား ပို့ချပေး၏။

ညနေ ၅ နာရီခွဲတွင် အရှင်ဝိမလက အင်္ဂုတ္တိုရ်၊ ဧကကနိပါတ်၊ ပဏိဟိတအစ္ဆ၀ဂ်၊ ပဉ္စမသုတ်၊ ဆဋ္ဌမသုတ်တို့လာ နောက်ကျုသောစိတ် ကြည်လင်သောစိတ်တို့အကြောင်း ဓမ္မဒါနပြု ဟောကြား၏။

အဂုင်္တ္တိုရ်၊ ဧကကနိပါတ်၊ ပဏိဟိတအစ္ဆ၀ဂ်၊

ပဉ္စမသုတ်

သေယျထာပိ ဘိက္ခဝေ ဥဒကရဟဒေါ အာဝိလော လုဠိတော ကလလီဘူတော၊
တတ္ထ စက္ခုမာ ပုရိသော တီရေ ဌိတော န ပေဿယျ သိပ္ပိသမ္ဗုကမ္ပိ သက္ခရကဌလမ္ပိ မစ္ဆဂုမ္ဗမ္ပိ စရန္တမ္ပိ တိဋ္ဌန္တမ္ပိ။
တံ ကိဿဟေတု? အာဝိလတ္တာ ဘိက္ခဝေ ဥဒကဿ။
ဧ၀မေ၀ံ ခေါ ဘိက္ခဝေ သော ၀တ ဘိက္ခု အာဝိလေန စိတ္တေန အတ္တတ္ထံ ၀ါဉဿတိ၊ ပရတ္ထံ ၀ါ ဉဿတိ၊ ဥဘယတ္ထံ ၀ါ ဉဿတိ၊ ဥတ္တရိံ ၀ါ မနုဿဓမ္မာ အလမရိယဉာဏဒဿန၀ိသေသံ သစ္ဆိကရိဿတီတိ နေတံ ဌာနံ ၀ိဇ္ဇတိ။
တံ ကိဿ ဟေတု? အာဝိလတ္တာ ဘိက္ခဝေ စိတ္တဿာတိ။

(မြန်မာပြန်)

ရဟန်းတို့ ... ဥပမာသော်ကား ရေအိုင်သည် နောက်ကျု၏၊ ပေါက်ပက်ခတ်၏၊ ညွန်အနည်ထ၏၊ မျက်စိအမြင်ရှိသော ယောက်ျားသည် ကမ်းနား၌ ရပ်၍ ထိုရေအိုင်၌ သွားနေသည်လည်းဖြစ်သော ရပ်တည်နေသည်လည်းဖြစ်သော ယောက်သွား ခရုကိုလည်းကောင်း၊ ကျောက်စရစ် အိုးခြမ်းကွဲကိုလည်းကောင်း၊ ငါးအပေါင်းကိုလည်းကောင်း မမြင်နိုင်ရာ။
ထိုသို့ ဖြစ်ခြင်းသည် အဘယ့်ကြောင့်နည်းဟူမူ - ရဟန်းတို့ ... ရေ၏ နောက်ကျုနေခြင်းကြောင့်တည်း။
ရဟန်းတို့ ... ဤအတူပင် ထိုရဟန်းသည် နောက်ကျုသော စိတ်ဖြင့် စင်စစ် မိမိအကျိုးကိုလည်း သိလတ္တံ့၊ သူတပါးအကျိုးကိုလည်း သိလတ္တံ့၊ နှစ်ပါးစုံအကျိုးကိုလည်း သိလတ္တံ့၊ အရိယာတို့အား လျောက်ပတ်သော ဉာဏ်အမြင်ထူးဖြစ်သော လူတို့၏ ကုသိုလ်ကမ္မပထတရား ဆယ်ပါးထက် လွန်မြတ်သော (ဈာန် မဂ် ဖိုလ်)တရားကိုလည်း မျက်မှောက်ပြုလတ္တံ့ ဟူသော ဤအကြောင်းသည် မရှိ။
ထိုသို့ဖြစ်ခြင်းသည် အဘယ့်ကြောင့်နည်းဟူမူ - ရဟန်းတို့ ... စိတ်၏ နောက်ကျုနေခြင်းကြောင့်တည်း ဟု (မိန့်တော်မူ၏)။

ဆဋ္ဌမသုတ်

သေယျထာပိ ဘိက္ခဝေ ဥဒကရဟဒေါ အစ္ဆော ၀ိပ္ပသန္နော အနာဝိလော၊
တတ္ထ စက္ခုမာ ပုရိသော တီရေ ဌိတော ပေဿယျ သိပ္ပိသမ္ဗုကမ္ပိ သက္ခရကဌလမ္ပိ မစ္ဆဂုမ္ဗမ္ပိ စရန္တမ္ပိ တိဋ္ဌန္တမ္ပိ။
တံ ကိဿ ဟေတု? အနာဝိလတ္တာ ဘိက္ခဝေ ဥဒကဿ။
ဧ၀မေ၀ံ ခေါ ဘိက္ခဝေ သော ၀တ ဘိက္ခု အနာဝိလေန စိတ္တေန အတ္တတ္ထံ ၀ါ ဉဿတိ၊ ပရတ္ထံ ၀ါ ဉဿတိ၊ ဥဘယတ္ထံ ၀ါ ဉဿတိ၊ ဥတ္တရိံ ၀ါ မနုဿဓမ္မာ အလမရိယဉာဏဒဿန၀ိသေသံ သစ္ဆိကရိဿတီတိ ဌာနမေတံ ၀ိဇ္ဇတိ။
တံ ကိဿ ဟေတု? အနာဝိလတ္တာ ဘိက္ခဝေ စိတ္တဿာတိ။

(မြန်မာပြန်)

ရဟန်းတို့ ... ဥပမာသော်ကား ရေအိုင်သည် ကြည်လင်၏၊ သန့်ရှင်း၏၊ နောက်ကျုခြင်း ကင်း၏၊ မျက်စိအမြင်ရှိသော ယောက်ျားသည် ကမ်းနား၌ ရပ်၍ ဤရေအိုင်၌ သွားနေသည်လည်းဖြစ်သော၊ ရပ်တည်နေသည်လည်းဖြစ်သော ယောက်သွား ခရုကိုလည်းကောင်း၊ ကျောက်စရစ် အိုးခြမ်းကွဲကိုလည်းကောင်း၊ ငါးအပေါင်းကိုလည်းကောင်း မြင်နိုင်ရာ၏။
ထိုသို့ဖြစ်ခြင်းသည် အဘယ့်ကြောင့်နည်းဟူမူ - ရဟန်းတို့ ... ရေ၏ မနောက်ကျုခြင်းကြောင့်တည်း။
ရဟန်းတို့ ... ဤအတူပင် ထိုရဟန်းသည် မနောက်ကျုသော စိတ်ဖြင့် စင်စစ် မိမိအကျိုးကိုလည်း သိလတ္တံ့၊ သူတပါးအကျိုးကိုလည်း သိလတ္တံ့၊ နှစ်ပါးစုံအကျိုးကိုလည်း သိလတ္တံ့၊ အရိယာပုဂ္ဂိုလ်တို့အား လျောက်ပတ်သော ဉာဏ်အမြင်ထူးဖြစ်သော လူတို့၏ ကုသိုလ်ကမ္မပထတရားဆယ်ပါးထက် လွန်မြတ်သော (ဈာန် မဂ် ဖိုလ်)တရားကိုလည်း မျက်မှောက်ပြုလတ္တံ့ဟူသော ဤအကြောင်းသည် ရှိ၏။
ထိုသို့ဖြစ်ခြင်းသည် အဘယ့်ကြောင့်နည်းဟူမူ - ရဟန်းတို့ ... စိတ်၏ မနောက်ကျုခြင်းကြောင့်တည်း ဟု (မိန့်တော်မူ၏)။

+++++

တရားပွဲပြီးသော် ကောင်းမှုကုသိုလ်တို့ကို အမျှပေးဝေကြလေသည်။

သာဓု ... သာဓု ... သာဓု။

စေတသိက်များနှင့် စွဲနေပြီ

2011-12-05T13:53:00.000-05:00

၂၀၁၁ ခုနှစ် ဒီဇင်ဘာလ ၃ ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ ပြုမြဲ မွန်းလွဲ ၂ နာရီမှ ၃ နာရီထိ တရားရှုမှတ် ပွားများခြင်း၊ မွန်းလွဲ ၃ နာရီခွဲမှ ၄ နာရီခွဲထိ ဓမ္မသင်တန်းနှင့် ညနေ ၅ နာရီမှ ၆ နာရီထိ တရားပွဲတို့ကို ကျင်းပ ပြုလုပ်၏။

ဓမ္မပဒသင်တန်းပြ ဆရာတော် အရှင်စက္ကိန္ဒမှာ ဖလော်ရီဒါရှိ ၁၀-ရက်တရားစခန်းပွဲတစ်ခုသို့ ကြွရောက်နေသဖြင့် ယခုပတ်တွင် ဓမ္မပဒသင်တန်း မရှိပေ။

မွန်းလွဲ ၃ နာရီခွဲမှ ၄ နာရီခွဲထိ အဘိဓမ္မာသင်တန်းဝယ် အရှင်ဝဏ္ဏိတက သဗ္ဗစိတ္တသာဓာရဏ စေတသိက်များအကြောင်း သင်ကြား ပို့ချ၏။

ညနေ ၅ နာရီတွင် ရန်ကုန်မြို့ မဟာစည်သာသနာ့ရိပ်သာမှ ရောက်ရှိနေသော အရှင်ပညာဇောတက ‘အရှင်ဓမ္မရုစိအကြောင်း’ “စွဲနေပြီတရားတော်”ကို ဓမ္မဒါနပြု ဟောကြား၏။

တရားပွဲပြီးသော ကောင်းမှုကုသိုလ်အစုစုတို့ကို အမျှပေးဝေကြ၏။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၁-ဒီဇင်ဘာ-၂၀၁၁)

2011-12-01T16:30:00.000-05:00

ဓမ္မာရုံ ယောဂီဆောင် ဆောက်လုပ်ရေး (၂၉-နိုဝင်ဘာ-၂၀၁၁)

2011-11-29T17:42:00.000-05:00

ဓမ္မာရုံ ယောဂီဆောင် ဆောက်လုပ်ရေး (၂၅-နိုဝင်ဘာ-၂၀၁၁)

2011-11-25T23:31:00.002-05:00

မြစ်သားဆရာတော်ကြီး ပူဇော်ပွဲနှင့် သြ၀ါဒခံယူပွဲ (၂၀-နိုဝင်ဘာ-၂၀၁၁)

2011-11-20T17:41:00.001-05:00

၂၀၁၁ ခုနှစ် နိုဝင်ဘာလ ၂၀ ရက် တနင်္ဂနွေနေ့တွင် နယူးယောက်မြို့ လောကချမ်းသာဘုရားကျောင်း၌ မဟာစည်သာသနာ့ရိပ်သာကြီး၏ ပြည်တွင်းပြည်ပ ဥသျှောင်သြ၀ါဒါစရိယဆရာတော် မြစ်သားဆရာတော်ကြီးအား ပူဇော်ပွဲနှင့် သြ၀ါဒခံယူပွဲကို ကျင်းပ ပြုလုပ်၏။

နံနက်တွင် ဒေါက်တာမြတ်မြတ်မွန် မိသားစုနှင့်မိတ်ဆွေများ၊ ဓမ္မမိတ်ဆွေများက ဆရာတော် သံဃာတော်များအား နေ့ဆွမ်း စုပေါင်း ဆက်ကပ် လှူဒါန်းကြ၏။

မွန်းလွဲ ၁ နာရီတွင် ဆရာတော်ကြီးအား ပူဇော် ကန်တော့ကြ၏။

ဆရာတော်ကြီးက မျက်မှောက် နောင်ရေး ကြီးပွားချမ်းသာရေး တရားလေးပါးကို သြ၀ါဒစကားအဖြစ် ဟောကြား ချီးမြှင့်၏။

မျက်မှောက် နောင်ရေး ကြီးပွားချမ်းသာရေးတရား လေးပါး

နိုးကြားထကြွ၊ တရားမျှ၍
ဓနဖွေရှာ၊ မိတ်ကောင်းရာ၏
ဝင်လာရောက်ပြီး၊ ကိုယ့်ပစ္စည်းကို
သိပ်သည်းစောင့်ရာ၊ ထွက်ဝင်မျှစေ
လေးထွေခုတန်။
နောင်သံသာဝယ်
သဒ္ဓါသီလ၊ စာဂပညာ
ဤလေးဖြာသည်၊ ဝေဖြာတင့်တောင်း
ကြီးပွားကြောင်းဟု၊ ထွဋ်ခေါင်သေချာ
ဒေသနာဖြင့်၊ ဒကာ ဗျဂ္ဃပဇ္ဇကအား
ဟောမြွက်ကြားသည်၊ အများသူငါ ကျင့်ထုံးတည်း။

ဝိရိယအင်္ဂါ လေးရပ်

အရေပြားသာ၊ ငါ့ကိုယ်မှာ၊ ကြွင်းကာ ကျန်ပါစေ။
အကြောတွေသာ၊ ငါ့ကိုယ်မှာ၊ ကြွင်းကာ ကျန်ပါစေ။
အရိုးတွေသာ၊ ငါ့ကိုယ်မှာ၊ ကြွင်းကာ ကျန်ပါစေ။
အသွေးအသား၊ ခန်းခြောက်ငြား၊ သွားချင် သွားပါစေ။
မဂ်ဖိုလ်မရ၊ ငါ မထ၊ လုံးဝရပ်နား ငါမနေ။

လုံ့လရှိက၊ ခုဘ၀၊ မုချ ချမ်းသာမည်။
မိတ်ကောင်းရှိက၊ ခုဘ၀၊ မုချ ချမ်းသာမည်။
ထိန်းသိမ်းရှိက၊ ခုဘ၀၊ မုချ ချမ်းသာမည်။
ထွက်ဝင်မျှက၊ ခုဘ၀၊ မုချ ချမ်းသာမည်။

သဒ္ဓါရှိက၊ နောက်ဘ၀၊ မုချ ချမ်းသာမည်။
သီလရှိက၊ နောက်ဘ၀၊ မုချ ချမ်းသာမည်။
စာဂရှိက၊ နောက်ဘ၀၊ မုချ ချမ်းသာမည်။
ပညာရှိက၊ နောက်ဘ၀၊ မုချ ချမ်းသာမည်။

ဆရာတော်ကြီး သြ၀ါဒစကား ချီးမြှင့်ပြီးနောက် ကြွရောက်လာကြသော ဓမ္မမိတ်ဆွေများက ဆရာတော်ကြီးအား န၀ကမ္မ၀တ္ထုများဖြင့် ပူဇော်ကြ၏။ အမေရိကန် မြန်မာ ဗုဒ္ဓဘာသာအသင်း၏ကိုယ်စား တွဲဖက်အတွင်းရေးမှူး ဒေါက်တာအောင်ဇေယျက န၀ကမ္မဖြင့် ပူဇော်၏။

ထိုနောက် ဆရာတော်ကြီးနှင့် စုပေါင်း အမှတ်တရ ဓာတ်ပုံရိုက်ကြ၏။

ဓမ္မာရုံ ယောဂီဆောင် ဆောက်လုပ်ရေး (၂၀-နိုဝင်ဘာ-၂၀၁၁)

2011-11-20T16:30:00.002-05:00

စိတ်ထားတတ် မြတ် နှင့် ဘာအရေးကြီးဆုံးလဲ

2011-11-20T00:08:00.000-05:00

၂၀၁၁ ခုနှစ် နိုဝင်ဘာလ (၁၉)ရက် စနေနေ့
နယူးယောက်မြို့ လောကချမ်းသာဘုရားကျောင်း

စနေနေ့ စုပေါင်း တရားရှုမှတ်ခြင်း၊ ဓမ္မသင်တန်းများနှင့် တရားပွဲများကို ပြုလုပ် ကျင်းပမြဲ ကျင်းပ ပြုလုပ်ရာ -

ဓမ္မပဒသင်တန်း၌ သင်တန်းဆရာတော် အရှင်စက္ကိန္ဒ ခရီးလွန်နေသဖြင့် အရှင်ဝိမလက ဓမ္မပဒဂါထာ အမှတ် ၁၁၊ ၁၂ တို့ကို အစပျိုး သင်ပြ ပို့ချပေး၏။

အဘိဓမ္မာသင်တန်းဝယ် ဆရာတော် အရှင်ဝဏ္ဏိတက လောကုတ္တရာစိတ်အကျယ် ၄၀ ကို ရှင်းလင်း သင်ကြား၍ စိတ်သရုပ်ခွဲ အပြီးသတ်နှင့် အဘိဓမ္မာစာမေးပွဲ မေးခွန်းအချို့ကို ဖြေဆိုပြသ သင်ကြား ပို့ချသွားလေသည်။

ဆည်းဆာတရားပွဲများအဖြစ် ရှေးဦးစွာ မဟာစည်သာသနာ့ရိပ်သာအဖွဲ့ကြီး၏ ပြည်တွင်းပြည်ပ ဥသျှောင်သြ၀ါဒါစရိယ မြစ်သားဆရာတော်ကြီးက `စိတ်ထားတတ် မြတ် တရားတော်´ကို ဟောကြား ချီးမြှင့်၏။

နတ်သား မေး - `ဘယ်ကဆောင်၍ ဘယ်ကဆွဲ ဘယ်သူ့နောက်သို့ လိုက်ရသလဲ?

ဘုရားရှင် ဖြေ - `စိတ်ကဆောင်၍ စိတ်ကဆွဲ စိတ်၏နောက်သို့ လိုက်ရမြဲ။

ဤအမေးအဖြေပေါ် အခြေခံ၍ ဆရာတော်ကြီးကလည်း -

`အဆွဲကောင်းက တော်တာပဲ
အဆွဲမကောင်းက အပါယ်ငရဲ
သင်လည်း ဘယ်နောက် လိုက်မလဲ?´ ဟု သုံးသပ် မေးမြန်းသွား၏။

ဒုတိယ ဆည်းဆာတရားပွဲအဖြစ် ပြည်တွင်းပြည်ပ မဟာစည်နယ်လှည့်ဓမ္မကထိက မေတ္တာအေးဆရာတော်က `ဘာအရေးကြီးဆုံးလဲ တရားတော်´ကို ဟောကြားလေသည်။

ဘာအရေးကြီးဆုံးလဲ?

နေရေးဘက်တွင် ချမ်းသာချင် နေ့စဉ် ဥစ္စာရှာ။
သေရေးဘက်တွင် ချမ်းသာချင် နေ့စဉ် ကုသိုလ်ရှာ။

ဥစ္စာဓန မရှိက နေရခက်မည်သာ။
ကုသိုလ်ပုည မရှိက သေရခက်မည်သာ။
အနေလည်းခက်၊ အသေခက်၊ ရှူံးချက် လွန်နစ်နာ။

ဥစ္စာဓန ပြည့်စုံက နေရ လွန်ချမ်းသာ။
ကုသိုလ်ပုည ပြည့်စုံက နေရမြတ်သည်သာ။
အနေလည်းမြတ်၊ အသေမြတ်၊ အမြတ်လူချမ်းသာ။

ရင့်ရော်ရိတွဲ၊ အိုမှာပဲ၊ အိုရဲအောင်သာ တရားရှာ။
ကျင်နာကိုက်ခဲ၊ နာမှာပဲ၊ နာရဲအောင်သာ တရားရှာ။
ခန္ဓာပြိုကွဲ၊ သေမှာပဲ၊ သေရဲအောင်သာ တရားရှာ။

တရားပွဲပြီးသော် ကောင်းမှုကုသိုလ် အစုစုတို့ကို ဝေနေယျသတွာအားလုံးတို့အား အမျှပေးဝေကြလေသည်။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၁၉-နိုဝင်ဘာ-၂၀၁၁)

2011-11-19T16:28:00.003-05:00

ဓမ္မာရုံ ယောဂီဆောင် ဆောက်လုပ်ရေး (၁၈-နိုဝင်ဘာ-၂၀၁၁)

2011-11-18T16:25:00.002-05:00

ဓမ္မာရုံ ယောဂီဆောင် ဆောက်လုပ်ရေး (၁၇-နိုဝင်ဘာ-၂၀၁၁)

2011-11-17T15:54:00.000-05:00

လောကုတ္တရာစိတ်များနှင့် သံဝေဂဉာဏ် ရင့်ကျက်ရန်

2011-11-13T22:24:00.001-05:00

၂၀၁၁ ခုနှစ် နိုဝင်ဘာလ ၁၂ ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ အပတ်စဉ် ပြုလုပ်မြဲဖြစ်သော တရားရှုမှတ်ခြင်း၊ ဓမ္မပဒသင်တန်း၊ အဘိဓမ္မာသင်တန်းနှင့် ဆည်းဆာတရားပွဲတို့ကို ကျင်းပ ပြုလုပ်၏။

ရှေးဦးစွာ မွန်းလွဲ ၂ နာရီမှ ၃ နာရီအထိ စုပေါင်း တရားရှုမှတ်ကြ၏။ နာရီဝက်နားပြီး မွန်းလွဲ ၂ နာရီခွဲတွင် ဆရာတော် ဦးစက္ကိန္ဒက ဓမ္မပဒဂါထာ အမှတ် ၉-၁၀၊ အရှင်ဒေ၀ဒတ်ဝတ္ထုအကြောင်းကို သင်ကြား ပို့ချပေး၏။

ဘုရားလောင်းသည် ဆင်မင်းဖြစ်စဉ် အရှင်ဒေ၀ဒတ်ကား ဆင်သတ်ယောက်ျားဖြစ်လေ၏။ ဆင်သတ်ယောက်ျားသည် ပစ္စေကဗုဒ္ဓါ၏ သင်္ကန်းကို ခိုးယူ၍ ဆင်တို့သွားရာလမ်းခရီး၌ လှံကို လက်စွဲပြီး တစ်ကိုယ်လုံး လုံခြုံအောင် သင်္ကန်းဝတ်ရုံ၍ နေ၏။ ဆင်တို့ မြင်လျှင် ပစ္စေကဗုဒ္ဓါအရှင်ဟု ထင်မှတ်၍ ရှိခိုးကာ သွားကြ၏။ နောက်ဆုံးဆင်ကို လှံဖြင့် ပစ်ခတ် သတ်ကာ အစွယ်တို့ကို ယူ၏။

သို့ဖြင့် ဆင်တို့ လျော့နည်းလာရာ ဘုရားလောင်းဆင်မင်းသည် နောက်ဆုံးနေ၍ သတိဖြင့် နေသောကြောင့် ဆင်သတ်ယောက်ျားကို မိပြီး သတ်အံ့ ကြံသော်၊ ဆင်သတ်ယောက်ျား ဆွဲကိုင်ပြသော သင်္ကန်းကြောင့် သည်းခံတော်မူ၍ -

`ရာဂစသော ကိလေသာဖန်ရည်လည်း မကင်း၊ မျက်စိစသော ဣနြေ္ဒခြောက်ပါးတို့ကို ဆုံးမ စောင့်ရှောက်ခြင်းလည်း မရှိ၊ မှန်ကန်သော စကားကိုလည်း ပြောဆိုလေ့မရှိဘဲ ဖန်ရည်စွန်းသည့် သင်္ကန်းအ၀တ်ကို ၀တ်သောသူသည် သင်္ကန်းအ၀တ်နှင့် မထိုက်။
ကိလေသာဖန်ရည်ကို စွန့်ပယ်၍သီလကို ကောင်းစွာ စောင့်ရှောက်၊ မျက်စိစသော ဣနြေ္ဒခြောက်ပါးတို့ကိုလည်း ဆုံးမ စောင့်ရှောက်၊ မှန်ကန်သော စကားကိုလည်း ပြောဆိုလေ့ရှိသောသူသည်သာလျှင် သင်္ကန်းအ၀တ်နှင့် ထိုက်၏´ ဟူ၍ ပြောဆို ဆုံးမခဲ့ဖူးလေသည်။

ကိလေသာ ၁၀-ပါး မှတ်ရန် လင်္ကာ

လောဘ ဒေါသ၊ မောဟ မာနာ
ဒိဋ္ဌိ ၀ိစိ၊ ထိနုဒ္ဓစ္စာ
အဟိရိက၊ နောတ္တပ် ဆယ်ဖြာ
ပေါင်း၍ ချုပ်၊ သရုပ် ကိလေသာ။

(လောဘ - တပ်မက်ခြင်း၊
ဒေါသ - အမျက်ထွက်ခြင်း၊
မောဟ - တွေဝေမိုက်မဲခြင်း၊
မာန - ထောင်လွှားခြင်း၊
ဒိဋ္ဌိ - အယူမှားခြင်း၊
ဝိစိကိစ္ဆာ - ရှစ်ပါးသောတရား၌ ယှံမှားခြင်း၊
ထိန - စိတ်၏ မခန့်ခြင်း၊
ဥဒ္ဓစ္စ - စိတ်၏ ပျံ့လွင့်ခြင်း၊
အဟိရိက - မကောင်းမှုမှ မရှက်ခြင်း၊
အနောတ္တပ္ပ - မကောင်းမှုမှ မထိတ်လန့်ခြင်း။)

+++++

ယုံမှားခြင်း ၈-ပါး

(၁) သတ္ထရိကင်္ခတိ - ဘုရား၌ ယုံမှားခြင်း။
(၂) ဓမ္မေကင်္ခတိ - တရားတော်၌ ယုံမှားခြင်း။
(၃) သံဃေကင်္ခတိ - သံဃာတော်၌ ယုံမှားခြင်း။
(၄) သိက္ခာယ ကင်္ခတိ - သိက္ခာသုံးပါး၌ ယုံမှားခြင်း။
(၅) ပုဗ္ဗန္တေ ကင်္ခတိ - ရှေ့အစွန်း၌ ယုံမှားခြင်း။
(၆) အပရန္တေ ကင်္ခတိ - နောက်အစွန်း၌ ယုံမှားခြင်း။
(၇) ပုဗ္ဗန္တာပရန္တေ ကင်္ခတိ - ရှေ့နောက်အစွန်းနှစ်ပါး၌ ယုံမှားခြင်း။
(၈) ဣဒပ္ပစ္စယတာ ပဋိစ္စသမုပ္ပန္နေသု ဓမ္မေသု ကင်္ခတိ - ဤဇာတိစသော အကြောင်းတရားတို့ကို စွဲ၍ ဖြစ်ကုန်သော ဇရာ မရဏ စသော အကျိုးတရားတို့၌ ယုံမှားခြင်း။

+++++

+++++

ညနေ ၄ နာရီခွဲတွင် အရှင်ဝဏ္ဏိတက အဘိဓမ္မာ လောကုတ္တရာစိတ်များအကြောင်း ပို့ချ သင်ကြားပေး၏။

မဟာစည်ဆရာတော်ဘုရားကြီး၏ မဂ်ဝင်ပုံ ဥပမာ ဥပမေယျ လင်္ကာများကိုလည်း မှတ်သားဖွယ် ရွတ်ဆိုပြ၏။

မဂ်ဝင်ပုံ ဥပမာ

မြောင်းခုန်လိုငြား၊ ယောက်ျားဇာနည်
ရှစ်လှမ်းပြေးသွား၊ ဟုန်အားယူပြီ။
နွယ်ကြိုးကိုင်ဆွဲ၊ ခုန်လွှဲလေသည်
ဟိုဘက်ကျ၊ လွှတ်ချ ကြံ့ကြံ့တည်။

မဂ်ဝင်ပုံ ဥပမေယျ

ဘ၀ဟိုကမ်း၊ မျှော်တမ်းယောဂီ
ဖြစ်ပျက်ဉာဏ်မှ၊ ပြေးစပြုသည်။
ရုပ်နာမ်ကိုင်ဆွဲ၊ သူလဲခုန်သည်
နိဗ္ဗာန်တွေ့၊ လွှတ်၍ ပြေးဝင်သည်။

+++++

ညနေ ၆ နာရီတွင် ဆည်းဆာတရားပွဲ ကျင်းပရာ ဆရာတော် ဦးစက္ကိန္ဒက အင်္ဂုတ္တိုရ်၊ စတုက္ကနိပါတ်၊ ကေသိဝဂ္ဂ၊ ပတောဒသုတ္တန်ကို `သံဝေဂဉာဏ် ရင့်ကျက်ရန် တရားတော်´ဟု အမည်ပေးကာ ပထမပိုင်းအဖြစ် ဓမ္မဒါနပြု ဟောကြား ချီးမြှင့်လေသည်။

တရားတော် ဆောင်ပုဒ်များ

(၁) နှင်တံအရိပ်၊ မြင်တွေ့ပါလျှင်
အာဇာနည်မြင်း၊ ကြောက်ခြင်းပုံသွင်
သေဆုံးဘေးထိ၊ ကြားသိလူရှင်
သံဝေရ မုချ တူသည်ပင်။

(၂) နှင်တံအရိပ်၊ ကြောက်စိတ်မတည်
မွေးညင်းထိုးဆွ၊ ရိုက်မှ ကြောက်သည်
သေဆုံးဘေးထိ၊ မြင်သည့်လူသည်
သံဝေရ မုချ တူပေသည်။

တရားပွဲပြီးသော် ၁၀ မိနစ်ခန့် တရားရှုမှတ်ကြပြီး၊ ကောင်းမှုကုသိုလ် အစုစုတို့ကို သတ္တ၀ါအားလုံးတို့အား အမျှပေးဝေကြလေသည်။

သာဓု ... သာဓု ... သာဓု။

ဘော်စတွန်ကျောင်းကထိန်ပွဲ ဓာတ်ပုံများ

2011-11-09T14:26:00.002-05:00

တရားဘယ်လိုရှုပွားမလဲ ဓမ္မလက်ဆောင်နှင့် အလှတွင် အယဉ်ဆင့်

2011-11-09T14:09:00.001-05:00

၂၀၁၁ ခု နိုဝင်ဘာလ ၅-ရက် စနေနေ့
နယူးယောက်မြို့၊ လောကချမ်းသာဘုရားကျောင်း

စနေနေ့ ပြုလုပ်မြဲ မွန်းလွဲ ၂ နာရီမှ ၃ နာရီထိ စုပေါင်း တရားရှုမှတ်ခြင်း မတိုင်မီ မွန်းလွဲ ၁း၄၅ နာရီ၌ ဆရာတော် ဦးစက္ကိန္ဒက သူရေးသားပြုစုထားသော “တရားဘယ်လိုရှုပွားမလဲ” စာအုပ်များ ဓမ္မဒါနပြုပွဲ ကျင်းပ၏။

နယူးယောက်မြို့ လောကချမ်းသာဘုရားကျောင်း၊ နယူးဂျာစီ မဟာစည်ရိပ်သာကျောင်း၊ ဘော်စတွန် မဟာသတိပဋ္ဌာန်ကျောင်းများနှင့် အမေရိကန် မြန်မာ ဗုဒ္ဓဘာသာအသင်း အမှုဆောင်များ၊ ဓမ္မသင်တန်းသူ သင်တန်းသားများတို့အား စာအုပ်များကို ဓမ္မလက်ဆောင်အဖြစ် ပေးအပ်၏။

အမေရိကန် မြန်မာ ဗုဒ္ဓဘာသာအသင်း အမှုဆောင်များ ကိုယ်စား အတွင်းရေးမှူး ဦးစောဝင်းက လက်ခံယူ၏။

မွန်းလွဲ ၂ နာရီမှ ၃ နာရီထိ စုပေါင်း တရားရှုမှတ်ကြပြီးနောက် ဆရာတော် ဦးစက္ကိန္ဒက ဓမ္မပဒ ဂါထာ အမှတ် ၇-၈ တို့ကို အဆုံးသတ်၍ ဂါထာ အမှတ် ၉-၁၀ တို့ကို အစပျိုး သင်ကြား ပို့ချပေး၏။

သင်တန်းအပြီးတွင် သင်တန်းသူ သင်တန်းသားများအား “တရားဘယ်လိုရှုပွားမလဲ”စာအုပ်ကို ဓမ္မလက်ဆောင်အဖြစ် ပေး၏။

မွန်းလွဲ ၄ နာရီခွဲတွင် အရှင်ဝဏ္ဏိတက အဘိဓမ္မာ လောကီစိတ် (၈၁)ပါး သရုပ်ခွဲကို သင်တန်းသူ သင်တန်းသားများ ကိုယ်တိုင်ကိုယ်ကျ သရုပ်ခွဲ လေ့ကျင့်စေ၏။ ယခုအပတ်တွင် ခရီးသွားမည့်သူများ၊ ခရီးသွားနေသူများ၊ မအားလပ်သူများကြောင့် သင်တန်းသား အရေအတွက် နည်းပါး၏။

ညနေ ၆ နာရီတွင် လောကချမ်းသာ ဆည်းဆာတရားပွဲ ကျင်းပရာ အရှင်ပညာနန္ဒက မဇ္ဈိမနိကာယ်၊ မူလပဏ္ဏာသ၊ မဟာယမကဝဂ်မှ မဟာဂေါသိင်္ဂသုတ်ကို “အလှတွင် အယဉ်ဆင့်တရားတော်” အမည်ပေး၍ ဟောကြား ချီးမြှင့်၏။

တရားပွဲပြီးသော် မေတ္တာပို့၍ ကောင်းမှု ကုသိုလ်တို့ကို အမျှပေးဝေကြလေသည်။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၁-နိုဝင်ဘာ-၂၀၁၁)

2011-11-01T16:56:00.002-04:00

နယူးဂျာစီရိပ်သာကျောင်း ကထိန်ပွဲ ဓာတ်ပုံများ (၂)

2011-11-01T11:47:00.000-04:00

+++++
ဓာတ်ပုံ - ဆရာစိန်

နယူးဂျာစီရိပ်သာကျောင်း ကထိန်ပွဲ ဓာတ်ပုံများ (၃၀-အောက်တိုဘာ-၂၀၁၁)

2011-10-30T22:47:00.002-04:00

ဓမ္မာရုံ ယောဂီဆောင် ဆောက်လုပ်ရေး (၂၄-အောက်တိုဘာ-၂၀၁၁)

2011-10-24T20:10:00.002-04:00

ဓမ္မာရုံ ယောဂီဆောင် ဆောက်လုပ်ရေး (၂၂-အောက်တိုဘာ-၂၀၁၁)

2011-10-24T20:07:00.002-04:00

မဟာကာဠထေရ်၊ မဟဂ္ဂုတ်စိတ်များနှင့် ကိုယ့်ကိုကိုယ်သာ အားကိုးရာ

2011-10-24T11:38:00.000-04:00

၂၀၁၁ ခုနှစ် အောက်တိုဘာလ ၂၂-ရက် စနေနေ့၊ နယူးယောက်မြို့ လောကချမ်းသာဘုရားကျောင်း၏ အပတ်စဉ် တစ်နာရီ ဝိပဿနာ ရှုမှတ်ပွားများခြင်း၊ ဓမ္မသင်တန်းနှင့် တရားပွဲဝယ် မွန်းလွဲ ၂ နာရီမှ ၃ နာရီအထိ စုပေါင်း တရားရှုမှတ် ပွားများကြပြီးနောက် မွန်းလွဲ ၃ နာရီခွဲမှ ၄ နာရီ ၁၅ မိနစ်အထိ အရှင်စက္ကိန္ဒက ဓမ္မပဒ ဂါထာ အမှတ် (၇)နှင့် (၈)လာ မဟာကာဠထေရ်အကြောင်း ဆက်လက် ပို့ချ သင်ကြားပေး၏။

မဟာကာဠထေရ်သည် အသက်အရွယ်ကြီးမှ ရဟန်းဘဝသို့ ရောက်လာသူဖြစ်ရာ ရဟန်းတို့ ပြုကျင့်ရသော ဂန္ထဓုရ၊ ဝိပဿနာဓုရ နှစ်ပါးအနက်၊ ဝိပဿနာဓုရကို ကျင့်ကြံကြိုးကုတ်၊ အထူးသဖြင့် အသုဘကမ္မဋ္ဌာန်း စီးဖြန်း၊ ဝိပဿနာ ရှုပွားပြီး ပဋိသမ္ဘိဒါလေးပါးတို့နှင့်တကွ အရဟတ္တဖိုလ်သို့ ရောက်လေ၏။

မတင့်တယ် စက်ဆုပ်ရွံရှာဖွယ် အာရုံကို ရှုလျက်နေသော မဟာကာဠထေရ်အား မယားဟောင်းတို့က လူထွက်အောင် မဆွဲဆောင် မသိမ်းသွင်းနိုင်၊ လေပြေလေညင်းသည် ကျောက်တောင်ကြီးကို မလှဲဖျက်နိုင်သကဲ့သို့ ကိလေသာရန်တို့ မနှိပ်စက် မဖျက်ဆီးနိုင်ပုံကို မှတ်သား သင်ယူ လေ့လာကြရ၏။

မွန်းလွဲ ၄ နာရီခွဲမှ ၅ နာရီခွဲအထိ အရှင်ဝဏ္ဏိတက မဟဂ္ဂုတ်စိတ်များအကြောင်းကို သင်ကြား ပို့ချပေး၏။

ညနေ ၆ နာရီတွင် နယူးယောက်မြို့ လောကချမ်းသာဘုရားကျောင်းသို့ ခေတ္တရောက်ရှိနေသော နယူးဂျာစီ မဟာစည်သတိပဋ္ဌာန်ရိပ်သာမှ အရှင်သောဘနက “ကိုယ့်ကိုကိုယ်သာ အားကိုးရာ တရားတော်”ဖြင့် ဓမ္မဒါနပြု ဟောကြား ချီးမြှင့်၏။

တရားပွဲပြီးသော် ၁၅ မိနစ်ခန့် တရားရှုမှတ် ပွားများကြပြီး ကောင်းမှုကုသိုလ်အစုစုတို့ကို အမျှပေးဝေကြလေသည်။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၁၇-အောက်တိုဘာ-၂၀၁၁)

2011-10-17T15:46:00.002-04:00

အေဘီဘီအေ စုပေါင်း ဘုံကထိန်ပွဲတော် (၁၆-အောက်တိုဘာ-၂၀၁၁)

2011-10-17T14:32:00.001-04:00

နယူးယောက်မြို့ အမေရိကန်-မြန်မာ ဗုဒ္ဓဘာသာအသင်း၏ ၂၉-ကြိမ်မြောက် စုပေါင်း ဘုံကထိန်ပွဲတော်ကို ၂၀၁၁ ခုနှစ် အောက်တိုဘာလ ၁၆ ရက် တနင်္ဂနွေနေ့တွင် ကျင်းပ ပြုလုပ်၏။

နံနက် ၁၀ နာရီခွဲတွင် မြတ်စွာဘုရားရှင်အား ပန်း ရေချမ်း ဆီမီး ဆွမ်းတို့ဖြင့် ဆက်ကပ် ပူဇော် လှူဒါန်းကြပြီး၊ နံနက် ၁၁ နာရီတွင် သံဃာတော်များအား နေ့ဆွမ်း ဆက်ကပ် လှူဒါန်းကြ၏။

ပွဲတော်သို့ ကြွရောက်လာကြသော ဧည့်ပရိသတ်တို့အား အလှူရှင် ဒေါက်တာတင်မြင့် + ဒေါက်တာခင်ခင်လှ မိသားစုတို့က မုန့်ဟင်းခါး၊ မြန်မာမုန့်မျိုးစုံတို့ဖြင့် ဧည့်ခံ ကျွေးမွေးကြ၏။

မွန်းလွဲ ၁ နာရီတွင် ဆရာတော် ဦးစက္ကိန္ဒက အနုမောဒနာတရား ဟောကြားပြီး၊ ကထိန်သင်္ကန်း စုပေါင်း ကပ်လှူကြကာ ကောင်းမှုကုသိုလ်တို့ကို အမျှပေးကြလေသည်။

သာဓု ... သာဓု ... သာဓု။

အဘိဓမ္မာအခါတော်နေ့ (၁၅-အောက်တိုဘာ-၂၀၁၁)

2011-10-15T22:36:00.001-04:00

နယူးယောက်မြို့ လောကချမ်းသာဘုရားကျောင်းတွင် ၂၀၁၁ ခုနှစ် အောက်တိုဘာလ ၁၅ ရက် စနေနေ့၌ ဒုတိယအကြိမ်မြောက် အဘိဓမ္မာအခါတော်နေ့ အခမ်းအနားကို ကျင်းပ ပြုလုပ်ရာ အဘိဓမ္မာသင်တန်းသူ သင်တန်းသားများ မိသားစုများ ဓမ္မမိတ်ဆွေများ တက်ရောက်ကြ၏။

နံနက် ၁၁ နာရီတွင် မြတ်စွာဘုရားရှင်အား စုပေါင်း ဆွမ်းကပ်ကြပြီး၊ သံဃာတော်များအား စုပေါင်း ဆွမ်းဆက်ကပ် လှူဒါန်းကြ၏။

မွန်းလွဲ ၁ နာရီတွင် လောကချမ်းသာဘုရားကျောင်း၌ ဒုတိယအကြိမ်မြောက် အဘိဓမ္မာအခါတော်နေ့ အခမ်းအနားကို ပြုလုပ် ကျင်းပရာ ရှေးဦးစွာ နမော တဿ ဘုရားရှိခိုးဖြင့် အခမ်းအနားကို ဖွင့်လှစ်ပြီး နတ်ဗြဟ္မာများကို ပင့်ဖိတ်၏။

လောကချမ်းသာဆရာတော်ထံမှ သီလခံယူရန်ဖြစ်သော်လည်း ဆရာတော် အနည်းငယ် အသံဝင်နေသဖြင့် ဘုန်းကြီးဦးအဘယာလင်္ကာရထံမှ ငါးပါးသီလ ခံယူဆောက်တည်ကြ၏။

ထိုနောက် ဆုထူးပန်ဆရာဟန်၏ အဘိဓမ္မာဘုရားရှိခိုးဖြင့် မြတ်စွာဘုရားရှင်အား ရှိခိုး ပူဇော် ကန်တော့ကြပြီး၊ အဘိဓမ္မာ (၇)ကျမ်း ပါဠိတော် ကောက်နုတ်ချက်များကို ရွတ်ဖတ် ပူဇော်ကြ၏။

အနုမောဒနာတရားကို ဘုန်းကြီးဦးအဘယာလင်္ကာရက ချီးမြှင့်ပြီး၊ ဆုတောင်း အမျှပေးဝေ နတ်ဗြဟ္မာများကို ပြန်ပို့ကာ `ဗုဒ္ဓသာသနံ စိရံ တိဋ္ဌတု´ သုံးကြိမ် ရွတ်ဆို၍ အခမ်းအနား ပြီးဆုံး၏။

ရှေးဆရာတော်ကြီးများ၏ မှတ်သားဖွယ် အဘိဓမ္မာ (၇)ကျမ်း ဟောကြားသည့် ရက်,လ မှတ်တမ်း

ဓမ္မသင် ၀ိဘင်္ဂ၊ ဒွါဒသ ရက်စီ
ခြောက်ရက်ကြာ ကျမ်းဓာတုတ်ရယ်နှင့်
ပုဂ္ဂလာ ခုနစ်ရက်၊ ဟောမြွက်ခဲ့သည်။
ကထာဝတ် ရက်ရှစ်လီ
ဝီသာပ ယမိုက်ကျမ်း
ပဉ္စ၀ီ ပဋ္ဌာနရယ်နှင့်
ရက်(လ)သုံးလီ မယ်တော်မိကို ဟောသည့်မှတ်တမ်း။

ဓမ္မသင်္ဂီ = ၁၂ ရက်
ဝိဘင်္ဂ = ၁၂ ရက်
ဓာတုကထာ = ၆ ရက်
ပုဂ္ဂလပညတ် = ၇ ရက်
ကထာဝတ္ထု = ၈ ရက်
ယမက = ၂၀ ရက်
ပဋ္ဌာန်း = ၂၅ ရက်

ဓမ္မာရုံ ယောဂီဆောင် ဆောက်လုပ်ရေး (၁၄-အောက်တိုဘာ-၂၀၁၁)

2011-10-14T15:18:00.002-04:00

ဓမ္မာရုံ ယောဂီဆောင် ဆောက်လုပ်ရေး (၁၃-အောက်တိုဘာ-၂၀၁၁)

2011-10-13T16:48:00.000-04:00

Placing sewage tank by K & R Sitework Inc.

ဓမ္မာရုံ ယောဂီဆောင် ဆောက်လုပ်ရေး (၁၂-အောက်တိုဘာ-၂၀၁၁)

2011-10-12T13:16:00.002-04:00

ဓမ္မာရုံ ယောဂီဆောင် ဆောက်လုပ်ရေး (၁၁-အောက်တိုဘာ-၂၀၁၁)

2011-10-11T15:32:00.002-04:00

ငရဲတံခါး ပိတ်ကြစို့ - အရှင်နန္ဒ၀ံသ(ရမည်းသင်း)၊ ဇေယျသုခဓမ္မရိပ်သာ

2011-10-11T00:05:00.003-04:00

ကလေးဘ၀ကတည်းက နားရည်ဝခဲ့တဲ့ စကားလေး

ဗုဒ္ဓဘာသာဝင်တို့ရဲ့ အသိုင်းအ၀ိုင်းမှာ အမြဲ ကြားရတတ်တာ တစ်ခုက `ငရဲမှာ အပ၊ ၀ဋ်မှာ အမြဲ´ တဲ့။ နားထဲမှာ စွဲနေခဲ့တဲ့ ဆိုရိုးလေးတစ်ခုပါ။ ငရဲမှ လွတ်ကင်းအောင် ရှောင်နိုင်သော်လည်း ၀ဋ်ကြွေးမှ လွတ်ကင်းအောင် မရှောင်နိုင်ဘူးလို့ ဆိုလိုရင်းပဲ ဖြစ်ပါတယ်။ မကောင်းတာ မဟုတ်တာ လုပ်ရင် ငရဲကြီးမယ်၊ ၀ဋ်လိုက်လိမ့်မယ်လို့ လူကြီး မိဘ ဆရာသမားတွေရဲ့ သွန်သင်ဆုံးမ စကားတွေကတော့ လူတိုင်းလူတိုင်းအတွက် ကလေးဘ၀ကတည်းက ရင်းနှီးကျွမ်းဝင်ခဲ့တဲ့ စကားလေး ဖြစ်မယ်လို့ ထင်ပါတယ်။

ငရဲကြီးတယ်ဆိုတာ ဘယ်လိုပါလိမ့်?

အတွေးအခေါ် ဗဟုသုတ မကြွယ်ဝသေးသည့် ကလေးဘ၀ကို လွန်မြောက်လို့ အရွယ်လေးရောက်လာတော့ ငရဲဆိုတဲ့ စကားရဲ့ အနက်အဓိပ္ပာယ်ကို အနည်းငယ် သိနားလည်စ ပြုခဲ့ပါတယ်။ ဗုဒ္ဓစာပေများ သင်ယူရတဲ့အခါမှာတော့ ချမ်းသာကင်း၍ အမြဲ ဆင်းရဲဒုက္ခ ခံစားနေရသော ဘုံဌာနကို ငရဲဘုံလို့ ခေါ်ပြီး အဲဒီလို ဘုံဘ၀မှာ အမြဲဆင်းရခြင်းနှင့် ဒုက္ခအတိပြည့်နေ ခံစားနေရသူကို ငရဲသားလို့ ခေါ်တယ်ဆိုတာ နားလည် သိရှိ သဘောပေါက်ခဲ့ပါတယ်။

ငရဲပြည်မှာ ငရဲခံရတယ်၊ ငရဲကြီးတယ်ဆိုတာကို ဘယ်လိုဟု နားမလည်ခဲ့ပေမယ့် ဖြတ်သန်းခဲ့ရတဲ့ ဘ၀လမ်းတလျှောက်က ကိုယ့်ပတ်ဝန်းကျင် လူနေမှုရှုခင်းကို လေ့လာ ခံစားကြည့်ပြီးတော့ အနည်းငယ် သဘောပေါက်သလိုပါပဲ။

အသက်ရှင်လျက် ငရဲကျသူ

စာရေးသူရဲ့ ရွာဦးဘုန်းတော်ကြီးကျောင်း ပတ်ဝန်းကျင်မှာ လူနေအိမ်များလည်း ကပ်လို့ တည်နေကြပါတယ်။ နေ၀င်မိုးချုပ်ပြီဆိုရင် ဆဲသံ ဆိုသံတွေနဲ့အတူ ရိုက်နှက်သံ ငိုကြွေးသံတွေဟာ မကြားချင်အဆုံးပါပဲ။ စားဝတ်နေရေး မပြေလည်လို့ကတမျိုး၊ လင်မယားချင်း ရန်ဖြစ် ရိုက်နှက်ကြလို့ တသွယ်၊ မွေးထားတဲ့ ကလေးငယ်တွေက ထမင်းဆာလို့က တမျိုးနဲ့ တော်တော်ဆိုးခဲ့ပါတယ်။ ခုအခါ ပြန်တွေးမိတော့မှ သူတို့ဟာလည်း အသက်ရှင်လျက်နဲ့ ငရဲခံနေရသလို ဖြစ်နေကြောင်း သဘောပေါက်ခဲ့တယ်။

အိန္ဒိယနိုင်ငံရဲ့ မြို့တော်ကြီးတွေ အသီးသီးကို လေ့လာရေး ရောက်ခဲ့တုန်းက လမ်းဘေးမှာ နေထိုင်သူ အများစုကို တွေ့ခဲ့ရဖူးပါတယ်။ တစ်နေရာတည်းမှာပဲ ကလေးလူကြီး စုစည်းနေပြီး ဆင်းဆင်းရဲရဲ နေကြရ ထိုင်ကြရပါတယ်။ အဲဒီလို လမ်းဘေးနေ လူတန်းစားကို တွေ့မြင်ရတဲ့အခါမှာလည်း နောက်ဘ၀ခံရမယ့် ငရဲထက် လူ့ပြည်မှာ အသက်ရှင်လျက်နဲ့ ငတ်ပြတ်ဆင်းရဲ နေရခြင်းကိုလည်း ငရဲလို့ ပြောနိုင်မလားဆိုတာ တွေးမိခဲ့ပြန်ပါတယ်။

မလေးရှားနေစဉ် ကာလတုန်းကလည်း ရာဝမ်းအရပ်ဘက်ရှိ မြန်မာနိုင်ငံသား ဆေးရုံဆင်း လူနာတွေကို လက်ခံ ပြုစု စောင့်ရှောက်ထားရာ ပြန်လည်ထူထောင်ရေးစခန်း တစ်ခုကို သွားရောက် လှူဒါန်းခဲ့ဖူးပါတယ်။ အဲဒီနေရာမှာ ရောဂါအမျိုးမျိုးနဲ့ ခွဲစိတ်ကုသ ခံယူထားသူတွေ၊ အဖြစ်အပျက်မျိုးစုံနဲ့ ခြေပြတ်လက်ပြတ်တွေဖြစ်ပြီး ခိုကိုးရာမဲ့ ဖြစ်နေကြသူတွေ များစွာကို တွေ့ခဲ့ရပါတယ်။ ကလေးမလေးတစ်ယောက်ဆို မစင်သွားဖို့နေရာ မပါခဲ့လို့ ဗိုက်ကနေ ခွဲပြီး ပိုက်ထုတ်တားရတာကိုလည်း တွေ့သိခဲ့ရဖူးပါတယ်။

ဒါတွေအပြင် မိမိတို့ ပတ်ဝန်းကျင်မှာ အဆင်မပြေမှုတွေ များစွာကြောင့် သောကတွေ ပူနေရ၊ ပရိဒေ၀မီးတွေ တောက်လောင်နေကြရတာတွေ၊ ကိုယ်အင်္ဂါချို့တဲ့ပြီး လူစင်မမီသူတွေ၊ စားရမဲ့ သောက်ရမဲ့ ခိုကိုးရာမဲ့ ဆင်းရဲသားတွေ အမြောက်အများကိုလည်း တွေ့မြင် ကြားသိနေရတဲ့အခါ ဒါသည်ပင်လျှင် အသက်ရှင်လျက် ငရဲကျနေသူများလို့ ခံစား နားလည်လိုက်မိပါတယ်။

ကိုယ်ပြုသည့် ကံ၊ ကိုယ်သာ ခံ

ဆင်းရဲနွမ်းပါးသော တဲအိမ်အတွင်းမှ အဘိုးအိုသည် မိမိကိုယ်ကို မိမိ အပြစ်တင်ခြင်းမှတပါး အခြားလုပ်ဆောင်ဖွယ်ရာ မရှိတော့သလို ဖြစ်ပါလိမ့်မယ်။ အိန္ဒိယစကားပုံတစ်ခုမှာ ဖတ်ဖူးတာကတော့ ညဘက်မှာ အိပ်မက်ကောင်းကောင်း မက်အောင် နေ့ခင်းဘက်မှာ အလုပ်များများ လုပ်ဆောင်ပါတဲ့။ မြန်မာစကားပုံမှာတော့ နေပူတုန်း ကောက်ရိုးလှန်း၊ မိုးရွာတုန်း ရေခံ၊ လသာတုန်း ဗိုင်းငင် စသည်ဖြင့် ရှေးလူကြီးတွေ ဆိုရိုးစကား ထားခဲ့တာကို ဖတ်ရှုရဖူးပါတယ်။ အသက်ကြီးသောအခါ ကြွယ်ဝချမ်းသာ သောကကင်းဖို့ဆိုရင် ငယ်စဉ်ကတည်းက ကြိုးစား အလုပ်လုပ်ဖို့ လိုတယ်ဆိုတာကို ပညာပေးချင်တာလို့ နားလည်ခဲ့မိပါတယ်။

လူမိုက်နဲ့ ပညာရှိ၊ လူချမ်းသာနဲ့ လူဆင်းရဲတို့ရဲ့ ဘ၀လမ်းခွဲဟာ ကျောင်းဝင်းထဲမှာ ရှိပါတယ်။ ကျောင်းနေပျော်၍ စာတော်အောင် ကြိုးစားခဲ့သူများအနေဖြင့် ပညာတတ်မယ်၊ ရာထူးဂုဏ်ရှိန် စည်းစိမ်ကြီးလို့ ကောင်းသည်ထက် ကောင်းအောင် လှူနိုင်တန်းနိုင် အများအကျိုးဆောင်နိုင်ကာ ဘ၀အဆင့် မြင့်သည်ထက် မြင့်ကြပါမယ်။ တဘက်မှာ ငယ်စဉ်က ပျင်းအားကြီး စာမကြိုးစားဘဲ အဖော်မက် အပျော်အပျက်ဘက်တွက် အချိန်ကုန်များခဲ့သူတွေကတော့ ပညာမဲ့ဖြစ်မယ် ဆင်းရဲမယ်၊ လူတောမတိုး လူရာမ၀င်တာမျိုး ဘ၀အဆင့် နိမ့်ကျနေပါမယ်။

တချို့ကျတော့လည်း ငယ်ငယ်ကတော့ လိမ်မာ ရိုးသား ကြိုးစားခဲ့ကြပါရဲ့၊ အရွယ်လေးရောက်လာတော့မှ အဖော်မကောင်း မကောင်းသူတွေရဲ့ အမူအကျင့်ကို အဟုတ်ကြီးထင်ပြီး အတုယူလွဲမှားကြလို့ ပျက်စီးသွားကြရတာလည်း ရှိပါတယ်။ ဆိုလိုတာကတော့ ဒီလို ဆင်းရဲကြမ်းတမ်းတဲ့ လောကဓံတွေနဲ့ ဆုံဆည်းပြီး၊ ပူပင် သောက ဗျာပါဒတွေနဲ့ အသက်ရှင်လျက် ငရဲခံနေကြရသဖွယ် ဖြစ်နေရတာ အရင်းစစ်တော့ ကိုယ်ပြုတဲ့ ကံ၊ ကိုယ်ပြန်ခံရတာလို့ပဲ ဆိုချင်ပါတယ်။

ငရဲနဲ့ ခြောက်၊ မကြောက်ကြဘူး

အမြဲတမ်း ဆင်းရဲဒုက္ခနဲ့သာ ခံစားနေရတဲ့ ငရဲပြည်ဆိုတာ ခဏတဖြုတ် အလည်တောင်မှ မသွားသင့်တဲ့ နေရာတစ်ခုပါ။ အကုသိုလ်အမှုနဲ့ ချမ်းသာနေသူ အောင်မြင်နေသူ တချို့ကျတော့လည်း ငရဲဆို ချိုနဲ့လား၊ မကြောက်မဖြုံ မယုံကြပြန်ဘူး။ နောက်ဘ၀ ခံရမယ့် ငရဲဆိုတာ မယုံကြည် မကြောက်ဆိုတာ ထားလိုက်ပါဦး၊ ဒီဘ၀မှာတင် အဆင်မပြေမှုတွေ ဗလဗွေနဲ့ ဒုက္ခတွေရောက်ကြရ၊ ကိုယ်ဆင်းရဲ စိတ်ဆင်းရဲ ဖြစ်ကြရတဲ့ အပူတွေ ပူပြင်းလှတယ်ဆိုတာကတော့ သိသာပါတယ်။

အပြင်က ရာသီဥတု ဘယ်လောက်ပူပူ၊ အတွင်းက ကိလေသာအပူကိုတော့ မမီပါဘူး။ လောဘဇောတက်ပြီး ပူရတာရှိသလို၊ ဒေါသတွေထွက်လို့ ပူရတာလည်း ရှိပါတယ်။ သားရှိသောသူ သားကြောင့်ပူရသလို၊ ကားရှိသောသူ ကားကြောင့် ပူကြရတာပါပဲ။ ငရဲအပူ ဘယ်လောက်ပူသလဲ မသိပေမယ့် လောကရဲ့ သောကအပူ ဘယ်လောက်ပူတယ်ဆိုတာ ကိုယ်တွေ့သိသူ များပါတယ်။

ငရဲ ဘာကြောင့်လားရတယ်

ဒီတော့ ငရဲ ဘာကြောင့် လားရသလဲ? ဆိုတာ မေးစရာ တွေးစရာ စဉ်းစားစရာ ဖြစ်ပါတယ်။ အတိုချုံးပြီး ဖြေရရင်တော့ ငရဲရောက်ကြောင်း မကောင်းမှု အကုသိုလ် ဒုစရိုက်တွေကို ပြုမိမှားလို့ ဖြစ်တယ် ... ပြောရပါမယ်။

အပါးလယ်လို့ အပါယ်လားတယ်

တချို့သူတွေဟာ စီးပွားရေး လူမှုရေး ဘာသာရေး စသည်ဖြင့် အများနှင့် စုပေါင်းဆောင်ရွက်ကြရတဲ့ အမှုကိစ္စတွေမှာ အပါးခိုနေလေ့ ရှိကြပါတယ်။ ကောင်းမှုကုသိုလ်ပြုရာမှာလည်း ဒီနည်းတူပါပဲ။ ကောင်းတာ ကြံဖို့ ပြောဖို့ လုပ်ဖို့ဆိုရင် ၀န်လေးနေပြီး၊ သောက်စား ကစား အပျော်အပါးဆိုရင်တော့ ထိပ်ဆုံးက ကျွန်တော် ဖြစ်နေတတ်ကြတယ်။ ဒီလို ကုသိုလ်အပါး မ၀ဘဲ အကုသိုလ်အပါးဝသူတွေဟာ အပါးလယ်သူတွေဖြစ်လို့ အပါယ်လား ငရဲသွားကြရပါတယ်။

အမျိုးအမည်ကွဲပြား ငရဲများ

ငရဲဆိုတဲ့ စကားလုံးဟာ `င´နဲ့ `ရဲ´ စကားလုံးလေးနှစ်လုံးသာ ပေါင်းထားတဲ့ စကားလုံးလေးမျှပဲ။ ငရဲဘုံသို့ ကျစေနိုင်တဲ့ မကောင်းမှု အကုသိုလ် ဒုစရိုက်တွေ ကွဲပြား ခြားနား များပြားသလို လားရောက်ကြရတဲ့ ငရဲ အမျိုးအမည် အမျိုးအစားတွေလည်း များစွာ ကွဲပြားပါတယ်။ လူ့လောက တရားရုံးတွေမှာ ကျင့်သုံးတဲ့ ပြစ်မှုအမျိုးမျိုးအတွက် ပြစ်မှုဆိုင်ရာ ဥပဒေအမျိုးမျိုးနဲ့ ဆုံးဖြတ် ပြစ်ဒက် အမျိုးမျိုး ကျခံရသလိုပါပဲ။ ပြစ်မှုကြီးလွန်းရင် သေဒဏ်ပေးကြသလို အကုသိုလ်အပြစ် ဒုစရိုက်အင်အား ကြီးမားလွန်းရင် အ၀ီစိဆိုတဲ့ ငရဲမှာ အချိန်ကြာမြင့်စွာ ဒုက္ခခံစားကြရမှာ ဖြစ်ပါတယ်။

မဟုတ်တာ အလုပ်များသူတို့ အဟုတ်သွားရမည့် ငရဲဘုံဆိုတာ အကြီးနဲ့အငယ် နှစ်သွယ် ကွဲပြားပါတယ်။ ငရဲကြီး ရှစ်ထပ် ရှိပြီး၊ ငရဲကြီးတစ်ထပ်စီရဲ့ အရပ်လေးမျက်နှာမှာ ငရဲငယ် လေးထပ်စီ ခြံရံထားပါတယ်။ ဒုစရိုက်သမားတို့ ခံစားကြရမယ့် ငရဲဘုံအပြား တစ်ရာကျော်ပါတယ်။

ငရဲတံခါး ဖွင့်နေသူများ

ငရဲရောက်နိုင်သည့် အကုသိုလ်ကံအကြောင်းတွေကို လေ့လာကြည့်တဲ့အခါ အများစုဟာ သူ့အသက်သတ်ခြင်း စတဲ့ ငါးပါးသီလ ကိုယ်ကျင့်တရား ကျူးလွန် ဖောက်ဖျက် ချို့ယွင်းကြလို့ ဖြစ်ပါတယ်။ ဒါ့အပြင် မပြစ်မှားသင့်သော အနန္တော အနန္တငါးပါးကို ပြစ်မှား စော်ကားခြင်း၊ ခင်ပွန်းကြီးဆယ်ပါးအပေါ် ပြစ်မှားခြင်း စတဲ့ အကုသိုလ်ကံတွေကြောင့်ဆိုတာလည်း တွေ့ရပါတယ်။

ဒါတင်မက သိင်္ဂါလောဝါဒသုတ်မှာ ဗုဒ္ဓမြတ်စွာ မိန့်မှာခဲ့တဲ့ ကျင့်ဝတ်အထွေထွေကို မကျေပွန်ရင်လည်း ငရဲလားနိုင်တာပါပဲ။ ဥပမာအားဖြင့် တာပနငရဲဆိုတာဟာ အဂတိတရား လိုက်စားသူ၊ လင်ယောက်ျားကို မထီမဲ့မြင် အရေးမထား မလေးမစားလုပ် အနိုင်ကျင့်သူ၊ ၀တ္တရားမကျေပွန်သူတွေ လားရောက်တတ်တဲ့ ငရဲတစ်ခုဖြစ်ပါတယ်။

ဒီလိုဆိုတော့ ငါးပါးသီလ မလုံခြုံသူတွေ၊ လင့်ဝတ္တရား မယားဝတ္တရား၊ သားသမီးဝတ္တရား မကျေပွန်သူတွေ စတဲ့သူတွေကို ငရဲတံခါး ဖွင့်နေသူများလို့ ဆိုချင်ပါတယ်။

ငရဲတံခါး ပိတ်စို့လား

ငရဲဆိုတာ ချမ်းသာကင်းပြီး အမြဲ ဆင်းရဲ ပူလောင်စွာ ခံစားနေရတဲ့ နေရာ၊ ဘုံလို့ အကျဉ်းအားဖြင့် နားလည်ခဲ့ပါပြီ။ ငရဲသွားဖို့လည်း ဘယ်သူမှ လိုလားမှာ မဟုတ်ပါဘူး။ ငရဲမရောက်ချင်ရင် ငရဲရောက်စေမယ့် မကောင်းမှု အကုသိုလ် ဒုစရိုက်တွေကို မလုပ်မှ ဖြစ်မယ်။ ရှောင်ရမယ့် ၀ါရိတ္တသီလတွေကို စောင့်ထိန်းရသလို၊ ဆောင်အပ်တဲ့ စာရိတ္တသီလတွေဖြစ်တဲ့ ကိုယ်ကျင့်တရားတွေကိုလည်း မြှင့်တင် ကျင့်သုံးရပါမယ်။

ကောင်းတာကိုသာ ကြံ၊ ကောင်းတာတွေသာ ပြော၊ ကောင်းမှုတွေသာ လုပ်ကြရပါမယ်။ ဒါမှသာ `ငရဲမှာ အပ´၊ ငရဲမင်းက ကိုယ့်ကို အပပြု ဖယ်ကြဉ်၊ ငရဲက ကင်းဝေးလို့ ငရဲတံခါး ပိတ်ပြီးသား ဖြစ်နေပါလိမ့်မယ်။

မိဘဘိုးဘွား ကန်တော့ကြပါစို့

ပူပင်သောက ဗျာပါဒတွေ ကင်းပြီး စိတ်အေးချမ်းသာ ကိုယ်ကျန်းမာ လိုရာဆန္ဒတွေ ပြည့်စုံရအောင်၊ ငရဲလားနိုင်ကြောင်း မကောင်းမှုတွေ ရှိခဲ့ရင်တောင် ပြေလျော့ရအောင်၊ ကုသိုလ်တွေ တိုးပွားပြီး မကောင်းဘေးများ ရှောင်ရှားသွားရအောင် အနန္တော အနန္တငါးပါး၊ ခင်ပွန်းကြီးဆယ်ပါးတို့ကို ဒီလို ၀ါကျွတ်ချိန်ခါမှာ ကန်တော့ကြဖို့ တိုက်တွန်းချင်ပါတယ်။

သက်ရွယ်ကြီးမား မိဘဘိုးဘွား ဆရာသမားတွေကို ကန်တော့ခြင်းဟာ မိမိအတွက် ကုသိုလ်တွေ တိုးသလို ဘေးဆိုးတွေမှလည်း ကင်းဝေးစေပါတယ်။ အပါယ်ဘေးကိုတောင် အထိုက်အလျောက် တားဆီးပေးနိုင်ပါတယ်။

ဓမ္မမိတ်ဆွေများ အားလုံး ဘေးရန်ကင်းကွာ ကိုယ်စိတ်နှစ်ဖြာ ကျန်းမာ ချမ်းသာကြပါစေ၊ စိုးရိမ်ပူဆွေး ငိုကြွေးခြင်းဘေးတွေကလည်း လွန်မြောက်နိုင်ကြပါစေကြောင်း ၀ါကျွတ်ဆုမွန်ပြုရင်း ငရဲတံခါး ပိတ်ကြစို့လို့ ဆန္ဒပြု တိုက်တွန်းလိုက်ပါတယ်။

အရှင်နန္ဒ၀ံသ (ရမည်းသင်း)
ဇေယျသုခဓမ္မရိပ်သာ
အမာရီလိုမြို့၊ တက္ကဆပ်ပြည်နယ်။

နှလုံးသွင်းမှန်ကာ ဟုတ်တိုင်းမှန်စွာ သိ

2011-10-09T18:18:00.001-04:00

၂၀၁၁ ခုနှစ် အောက်တိုဘာလ ၈ ရက် စနေနေ့တွင် နယူးယောက်မြို့၊ လောကချမ်းသာဘုရားကျောင်း၌ ပြုလုပ် ကျင်းပမြဲဖြစ်သော တရားရှုမှတ်ခြင်း၊ အဘိဓမ္မာသင်တန်းနှင့် ဆည်းဆာတရားပွဲတို့ကို ကျင်းပ ပြုလုပ်၏။

မွန်းလွဲ ၂ နာရီမှ ၃ နာရီထိ တရားရှုမှတ်ပြီးသောအခါ လောကချမ်းသာဆရာတော်က နာရီဝက်မျှ သြ၀ါဒစကား ချီးမြှင့်၏။

ဆရာတော်က ... ဓမ္မပဒသင်တန်း (ဓမ္မပဒ)မှာ ဘုရားရှင်လက်ထက် ရဟန္တာမထေရ်ကြီးများ၊ တရားထူးရရှိသွားကြသူ ပုဂ္ဂိုလ်များအကြောင်း အတုယူဖွယ် အားကျဖွယ် ဖော်ပြထားရာ မိမိတို့လည်း အတုယူ နည်းယူ စိတ်အားတက်ဖွယ် လိုက်နာကျင့်သုံးရန် ကောင်းကြောင်း ဦးစွာ အမိန့်ရှိ၏။

အဘိဓမ္မာသင်တန်းမှာ လက်တွေ့ စမ်းသပ် သိရှိနိုင်သော စိတ်၊ စေတသိက်၊ ရုပ်၊ နိဗ္ဗာန် ပရမတ္ထတရားများအကြောင်း လေ့လာ သင်ကြားသင်ယူကြရရာ အထူးပင် တန်ဖိုးရှိလှကြောင်း။

သို့သော် ဤသို့ စာသိ အသိတရားများမှာ နိဗ္ဗာန်နှင့်ဝေးသောအကြောင်း ဖြစ်နေသေးကြောင်း၊ လက်တွေ့ ကိုယ်တွေ့ ရှုမှတ် ပွားများမှုကသာ နိဗ္ဗာန်နှင့်နီးသောအကြောင်း ဖြစ်ကြောင်း၊ စနေနေ့တိုင်း လောကချမ်းသာဘုရားကျောင်းသို့ လာရောက်ကြ၍ ဓမ္မစာပေသင်တန်းများ တက်ရောက် သင်ယူခြင်း၊ တရားဓမ္မများ နာကြားခြင်း၊ သင်တန်းမစမီ တရားထိုင် တရားရှုမှတ်ခြင်းတို့ ပြုလုပ်ကြရာ၌ တကယ် ထိထိမိမိ အကျိုးရှိအောင် ပြုလုပ်ကြစေလိုကြောင်း။

အထူးအားဖြင့် သင့်တင့် လျော်ကန်သော နှလုံးသွင်းမှန်မှု ရှိရန် အလေးထား ဂရုပြုကြပြီး၊ ဟုတ်တိုင်းမှန်စွာ သိရန် ကြိုးစား အားထုတ်သွားကြစေလိုကြောင်း အလေးထား တိုက်တွန်း မိန့်ကြား ချီးမြှင့်သွား၏။

ယခုအပတ်တွင် ဓမ္မပဒသင်တန်းပြ ဆရာတော် အရှင်စက္ကိံဒ ဘော်စတွန်မြို့သို့ ကြွရောက်သွား၍ မွန်းလွဲ ၃ နာရီခွဲမှ ညနေ ၅ နာရီထိ အဘိဓမ္မာသင်တန်း၊ စိတ်သရုပ်ခွဲကို အရှင်ဝဏ္ဏိတက အမေးအဖြေများ ပြုလုပ်ကာ သင်ကြား ပို့ချ၏။

အဘိဓမ္မာသင်တန်းပြီးသော် လာမည့်ပတ် စနေနေ့တွင် ကျင်းပပြုလုပ်မည့် အဘိဓမ္မာအခါတော်နေ့တွင် ရွတ်ဆို ပူဇော်ကြမည့် အဘိဓမ္မာ ခုနစ်ကျမ်း ကောက်နုတ်ချက် ပါဠိတော်များကို မှန်ကန်စွာ အသံထွက်နိုင်အောင်လည်း အရှင်ဝဏ္ဏိတကပင် သင်ပြပေး၏။

ညနေ ၆ နာရီ လောကချမ်းသာ ဆည်းဆာတရားပွဲတွင် အရှင်ဝိမလက `ပြုလုပ်တိုင်းမှာ ဆင်ခြင်ပါ´တရားတော်ကို ဟောကြား ချီးမြှင့် ဓမ္မဒါနပြုပြီး၊ တရားပွဲပြီးသောအခါ ကောင်းမှု ကုသိုလ်တို့ကို အမျှပေးဝေကြပါသည်။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၆-အောက်တိုဘာ-၂၀၁၁)

2011-10-06T16:07:00.002-04:00

သီတင်းကျွတ်ပြီ ... မီးပုံးပျံလွှတ်ရအောင် - အရှင်နန္ဒ၀ံသ (ဇေယျသုခ ဓမ္မရိပ်သာ)

2011-10-05T23:17:00.000-04:00

အနာဂတ်အတွက် သက်ပြင်းလေးတစ်ချက်

လေပြေလေညှင်း တိုက်ခတ်ခြင်းနဲ့အတူ သီတင်းကျွတ်ကာလရဲ့ ရာသီဥတုဟာ သာတောင့်သာယာ ရှိလှပါတော့တယ်။
မြူတိမ်ကင်းတဲ့ ကောင်းကင်အာကာမှ ထွက်ပြူစ လစန္ဒာကို မြင်ရတဲ့အခါမှာတော့ မကြာမီ သီတင်းကျွတ်လပြည့်တော့မှာပါလား ဆိုတဲ့ အသိက ဦးနှောက်တစ်နေရာမှာ နေရာယူလာပြန်တယ်။
သဘာဝရဲ့ ပြောင်းလဲမှု နိယာမသဘောကို မလွန်ဆန်နိုင်လို့ ဖြူ နီ ပြာ ၀ါ ရောင်စုံဖြာစပြုလာတဲ့ သစ်ပင်လေးတွေကလည်း သင်္ခါရလောကကြီးမှာ အစဉ်ထာဝရဆိုတာ အပိုစကားလို့ ပြောပြနေသလိုလို ထင်မိလိုက်ပါရဲ့။

စက္ကန့်မှသည် နာရီ နေ့ ရက် အလီလီ ပြောင်းရွှေ့မှုတွေက ရာသီစက်ဝန်း ဖြစ်ထွန်းခြင်း အစ ဖြစ်လေမလားပင် မသိ။
သတိထား စဉ်းစားမိတော့ ဆယ့်နှစ်လရာသီဆိုတာ ဘယ်မှာ တကယ်ကြာလို့လဲ၊ ပူပြင်းခြောက်သွေ့တဲ့ နွေရာသီကို လွန်မြောက်လို့ ဆောင်းရာသီပင် ၀င်ရောက်တော့မယ် မဟုတ်ပါလား။
ဒီလို နာရီတွေပြောင်း၊ ရာသီပေါင်း များလာတာနဲ့အမျှ သစ်ပင်ဖျားက သစ်ရွတ်များလို မိမိဘ၀သက်ရွယ်သည်လည်း ဇရာထောင်းလို့ အရွယ်ဟောင်းလာကာ သစ်ရွက်တွေ ညှာပြုတ်ကြွေကျ မြေမှာ ခ,ရသလို ဇရာ ဗျာဓိ မရဏဆိုတဲ့ ဘေးတွေက ခ..ရအုံးတော့မှာပါလားလို့ တွေးမိပြန်ပါတယ်။
ဒီတော့လည်း လျှောက်လှမ်းရအုန်းမယ့် ရှေ့အနာဂတ်လမ်းကို မှန်းဆကာ တွေးရင်း သက်ပြင်းလေးတစ်ခုကို သာသာညင်းညင်း ချလိုက်မိပါတော့တယ်။

သက်ပြင်းချ ... အတွေးစတစ်ခုရဲ့ နောက်ကွယ်မှာ

မရေရာ မသေချာသေးတဲ့ အတွေးတစ်ခု နောက်ကွယ်မှာတော့ စဉ်းစားဖွယ်ရာ မြောက်များစွာဟာ အစီအရီ ငြိတွယ်ပါလာလေရဲ့။
မပြည့်စုံသေးတဲ့ ပညာရေးရယ်၊ မပြည့်ဝသေးတဲ့ ဆန္ဒလေးတွေက ဘ၀ကို မရေရာ မသေချာတာတွေ ဖြစ်နေစေသလားပင် မသိတော့ချေ။
တကယ်တော့ ဘ၀ဆိုတာ ၀ိရောဓိများစွာရဲ့ ဆုံမှတ်တစ်ခုရယ်ပါ။ ကံဆိုတဲ့ ဇာတ်ဆရာက ဘယ်သူ့ကိုမှ လိုလေသေးမရှိအောင် စွမ်းဆောင်ပေးတာတော့ မဟုတ်နိုင်ဘူး။
အားနည်းချက်တွေကို ရှာဖွေဖြည့်ဆည်းရင်း ခရီးပြင်းနှင်ရတာမျိုးဆိုတာကို မေ့နေမိခဲ့တယ်။
မိမိဘ၀ရဲ့ အရှိကို မိမိကိုယ်ပိုင်အသိက နိုင်အောင် မထိန်းနိုင်ခဲ့လို့ အရှိတရားရဲ့ နှိပ်စက်ဒဏ်ကို ခံခဲ့ရတယ်ဆိုတာကို ဘ၀အတွေ့အကြုံအရ သိလိုက်ရတယ်။
ဒီတော့လည်း အနာဂတ်မှာ ထပ်ကာ မမှားရအောင် အသိတရားတွေ တိုးပွားဖို့ သတိထား လျှောက်လှမ်းရတော့မယ်လို့ပဲ ခံယူမိလိုက်ပြန်ပါရဲ့။

လမ်းလျှောက်ရင်းက အတွေးတစ်စ

သီတင်းကျွတ်ပြီ
မီးပုံးပျံလွှတ်ရအောင်
မီးစာကို ရေနံဆွတ်ပါ
မိုးလွတ်ပါမည်လား?

မေ့မရသေးတဲ့ ကလေးဘ၀တုန်းက သင်ခဲ့ရဖူးတဲ့ ကဗျာလေးတစ်ပုဒ်ကို နှုတ်ကနေ လှုပ်လှုပ်ရွရွ ရွတ်ဆိုရင်း လမ်းလျှောက်တွေးနေမိတယ်။
မီးပုံးပျံဆိုတာကို စက္ကူ ကော် စသည်ဖြင့် ဖွဲ့စည်းတည်ဆောက်ပြီး မီးစာတပ်ဆင်ရတယ်။
အဲဒီ မီးစာမှာ ရေနံကောင်းကောင်း ဆွတ်ပေးရတယ်။ ဒါမှ မှိုင်းထွက်အားကောင်းပြီး မီးပုံးပျံကို အထက်အမြင့်ဆီ သယ်ဆောင်သွားနိုင်ပါမယ်။
မှိုင်းအားကောင်းရင် ကောင်းသလောက် အမြင့်ရောက်နိုင်တာ ဖြစ်ပါတယ်။
မီးပုံးပျံလွှတ်တင်ချိန်မှာ မိုးလေ လွတ်ကင်းဖို့လည်း လိုအပ်တာပေါ့။
ဒါကြောင့်ပဲ ထင်ပါရဲ့ ... ၀ါလကင်းလွတ် သီတင်းကျွတ်လကို ရွေးပြီး ရှေးစာဆိုကြီးများက သီတင်းကျွတ်ပြီ ... မီးပုံးပျံလွှတ်ရအောင် စသည်ဖြင့် ရေးသားခဲ့တာလို့ အတွေးချဲ့မိတယ်။

မီးပုံပျံပမာ ဘ၀ခန္ဓာ

တကယ်တော့ ရုပ်နာမ်နှစ်ဖြာတို့ဖြင့် ပေါင်းစပ် ဖွဲ့စည်းထားတဲ့ ဘ၀ခန္ဓာကြီးကိုလည်း ဓာတ်ကြီးလေးပါးတို့ဖြင့် ဖွဲ့စည်း တည်ဆောက်ထားလို့ မီးပုံးပျံသဖွယ် တင်စားလို့ ရမယ် ထင်ပါတယ်။
ကုသိုလ်ကံမှိုင်း ကောင်းရင် ကောင်းသလောက် အမြင့်တက်၊ အထက်ရောက်နိုင်သလို
ကုသိုလ်ကံမှိုင်း အားနည်းခဲ့မယ်ဆိုရင်လည်း ဆင်းရဲနိမ့်ကျ ဘ၀မလှ ဖြစ်ရတတ်တာ သာဓကတွေ များစွာပေါ့။

တတ်ကျွမ်းတဲ့ ပညာရှင်က အချိုးကျကျ စီမံ ပြုလုပ်တဲ့ မီးပုံးပျံဟာ သေသပ်လှပသလို ကုသိုလ်ကံက စီမံပေးတဲ့ ဘ၀တွေကျတော့လည်း အထက်တန်းကျ မျက်နှာပန်းလှတာပေါ့။
ဒါကြောင့် ဘ၀အဆင့် မြင့်သည်ထက် မြင့်ချင်ရင် ကုသိုလ်ဖြစ်အောင် တွေးပြီး ကုသိုလ်စိတ်လေးနဲ့ နေကာ ကုသိုလ်ဖြစ်မယ့် အမှုတွေ ပြုခြင်းဖြင့် ဘ၀ကို ကုသိုလ်ကံမှိုင်း ကောင်းကောင်း ပေးသင့်တယ်လို့ ခံယူလိုက်မိတယ်။

မှိုင်းကုန် မြေခ ... မီးပုံပျံဘ၀လို

မီးပုံးပျံတွေဟာ မိုးပျံတက်တယ်ဆိုပေမယ့် မှိုင်းရှိသမျှသာ ဖြစ်ပါတယ်။
မှိုင်းကုန်တဲ့အခါ အောက်မြေဆီ ပြန်သက်ဆင်းလို့ ပျက်စီးခြင်း အဆုံးရှိတယ်ဆိုတာကိုလည်း တဆက်တည်း တွေးမိတယ်။
ဒီလိုပါပဲ ... လူ့လောကမှာလည်း ကုသိုလ်ကံတွေ ကောင်းနေချိန်မှာ အောင်မြင်မှုတွေ ရ၊ လောကမှာ အထက်တန်းကျကျဖြင့် ရာထူးနဲ့ စည်းစိမ်နဲ့ နေပင်နေရပါသော်လည်း ကုသိုလ်ကံအဟုန် ကုန်တဲ့အခါမှာတော့ ကြံရာမပြီး အချည်းနှီးနဲ့ စိတ်ဆင်းရဲ ကိုယ်ဆင်းရဲ ဖြစ်တတ်ကြပါတယ်။
ဒါကြောင့် ဗုဒ္ဓမြတ်စွာက ဗြဟ္မာ့ပြည်မှာ တ၀င်းဝင်း .. ၀က်စာကျင်းမှာ တရှုပ်ရှုပ်လို့ ဟောခဲ့တာ ဖြစ်ပါတယ်။

တကယ်တော့ လူသားတိုင်းဟာ လူ့ဘ၀ရလာတယ်ဆိုကတည်းက အတိတ်က ကုသိုလ်ကံ ကောင်းမှုတွေ အနည်းနဲ့အများ ရှိမှာပဲ ဖြစ်ပါတယ်။
ရလာတဲ့ လူ့ဘ၀မှာ မေ့မေ့လျော့လျော့ ပေါ့ပေါ့ဆဆနဲ့ ကုသိုလ်ကံမှိုင်းအသစ် မဖြစ်စေခဲ့လို့သာ မှိုင်းကုန်တဲ့ မီးပုံးပျံလို တဖြည်းဖြည်း နိမ့်ကျ နွမ်းပါး ဆင်းရဲများနဲ့ ကြုံနေရတယ်၊ အဆင်မပြေမှုတွေနဲ့ ကြုံနေရတယ်လို့ ထင်ပါတယ်။

ကုသိုလ်ကံကြောင့် ဖြစ်တည်လာရတဲ့ ဘ၀မှာ မေ့လျော့ ပေါ့ဆစွာ မနေဘဲ ကုသိုလ်ကံတွေကိုသာ ထပ်ကာ ထပ်ကာ ပြုဖြစ်နေမယ်ဆိုရင် ဒီကံအသစ်တွေကြောင့် ဘ၀အဆင့်ဟာလည်း မြင့်သည်ထက် မြင့်နိုင်တာပဲ ဖြစ်ပါတယ်။
ဒီလိုမဟုတ်ဘဲ အတိတ်ကံအကြောင်း အကျိုးပေးကောင်းတာကိုပင် ဘ၀င်မြင့် မာန်ထူ စည်းစိမ်ယူနေမယ်ဆိုပါရင် အဟောင်းချည်း စားနေသူနဲ့ တူနေပါတယ်။
အဲဒီ ကံအဟောင်းသာ ကုန်လို့ကတော့ မှိုင်းကုန်တဲ့ မီးပုံပျံအသွင်လို အားကိုးရာမဲ့ အောက်ကို တဖြည်းဖြည်း ဆင်းသက် မြေခရမှာပါလားလို့ တွေးပြီး ကိုယ့်ကိုယ်ကို သတိပေးနေမိပါတယ်။

ဘ၀အဆင့် မြင့်သည်ထက် မြင့်အောင်

ဘ၀အဆင့်တွေ တဆင့်ထက် မြင့်ရာမြင့်ကြောင်းတွေကို ဗုဒ္ဓမြတ်စွာက မိန့်မှာတော်မူခဲ့ရာမှာ သီလ၊ သမာဓိ၊ ပညာဟာ အရေးပါဆုံးပင် ဖြစ်ပါတယ်။
ဒီအထဲမှာ ပညာနဲ့ပတ်သက်လို့ အသိသုံးမျိုး ရှိပါတယ်။
နံပါတ်တစ်ကတော့ - `ကိုယ်တိုင်ပြုထား၊ ကံတရား၊ သိငြား မူလဆင့်´ဆိုတဲ့အတိုင်း ကိုယ်တိုင်ပြုလုပ်ထားတဲ့ ကောင်းမှု မကောင်းမှုတို့ရဲ့ အကောင်းနဲ့အဆိုး၊ အကြောင်းနဲ့အကျိုးကို ဉာဏ်နဲ့ချိန်ထိုး သိတာပါ။ ဥပမာ - ကောင်းတာပြုရင် ကောင်းကျိုးရမယ်၊ မကောင်းတာပြုရင် မကောင်းကျိုးရမယ် ဆိုတာတွေပါပဲ။

ဒီအဆင့်မှာ ရာထူး ဂုဏ်သိန် စည်းစိမ်ချမ်းသာ အဖြာဖြာနဲ့ ပြည့်စုံဖို့ဆိုရင် ဒါနပြုရတယ်။
ဒါနရှင်ဖြစ်မှ ဓနရှင်ဖြစ်နိုင်တယ်လို့ သိပြီး တချို့က ဒါနကို အားကိုးပြီး ကြိုးစားပြုကြလို့ ချမ်းသာကြတယ်။

ချမ်းသာသလို စည်းစိမ်ကို ခံစားသုံးဆောင်နိုင်ဖို့ဆိုသည်မှာလည်း ကျန်းမာဖို့ လိုအပ်တယ်လို့ သိပြီးတော့ ကျန်းမာအောင် သီလကိုလည်း အားကိုး ကြိုးစား စောင့်ရှောက်ကြတယ်။

ကျန်းမာ ချမ်းသာသလို ရှိတဲ့ ဓနဥစ္စာကို အကျိုးရှိအောင် စီမံ ခန့်ခွဲ သုံးတတ်အောင်ဆိုရင် ဉာဏ်ပညာနဲ့ ပြည့်စုံဖို့လိုတယ်လို့ စဉ်းစားပြီး တရားနာခြင်း၊ တရားထိုင်ခြင်း စသည့် ဘာဝနာအလုပ်ကို အားထုတ်ကြပြန်တယ်။

အဲဒီတော့ သူတို့မှာ အတိတ်ကံလည်း ကောင်း၊ ပစ္စုပ္ပန်ကံတွေကလည်း ကောင်းတော့ အကောင်းတွေ ပေါင်းစုံပြီး အမြင့်မှာပဲ အစဉ်တင့်တယ် ၀င့်ထယ်နေတော့တာပေါ့။
ဒါကြောင့် အမြင့်မှာ အစဉ် ၀င့်ထယ်စွာ တင့်တယ်ရအောင်ဆိုရင် ဒီ ဒါန သီလ ဘာဝနာ အလုပ်တွေကို တတ်နိုင်သမျှ ကြိုးစားလုပ်ကြရမှာ ဖြစ်ပါတယ်။
ဒီတရားသုံးပါးက နိမ့်နေသူကို မြင့်စေနိုင်တယ်။
မြင့်နေသူကို အမြင့်မှာ တည်တန့်စေနိုင်တာမို့ ဘ၀အဆင့် မြင့်သည်ထက် မြင့်အောင်ဆိုရင် လူတိုင်း လူတိုင်း ဒီတရားသုံးပါးကို သိရှိနားလည် ကျင့်ပွားနိုင်မှ ဖြစ်မယ်လို့ နားလည်မိပါတယ်။

ချမ်းသာဆင်းရဲ မကွဲအတူ အပူတွေနဲ့

အထက်မှာ ဆိုခဲ့တဲ့အတိုင်း ရှေးကံရော ပစ္စုပ္ပန်ကံတွေပါ ကောင်းကြလွန်းလို့ ဒီဘ၀မှာ အစစ ပြည့်စုံသူတွေ ချမ်းသာသူတွေ အများကြီး တွေ့ခဲ့ဖူးပါတယ်။
ဒါပေမယ့် `လူတစ်စု ပူမှုရယ်တဲ့ ဆယ်ကုဋေ´ဆိုတဲ့အတိုင်းပါပဲ။
လူတိုင်းမှာ အပူတွေ ရှိနေတာကို သိနားလည်ခဲ့ရပါတယ်။
ဥစ္စာဓနပြည့်စုံသူတွေမှာ ကြောင့်ကြဗျာပါဒနဲ့ ပူနေရသလို မရှိနွမ်းပါး ဆင်းရဲသားတွေမှာလည်း တောင့်တပြီး ပူနေရတာပါပဲ။
ဒါကြောင့် `မရှိပြန်တော့လည်း တောင့်တပူ၊ ရှိပြန်တော့လည်း ကြောင့်ကြပူ၊ လူ့ဘ၀ကြီး အထက်မီး အောက်မီးမုန့်နဲ့ တူ´လို့ ဆိုလိုက်ချင်ပါတော့တယ်။

အပူကင်းအောင် သတိဆောင်

အပူမကင်းတဲ့ လောကအတွင်းမှာ အပူကင်းအောင်နေနည်းကိုလည်း ဗုဒ္ဓရှင်ပင်က သွန်သင် လမ်းပြ ဆုံးမခဲ့ပါတယ်။
ဒါကတော့ သတိပဋ္ဌာန် ၀ိပဿနာတရားကို ရှုမှတ် ပွားများဖို့ပါ။

ဧကာယနော အယံ ဘိက္ခဝေ မဂ္ဂေါ ... စသော ဒီ ဘုရားဟော ဒေသနာသည် လိုက်နာသူတို့အတွက် သောကကင်းဝေး နေနိုင်ရေး ဆေးတစ်ခွက်ဖြစ်သလို အပူကင်းရန် နတ်ဆေးမွန်လည်း အစစ်ပါပဲ။

ဒါဆိုရင် လူ့ဘ၀မှာ ပထမအဆင့်အနေဖြင့် ချမ်းသာဖို့၊ ကျန်းမာဖို့နဲ့ အသိဉာဏ်ပညာ ပြည့်စုံဖို့ အဓိကကျသလို၊
ဒုတိယအဆင့်အနေဖြင့် အပူအပင် ကင်းကင်းနေနိုင်ဖို့ အဓိကကျတယ်လို့ ကောက်ချက်ဆွဲလို့ ရမယ် ထင်ပါတယ်။ ဆောင်းပါးတစ်ခုမှာတော့ လူတစ်ယောက်ဟာ နံပါတ်တစ် အိပ်ပျော်ဖို့၊ နံပါတ်နှစ် စားဝင်ဖို့၊ နံပါတ်သုံး ရယ်ရွှင်နိုင်ဖို့ အဓိကကျတယ်လို့ မှတ်သားမိဖူးပါတယ်။
ဒီတော့ အပူကင်းကင်းနဲ့ နေနိုင်အောင်ဆိုရင် သတိပဋ္ဌာန် ၀ိပဿနာ ပွားများနေဖို့ လိုအပ်ပါတယ်။
စီးပွားရေး လူမှုရေးတွေကြားမှာ မအားလပ်လို့ ၀ိပဿနာရှုပွားဖို့ အချိန်မရဘူးဆိုရင်တောင်မှ ဘုရားရှိခိုးခြင်း၊ မေတ္တာပို့သခြင်း၊ ပုတီးစိပ်ခြင်း စသည့် သမထအလုပ်တွေဟာလည်း စိတ်ကို ငြိမ်းစေ အေးချမ်းစေနိုင်လို့ အပူကို ကင်းစေနိုင်တာပဲ ဖြစ်ပါတယ်။
ဝိပဿနာ မြတ်ပညာ မှတ်ပါ အလယ်ဆင့် ဆိုတဲ့အတိုင်း ဒီလို သမထ ၀ိပဿနာနဲ့ နေနိုင်ပြီ ကျင့်နိုင်ပြီဆိုရင် ဒါဟာ ဘ၀ရဲ့ ဒုတိယအဆင့်မှာ နေနိုင်ခြင်းလို့ သတ်မှတ်ခံယူလို့ ရပြီပဲ ဖြစ်ပါတယ်။

အမြင့်ဆုံးအဆင့် တံခါးပွင့်နေ

အို ... ဓမ္မမိတ်ဆွေ၊ ကံကောင်း အကြောင်းလှသဖြင့် လူဖြစ်လာပြီးတဲ့နောက် အခြေခံ ပထမအရေးကြီးဆုံးဖြစ်တဲ့ ကမ္မဿကတာ ဉာဏ်ပညာရှိပြီး၊ ဒါန သီလ ဘာဝနာ ကုသိုလ်တွေကိုလည်း လုပ်ဖြစ်အောင် ကြိုးစားတယ်။
ဒုတိယအဆင့်အနေဖြင့် ပူပင်သောက ဗျာပါဒမဲ့စွာ အိပ်ပျော်စားဝင် ရယ်ရွှင်နိုင်ဖို့ သမထ ၀ိပဿနာလည်း လုပ်ဖြစ်တယ်ဆိုရင် အမြင့်ဆုံးအဆင့်ဖြစ်တဲ့ မဂ်ဖိုလ် နိဗ္ဗာန်ဆိုတဲ့ အမြင့်ဆုံးအဆင့်ဟာ မိမိအတွက် တံခါးပွင့်နေမှာ မလွဲပါဘူး။

အဲဒီလို မဂ်ဆင့် ဖိုလ်ဆင့် တံခါး မပွင့်နိုင်သေးတောင်မှ ကိုယ့်ရဲ့ ကုသိုလ်ကံ ကြိုးစား အားထုတ်မှု အတိုင်းအတာအရ နတ်ပြည် ဗြဟ္မာပြည် ကျင်လည်ရပါစေအုန်းတော့ အရှူံးမရှိနိုင်ပါဘူး။
ဘုံစဉ်စံ ဘ၀နဲ့လည်း နိဗ္ဗာန်ကို မျက်မှောက်ပြုနိုင်တာဖြစ်လို့ အောက်ကို ပြန်ကျရတဲ့ ဘ၀ဆိုးမျိုးနဲ့ မတိုးနိုင်တော့ဘူးပေါ့။

ဘ၀မီးပုံးပျံ မှိုင်းဖြည့်ချိန် တန်ပြီ

ဘ၀ဆိုတာ မီးပုံးပျံပမာ တူတယ်ဆိုတာကို အတွေးဖြစ်မိတဲ့ အဆုံးမှာတော့ ကိုယ့်ဘ၀ မီးပုံးပျံကိုလည်း မြင့်သည်ထက် မြင့်ရာဆီကို တက်စေနိုင်ဖို့ဆိုရင် ကုသိုလ်ကံမှိုင်းဖြည့်ဖို့တော့ အချိန်တန်လာပြီလို့ သဘောပေါက်လာခဲ့တယ်။
သီတင်းတွေကျွတ်ခဲ့ပေါင်းလည်း များလှပါပြီ။
ဘ၀မီးပုံးပျံကို မှိုင်းဖြည့်တင်းဖို့ တစ်ခါမှ မတွေးမိခဲ့ဖူးပါဘူး။
အရွက်ကျရာ အပင်ပေါက်တတ်တဲ့ ရွက်ကျပင်လေးလို ကံဇာတ်ဆရာ အလိုကျ လောကဇာတ်ခံပေါ်မှာ ပျော်နေမိခဲ့တယ်။

အခုတော့ ကိုယ့်ဘ၀ခန္ဓာ မီးပုံးပျံမှာ ကုသိုလ်ကံမှိုင်း လျော့နေတာကို သတိထားမိခဲ့ပါပြီ။
အရင်လို မဟုတ်တော့သည့် ခန္ဓာကိုယ် အနေအထားက ဇရာရဲ့ ဖိစီးမှု၊ ဗျာဓိရဲ့ နှိပ်စက်မှုတွေကြောင့် နုပျိုရာမှ အိုမင်းရင့်ရော်တဲ့ဆီ၊ ကျန်းမာရာမှ ဖျားနာရာဆီ ဦးတည်နေခဲ့တာကို သတိထားမိခဲ့ပါပြီ။
တလောက နယူးယောက်မြို့ရောက်တော့ လောကချမ်းသာဆရာတော်ကြီးက မိန့်တယ်။
`အသက်ကြီးလာရင် အားလုံးကို အရှူံးပေးရတော့တာပဲ´တဲ့။
သံဝေဂပါတဲ့ ဆရာတော်ကြီးမိန့်စကားက နားထဲမှာ မထွက်သေးပါဘူး။

အခုလည်း သီတင်းကျွတ်ပါပြီ။
မီးပုံးပျံလွှတ်ချိန် မတန်သေးသော်မှ ဘ၀မီးပုံးပျံကို နိဗ္ဗာန်နန်းထိ ရောက်သည့်တိုင်အောင် စွမ်းဆောင်နိုင်ဖို့ဆိုရင် မှိုင်းဖြည့်ဖို့တော့ အချိန်တန်ပါပြီ။
မှိုင်းလျော့ကာ မနိမ့်ကျရအောင် မှိုင်းဝပြီး အထက်အဆင့်တွေ မြင့်ရာ တက်နိုင်ရအောင် ရည်ဆောင်လို့ ဘ၀မီးပုံးပျံကို အမျိုး ဘာသာ သာသနာအတွက် အကျိုးရှိရာ ကဏ္ဍလေးတွေမှာ စွမ်းနိုင်သလို ပါဝင်ရင်း
ဒါန သီလ ဘာဝနာမှိုင်း
သီလ သမာဓိ ပညာမှိုင်းများဖြင့် အားဖြည့်တော့မယ်လို့ စိတ်ကူးရင်း ....
ဓမ္မမိတ်ဆွေအပေါင်းတို့ကိုလည်း နိဗ္ဗာန်တိုင် ခရီးရောက်နိုင်သည့် ကုသိုလ်ကံမှိုင်းအားပြည့်သော စည်းစိမ်ချမ်းသာနဲ့ ပြည့်စုံပြီး
ကျန်းမာ ဉာဏ်ကြီးသည့် ဘ၀ခန္ဓာပိုင်ရှင် မီးပုံပျံကြီးများ ဖြစ်နိုင်ကြပါစေကြောင်း ၀ါကျွတ်ဆုမွန်ကောင်း တောင်းလိုက်ပါတော့တယ်။

အရှင်နန္ဒ၀ံသ
ဇေယျသုခ ဓမ္မရိပ်သာ
အမ်မရီလိုမြို့၊ တက်က်ဆပ်ပြည်နယ်။

ကထိန်တရားတော် - မြောင်းမြဆရာတော်

2011-10-05T20:53:00.000-04:00

ထူးခြားသော ဘာသာရေးပွဲတော်

“ကထိန” ... အားလုံး သိကြတဲ့အတိုင်းပဲ။ မြန်မာ့ပွဲတော်တွေထဲက အတော်လေး အရေးပါတဲ့ ပွဲ ဖြစ်တယ်။
လောကီလူတို့ရဲ့ ဓလေ့ထုံးတမ်းစဉ်လာနဲ့ မပတ်သက်တဲ့ ဘာသာရေးပွဲတော်တစ်ခု ဖြစ်တယ်။
ဘာသာရေးမှာလည်း အခြား အခြားသော ဘာသာရေးပွဲတော်တွေနဲ့ မတူ၊ ဝိနည်းတရားတော်နဲ့ ပတ်သက်နေတဲ့ ဘာသာရေးပွဲတော်တစ်ခု ဖြစ်တယ်။
ဗုဒ္ဓဘာသာမြန်မာလူမျိုးတွေဆိုရင် “ကထိန်ပွဲတော်”ဆိုတာ ဘာကို ဆိုလိုတယ်ဆိုတာ အားလုံးသိပြီး ဖြစ်ကြပါတယ်။

ကထိန်သင်္ကန်းကို ဘယ်လိုလုပ်ပြီး ခွင့်ပြုတယ်ဆိုတာ ခုနက ပြောခဲ့တဲ့ အင်္ဂလိပ်ဘာသာ(နဲ့တရား)ကိုပဲ မြန်မာပြန်ပြီး အတိုချုပ် ပြောပါအုံးမယ်။

ရဟန်းတော်များ၏ အခက်အခဲ

ဗုဒ္ဓဘုရားရှင် လက်ထက်တော်က ဘဒ္ဒဝဂ္ဂီညီနောင်သုံးကျိပ်တို့ဟာ ဘုရားဖူးရအောင်၊ တရားနာရအောင်ဆိုပြီး သာဝတ္ထိမြို့ကို ကြွလာခဲ့ကြတယ်။

ဒါပေမယ့် သာဝတ္ထိမြို့ မရောက်မီ ဝါဆိုနေ့ဟာ ကပ်သွားပြီ။
သူတို့လမ်းခရီးမှာ လေးမြင့် ဖင့်နွှဲ့သွားတဲ့အတွက်ကြောင့် သာဝတ္ထိမြို့ကို အချိန်မီ မရောက်နိုင်ဘူး။
သာဝတ္ထိမြို့နဲ့ အလွန်နီးကပ်နေတဲ့ သာကေတဆိုတဲ့ မြို့လေးမှာ ဝါဆိုလိုက်ကြရတယ်။
ထိုပုဂ္ဂိုလ်များဟာ ရဟန်းတရား အားထုတ်ထားကြတဲ့အတွက် အနည်းဆုံးက သောတာပန်ဖြစ်ပြီး အရင့်ဆုံးက အနာဂါမ်ဖြစ်တယ်။ ရဟန္တာလည်း မပါ၊ ပုထုဇဉ်လည်း မနှော၊ ရဟန်းတော် တရားရှာဖက် ညီနောင်သုံးကျိပ်။ အဲဒီပုဂ္ဂိုလ်တွေ ဝါဆိုကြတဲ့အခါမှာလည်း တရားလေး နှလုံးသွင်းနေကြပေမယ့် ဗုဒ္ဓဘုရားရှင်ကို ဖူးမြော်ချင်တဲ့ စိတ်ဇောက အင်မတန် ပြင်းထန်နေကြတော့ တရားမတက် ဖြစ်နေကြပုံ ရတယ်။

ဘာပြုလို့လဲဆိုတော့ ဒါလေးက အားလုံး သိကြပြီးတဲ့အတိုင်းပါပဲ။
တရားတော်ကို အသင့်အတန် ရထားပြီးတဲ့ ပုဂ္ဂိုလ်များဟာ ဘုရားရှင်ကို ကိုယ်ရထားတဲ့ တရားတော်ကို ပြောချင်တာ အလွန်ပဲ ဇောသန်နေတတ်ကြတယ်။
ရတနာလေးတစ်ခု ထူးထူးခြားခြား ရလာလို့ရှိရင် အဲဒီရတနာကို ရလာတဲ့သူဟာ မိမိရဲ့ အမိအဖ၊ ဆွေမျိုးတို့အား ပြောပြချင်တဲ့ ဆန္ဒ သိပ်ပြင်းထန်သလိုပါပဲ။
အဲဒီလိုပဲ ထိုပုဂ္ဂိုလ်တွေဟာ မိမိတို့ ရထားတဲ့ လောကုတ္တရာဓမ္မကို ပြောချင်လွန်းလို့ ဗုဒ္ဓဘုရားရှင်ကို ဖူးမြင်ချင်နေကြတာ။

အာသာမပြေဘဲနဲ့ အဲဒီလိုပဲ နေလိုက်ကြရတော့ ဝါလည်းကျွတ်ရော ဘာမှ မပြောနဲ့။ ဒီနေ့ ဝါကျွတ်၊ ပဝါရဏာပြုပြီးတယ်ဆိုရင်ပဲ နက်ဖြန်ခါမှာ တခါတည်း ဗုဒ္ဓဘုရားရှင်ရှိတော်မူရာ သာဝတ္ထိမြို့ဘက်ကို သွားကြတယ်။
ခြောက်ယူဇနာဆိုတာ မဝေးလှပါဘူး။ အဲဒီလို သွားကြတဲ့အခါ ဒီအချိန်မှာ ဘာဖြစ်သလဲဆိုတော့ မိုးတွင်းကလည်း မိုးလ မကုန်သေးဘူး။ လမ်းခရီးကလည်း တခါတည်း ရွှံ့ရေတွေနဲ့ အဲဒီလိုဖြစ်နေတဲ့အတွက်ကြောင့် ပင်ပင်ပန်းပန်း သွားကြရတယ်။

ဒီအထဲမှာလည်း ဗုဒ္ဓဘုရားရှင်က သင်္ကန်းသုံးထည်ကို ဘယ်နေရာမှ ထားမပစ်ခဲ့ရဘူး။ ခရီးသွားရင် ယူသွားရမယ်။ ဒီသင်္ကန်းတွေထဲက တစ်ထည်ကို ထားပစ်ခဲ့ရင် ဒါ နိဿဂ္ဂိဖြစ်တယ်။ အာပတ်သင့်တယ်။ ဒီလို သိက္ခာပုဒ်ရှိနေတဲ့အတွက် ဒီသိက္ခာပုဒ်ကို အင်မတန် ရိုရိုသေသေ လေးလေးမြတ်မြတ် ထိန်းသိမ်းကြတဲ့ ပုဂ္ဂိုလ်မြတ်တွေလည်း ဖြစ်တဲ့အတွက်ကြောင့် အာပတ်လည်း မသင့်ရအောင် ဗုဒ္ဓဘုရားရှင် ခွင့်ပြုတော်မူထားတဲ့ ဒီဝိနည်းသိက္ခာပုဒ်တော်၊ တရားတော်များကိုလည်း ရိုသေစွာ လိုက်နာသည် မည်ရအောင် သင်္ကန်းကြီးတွေကို ထမ်းပိုးပြီး ယူသွားကြတယ်။

အခုခေတ်မှာ ဘုန်းကြီးတို့ နှစ်ထပ်သင်္ကန်းတွေလို ပေါ့ပေါ့ပါးပါး ချုပ်ထားသလို မဟုတ်ဘူး။
ရှေးတုန်းက အများအားဖြင့်ဆိုရင် ပံ့သူကူသင်္ကန်းကြီးတွေ။
ဟိုအရပ် ဒီအရပ်က စုဆောင်းပြီး ကောက်ထားတဲ့ ပံ့သူကူသင်္ကန်းကြီးတွေ။
အဲဒီသင်္ကန်းကြီးတွေနဲ့ နှစ်ထပ်သင်္ကန်းကြီးချုပ်ထားတော့ လေးလေးကြီးပေါ့။
အဲဒါ ရေမစိုရအောင် ဆိုပြီး သပိတ်ကို တစ်ဖက်က လွယ်ရသေးတယ်။
သင်္ကန်းကြီးကလည်း ပခုံးပေါ်မှာ တင်ထားရသေးတယ်။
အဲဒီလို ပင်ပင်ပန်းပန်း သွားကြရတယ်။

ရဟန္တာလည်း မပါ၊ ပုထုဇဉ်လည်း မနှော

သာဝတ္ထိပြည်၊ ဇေတဝန်ကျောင်း ရောက်တဲ့အခါကျတော့ ဗုဒ္ဓဘုရားရှင်က မေးမြန်းရိုး ထုံးတမ်းစဉ်လာဖြင့် မေးပါတယ်။
... တပည့်တို့ ကျန်းကျန်းမာမာ ချမ်းချမ်းသာသာ ဝါဆိုကြရရဲ့လား၊ တရားများ အသက်တက်ကြရဲ့လား၊ ပြီးတော့ သင်တို့ လာခဲ့ကြတဲ့ ခရီးလမ်းကြီးက ချောချောမောမောကော ရှိရဲ့လား ... အဲဒီလို မေးတယ်။

မေးတဲ့အခါကျတော့ ဗုဒ္ဓဘုရားရှင်ရဲ့ မေးခွန်းကို ပြန်ဖြေကြပါတယ်။
... မှန်လှပါဘုရား၊ တပည့်တော်များ တရားအားထုတ်ရတာ ကျေနပ်ပါတယ်ဘုရား၊ တပည့်တော်ဟာဖြင့် ဘယ်အဆင့် ရောက်ပါတယ် ဘုရား၊ ဟိုပုဂ္ဂိုလ်တွေက ဘယ်အဆင့် ရောက်ပါတယ် ဘုရား ... နဲ့ပေါ့။
ခုနက ပြောသလို ပုထုဇဉ်လည်း မနှော၊ သောတာပန်, သကဒါဂါမ်, အနာဂါမ်သာဖြစ်ပြီး ရဟန္တာတော့ မပါကြောင်း ... အဲဒီလို အသီးအသီး လျှောက်ကြတယ်။
ဝမ်းမြောက်ဝမ်းသာနဲ့ ကိုယ်ရတဲ့ ဒီလောကုတ္တရာတရားတွေကို လျှောက်ကြတယ်။
ဗုဒ္ဓဘုရားရှင်က သာဓုခေါ်တယ်။

အဲဒီလို ဝမ်းမြောက်ဝမ်းသာ သာဓုခေါ်တော်မူပြီးတဲ့အခါကျ ... တပည့်တော်များ ပြင်းထန်သော အာသီသဇောနဲ့ လာခဲ့ရတာ လမ်းခရီးတော့ မလွယ်လှပါဘုရား၊ မိုးကလည်း ရွာတယ်၊ ရွှဲ့တွေ ညွန်တွေနဲ့ ဖြစ်နေပါတယ်။ ယခုခေတ်လို လမ်းတွေက ကောင်းတာ မဟုတ်ဘူး။ အဲဒါကြောင့်မို့ ဒီအထဲမှာ သင်္ကန်းကြီးတွေ မိုးမစိုရအောင် ရွှံ့တွေမပေရအောင် သတိထားပြီးတော့ ဆောင်လာရခဲ့တဲ့အတွက်ကြောင့် အလွန် ပင်ပန်းလှပါတယ်ဘုရား ...လို့ လျှောက်ထားကြတယ်။

ကထိန်သင်္ကန်း ခွင့်ပြုခြင်း

အဲဒီလိုလျှောက်ထားတော့မှ ဗုဒ္ဓဘုရားရှင်က ... ကဲ ကောင်းပြီ၊ ဒီနေ့က စ၍ ငါ ဘုရား ကထိန်သင်္ကန်းဆိုတာ ခွင့်ပြုတော်မူမယ်။ ကထိန်ခင်းလို့ရှိရင် ဘယ်လိုလုပ်ရမယ်ဆိုတာ ... ဒါ ဝိနည်းနဲ့ ပတ်သက်တာတွေ ... အကျယ်မပြောတော့ဘူး။
ဘယ်လို လုပ်ရမလဲ?
ကထိန်သင်္ကန်းဟာ သံဃာကို လှူတော့ သံဃာက အဲဒီသင်္ကန်းကို ကထိန်ခင်းထိုက်တဲ့ ပုဂ္ဂိုလ်ကို ပေးရမယ်။
အဲဒီပုဂ္ဂိုလ်က ကမ္မဝါဖတ်ရမယ်။
ကမ္မဝါဖတ်ပြီးတော့မှ ကထိန်ခင်းရမယ်။
ကထိန်ခင်းတဲ့အခါကျတော့ ဒီနည်း ဒီနည်း၊ ဒီစည်းကမ်း ဒီစည်းကမ်းတွေနဲ့ ကထိန်ခင်းရမယ်။
အဲဒါ ကထိန်နဲ့ပတ်သက်လို့ ဝိနည်းမဟာဝါ ပါဠိတော်မှာ ကထိနက္ခန္ဓက ဆိုတာ သီးသန့် ခပ်ကျယ်ကျယ်ပြန့်ပြန့် ဟောထားတော်မူတာ ရှိတယ်။

ရဟန်းတော်များအတွက် ကထိန်အကျိုး ငါးမျိုး

အဲဒီ အစီအစဉ်တွေနဲ့ အကုန်လုံး ပြည့်စုံအောင် လုပ်ဆောင်သွားမယ်ဆိုလို့ရှိရင်တဲ့ နောက်ဆုံးကျတော့ ..... အတ္ထတ ကထိနာနံ ဝေါ ဘိက္ခဝေ ပဉ္စာနိသံသာ ကပ္ပဿန္တိ = ငါးမျိုးသော ကထိန်ရဲ့ အကျိုးအာနိသင်တွေ ရသွားမယ်၊ ငါးပါးသော အကျိုးတွေ ရကြမယ်။

နံပါတ် (၁)က -
ဟောဒီလို ခက်ခက်ခဲခဲ သင်္ကန်းကြီးတွေ မင်းတို့ ယူမသွားချင်ရင် ထားပစ်လို့ ရတယ်။ တန်ဆောင်မုန်းလပြည့်မှ တပေါင်းလပြည့်နေ့အထိ ငါးလအတွင်းမှာ ထားပစ်ခဲ့လို့ ရတယ်။ ဒီအကျိုးတစ်ချက် ရမယ်။

(၂)
နောက်တခါ ရဟန်းတို့ ထုံးတမ်းစဉ်လာအတိုင်းက ကျောင်းမှာ သံဃာလေးပါးရှိရင် တစ်ပါးက အပြင်ထွက်မယ့်အခါ သုံးပါးကို ပန်ကြားပြီးတော့ သွားရတယ်။ အဲဒါ မပန်ကြားဘဲ သွားလို့ရှိရင် ပါစိတ်ဆိုတဲ့ အာပတ်သင့်တယ်။ အဲဒီအာပတ်လည်း ဒီနေ့က စ၍ ငါးလအတွင်းမှာ လွတ်ကင်းကြမယ်။ ပန်ကြားနေစရာ မလိုဘူး။

(၃)
ပြီးတော့ ရဟန်းတော်များမှာ စားဖွယ်သောက်ဖွယ်များကို ကပ္ပိယ ဝေါဟာရနဲ့ ပြောဆိုပြီးမှ လှူမှ ဝိနည်းတော်နဲ့ အပ်စပ်တယ်။
မြန်မာတွေကတော့ အချို့ ခေါ်တတ်တယ်။ အပ်စပ်တဲ့ အခေါ်အဝေါ်နဲ့ ခေါ်ဝေါ်တတ်တယ်။ စကားပမာ တစ်ခုမှာ - ဆွမ်းကို ထမင်းလို့ မခေါ်ရဘဲ ဆွမ်းလို့ ခေါ်ရတယ်။ ဟင်းလို့ မခေါ်ရဘဲ ဆွမ်းဟင်းလို့ ခေါ်ရတယ်။ ကောက်ညှင်းဆိုလည်း ကောက်ညှင်းဆွမ်းလို့ ခေါ်ရတယ်။ ယာဂုဆိုလည်း ယာဂုဆွမ်းလို့ ခေါ်ရတယ်။ ကြာဆံဟင်းခါးကို ကြာဇံဆွမ်းလို့ ခေါ်ရတယ်။ ဆွမ်းမပါလို့ရှိရင် အပ်တာ မဟုတ်ဘူး။
နောက်နောင် ဒကာတွေလည်း မှတ်ထားကြအုန်း။

အဲဒီ ဆွမ်းဆိုတာ မပါလို့ရှိရင် ဒီစကားလုံးဟာ အပ်စပ်တဲ့ ဝေါဟာရ မဖြစ်ဘူးတဲ့။
အဲဒါကြောင့်မို့လို့ မအပ်စပ်တဲ့ ဝေါဟာရဆိုလို့ရှိရင် ရဟန်းတွေဟာ တစ်ပါး၊ နှစ်ပါး၊ သုံးပါး သွားပြီးတော့ အလှူခံလို့ရှိရင် ဒီဆွမ်းဟာ မစားကောင်းတော့ဘူး။
စားလိုက်လို့ရှိရင် အာပတ်က ဒက်ကနဲ သင့်တယ်။

ဒီကထိန်အာနိသင်ရလိုက်တဲ့ ရဟန်းတော်များဟာ ငါးလအတွင်းမှာ ဒီကထိန်အာနိသင်တွေကြောင့် ဒီလိုအာပတ်မျိုးမှ လွတ်စေလို့ ခွင့်ပြုတော်မူလိုက်တယ်။

ဒီလိုသိက္ခာပုဒ်တွေကို ဘယ်လူ၊ ဘယ်နတ်၊ ဘယ်ဗြဟ္မာကမှ ဖျက်ပစ်လို့ မရကောင်းဘူး။
ဗုဒ္ဓဘုရားရှင်က ဟောဒီ ကထိနကံနဲ့ ဖျက်ပြီးတော့ ရုပ်သိမ်းပြီးတော့ ပေးတော်မူလိုက်တဲ့အတွက်ကြောင့် ရဟန်းတွေမှာ တစ်ဖက် သက်သာသွားသလောက် အခြားတစ်ဖက်က ဒီဝိနည်းပညတ်ချက်တွေဟာ တို့ရဲ့ အသက်ပဲ။
အသက်ပမာ စောင့်ရှောက်ရမယ့် ဝိနည်းတရားတွေပဲလို့ ဝိနည်းရဲ့အပေါ်မှာလည်း အင်မတန် ရိုသေ လေးစားတဲ့ စိတ်တွေ ဝင်စားသွားတယ်။
အဲဒါကြောင့် ဒီသိက္ခာပုဒ်တွေကို မြတ်စွာဘုရားက ခေတ္တခဏ ရုပ်သိမ်းတယ်ဆိုသော်လည်းပဲ ရဟန်းတွေအဖို့မှာတော့ လေးလေးစားစားပဲ ကျင့်ရ သုံးရ ဆောက်တည်ရတယ်။

(၄)
ပြီးတော့ နောက်တစ်ခုက ယာဝဒတ္ထ စီဝရံ တဲ့။
သင်္ကန်းတွေထဲက သုံးထည်ဆိုတဲ့ သင်္ကန်းတွေဟာ ကိုယ့်နာမည်နဲ့ကိုယ် အများအားဖြင့် အဓိဋ္ဌာန် တင်ထားရတယ်။
အကယ်၍ အပိုရလာတယ်ဆိုလို့ရှိရင်လည်း ရလာတဲ့သင်္ကန်းတွေကို (၁၀)ရက်အတွင်းမှာ အဓိဋ္ဌာန်တင်ထားရတယ်။
ဝိကပ္ပနာပြုထားရတယ်။
ဝိနည်းထုံးတမ်းစဉ်လာအရ အဲဒါမလုပ်ဘဲနဲ့ (၁၀)ရက်လွန်သွားလို့ရှိရင် အာပတ်သင့်တယ်။

အဲဒီအာပတ်ကိုလည်းပဲ ဗုဒ္ဓဘုရားရှင်က ဒီကထိနကံနဲ့ ခေတ္တခဏ ရုပ်သိမ်းပေးတော်မူလိုက်တယ်။
ကထိန်ခင်းတဲ့နေ့က စပြီး တပေါင်းလပြည့်နေ့အထိ ငါးလအတွင်းမှာ လွတ်လပ်စွာ ထားလို့ ရတယ်။

(၅)
နောက်ဆုံး အရေးကြီးတဲ့ကိစ္စ တစ်ခုကို ပြောပြမယ်။
ခါတိုင်း သံဃိကပစ္စည်းဆိုလို့ရှိရင် သံဃာအားလုံးနဲ့ ဆိုင်တယ်။ တစ်ကမ္ဘာလုံးမှာ ရှိနေကြတဲ့ သံဃာတွေ အကုန်လုံးနဲ့ ဆိုင်တယ်။
အကယ်၍များ ပစ္စည်းကို ဝေငှနေတဲ့အခါမှာ သံဃာတစ်ပါး ရောက်လာတယ်၊ နှစ်ပါးရောက်လာတယ်၊ ငါးပါးရောက်လာတယ်၊ ဆယ်ပါးရောက်လာတယ် ... အကုန်လုံး အစေ့ ဝေငှရမယ်၊ အကုန်လုံး ပေးရမယ်။
အဲဒီဟာက သာသနာတော်ရဲ့ စည်းကမ်း။
ဒါကြောင့်မို့လို့ ဘုန်းကြီးတို့ ရထားတဲ့ သင်္ကန်းတွေဟာ သံဃိကတွေဖြစ်လို့ သံဃာအားလုံး ဆိုင်တယ်။
ကျောင်းကို သံဃာအားလုံး ဆိုင်တယ်။
ကျန်တဲ့ ပစ္စည်းလေးပါးတွေလည်း သံဃာအားလုံး ဆိုင်ကြတာတွေချည်းပဲ။

အဲဒီလို ဆိုင်နေတဲ့အထဲမှာ ကထိန်နဲ့ပတ်သက်လာတော့ အဲဒီကထိန်အာနိသင်ကို ရထားတဲ့ ပုဂ္ဂိုလ်ဟာ အကယ်၍များ သံဃိကပစ္စည်း ရလာလို့ရှိရင် တခြားသံဃာတွေနဲ့ ဆိုင်သာဆိုင်၊ မပိုင်စေရ။
သံဃိကဖြစ်လို့ ဆိုင်တော့ ဆိုင်၏ တဲ့။ မပိုင်စေရဘူးတဲ့။
ဒီကျောင်းမှာ ပုရိမဝါဆို၍ ဝါကျွတ်ပြီးသော ရဟန်းတော်များနှင့်သာ ဆိုင်စေ၊ ပိုင်စေဆိုပြီးတော့ အဲဒီလို ဘုရားရှင်က ထူးခြားတဲ့ အကျိုးငါးပါးကို ခွင့်ပြုတော်မူတယ်။

ကထိန်သင်္ကန်းအလှူရှင်များ ရရှိသော အကျိုးငါးမျိုး

အဲဒီ အကျိုးထူးငါးပါးနဲ့ ထပ်တူပဲ ကထိန်သင်္ကန်းလှူကြတဲ့ ဒကာ ဒကာမတွေမှာလည်းပဲ ခုနတုန်းက မအပ်မစပ်တဲ့ ဝေါဟာရဖြင့် ခေါ်ဝေါ်ပြောဆိုပေမယ့် အာပတ်မသင့်သလို မလျော်သော အသုံးအနှုန်း၊ မလျော်သောစကား၊ မလျော်သော ဂါထာမန္တာန်တွေပေါ့။
ခုခေတ်မှာဆိုလို့ရှိရင် ဂါထာမန္တာန်တွေ ရွတ်ပြီးတော့ လူတဖက်သားကို ကိုးရိုးကားယားဖြစ်အောင် ပြုလုပ်ထားတာတွေ ရှိတယ်မဟုတ်လား။
အဲဒါမျိုးတွေ လုပ်ထားပေမယ့် မထိခိုက်တော့ဘူး။

ပြီးတော့ အစားအစာတွေထဲမှာ အကယ်၍များ အဆိပ်တွေ ဘာတွေ ပါလာမယ်ဆိုလို့ရှိရင် ထိုပုဂ္ဂိုလ်များဟာ အဆိပ်မသင့်တော့ဘူး။

ပစ္စည်းတွေဟာ ရေ,မီး,မင်း,ခိုးသူ စတဲ့ ရန်သူမျိုးငါးပါးကြောင့် မပျက်စီးနိုင်ဘူး။

ဒီကထိန်ဒကာဖြစ်ခဲ့ဖူးတဲ့ ပုဂ္ဂိုလ်တွေဟာ ဒီအကျိုးတွေကို ဒီကထိန်ခင်းတဲ့နေ့က စပြီး ဘဝသံသရာမှာ ရနိုင်ပါတယ်တဲ့။

ပြီးတော့ အမွေဆိုင် အမွေခံစသည်ဖြင့် ဖြစ်ပေါ်လာလို့ ပစ္စည်းတစ်ခုခုကို ဝေငှတော့မယ်ဆိုလို့ရှိရင် ဟောဒီ ကထိနဒါန ဒါယကာ ဖြစ်ခဲ့ဖူးတဲ့ ပုဂ္ဂိုလ်တွေဟာ သူတကာတွေထက် အခွင့်အရေး ပိုရတတ်ပါတယ်။
ဆိုပါတော့ -
ရှေးတုန်းက မင်းညီမင်းသားတွေဆိုလို့ရှိရင် ဘုရင်ကြီး နတ်ရွာစံသွားတဲ့အခါ သားကြီးမရှိမှ သားလတ်၊ သားလတ်မရှိမှ သားငယ် ... ဒီလို အစဉ်အတိုင်း သွားရတယ်။
ဒီလိုအခါမျိုးမှာ ကထိနဒါယကာ ဖြစ်ခဲ့ဖူးတဲ့ ပုဂ္ဂိုလ်မှာ သားငယ်ဖြစ်နေအုန်းတော့ အဲဒီ မင်းသားငယ်လေးဟာ သားကြီးတွေ သားလတ်တွေကို ကျော်လွန်ပြီးတော့ သူပဲ ထီးရိပ်နန်းရာကို ရတတ်ပါတယ်တဲ့။
အကြောင်းအမျိုးမျိုးနဲ့ ဖန်တီးပြီးတော့ ရတတ်ပါတယ်။

ဒါ ကထိနဒါနရဲ့ အကျိုးဆက်တွေပဲ။

ဘဝသံသရာမှာ ကျင်လည်လို့ရှိရင်လည်း ဒီလို အကျိုးတွေ ရတတ်ပါတယ်။
ဒါကြောင့်ပဲ ဘုန်းကြီးတို့ မြန်မာပြည်မှာဆိုလို့ရှိရင် ကထိနဒါနဆိုရင် လူတွေက အလုအယက်ပဲ လှူကြ တန်းကြတယ်။
အနည်းဆုံးအားဖြင့် ကထိန်ဉတ်ထဲမှာ နည်းနည်းပါးပါး ပါ,ပါရစေဆိုပြီး တခါတည်း ဉတ်သင်္ကန်းထဲမှာ ဝိုင်းထည့်တတ်ကြတယ်။

မြန်မာတွေက ဉတ်လို့ မခေါ်ဘူး။
ညှပ်သင်္ကန်းတဲ့။
အဲဒီညှပ်သင်္ကန်းထဲမှာ ပါ,ပါရစေဆိုပြီး ထည့်ဝင် လှူဒါန်းကြတယ်။
ဉတ်ကမ္မဝါနဲ့ ဖတ်ပြီး ညှပ်ရတာကိုး။ အဲဒီလို ညှပ်သင်္ကန်းထဲမှာ ပါ,ပါရစေဆိုပြီး ညှပ်ကြတာဟာ ဒီလိုအကျိုးတွေ မျှော်လို့ပါပဲ။

ဒီတော့ ဒီနေ့ ကထိနကံပြုဖို့ရန် ဒါယကာ ဒေါက်တာဦးစိုးလွင်နဲ့ တူ,တူမများက ယနေ့ဆိုရင် အနာဂတ်နဲ့ ပစ္စုပ္ပန်အကျိုးတရားတွေ မျှော်လို့လည်းတကြောင်း၊ ဘုရားမြတ်စွာ သာသနာတော်ကြီး ကြီးပွားရာ ကြီးပွားကြောင်းလည်း ဖြစ်စေလိုလို့ တကြောင်းပေါ့လေ။

ဒီနေ့ ကထိနကံမြောက်အောင်လို့ ဒါနပွဲကြီး ပြုလုပ်ကြတယ်။
ဒီအခါမှာ အားလုံးသော မိတ်ဆွေ ဒကာ ဒကာမအပေါင်း သူတော်ကောင်းတို့ကလည်း ဝိုင်းဝန်းလို့ ကူညီပြီးသကာလ ဒီအထဲမှာ ထိုက်သင့်သည်အားလျော်စွာ ပါဝင်ကြတယ်။
အဲဒါကြောင့် ဒီနေ့ ပြုရသော ကုသိုလ်ကောင်းမှုသည် ဗုဒ္ဓဘာသာတို့ရဲ့ မျှော်မှန်း တောင့်တတဲ့ အစဉ်အလာအားဖြင့် အိုခြင်း နာခြင်း သေခြင်း ကင်းသော အသင်္ခတဓာတ် မြတ်သော နိဗ္ဗာန်၏ အကြောင်း အထောက်အပံ့ ဖြစ်ပါစေလို့ အားလုံးက ဒီလို မျှော်မှန်း ရည်စူးရမယ်။

ကျန်နေတဲ့ အကျိုးတွေဟာ မတောင်းဘဲနဲ့ ရတယ်။
ဒါတွေ မျှော်လင့်နေရင် တဏှာ ဖြစ်တတ်တယ်။
တောင့်တတော့ မနေနဲ့။
“ဘာ ဖြစ်ပါရစေ၊ ဘာ ဖြစ်ရပါလို၏”ဆိုတာ ဆုမတောင်းနဲ့။

“ဣဒံ မေ ပုညံ အာသဝက္ခယာဝဟံ ဟောတု၊ ဣဒံ မေ ပုညံ နိဗ္ဗာနဿ ပစ္စယော ဟောတု = ယနေ့ ပြုတဲ့ ဒါန၊ ယနေ့ ပြုတဲ့ သီလ၊ ယနေ့ပြုတဲ့ ဘာဝနာကုသိုလ် ကောင်းမှုသည် ကိလေသာတို့၏ ကုန်ရာ ကုန်ကြောင်းဖြစ်သော အရဟတ္တမဂ်၊ အရဟတ္တဖိုလ်ဉာဏ်၏ အကြောင်း အထောက်အပံ့ဖြစ်ပါစေ၊ နိဗ္ဗာန်၏ အကြောင်း အထောက်အပံ့ ဖြစ်ပါစေ”လို့ အဲဒီလို မှန်းထားပြီး မိမိတို့ ပြုအပ်သော ကုသိုလ်ကောင်းမှု အစုစုကို စာဂါနုဿတိမြောက်အောင် ဝမ်းမြောက်ဝမ်းသာ သာဓုခေါ်နိုင်ကြပါစေကုန်သတည်း။

သာဓု ... သာဓု ... သာဓု။

(၁၉၉၆ ခုနှစ်၊ အောက်တိုဘာလ ၁၂ ရက်၊ လန်ဒန်မြို့)

မဟာကာဠထေရ်ဝတ္ထုနှင့် အဘိဓမ္မာသင်တန်း

2011-10-02T21:04:00.001-04:00

၂၀၁၁ ခုနှစ် အောက်တိုဘာလ (၁)ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ အပတ်စဉ် စနေနေ့တိုင်း ကျင်းပ ပြုလုပ်မြဲဖြစ်သော တစ်နာရီ တရားရှုမှတ်ခြင်း၊ ဓမ္မပဒသင်တန်း၊ အဘိဓမ္မာသင်တန်းနှင့် ဆည်းဆာတရားပွဲတို့ကို ပြုလုပ် ကျင်းပရာ -

မွန်းလွဲ ၂ နာရီမှ ၃ နာရီအထိ တရားရှုမှတ်ကြပြီးနောက်၊ ၃ နာရီခွဲမှ ၄ နာရီအထိ `ဆရာတော် ဦးစက္ကိံဒ´က ဓမ္မပဒ၊ ယမက၀ဂ် ဂါထာ အမှတ် (၇)(၈)၊ မဟာကာဠထေရ်ဝတ္ထုအကြောင်း သင်ကြား ပို့ချပေး၏။

`ဆရာတော် ဦးစက္ကိံဒ´က သင်တန်းသူ သင်တန်းသားများ အခြေခံပါဠိဘာသာ နားလည်စေရန်အတွက် ပါဠိဘာသာ သိဖွယ် မှတ်ဖွယ်တို့ကို အထူး ထည့်သွင်း သင်ကြားသွား၏။

ဓမ္မပဒသင်တန်းပြီးသော် ခေတ္တ နား၍ အရှင်ဝဏ္ဏိတက အဘိဓမ္မာ စိတ်သရုပ်ခွဲကို ဆက်လက် သင်ကြား ပို့ချ၏။ အဘိဓမ္မာသင်တန်းကို အခြေခံအဆင့်မှ ပြန်လည် သင်ကြား ပို့ချရန် အစီအစဉ်ရှိရာ သင်တန်းတက်ရောက်လိုသူများ လောကချမ်းသာဘုရားကျောင်းသို့ စုံစမ်း ဆက်သွယ်နိုင်သည့်အကြောင်းလည်း သိရှိရ၏။

အဘိဓမ္မာသင်တန်းပြီးနောက် ခေတ္တ အနားပေးပြီး၊ ညနေ ၆ နာရီတွင် ဆည်းဆာတရားပွဲကို ကျင်းပ ပြုလုပ်ရာ ဆရာတော် ဦးစက္ကိံဒက မဟာကာဠထေရ်ဝတ္ထုကြောင်းဖြင့် ဟောကြား ချီးမြှင့် ဓမ္မဒါနပြု၏။

တရားပွဲပြီးသော် ၁၅ မိနစ်မျှ တရားရှုမှတ်ကြ၍ ကောင်းမှုကုသိုလ်တို့ကို အမျှပေးဝေကြလေသည်။

သာဓု ... သာဓု ... သာဓု။

ဓမ္မာရုံ ယောဂီဆောင် ဆောက်လုပ်ရေး (၂၄-စက်တင်ဘာ-၂၀၁၁)

2011-09-24T19:40:00.000-04:00

ဓမ္မာရုံ ယောဂီဆောင် ဆောက်လုပ်ရေး (၂၁-စက်တင်ဘာ-၂၀၁၁)

2011-09-24T19:37:00.002-04:00

နိဗ္ဗာန်ဆော် - အရှင်ပညာသီဟ

2011-09-21T13:31:00.001-04:00

ဘာသာရေးနဲ့ ဆက်နွယ်နေတဲ့ မြန်မာ့ယဉ်ကျေးမှုမှာ နိဗ္ဗာန်ဆော်အလုပ်ဟာ ကုသိုလ်ကောင်းမှုတစ်ခု အပါအဝင် ဖြစ်ပါတယ်။
နိဗ္ဗာန်ဆော်ဆိုတာ နိဗ္ဗာန်ရောက်ကြောင်း အကျင့်ကောင်းတွေဖြစ်တဲ့ ဒါန၊ သီလ၊ ဘာဝနာ စတဲ့ ကောင်းမှုတွေ ပြုလုပ်ကြဖို့ တိုက်တွန်း နှိုးဆော်ခြင်း၊ နှိုးဆော်သူ ဖြစ်တယ်။

ကုသိုလ်ကောင်းမှုပြုလုပ်ဖို့ တိုက်တွန်း နှိုးဆော်တဲ့ အကြောင်းအရာတစ်ခုရဲ့ အဆုံးမှာ “ဘွန္တော - သပ္ပုရိသအပေါင်း သူတော်ကောင်းတို့ ...”လို့ ဟစ်အော်တာမို့ “ဘွန္တော”လို့ဆိုရင် နိဗ္ဗာန်ဆော်ကိုပဲ တွေးမြင်မိတယ်။

အရုဏ်ဆွမ်းချက်ဖို့ နှိုးဆော်ရတဲ့ နိဗ္ဗာန်ဆော်အလုပ်ကို စောစော နိုးထပြီး လုပ်ရလို့ တစ်စုံတစ်ခု ပျောက်ရင် နိဗ္ဗာန်ဆော်ကိုပဲ ယိုးစွပ်တဲ့အနေနဲ့ “ဘွန္တော ကြက်သူခိုး”လို့ ချစ်စနိုး နောက်ပြောင် ပြောဆိုတဲ့ ဝေါဟာရလည်း ရှိနေပါသေးတယ်။

နိဗ္ဗာန်ဆော်အလုပ်အတွက် အချိန်နဲ့ကာယအင်အားကိုသာ အသုံးချ ပြုလုပ်ရပြီး ငွေကြေးဓန အကုန်အကျခံစရာ မလိုတာမို့ အကျိုးကျေးဇူး သိပ်မရှိ မထိရောက်ဘူးလို့ ထင်ကြပါလိမ့်မယ်။

လောကတွင်
(၁) အချို့မှာ ပစ္စည်းဥစ္စာ ပေါများ ကြွယ်ဝပေမယ့် သားသမီး မိတ်ဆွေအပေါင်းအသင်း မရှိသူ၊
(၂) အချို့မှာ သားသမီး မိတ်ဆွေအပေါင်းအသင်း ပေါများပေမယ့် ပစ္စည်းဥစ္စာမရှိ ဆင်းရဲသူ၊
(၃) အချို့မှာ ပစ္စည်းဥစ္စာလည်း မရှိ၊ သားသမီး မိတ်ဆွေအပေါင်းအသင်းလည်း မရှိသူ၊
(၄) အချို့မှာ ပစ္စည်းဥစ္စာလည်း ရှိ၊ သားသမီး မိတ်ဆွေအပေါင်းအသင်းလည်း ရှိသူ လို့ အဆင့်အတန်း အမျိုးမျိုး၊ အခြေအနေအမျိုးမျိုးနဲ့ လူ့ဘဝကို ကျင်လည်နေကြရရာ အကောင်းမွန်ဆုံးဖြစ်တဲ့ နံပါတ်(၄) အဆင့်အတန်းနဲ့ အခြေအနေကို လူတိုင်း လိုလား တောင့်တ ရယူလိုကြမှာပါပဲ။

လူ့ဘဝမှာ အဆင့်အတန်းအမျိုးမျိုးနဲ့ အခြေအနေအမျိုးမျိုးတို့ ဒီလို မတူထူးခြား ကွဲပြားတဲ့အကြောင်းရင်းကို ရှာဖွေကြည့်တဲ့အခါ “ဟိုသူကတော့ ဟိုလိုဖြစ်စေ၊ ဒီလူကတော့ ဒီလိုဖြစ်စေ”လို့ တစ်စုံတစ်ယောက်ရဲ့ ဖန်တီးမှု၊ စီစဉ်ပေးမှုကြောင့် မဟုတ်ဘဲ ကာယကံရှင်ရဲ့ ပြုမှု၊ ပြောဆိုမှု “ကံ”အစီအမံကြောင့် ဖြစ်တယ်ဆိုတာကို ဘုရားရှင်က -

၁။ မိမိကိုယ်တိုင်တော့ အလှူအတန်း ပေးကမ်းစွန့်ကြဲမှု လုပ်ပြီး၊ အခြားသူကို လှူဖို့ မတိုက်တွန်းသူဟာ ဖြစ်လေရာ ဘဝမှာ ပစ္စည်းဥစ္စာရှိပြီး သားသမီး မိတ်ဆွေအပေါင်းအသင်း မရှိသူ ဖြစ်ရတယ်။

၂။ မိမိကိုယ်တိုင် အလှူအတန်း ပေးကမ်းစွန့်ကြဲမှု မလုပ်၊ အခြားသူကိုတော့ လှူဖို့ တိုက်တွန်းသူဟာ ဖြစ်လေရာ ဘဝမှာ ပစ္စည်းဥစ္စာ နည်းပါးပြီး သားသမီး မိတ်ဆွေအပေါင်းအသင်း ပေါများသူ ဖြစ်ရတယ်။

၃။ မိမိကိုယ်တိုင်လည်း မလှူ၊ အခြားသူကိုလည်း လှူဖို့ မတိုက်တွန်းသူဟာ ဖြစ်လေရာ ဘဝမှာ ပစ္စည်းဥစ္စာ ရှားပြီး သားသမီး မိတ်ဆွေအပေါင်းအသင်း နည်းပါးသူ ဖြစ်ရတယ်။

၎။ မိမိကိုယ်တိုင်လည်း လှူ၊ အခြားသူကိုလည်း လှူဖို့ တိုက်တွန်းသူဟာ ဖြစ်လေရာ ဘဝမှာ ပစ္စည်းဥစ္စာ ချမ်းသာကြွယ်ဝပြီး သားသမီး မိတ်ဆွေအပေါင်းအသင်း ပေါများသူ ဖြစ်ရတယ်လို့ ရှင်းပြတယ်။

အဲဒီ ရှင်းပြချက်ကို နာယူမှတ်သားမိသူ သူတော်ကောင်းတစ်ဦးက အကျိုးနှစ်မျိုးစလုံးကို ရရှိချင်လို့ ဘုရားရှင်ကို သံဃာများနှင့်အတူ နောက်နေ့အတွက် ဆွမ်းအလှူခံဖို့ ပင့်လျှောက်တယ်။

ဘုရားရှင်က သူ့ရဲ့လျှောက်ထားမှုကို လက်ခံတော့ သူဟာ တစ်အိမ်တက်ဆင်း လှည့်လည်ပြီး “ကျွန်တော် နက်ဖြန် ဘုရားရှင်နဲ့ နောက်ပါသံဃာကို ဆွမ်းကပ်ဖို့ ပင့်ခဲ့ပါတယ်။ ဆန်၊ ဆီ၊ ပဲ စတဲ့ ချက်ပြုတ်စရာတွေကို တတ်နိုင်သလောက် လှူကြပါ။ တစ်နေရာထဲမှာ စုပေါင်းချက်ပြီး ဘုရားရှင်နဲ့သံဃာတွေကို အတူတကွ ဆွမ်းကပ်ကြပါမယ်”လို့ ပြောကာ အလှူခံတယ်။

အများစုက ဝမ်းမြောက်ဝမ်းသာနဲ့ တတ်နိုင်သလောက် လှူကြပေမယ့် ပစ္စည်းရှိသူ လူချမ်းသာတစ်ဦးကတော့ ... ဒီကောင်၊ ကိုယ်တတ်နိုင်ရင် ကိုယ့်ဘာသာကိုယ် လှူတာ မဟုတ်ဘူး။ ဆန်မရှိ အစားကြီးတယ်။ နာမည်လိုချင်တာနဲ့ တစ်ရွာလုံးကို လိုက်အလှူခံပြီး ဘုရားကို ဆွမ်းကပ်လှူတယ်။ တော်တော် ရှုပ်တဲ့ကောင် ....လို့ စိတ်ဆိုးကာ ဆန်၊ ပဲနောက်၊ ပဲလွန်း စတာတွေကို လက်သုံးချောင်းနဲ့ ကော်ယူပြီး လှူလိုက်တယ်။ ဆီ၊ ထောပတ်စတာတွေကိုလည်း မဖြစ်စလောက် တစ်စက် တစ်ပေါက်ပဲ လှူလိုက်တယ်။

အလှူခံသူ နိဗ္ဗာန်ဆော်ဒကာက ... လူချမ်းသာဖြစ်ပြီး ဒါလောက်ပဲ လှူရသလား ...လို့ စိတ်မကွက်ဘဲ သူလှူသလောက်ကိုပဲ အခြားသူတွေဆီက အလှူခံရတဲ့ ပစ္စည်းတွေနဲ့ မရောဘဲ သီးသန့် ယူခဲ့တယ်။
ဒီလိုလုပ်တာကို လူချမ်းသာ မြင်တော့ ... ဒီကောင် လူပုံအလယ်မှာ ငါလှူတာနဲ့ပတ်သက်ပြီး ငါ့ကို အသရေပျက်အောင် ပြောရင် ဒုက္ခပေးရမယ် ...လို့ စိတ်ကူးပြီး သူ့တပည့်တစ်ယောက်ကို နောက်ကနေ မသိမသာ လိုက်အကြည့်ခိုင်းတယ်။

နိဗ္ဗာန်ဆော်ဒကာက အများလှူဒါန်းတဲ့ ပစ္စည်းတွေနဲ့ စုပေါင်းချက်ပြုတ်တဲ့အခါ .... အော် ဒီလူလည်း အကျိုးများများ ရပါစေ ...လို့ စိတ်ကောင်းထားပြီး လူချမ်းသာက လက်သုံးချောင်းနဲ့ ကော်ပြီး လှူလိုက်တဲ့ ဆန်၊ ဆီ၊ ပဲနောက်၊ ပဲလွန်း၊ ထောပတ် စတာတွေကို ချက်ပြုတ်တဲ့ အိုးတွေထဲ အနှံ့လိုက်ထည့်တယ်။
ဒီလိုလုပ်တာကို တပည့်ဖြစ်သူက လူချမ်းသာကို ပြန်ပြောပြတယ်။ ဒါပေမယ့် လူချမ်းသာကတော့ လူပုံအလယ်မှာ သူ့ကို အရှက်ခွဲလိမ့်မယ်လို့ သံသယရှိနေတုန်းပဲ။
ဒါကြောင့် အရှက်ခွဲရင် ရိုက်ပုတ်ထုနှက်မယ်ဆိုတဲ့ ရည်ရွယ်ချက်နဲ့ ဆွမ်းကပ်တဲ့နေရာကို အရောက်လာခဲ့တယ်။

နိဗ္ဗာန်ဆော်ဒကာက ဘုရားနဲ့သံဃာတော်တို့အား အများစုပေါင်းပြီးလှူတဲ့ ဆွမ်းကို ကပ်ပြီးတဲ့အခါ “အရှင်ဘုရား၊ တပည့်တော်ဟာ လူအများကို တိုက်တွန်း နှိုးဆော် အလှူခံပြီး ဒီဆွမ်းကို အရှင်ဘုရားတို့အား လှူဒါန်းခြင်း ဖြစ်ပါတယ် ဘုရား။ နည်းသည်ဖြစ်စေ များသည်ဖြစ်စေ တတ်စွမ်းသမျှ ပါဝင်လှူဒါန်းကြရာ အလှူရှင်တိုင်း အကျိုးထူး အကျိုးမြတ် ရကြပါစေ အရှင်ဘုရား”လို့ လျှောက်ကြားတယ်။

ဒါကို ကပ်စေးနည်းသူ အလှူရှင်သဌေး ကြားတော့ ... ငါကတော့ ငါ့အကြောင်း မကောင်းပြောရင် တစ်ခုခုလုပ်မယ် ရည်ရွယ်ချက်နဲ့ လာခဲ့တာ၊ နိဗ္ဗာန်ဆော်က ငါ့ကို နာမည်မဖျက်ဘဲ အများနည်းတူ အလှူရဲ့အကျိုးကို ငါလည်း အပြည့်အဝ ရပါစေဆိုတဲ့ စိတ်ကောင်း စေတနာကောင်း ရှိပါပေတယ် ....လို့ နောင်တရပြီး ဘုရားရှင်ရှေ့မှာပဲ သူ့အမှားကို လျှောက်ကြား ဝန်ခံတယ်။ နိဗ္ဗာန်ဆော်ကိုလည်း ခွင့်လွှတ်ဖို့ တောင်းပန်တယ်။

ဒီအဖြစ်အပျက်ကို အကြောင်းပြုပြီး ဘုရားရှင်က “ပညာရှိသူတော်ကောင်းဟာ ကုသိုလ်ကောင်းမှုကို ဒါကတော့ဖြင့် မဖြစ်စလောက် နည်းနည်းလေးပါလို့ မအောက်မေ့ဘဲ အခါအခွင့်သင့်တိုင်း ကုသိုလ်ကောင်းမှုကို နည်းများမဆို ပြုလုပ်မယ်ဆိုရင် တစ်ပေါက်ချင်း ကျတဲ့ မိုးရေက ဟင်းလင်းပွင့်နေတဲ့ ရေအိုးကြီးကို ပြည့်သွားစေသလိုပဲ သူ့မှာ ကုသိုလ်ကောင်းမှုတွေနဲ့ ပြည့်စုံနေမှာ ဖြစ်တယ်”လို့ ဟောကြားလိုလို့ -

မာဝ မညေထ ပုညဿ၊ န မန္ဒံ အာဂမိဿတိ။
ဥဒဗိန္ဒုနိပါတေန၊ ဥဒကုမ္ဘောပိ ပူရတိ။
ဓီရော ပူရတိ ပုညဿ၊ ထောကံ ထောကံပိ အာစိနံ။

ဆိုတဲ့ ဂါထာကို မိန့်တော်မူကာ အနုမောဒနာတရား (ဝမ်းမြောက်ဖွယ်စကား)ကို မိန့်ကြားတော်မူတယ်။

မန္ဒံ - အနည်းငယ်ပြုသော ကောင်းမှုကံသည်၊
န အာဂမိဿတိ - အကျိုးပေးသောအားဖြင့် ရောက်လာလိမ့်မည် မဟုတ်။
ဣတိ - ဤသို့၊
ပုညဿ - ကောင်းမှုကို၊
မာဝမညေထ - မထီမဲ့မြင် မမှတ်ထင်ရာ။
ဥဒဗိန္ဒုနိပါတေန - ရေတစ်ပေါက်တစ်ပေါက်မျှ ကျခြင်းဖြင့်၊
ဥဒကုမ္ဘောပိ - ရေအိုးကြီးသည်လည်း၊
ပူရတိယထာ - ပြည့်သကဲ့သို့၊
ဓိရော - ပညာရှိသည်၊
ထောကံ ထောကံ - အနည်းငယ် အနည်းငယ်မျှလည်းဖြစ်သော ကောင်းမှုကို၊
အာစိနံ၊ အာစိနန္တော - ပွားများသမှု လုံ့လပြုသည်ရှိသော်၊
ပုညဿ - ကောင်းမှုဖြင့်၊
ပူရတိ - ပြည့်လေရာ၏။

သာသနာ့အဆောက်အဦတွေဖြစ်တဲ့ စေတီတော်နဲ့ကျောင်းဆောင် တည်ဆောက်ရေးအတွက် နိဗ္ဗာန်ဈေး ကျင်းပပြီး အလှူငွေရှာဖွေရာတွင် ရောင်းချသူဟာ ရောင်းရသမျှငွေကို မိမိကိုယ်တိုင် လှူဒါန်းတဲ့အပြင် ဝယ်ယူစားသောက်သူကို ဝယ်ယူ၍ အလှူပေးနိုင်အောင် ရောင်းပေးလို့ နိဗ္ဗာန်ဆော်ကိစ္စကိုလည်း ဆောင်ရွက်ပေးတယ်။

ဝယ်ယူသူဟာလည်း အစားအသောက်ရောင်းချသူကို ရောင်း၍ အလှူပေးနိုင်အောင် ဝယ်ယူတာမို့ နိဗ္ဗာန်ဆော်ကိစ္စကို ဆောင်ရွက်ပေးတဲ့အပြင် ဈေးကြီးတယ် ထင်ပေမယ့် အလှူပေးတာပဲလို့ စိတ်ထားကာ ဝယ်ယူပြီး၊ ရောင်းသူရဲ့ အမြတ်အစွန်းရော အရင်းပါ အလှူမှာ ပါဝင်သွားလို့ ကိုယ်တိုင်အလှူပေးရာ ရောက်ပြန်တယ်။

ဒါကြောင့် ရောင်းသူ ဝယ်သူ နှစ်ဦးစလုံးပင် အမှတ်(၄)အမျိုးအစားတွင် ပါဝင်လို့ ဖြစ်လေရာ ဘဝတွင် ပစ္စည်းဥစ္စာ ချမ်းသာကြွယ်ဝပြီး သားသမီး မိတ်ဆွေအပေါင်းအသင်း ပေါများခြင်း အကျိုးကို မလွဲမသွေ ရရှိမှာ ဖြစ်ကြောင်းနှင့်
နိဗ္ဗာန်ဈေးကို စီစဉ်သူ၊ ပါဝင် လုပ်အားပေးသူ၊ နိဗ္ဗာန်ဈေးသို့ သွားရောက်ဖို့ တိုက်တွန်း အားပေးသူတွေလည်း နိဗ္ဗာန်ဆော်များ ဖြစ်ကြတဲ့အပြင် မိမိတို့ရဲ့ အချိန်နဲ့လုပ်အားကို လှူဒါန်သူများ ဖြစ်ကြလို့ အမှတ်(၄)အမျိုးအစားတွင် ပါဝင်ရာ ဖြစ်လေရာ ဘဝတွင် ပစ္စည်းဥစ္စာ ချမ်းသာကြွယ်ဝပြီး သားသမီး မိတ်ဆွေအပေါင်းအသင်း ပေါများခြင်း အကျိုးကို မလွဲမသွေ ရရှိမှာဖြစ်ကြောင်း အနုမောဒနာ ဝမ်းမြောက်စကား ပြောကြားရင်း ယခု ခုနစ်ကြိမ်မြောက် နိဗ္ဗာန်ဈေးပွဲတော်မှ အလှူငွေ ဒေါ်လာ ၁၂,၈၉၀.၆၅ ကို အေဘီဘီအေအသင်းအား လှူဒါန်းလိုက်နိုင်ပါကြောင်း သတင်းကောင်း ပါးလိုက်ပရစေ။

အရှင်ပညာသီဟ
၂၀၁၁ ခု၊ စက်တင်ဘာ (၂၀)

အမည်	အစားအစာ	အလှူငွေ
ဒေါ်ခင်မေပြုံး၊ မအိသက်မွန်မိသားစု	အမဲသားဟင်းနှင့်ထောပတ်ထမင်း၊ ဟင်းမွှေးမဆလာ၊ ဘိန်းမုန့်၊ လက်ဖက်ရည်	၇၆၇
အေဘီဘီအေဝေယျာဝစ္စအဖွဲ့	မုန့်ဟင်းခါး၊ ငါးပိကြော်	၁,၁၀၀
ဒေါ်ဂရေ့စ်	မုန်ညှင်းချဉ်	၂၈၈
ဦးသန်းဝင်း-ဒေါ်အေးမိသားစု	မန္တလေးပဲကြော်၊ ကော်ပြန့်ကြော်	၃၀၀
ဒေါ်မွှေး၊ မခင်လေးမြင့် မိသားစု	နန်းကြီးသုတ်၊ စာကလေးခွေ	၆၀၂
ဒေါ်စီစီချိုမိသားစု	ချဉ်ပေါင်ကြော်၊ ပဲပြုတ်	၃၄၄
ကိုစည်သူ-မခိုင်ခိုင်ကျော်	ဖွာလူဒါ	၃၆၆
မစန္ဒရာနှင့်ညီအစ်မများ	အကြော်စုံ	၄၇၃
မြန်မာဆရာဝန်များအဖွဲ့	ငါးထမင်းချဉ်၊ ဒိန်ချဉ်	၃၈၂
ကိုသက်ဝင်း-မိုးစံအောင်မိသားစု	ရေ၊ ဆိုဒါ	၁၀၀
ဦးကေ-ဒေါ်ညိုညိုကြည်မိသားစု	ဒံပေါက်	၅၂၀
ဒေါ်ခင်မလေးမိသားစု	ဝက်သားတုတ်ထိုး၊ ကြာဆံကြော်၊ သံပုရာရည်	၅၈၅
ဒေါ်စန်းရီ	တောင်ငူမုန့်အာလူး၊ အဆင်သင့်စားသုံးနိုင်သော မြန်မာအစားအစာ အခြောက်ထုပ်များ	၅၀၁
ကိုထွန်းအေး-ဒင်ပဲယ်မိသားစု	ကော်ပြန့်စိမ်း	၁၁၅
မအေးအေးသိန်း၊ ဒေါ်မူမူရှိန်၊ ဒေါ်ခင်ခင်ဆွေ	ရခိုင်မုန့်တီ၊ ဆီထမင်းနှင့်ကြက်သားကြော်၊ အန်ကူးမုန့်	၃၃၀
မခင်စန်းတင့်	မြန်မာမှုပစ္စည်းများ	၁၂၀
မလှရီ	ကြာဆံကြော်၊ ထမင်းပေါင်း	၁၅၈
မငြိမ်းငြိမ်းနှင့်မောင်သန့်	မြန်မာတိုဟူးသုတ်	၂၀၅
ဦးဘော်ယုံမိသားစု	မြန်မာကောက်ညှင်းထုပ်၊ တရုတ်ကောက်ညှင်းထုပ်၊ ဘိတ်ကောက်ညှင်းပေါင်း	၈၄၅
မြတ်နှင်းဦး၊ အေးမွန်သင်း	မြန်မာမုန့်များ	၂၉၁
ဦးအောင်ကျော်မိုး-ဒေါ်ဌေးဌေးအောင်မိသားစု	ပုဇွန်ခွက်ကြော်/သုတ်	၄၆၇
ဒေါ်ညွန့်	အုန်းနို့ခေါက်ဆွဲ	၂၂၈
မစုစုဌေး	ဆမူဆာကြော်သုတ်၊ အသားကင်	၂၀၃
အေဘီဘီအေ	ပန်းပင်	၉၀
အေဘီဘီအေ	ဘုရားဆွမ်းတော်အလှူ	၁၃.၆၅
Mr. Chiu Lo	တရုတ်လိမ်းဆေး	၁၂
	Raffle ticket sales	၂,၀၈၆
	အလှူခံရငွေ	၂,၇၃၈
	စုစုပေါင်း အလှူငွေ	၁၂,၈၉၀.၆၅

Raffle Winners
Ticket #305741 = iPad2
Ticket #305272 = Olympus camera
Ticket #7146052 = HP printer

+++++

နိဗ္ဗာန်ဈေးပွဲတော်နေ့ ဓာတ်ပုံများ (ဓာတ်ပုံ-ဆရာစိန်)

ကျောင်းသန့်ရှင်းရေးလုပ်အားပေး၊ ကောသမ္ဘီရဟန်းများနှင့် သိတာလေးနဲ့ဆင်ခြင်ပါ

2011-09-19T14:27:00.001-04:00

၂၀၁၁ ခုနှစ်၊ စက်တင်ဘာလ ၁၇ ရက် စနေနေ့
နယူးယောက်မြို့ လောကချမ်းသာဘုရားကျောင်း

... တခါ တခါတော့လည်း သင့်တင့်လျောက်ပတ်စွာ နှလုံးသွင်း မထားတတ်သူတွေက ရှုပ်ပွ မသန့်ရှင်းဖြစ်နေတဲ့ ကျောင်းကို မြင်ပြီး အပြစ်ဆိုတတ်ကြတယ်။ ကျောင်းကိုလာတာ ကုသိုလ်ယူဖို့ ရဖို့ လာတာ၊ အကုသိုလ်ဖြစ်တယ် ရသွားတယ်ဆိုရင် ရည်ရွယ်ရင်းရဲ့ ဆန့်ကျင်ဘက် ဖြစ်သွားတော့တာပေါ့။
ကျောင်းမှာကလည်း ကျောင်းရဲ့ ဝေယျာဝစ္စကိစ္စတွေ သန့်ရှင်းရေးကိစ္စတွေ ဆောင်ရွက်ဖို့ ကပ္ပိယ သတ်သတ်မှတ်မှတ် မရှိပါဘူး။ ကျောင်းက ဘုန်းကြီးတွေပဲ ဆောင်ရွက်နေကြရတာ။ ဘုန်းကြီးတွေမှာလည်း ကျန်းမာရေး မကောင်းသူတွေ ရှိတော့ ဒကာ ဒကာမတွေကိုပဲ အလျင်းသင့်သလို အကူအညီတောင်းရတယ်။ ဒီနေ့လည်း သင်တန်းမစမီဖြစ်ဖြစ်၊ ညနေ တရားပွဲအပြီးဖြစ်ဖြစ် ကျောင်းသန့်ရှင်းရေးကုသိုလ် ယူကြစေလိုတယ် ... ဟု လောကချမ်းသာဆရာတော်က အမိန့်ရှိသဖြင့် ဓမ္မသင်တန်းနှင့် တစ်နာရီတရားမထိုင်မီတွင်လည်းကောင်း၊ ညနေ တရားပွဲအပြီးတွင်လည်းကောင်း ကျောင်းတိုက်သန့်ရှင်းရေး စုပေါင်း လုပ်အားပေးကြသည်။

အဘိဓမ္မာကို အခြေခံမှ သင်ကြားလေ့လာလိုသူများရှိရာ သင်တန်းမစမီ ကြိုတင်ရောက်ရှိလာပြီး သင်ယူလိုသူအား အရှင်ဝဏ္ဏိတက သင်ကြားပေး၏။ အခြေခံမှ စ၍ သင်ကြားလိုသူ များက အောက်တိုဘာလခန့်မှ စ၍ အဘိဓမ္မာ ပထမဆင့်သင်တန်းကို ဖွင့်လှစ် သင်ကြား ပို့ချပေးမည့်အကြောင်းလည်း သိရ၏။

ဓမ္မပဒနှင့် အဘိဓမ္မာသင်တန်းကို အရှင်ဝဏ္ဏိတက မွန်းလွဲ ၃ နာရီခွဲမှ ညနေ ၅ နာရီအထိ သင်ကြား ပို့ချပေးရာ ဓမ္မပဒ ဂါထာအမှတ် ၆၊ ကောသမ္ဘီရဟန်းများအကြောင်းနှင့် အဘိဓမ္မာ စိတ်သရုပ်ခွဲတို့ကို မှတ်သားဖွယ်ရာ အဖြာဖြာတို့ဖြင့် သင်ကြား ပို့ချပေးသွား၏။

ညနေ ၅ နာရီခွဲတွင် လောကချမ်းသာ စနေနေ့ ဆည်းဆာတရားပွဲကို အရှင်ဝိမလက ဟောကြား ချီးမြှင့်ရာ “သိတာလေးနဲ့ ဆင်ခြင်ပါ တရားတော်”ကို ဓမ္မဒါန ပြု၏။

တရားပွဲအပြီးတွင်လည်း ကျောင်းတိုက်သန့်ရှင်းရေးကို စုပေါင်း ဆောင်ရွက်ကြပြန်ရာ ကုသိုလ်မျိုးစုံတိုးသော နေ့တစ်နေ့အဖြစ် ဝမ်းမြောက်ကြရပါသည်။

သာဓု ... သာဓု ... သာဓု။

7th Nibban-Zay at NJ Temple on Sunday 18-Sept-2011

2011-09-12T21:47:00.002-04:00

63 Gordonrs Corner Road, Manalapan, NJ 07726
Sunday 18-September-2011 (9 am to 1 pm)

ရောင်းမည့်သူ	အစားအစာ
ဒေါ်ခင်မေပြုံးမိသားစု	ထောပတ်ထမင်း၊ ဆိတ်သားဟင်း၊ ဟင်းမွှေးမဆလာ
အေဘီဘီအေဝေယျာဝစ္စအဖွဲ့	မုန့်ဟင်းခါး၊ ငါးပိကြော်
ဒေါ်ဂရေ့စ်	မုန်ညှင်းချဉ်
ဦးသန်းဝင်း-ဒေါ်အေးမိသားစု	မန္တလေးပဲကြော်၊ ကော်ပြန့်ကြော်
ဒေါ်မွှေး၊ မခင်လေးမြင့် မိသားစု	နန်းကြီးသုတ်၊ ခေါက်ဆွဲသုတ်၊ စာကလေးခွေ
ဒေါ်စီစီချိုမိသားစု	ချဉ်ပေါင်ကြော်၊ ပဲပြုတ်
ကိုစည်သူ-မခိုင်ခိုင်ကျော်	ဖွာလူဒါ
မစန္ဒရာနှင့်ညီအစ်မများ	အကြော်စုံ
မြန်မာဆရာဝန်များအဖွဲ့	ငါးထမင်းချဉ်
ကိုသက်ဝင်း-မိုးစံအောင်မိသားစု	ရေ၊ ဆိုဒါ
ဦးဘော်ယုံမိသားစု	ကောက်ညှင်းထုပ်မျိုးစုံ
ဦးကေ-ဒေါ်ညိုညိုကြည်မိသားစု	ဒံပေါက်ထမင်းနှင့်ကြက်သားဟင်း
ဒေါ်ခင်မလေးမိသားစု	ဝက်သားတုတ်ထိုး၊ ကြာဆံကြော်၊ သံပုရာရည်
စုစုဌေးမိသားစု	ဆမူဆာသုတ်၊ ကြက်သားကင်
မောင်မောင်သန့်-ငြိမ်းငြိမ်းအေးမိသားစု	တိုဟူးသုတ်
ဒေါ်ညွန့်	အုန်းနို့ခေါက်ဆွဲ
ဒေါ်စန်းရီ	တောင်ငူမုန့်အာလူး၊ အဆင်သင့်စားသုံးနိုင်သော မြန်မာအစားအစာ အခြောက်ထုပ်များ
ကိုထွန်းအေး-ဒင်ပဲယ်မိသားစု	ကော်ပြန့်စိမ်း
မအေးအေးသိန်း၊ ဒေါ်မူမူရှိန်	ရခိုင်မုန့်ဟင်းခါး
ဒေါ်ခင်ခင်ဆွေ	ဆီထမင်းနှင့်ကြက်သားကြော်၊ အန်ကူးမုန့်
မလှရီ	ကြာဆံကြော်၊ ထမင်းပေါင်း
မခင်စန်းတင့်	မြန်မာမှုပစ္စည်းများ
ဦးအောင်ကျော်မိုး-ဒေါ်ဌေးဌေးအောင်မိသားစု	ပုဇွန်ခွက်ကြော်/သုတ်

ဓမ္မာရုံ ယောဂီဆောင် ဆောက်လုပ်ရေး (၁၂-စက်တင်ဘာ-၂၀၁၁)

2011-09-12T21:46:00.000-04:00

မဟာစည်သတိပဋ္ဌာန်ရိပ်သာ(နယူးဂျာစီ)၏ တိုးတက်မှု

2011-09-12T14:15:00.004-04:00

နယူးဂျာစီ မဟာစည် သတိပဋ္ဌာန်ရိပ်သာအတွင်း၌ စေတီတော်နှင့် ကျောင်းဆောင် တည်ဆောက်ရေးလုပ်ငန်းများကို ၂၀၀၅ ခုနှစ်မှ ၂၀၁၀ ခုနှစ်အထိ ပြီးစီးသော လုပ်ငန်းများမှာ -

(၁) စေတီတော်အတွက် ကုန်းတော်မြေဖို့ခြင်း။
(၂) မိုးရေစစ်ကန် တည်ဆောက်ခြင်း။
(၃) ကားရပ်ရန်နေရာ အကြမ်းထည် ဆောက်လုပ်ခြင်း။
(၄) မီးသတ်ပိုက်၊ ရေသန့်ပိုက်လိုင်း မြှုပ်ခြင်း။
(၅) လက်ရှိကျောင်းတွင် မြေထိမ်းနံရံ ဆောက်လုပ်ခြင်း။
(၆) စေတီတော်အောက်ခြေပလ္လင် တည်ခြင်း။
(၇) စေတီတော်အတွက် ပိုင်တိုင်၊ အုတ်မြစ်တိုင် ၁၉-တိုင် ရိုက်သွင်းခြင်း။
(၈) မြေအောက်တွင် မိုးရေထွက်ပိုက်လိုင်းကြီးများ မြှုပ်ခြင်း။
(၉) မြေအောက်လျှပ်စစ်မီးလိုင်းနှင့် လမ်းဘေးဘောင်များ တည်ဆောက်ခြင်း။
(၁၀) ရေပန့်အသစ် တပ်ဆင်ခြင်း၊ မီးသတ်ပိုက်ခေါင်း တပ်ဆင်ခြင်း။
(၁၁) မြေအောက်လျှပ်စစ်မီးကြိုး မြှုပ်ခြင်း၊ မီးတိုင်ကြီး ၇-တိုင် တပ်ဆင်ခြင်း။
(၁၂) ဘုရားအလယ်ပစ္စယံ အကြမ်းထည် တည်ဆောက်ခြင်းတို့ ဖြစ်ပါသည်။

၂၀၁၁ ခုနှစ်တွင် တည်ဆောက်ပြီးသော လုပ်ငန်းများမှာ -

(၁) စေတီတော်၏ အထက်ပစ္စယံတွင် စိန်တောင် ခေါ် ဆင်းတုတော်နှင့်ကျောင်းဆောင်လေးများ တည်ဆောက်ခြင်း။
(၂) စေတီတော်၏ ပလ္လင်တွင် ကနုတ်ပန်းများ တပ်ဆင်ခြင်း။
(၃) အိမ်သာပိုက်လိုင်း ဆက်သွယ်ခြင်း။
(၄) ဓာတ်ငွေ့ပိုက်လိုင်း ဆက်သွယ်ခြင်း။
(၅) ယောဂီကျောင်းဆောင်အတွက် မြေအောက်ခန်းနှင့် ပထမထပ် အကြမ်းထည် ဆောက်လုပ်ခြင်းတို့ ဖြစ်ပါသည်။

စေတီတော်နှင့် ကျောင်းဆောင်သစ်အတွက် တည်ဆောက်ရေးလုပ်ငန်းများကို အရှိန်မပျက် ဆက်လက် ဆောင်ရွက်မည်ဖြစ်ရာ အလှူငွေ များစွာ လိုအပ်နေပါသေးသည်။
ထို့ကြောင့် စေတနာရှင်များအနေဖြင့် စေတီတော်နှင့် ကျောင်းဆောင် ပြီးမြောက်ရန် စေတနာ ထက်သန်စွာဖြင့် ဆက်လက် လှူဒါန်းကြပါရန် မေတ္တာရှေးထား ပန်ကြား နှိုးဆော် တိုက်တွန်းလိုက်ပါသည်။

စေတီတော်တည်ဆောက်ခြင်းလုပ်ငန်းကို ပြည့်စုံအောင် အကောင်အထည် ဖော်လျက်ရှိရာ -

စေတီတော်၏ရင်ပြင် ပတ်လည်တွင် တံတိုင်းအကာအရံ တည်ဆောက်ရန်နှင့် လှေကားအကာအရံတံတိုင်းများ တည်ဆောက်ရန် စီစဉ်နေပါသည်။

စေတီတော်တံတိုင်း အကာအရံတွင် ဗုဒ္ဓဝင်ဖြစ်စဉ်တော်နှင့် မှတ်သားဖွယ်ရာ ဗုဒ္ဓဘာသာ ဆုံးမစာများကို ထည့်သွင်း ပူဇော်ထားမည် ဖြစ်ပါသည်။
အလှူရှင်အမည်များကိုလည်း ထည့်သွင်း ရေးထိုးထားပါမည်။
တံတိုင်းအကာအရံတစ်ခုတွင် မျက်နှာပြင်နှစ်ဘက် ပါရှိမည် ဖြစ်ပါသည်။
ထို့ကြောင့် တစ်စုံလျှင် ဒေါ်လာတစ်ထောင်နှုန်းဖြင့် အလှူခံရန် စီစဉ်နေပါသည်။

တည်ဆောက်မည့် စေတီတော်ရင်ပြင် တံတိုင်းပုံစံမှာ အောက်ပါအတိုင်း ဖြစ်ပါသည်။

စေတီတော်၏ အတွင်းဘက်ပိုင်းရှိ တံတိုင်းပုံစံမှာ အောက်ပါအတိုင်းဖြစ်ပြီး၊ ပုံစံ၏ အလယ်တွင် ဗုဒ္ဓဝင်ရုပ်စုံနှင့် ဗုဒ္ဓဘာသာဆိုင်ရာ မှတ်သားဖွယ်ရာများကို ထည့်သွင်း ပူဇော်မည် ဖြစ်ပါသည်။
ကောင်းမှုရှင်၏အမည်ကို အောက်ခြေတွင် ရေးထိုးထားပါမည်။

စေတီတော်၏အပြင်ဘက်ပိုင်းရှိ တံတိုင်းပုံစံမှာ အောက်ပါအတိုင်း ဖြစ်ပါသည်။

စေတီတော်ရင်ပြင်တံတိုင်းအတွက် နယူးယောက်ကျောင်းတွင်ဖြစ်စေ၊ နယူးဂျာစီကျောင်းတွင်ဖြစ်စေ၊ စာတိုက်မှဖြစ်စေ အလှူငွေလှူဒါန်းပါက အလှူရှင်အမည်ကို အင်္ဂလိပ်အက္ခရာအကြီးဖြင့် ပီသစွာ ရေး၍ pyinnya50@yahoo.com သို့ အကြောင်းကြားစေလိုပါသည်။
အလှူရှင်အမည်ရေးထိုးရာ၌ မှားယွင်းခြင်း မရှိစေရန် ဖြစ်ပါသည်။

အရှင်ပညာသီဟ

ဓမ္မာရုံ ယောဂီဆောင် ဆောက်လုပ်ရေး (၉-စက်တင်ဘာ-၂၀၁၁)

2011-09-09T16:00:00.000-04:00

ဓမ္မဘေရီဆရာတော်၏ ပဋ္ဌာန်းသင်တန်း ဓာတ်ပုံများ (၈-စက်တင်ဘာ-၂၀၁၁)

2011-09-09T12:14:00.003-04:00

ဓမ္မာရုံ ယောဂီဆောင် ဆောက်လုပ်ရေး (၂-စက်တင်ဘာ-၂၀၁၁)

2011-09-02T21:42:00.000-04:00

ဓမ္မာရုံ ယောဂီဆောင် ဆောက်လုပ်ရေး (၁-စက်တင်ဘာ-၂၀၁၁)

2011-09-01T17:28:00.000-04:00

ဓမ္မာရုံ ယောဂီဆောင် ဆောက်လုပ်ရေး (၃၁-သြဂုတ်-၂၀၁၁)

2011-08-31T20:00:00.000-04:00

ဓမ္မဘေရီဆရာတော်၏ ပဋ္ဌာန်းသင်တန်း ဓာတ်ပုံများ (၃၀-သြဂုတ်-၂၀၁၁)

2011-08-31T12:24:00.002-04:00

သီတဂူဆရာတော်ကြီး၏ တရားပွဲ ဓာတ်ပုံများ (၂၉-သြဂုတ်-၂၀၁၁)

2011-08-30T12:17:00.002-04:00

ဓမ္မာရုံ ယောဂီဆောင် ဆောက်လုပ်ရေး (၂၄-သြဂုတ်-၂၀၁၁)

2011-08-25T14:40:00.000-04:00

ဓမ္မာရုံ ယောဂီဆောင် ဆောက်လုပ်ရေး (၂၃-သြဂုတ်-၂၀၁၁)

2011-08-23T17:41:00.000-04:00

လောကချမ်းသာဘုရား (၁၈-သြဂုတ်-၂၀၁၁)

2011-08-19T14:25:00.003-04:00